India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 7, 2025
అది లొట్టపీసు కేసు: KTR
TG: తనపై పెట్టిన కేసులో ఏమీ లేదని, అదో లొట్టపీసు కేసు అని KTR మరోసారి ఆరోపించారు. అవినీతిలో పట్టుబడిన వారికి ప్రతీది అవినీతిలానే కనిపిస్తుందని ఎద్దేవా చేశారు. అవినీతి లేదని తెలిసీ తనపై కేసు పెట్టి కాంగ్రెస్ నేతలు శునకానందం పొందుతున్నారని మండిపడ్డారు. రాజ్యాంగపరంగా తనకున్న హక్కు ప్రకారం హైకోర్టులో క్వాష్ పిటిషన్ వేశానన్నారు. అటు లాయర్లతో ACB విచారణకు వెళ్లేలా అనుమతించాలని రేపు HCకి వెళ్తానన్నారు.
News January 7, 2025
మేము ఎవరినీ టార్గెట్ చేయట్లేదు: మంత్రి పొంగులేటి
TG: కాంగ్రెస్ ప్రభుత్వం ఎవరినీ టార్గెట్ చేయడం లేదని మంత్రి పొంగులేటి శ్రీనివాస్ రెడ్డి స్పష్టం చేశారు. ఎలాంటి తప్పు చేయకపోతే కేటీఆర్ కోర్టుకు ఎందుకు వెళ్లారని ప్రశ్నించారు. తప్పులు చేశారు కాబట్టే అన్నీ బయటపడుతున్నాయని చెప్పారు. జైలుకు వెళ్తే సీఎం అవుతారని అనుకుంటే కేటీఆర్ కంటే కవిత ముందు ఉంటారని చెప్పారు. కొత్త ఏడాదిలో కేటీఆర్‌కు స్పిరిట్ పెరిగిందని సెటైర్లు వేశారు.
News January 7, 2025
3వ ప్లేస్‌కు పడిపోయిన భారత్
ఆస్ట్రేలియా చేతిలో BGT కోల్పోయిన భారత జట్టుకు మరో షాక్ తగిలింది. ICC తాజా ర్యాంకింగ్స్‌లో 3వ స్థానానికి మన టీమ్ పడిపోయింది. 2016 తర్వాత తొలిసారి భారత్ 3వ ప్లేస్‌కు చేరుకుంది. పాకిస్థాన్‌తో రెండో టెస్టులో గెలిచి, సిరీస్‌ను 2-0 తేడాతో క్లీన్‌స్వీప్ చేసి సౌతాఫ్రికా ర్యాంకింగ్స్‌లో రెండో స్థానానికి చేరింది. BGT గెలిచిన ఆసీస్ జట్టు టాప్‌లో కొనసాగుతోంది.
News January 7, 2025
మార్చి నెలాఖరు కల్లా DPRలు రెడీ చేయాలి: రేవంత్
TG: జూబ్లీహిల్స్‌లోని తన నివాసంలో సీఎం రేవంత్ రెడ్డి అధికారులతో సమీక్ష నిర్వహిస్తున్నారు. హైదరాబాద్‌లో మెట్రో విస్తరణ, ఎలివేటెడ్ కారిడార్లు, రేడియల్ రోడ్లు సహా పలు అంశాలపై వారితో చర్చిస్తున్నారు. మార్చి నెలాఖరు కల్లా కొత్త కారిడార్ల DPRలు పూర్తి చేయాలని ఆదేశించారు. ఫ్యూచర్ సిటీ, శామీర్‌పేట్, మేడ్చల్ వరకు మెట్రో కారిడార్లకు ఏప్రిల్ నాటికి టెండర్లు పిలిచేలా కార్యాచరణ రూపొందించాలని సూచించారు.
News January 7, 2025
GATE అడ్మిట్ కార్డులు విడుదల
GATE అడ్మిట్ కార్డులు విడుదలయ్యాయి. అభ్యర్థులు తమ ఎన్‌రోల్‌మెంట్ నంబర్/ఈ-మెయిల్ ఐడీ, పాస్‌వర్డ్ ఎంటర్ చేసి అడ్మిట్ కార్డులు పొందవచ్చు. ఫిబ్రవరి 1, 2, 15, 16 తేదీల్లో జరిగే ఈ పరీక్షను ఐఐటీ రూర్కీ నిర్వహిస్తోంది. మార్చిలో ఫలితాలను ప్రకటించే అవకాశం ఉంది. ఐఐటీ మద్రాస్, ఖరగ్‌పూర్ జోన్ల కింద ఏపీ, తెలంగాణలో పరీక్షలు జరుగుతాయి. అడ్మిట్ కార్డుల కోసం ఇక్కడ <
News January 7, 2025
పుస్తకాల బరువు తగ్గించండి: నారా లోకేశ్
AP: స్కూలు విద్యార్థులకు పాఠ్యపుస్తకాల బరువు తగ్గించాలని అధికారులను మంత్రి నారా లోకేశ్ ఆదేశించారు. నాణ్యతా ప్రమాణాలు పాటించాలని సూచించారు. స్కూలు, ఇంటర్మీడియట్, ఉన్నత విద్యపై అధికారులతో ఆయన సమీక్ష నిర్వహించారు. ఏపీ మోడల్‌ ఎడ్యుకేషన్‌ లక్ష్యంగా సంస్కరణలు చేయాలన్నారు. ఉన్నత విద్యలో క్యూఎస్‌ ర్యాంకింగ్స్‌ లక్ష్యంగా మార్పులు చేపట్టాలని తెలిపారు.
News January 7, 2025
చనిపోతూ ఐదుగురికి ప్రాణం పోసింది
అవయవదానం చేయడం వల్ల ప్రాణాపాయ స్థితిలో ఉన్నవారిని బతికించే అవకాశం ఉంటుంది. అయితే, దీనిపై ప్రభుత్వాలు అవగాహన కల్పించినా చాలా మంది దీనికి ముందుకు రావట్లేదు. తాజాగా మహబూబ్‌నగర్‌కు చెందిన కేశ అలివేల(53) అనే మహిళ నిన్న చనిపోగా ఆమె కుమారుడు అవయవదానం చేసేందుకు అంగీకరించారు. లివర్, రెండు కిడ్నీలు, రెండు కళ్లు డొనేట్ చేసి ఐదుగురికి పునర్జన్మనిచ్చారు. ఈ విషయాన్ని జీవన్ దాన్ వెల్లడించింది.
News January 7, 2025
పెళ్లిలో మందు, డీజే లేకపోతే రూ.21వేల బహుమతి
వివాహాల్లో మద్యం, డీజే సాధారణంగా మారిపోయాయి. వీటితో ఆనందంతో పాటు అవతలి వారికి అసౌకర్యం కూడా ఉంటుంది. ఈ ఇబ్బందిని తగ్గించేలా పంజాబ్‌లోని బఠిండా జిల్లా బల్లా గ్రామ పెద్దలు వినూత్న ఆఫర్ ప్రకటించారు. మద్యం, డీజే లేకుండా పెళ్లి చేసుకున్న వారికి రూ.21వేలు బహుమతిగా ఇస్తున్నారు. వృథా ఖర్చును తగ్గించేందుకే ఈ పథకం ప్రారంభించినట్లు సర్పంచ్ అమర్‌జిత్ కౌర్ తెలిపారు.
News January 7, 2025
బీజేపీ నేతలు వాస్తవాలు తెలుసుకోవాలి: భట్టి
TG: బీజేపీ కార్యాలయంపై కాంగ్రెస్ యువజన కార్యకర్తల దాడి ఘటనపై Dy.CM భట్టి విక్రమార్క స్పందించారు. భారత సంస్కృతి గురించి గొప్పలు మాట్లాడే బీజేపీ నేతలు ప్రియాంకపై చేసిన వ్యాఖ్యలు సిగ్గుపడేలా ఉన్నాయని మండిపడ్డారు. ఆవేశంలో BJP కార్యాలయంపై చేసిన దాడిని పార్టీ పెద్దలంతా ఖండించినట్లు తెలిపారు. కాంగ్రెస్ పార్టీది అహింస సంస్కృతి అన్నారు. దాడి విషయంలో కాషాయ నేతలు వాస్తవాలు తెలుసుకోవాలని హితవు పలికారు.
News January 7, 2025
ఫార్ములా ఈ కేసు.. రేపు విచారణకు అరవింద్
TG: ఫార్ములా ఈ-కారు రేసు కేసులో రేపు కీలక పరిణామం జరగనుంది. అరవింద్ కుమార్ రేపు ACB విచారణకు హాజరుకానున్నారు. ఈ కేసులో A-2గా ఉన్న ఆయన తన పరిధిలోని HMDA నుంచి FEOకు నిధులు బదిలీ చేశారు. KTR ఆదేశాలతోనే నిధులు బదిలీ చేసినట్లు గతంలో అరవింద్ వివరణ ఇవ్వగా, రేపు ఆయన వాంగ్మూలాన్ని అధికారులు నమోదు చేయనున్నారు. ఆయన స్టేట్‌మెంట్ ఆధారంగా KTRను ACB తర్వాత విచారించే అవకాశం ఉంది.
Featured News
Sorry, no posts matched your criteria.