India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 7, 2025
సంక్రాంతికి మరో 4 స్పెషల్ రైళ్లు
సంక్రాంతి రద్దీ దృష్ట్యా SCR మరో 4 స్పెషల్ రైళ్లను ప్రకటించింది. కాకినాడ టౌన్-వికారాబాద్, వికారాబాద్-శ్రీకాకుళం రోడ్, శ్రీకాకుళం రోడ్-చర్లపల్లి, చర్లపల్లి-కాకినాడ టౌన్ మధ్య ఈ నెల 9, 10, 11, 12 తేదీల్లో ఈ రైళ్లు నడవనున్నాయి. చర్లపల్లి-కాకినాడ రైలు వరంగల్, ఖమ్మం, విజయవాడ మీదుగా, మిగతా రైళ్లు నల్గొండ, మిర్యాలగూడ, గుంటూరు మీదుగా నడవనున్నాయి.
News January 7, 2025
వారిద్దరి కారణంగా KCR నష్టపోయారు: ఎంపీ అరవింద్
TG: బీఆర్ఎస్ వర్కింగ్ ప్రెసిడెంట్ KTR, MLC కవితపై BJP MP అరవింద్ విమర్శలు గుప్పించారు. మాజీ CM కేసీఆర్‌కు వారిద్దరూ నష్టం కలిగించారని ఆరోపించారు. ‘పదేళ్ల పాటు ఆ కుటుంబం రాష్ట్రాన్ని దోచుకుంది. కొడుకు, కూతురిని అదుపులో పెట్టకపోతే కేసీఆర్ నష్టపోతారు. తప్పు చేసినవారికి శిక్ష తప్పదు. కేటీఆర్ జైలుకు వెళ్లక తప్పదు. తాము ఇంకా సీఎం, మంత్రులం అనే భ్రమల నుంచి కేసీఆర్, కేటీఆర్ బయటికి రావాలి’ అని సూచించారు.
News January 7, 2025
BREAKING: ప్రణబ్ ముఖర్జీ స్మారకానికి కేంద్రం అనుమతి
మాజీ రాష్ట్రపతి ప్రణబ్ ముఖర్జీ స్మారకానికి కేంద్రం అనుమతించింది. తమ కుటుంబం అడగనప్పటికీ PM మోదీజీ న్యూఇయర్ గిఫ్ట్‌గా దీనిని బహూకరించారని ఆయన కుమార్తె శర్మిష్ఠ అన్నారు. ఆయనకు ధన్యవాదాలు తెలియజేశారు. జనవరి 1నే లేఖ వచ్చినప్పటికీ ప్రభుత్వం ప్రకటించేంత వరకు ఎవరికీ చెప్పలేదన్నారు. ప్రణబ్‌తో అనుబంధాన్ని మోదీ గుర్తు చేసుకున్నారని వివరించారు. మన్మోహన్ సింగ్ స్మారకాన్ని కాంగ్రెస్ వివాదాస్పదం చేసిందన్నారు.
News January 7, 2025
9 మంది RSS స‌భ్యుల‌కు యావ‌జ్జీవ శిక్ష
కేర‌ళ‌లో 19 ఏళ్ల క్రితం నాటి హ‌త్య కేసులో 9 మంది RSS స‌భ్యుల‌కు తలస్సేరి కోర్టు యావ‌జ్జీవ శిక్ష విధించింది. 2005 అక్టోబరు 3న కన్నాపురం చుండాకు చెందిన 25 ఏళ్ల CPM సభ్యుడు రిజిత్ శంకరన్‌ను రాజ‌కీయ వ‌ర్గ‌పోరు వ‌ల్ల RSS కార్యకర్తలు ఆయుధాల‌తో దాడి చేసి హ‌త్య చేశారు. మరో ముగ్గురిని తీవ్రంగా గాయపరిచారు. ఈ కేసులో జనవరి 4న నిందితులను దోషులుగా నిర్ధారించిన తలస్సేరి కోర్టు తాజాగా శిక్ష ఖ‌రారు చేసింది.
News January 7, 2025
ఐసీసీ ‘ప్లేయర్ ఆఫ్ ది మంత్’ రేసులో బుమ్రా
ఐసీసీ ప్రతి నెలా ఉత్తమ ప్రదర్శన చేసిన క్రికెటర్లకు ‘ప్లేయర్ ఆఫ్ ది మంత్’ అవార్డు ఇస్తున్న సంగతి తెలిసిందే. గత నెలకు భారత పేసర్ జస్ప్రీత్ బుమ్రా, ఆస్ట్రేలియా కెప్టెన్ పాట్ కమిన్స్, దక్షిణాఫ్రికా బౌలర్ డేన్ ప్యాటర్సన్‌ను నామినేట్ చేసింది. బోర్డర్ గవాస్కర్ సిరీస్‌లో బుమ్రా 32 వికెట్లతో రాణించగా కమిన్స్ 25 వికెట్లు, 159 పరుగులు చేశారు. ఇక ప్యాటెర్సన్ పాక్‌తో 2 టెస్టుల్లో 13 వికెట్లు పడగొట్టారు.
News January 7, 2025
ఏసీబీ ఆఫీసులో కీలక భేటీ
TG: హైదరాబాద్ ఏసీబీ కార్యాలయానికి బంజారాహిల్స్ పోలీసులు చేరుకున్నారు. ఏసీబీ ఉన్నతాధికారులతో ఏసీపీ, సీఐ, పలువురు సిబ్బంది సమావేశమయ్యారు. KTR క్వాష్ పిటిషన్‌ను హైకోర్టు కొట్టేసిన నేపథ్యంలో తదుపరి కార్యాచరణపై ఏసీబీ అధికారులు కసరత్తు చేస్తున్నారు.
News January 7, 2025
స్టీల్‌ప్లాంట్‌ను కేంద్రం ఆదుకుంటుంది: పురందీశ్వరి
AP: రేపు PM మోదీ వైజాగ్‌లో పర్యటించనున్న నేపథ్యంలో ఆ ఏర్పాట్లను రాష్ట్ర BJP చీఫ్ పురందీశ్వరి పరిశీలించారు. స్టీల్ ప్లాంట్‌ను గాడిలో పెట్టాలని కేంద్రం భావిస్తోందని ఈ సందర్భంగా పేర్కొన్నారు. ‘కూటమి సర్కారు ఏర్పడ్డాక తొలిసారిగా PM విశాఖకు వస్తున్నారు. అనేక అభివృద్ధి కార్యక్రమాల్ని ప్రారంభిస్తారు. వైజాగ్ స్టీల్ ప్లాంట్ కోసం మంచి ప్యాకేజీ ఇవ్వాలని కేంద్రం భావిస్తోంది’ అని వెల్లడించారు.
News January 7, 2025
ఎల్లుండి నుంచి SA టీ20 లీగ్.. స్ట్రీమింగ్ ఎక్కడంటే?
జనవరి 9 నుంచి సౌతాఫ్రికా ప్రీమియర్ T20 క్రికెట్ లీగ్(SA20) సీజన్ 3 జరగనుంది. ఫిబ్రవరి 8 వరకు 34 మ్యాచులు జరగనుండగా డిస్నీ+హాట్ స్టార్‌లో డిజిటల్ స్ట్రీమింగ్ కానున్నాయి. ఇక టీవీల్లో స్టార్ స్పోర్ట్స్ 2, స్పోర్ట్స్18 2లో ప్రసారం కానున్నాయి. తొలి రెండు సీజన్లలో సన్ రైజర్స్ ఈస్టర్న్ విజేతగా నిలిచింది. ఈ ఫ్రాంఛైజీకి ఓనర్ కావ్య మారన్ కావడం గమనార్హం.
News January 7, 2025
ఆస్ప‌త్రిలో చేరిన ప్ర‌శాంత్ కిషోర్
జైలు నుంచి విడుద‌లైన జ‌న్ సురాజ్ ఫౌండ‌ర్ ప్ర‌శాంత్ కిషోర్ డీహైడ్రేష‌న్‌, ఇన్ఫెక్ష‌న్‌తో ఆస్ప‌త్రిలో చేరారు. బిహార్ ప‌బ్లిక్ స‌ర్వీస్ క‌మిష‌న్ ప‌రీక్ష‌ల్ని ర‌ద్దు చేయాల‌ని డిమాండ్ చేస్తూ పట్నాలోని గాంధీ మైదాన్ వద్ద జనవరి 2న ఆయన ఆమ‌ర‌ణ నిరాహార దీక్ష‌కు దిగారు. దీంతో PKను పోలీసులు Mon అరెస్టు చేశారు. తాజాగా ఆయనకు బెయిల్ మంజూరైంది. ఆస్ప‌త్రిలో చేరినా త‌న దీక్ష‌ను కొన‌సాగిస్తాన‌ని PK తెలిపారు.
News January 7, 2025
నిన్నటితో పోలిస్తే బంగారం ఎంత పెరిగిందంటే..
బంగారం ధరలు స్థిరంగా కొనసాగుతున్నాయి. డాలర్ విలువ పెరుగుతుండటమే ఇందుకు కారణం. హైదరాబాద్‌లో 24 క్యారెట్ల గోల్డ్ 10 గ్రాముల ధర రూ.51 పెరిగి రూ.81,789గా ఉంది. 22 క్యారెట్ల ధర రూ.47 ఎగిసి రూ.74,973 వద్ద కొనసాగుతోంది. కిలో వెండి రూ.1000 పెరిగి రూ.1,00,000 వద్ద ఉంది. ప్లాటినం 10 గ్రాముల ధర రూ.70 ఎగిసి రూ.25,740 వద్ద ట్రేడవుతోంది. మరికొన్ని రోజులు ధరలు ఇలాగే కొనసాగొచ్చని నిపుణులు చెప్తున్నారు.
Featured News
Sorry, no posts matched your criteria.