India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News February 7, 2026
Be Careful.. పోర్న్ వీడియోలు చూస్తే జైలుపాలే!
AP: మంచి భవిష్యత్తు కోసం బాటలు వేసుకోవాల్సిన వయసులో పలువురు పోర్న్ వీడియోలకు అలవాటుపడి జీవితాన్ని నాశనం చేసుకుంటున్నారు. చైల్డ్ పోర్న్ వీడియోలు చూసినా, ఇతరులకు షేర్ చేసినా నేరమేననే విషయంపై అవగాహన లేక ఇబ్బందులు పడుతున్నారు. విజయవాడలో గతేడాది ఇలా పోర్న్ చూసిన దాదాపు 700 మందిపై కేసులు నమోదయ్యాయి. ఇలాంటి కేసుల్లో దోషులుగా తేలితే గరిష్ఠంగా ఏడేళ్ల జైలు శిక్ష, రూ.10 లక్షల ఫైన్ విధిస్తారు. Be Careful
News February 7, 2026
ట్రేడ్ డీల్.. మన రైతుకు రక్షణ!
అమెరికాతో ట్రేడ్ డీల్లో పలు వ్యవసాయ ఉత్పత్తులను మినహాయించారు. US నుంచి ఎగుమతయ్యే మొక్కజొన్న, గోధుమ, బియ్యం, సోయా, పౌల్ట్రీ, పాలు, చీజ్, ఇథనాల్(ఫ్యూయల్), పొగాకు, పలు కూరగాయలు, మాంసంపై గతంలో ఉన్న రూల్స్ కొనసాగుతాయి. వీటిపై టారిఫ్ డిస్కౌంట్స్ ఉండవు. US వ్యవసాయ ఉత్పత్తులపై సుంకాలు తగ్గిస్తే భారత రైతులపై పెను ప్రభావం పడుతుందని ఆందోళన వ్యక్తమైంది. ఈ క్రమంలో వ్యవసాయ, పాల ఉత్పత్తులను డీల్లో చేర్చలేదు.
News February 7, 2026
వెనక్కి తగ్గిన ‘జన నాయగన్’ టీమ్?
తమిళ స్టార్ హీరో విజయ్ నటించిన ‘జన నాయగన్’ సినిమా విడుదలకు లైన్ క్లియర్ అయినట్లు తెలుస్తోంది. జనవరి 9న రావాల్సిన ఈ సినిమా సెన్సార్ సమస్యలతో వాయిదా పడిన విషయం తెలిసిందే. అయితే CBFC సూచనల మేరకు పలు మార్పులకు చిత్ర నిర్మాతలు అంగీకరించినట్లు తెలుస్తోంది. దీంతో ఫిబ్రవరి 19 లేదా 20న సినిమా థియేటర్లలోకి వచ్చే అవకాశముందన్న ప్రచారం సాగుతోంది. అధికారిక ప్రకటన కోసం విజయ్ అభిమానులు ఎదురుచూస్తున్నారు
News February 7, 2026
వైభవ్ను అరెస్ట్ చేసి వారిని కాపాడాలని పోస్ట్.. తర్వాత
హరారే వేదికగా నిన్న జరిగిన U-19 WC 2026 ఫైనల్లో చెలరేగి ఆడిన భారత బ్యాటర్ వైభవ్ సూర్యవంశీని అరెస్ట్ చేయాలని ఐస్ల్యాండ్ క్రికెట్ ‘ఎక్స్’లో పోస్ట్ చేసింది. ‘ఎవరైనా వైభవ్ను ఇప్పుడే అరెస్ట్ చేయండి. గ్రౌండ్లో ఇంగ్లండ్ బౌలర్లపై ఈ ఊచకోత ఎక్స్ రేటెడ్’ అని పేర్కొంది. మ్యాచ్ జరుగుతుండగా సరదాగా చేసిన ఈ ట్వీట్ SMలో వైరలైంది. WC విజయం అనంతరం టీమ్ఇండియా, వైభవ్ను అభినందిస్తూ మరో పోస్ట్ పెట్టింది.
News February 7, 2026
T20 క్రికెట్ ఇలా మొదలైంది!
కౌంటీ మ్యాచులకు ఆదరణ తగ్గుతుండటంతో కొత్త ఫార్మాట్ తీసుకురావాలని ఇంగ్లండ్ బోర్డు భావించింది. త్వరగా ముగిసేలా, స్పాన్సర్లను, కొత్త తరం అభిమానులను ఆకర్షించేలా ఉండాలని ఆలోచించింది. ఈ క్రమంలో T20లను ECB మార్కెటింగ్ మేనేజర్ రాబర్ట్సన్ ప్రతిపాదించారు. అలా 2003 జూన్ 13న ENGలో మొదటి T20 కౌంటీ మ్యాచ్ జరిగింది. 2005 Feb 17న NZ, AUS మధ్య తొలి మెన్స్ ఇంటర్నేషనల్ T20 మ్యాచ్ జరిగింది.
*నేటి నుంచి T20 WC
News February 7, 2026
పెరిగిన బంగారం ధరలు
హైదరాబాద్ బులియన్ మార్కెట్లో రెండు రోజులుగా తగ్గుతూ వచ్చిన బంగారం ధరలు ఇవాళ పెరిగాయి. 24 క్యారెట్ల 10 గ్రాముల గోల్డ్ రేటు రూ.2,890 పెరిగి రూ.1,56,600కు చేరింది. అలాగే 22 క్యారెట్ల 10 గ్రాముల పసిడి ధర రూ.2,650 ఎగసి రూ.1,43,550 పలుకుతోంది.
News February 7, 2026
ఆదిత్య హృదయంలో ఏం ఉంటుంది? ఎందుకు చదవాలి?
రామాయణంలో అగస్త్య మహర్షి రాముడికి ఉపదేశించిన స్తోత్రం ఆదిత్య హృదయం. దీన్ని ఆదివారం నాడు చదవడం ఫలప్రదం. ఇందులో 30 శ్లోకాలుంటాయి. మొదటి 14 శ్లోకాలు సూర్యుని ప్రశస్తిని, 15-21 ప్రార్థనను, 22-27 శుభ ఫలితాలను వివరిస్తాయి. ఈ స్తోత్ర పఠనంతో శత్రువులపై విజయం, అనారోగ్య సమస్యల నుంచి ఉపశమనం, దారిద్ర్య విముక్తి లభిస్తాయి. మనశ్శాంతితో పాటు కోరిన కోరికలు నెరవేర్చే శక్తివంతమైన కవచంలా ఇది భక్తులను రక్షిస్తుంది.
News February 7, 2026
పేరెంటింగ్ పద్ధతి మారాలి
ప్రపంచం వేగంగా మారుతోంది. దానికి తగ్గట్లే పేరెంటింగ్ కూడా మారాలంటున్నారు సైకాలజిస్టులు. పిల్లల ప్రవర్తన మనకు కొత్తగా ఉండొచ్చు కానీ అది తప్పు కాదు. పాత తరానికి కొత్త తరానికి మధ్య ఉన్న గ్యాప్ అది. దాన్ని భర్తీ చేయడానికి, పిల్లలతో కనెక్ట్ కావడానికి పేరెంట్స్ ప్రయత్నించాలని చెబుతున్నారు. వారి ఫ్రీక్వెన్సీకి తగ్గట్లు ట్యూన్ అవ్వడానికి పేరెంట్స్ ప్రయత్నిస్తేనే వారిని అర్థం చేసుకోవడం వీలవుతుందంటున్నారు.
News February 7, 2026
ఇకపై విద్యార్థుల ఖాతాల్లోనే డబ్బు జమ
TG: ఫీజు రీయింబర్స్మెంట్ స్కీమ్ కింద ఇప్పటివరకు ప్రభుత్వం కాలేజీల ఖాతాల్లోకి నిధులు జమ చేసేది. ఇకపై పోస్టుమెట్రిక్ చదువుతున్న SC విద్యార్థుల ఖాతాల్లోనే డబ్బు జమ చేయనుంది. కేంద్ర ప్రభుత్వ ఆదేశాలతో అధికారులు ఏర్పాట్లు పూర్తి చేశారు. కేంద్ర వాటా ₹300Cr, రాష్ట్ర వాటా ₹200Crను స్టేట్ నోడల్ ఖాతాలో జమ చేశారు. ఎన్నికల కోడ్ ముగియగానే చెల్లింపులు చేస్తారు. త్వరలో ST విద్యార్థులకూ ఇలాగే జమ చేస్తారు.
News February 7, 2026
భారత మ్యాప్తో పాకిస్థాన్కు షాకిచ్చిన అమెరికా
ఇండియా, అమెరికా మధ్య <<19072293>>వాణిజ్య ఒప్పందం<<>> కుదిరిన విషయం తెలిసిందే. ఈ నేపథ్యంలో US వాణిజ్య ప్రతినిధి ఆఫీసు రిలీజ్ చేసిన భారత మ్యాప్ ఆసక్తికరంగా మారింది. అందులో జమ్మూకశ్మీర్ మొత్తం ఇండియాలో భాగమే అన్నట్లుగా, ఎలాంటి విభజన రేఖ లేకుండా ఉండటం గమనార్హం. POK కూడా భారత్దేనని పరోక్షంగా అంగీకరించి పాక్కు షాకిచ్చింది. కశ్మీర్ ఎప్పటికీ ఇండియాలో అంతర్భాగమనే కేంద్రం వాదనకు బలాన్నిచ్చింది.
Featured News
Sorry, no posts matched your criteria.