India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 21, 2025
హిందీకి వ్యతిరేకంగా పోరాడండి: ఉదయనిధి
కేంద్రం NEET, NEP పేరుతో తమిళ విద్యావ్యవస్థను దెబ్బతీసే ప్రయత్నం చేస్తోందని తమిళనాడు Dy.CM ఉదయనిధి స్టాలిన్ అన్నారు. రాష్ట్ర ఆవిర్భావమే తమిళ భాషతో జరిగిందని చెన్నైలోని ఓ కళాశాలలో జరిగిన సభలో ప్రసంగించారు. 1965లో జరిగిన హిందీ వ్యతిరేక ఉద్యమంలో ఎంతోమంది నిస్వార్థంగా పోరాడి తమిళ భాషను రక్షించారని, ఇప్పుడు ఆ బాధ్యత తీసుకొని హిందీకి వ్యతిరేకంగా నిరసన చేయాలని విద్యార్థులకు పిలుపునిచ్చారు.
News April 21, 2025
BIG BREAKING: పోప్ ఫ్రాన్సిస్ కన్నుమూత
పోప్ ఫ్రాన్సిస్(88) కన్నుమూశారు. కొంతకాలంగా అనారోగ్యంతో బాధపడుతున్న ఆయన వాటికన్ సిటీలోని తన నివాసంలో తుదిశ్వాస విడిచారు. 1936 డిసెంబర్ 17న అర్జెంటీనాలో జన్మించిన ఆయన 2013 మార్చి 13న 266వ పోప్‌గా ఎన్నికయ్యారు. అమెరికా నుంచి పోప్‌గా ఎన్నికైన మొట్టమొదటి వ్యక్తిగా నిలిచారు. ఫిబ్రవరిలో శ్వాసకోశ సమస్యలతో ఆస్పత్రిలో చేరి, ఆ తర్వాత కోలుకున్నారు. పోప్ మృతితో యావత్ క్రైస్తవ సమాజం శోకసంద్రంలో మునిగిపోయింది.
News April 21, 2025
రూ.500 నోటుపై BIG WARNING
మార్కెట్లో నకిలీ రూ.500 నోట్లు చలామణి అవుతున్నట్లు కేంద్ర హోంమంత్రిత్వ శాఖ హెచ్చరించింది. రిజర్వ్ బ్యాంక్ ఆఫ్ ఇండియాలోని రిజర్వ్(RESERVE) అనే చోట E అక్షరం బదులు A ముద్రించారని వెల్లడించింది. చాలా జాగ్రత్తగా పరిశీలిస్తే తప్ప ఈ రూ.500 నోటుపై ఈ తప్పును గమనించలేరని పేర్కొంది. ఈ విషయంపై బ్యాంకులు, ఇతర ఆర్థిక సంస్థలను అప్రమత్తం చేశామని వివరించింది.
SHAREiT
News April 21, 2025
సిద్ధివినాయక ఆలయంలో మస్క్ తల్లి పూజలు
టెస్లా అధినేత ఎలాన్ మస్క్ తల్లి మాయె మస్క్ ప్రస్తుతం భారత్‌లో పర్యటిస్తున్నారు. తాజాగా ఆమె ముంబైలోని ప్రసిద్ధ సిద్ధివినాయక ఆలయాన్ని సందర్శించారు. బాలీవుడ్ నటి జాక్వెలిన్ ఫెర్నాండెజ్‌తో కలిసి వెళ్లిన ఆమె అక్కడ ప్రత్యేక పూజలు చేశారు. కాగా తాను రాసిన ‘ఎ ఉమెన్ మేక్స్ ఎ ప్లాన్’ పుస్తకాన్ని రాజ్‌కమల్ బుక్స్ హిందీలోకి అనువదించింది. ఆ పుస్తకం విడుదల కోసం ఆమె భారత్‌ వచ్చినట్లు తెలుస్తోంది.
News April 21, 2025
పూజా ఖేడ్కర్‌కు సుప్రీం ఆదేశాలు
తప్పుడు ధ్రువపత్రాలతో IASకు ఎంపికైన పూజా ఖేడ్కర్ కేసు విచారణ తీరుపై సుప్రీంకోర్టు తీవ్ర ఆగ్రహం వ్యక్తం చేసింది. మే 2న ఢిల్లీ పోలీసుల ఎదుట హాజరుకావాలని ఆదేశించింది. ఈ కేసులో విచారణ సరిగ్గా జరగడం లేదని అసంతృప్తి వ్యక్తం చేసింది. విచారణ వేగవంతం చేయాలని ఆదేశించింది. కాగా ఆమె ధ్రువపత్రాల విషయం తెలిసి శిక్షణలో ఉండగానే UPSC తొలగించింది.
News April 21, 2025
TGలో ‘రోహిత్ వేముల చట్టం’ తేవాలి.. CMకు రాహుల్ గాంధీ లేఖ
తెలంగాణలో ‘రోహిత్ వేముల చట్టం’ తేవాలని CM రేవంత్‌కు కాంగ్రెస్ అగ్రనేత రాహుల్ గాంధీ లేఖ రాశారు. దళిత విద్యార్థులు కుల వివక్షను ఎదుర్కోకుండా, వారి హక్కుల పరిరక్షణ కోసం ఈ చట్టాన్ని రూపొందించాలని కోరారు. ఇటీవల దీనిపై కర్ణాటక CM సిద్ధరామయ్యకూ రాహుల్ లెటర్ రాశారు. కాగా HCU విద్యార్థి రోహిత్ వేముల 2016లో సూసైడ్ చేసుకోగా, కుల వివక్ష వేధింపులే కారణమని దేశవ్యాప్తంగా నిరసనలు వ్యక్తమైన సంగతి తెలిసిందే.
News April 21, 2025
పౌరసత్వం కేసు.. ఆది శ్రీనివాస్‌కు జరిమానా చెల్లించిన చెన్నమనేని
TG: ప్రభుత్వ విప్ ఆది శ్రీనివాస్‌కు BRS మాజీ MLA చెన్నమనేని రమేశ్ రూ.25లక్షల డీడీని హైకోర్టులో అందించారు. జర్మన్ పౌరసత్వం ఉండి రమేశ్ వేములవాడ ఎమ్మెల్యేగా పోటీ చేశారని గతంలో శ్రీనివాస్ HCని ఆశ్రయించారు. రమేశ్ జర్మన్ పౌరసత్వం నిజమేనని గతేడాది DECలో నిర్ధారించిన కోర్టు, శ్రీనివాస్‌కు రూ.25లక్షలు, న్యాయసేవ ప్రాధికార సంస్థకు రూ.5లక్షలు చెల్లించాలని ఆదేశించింది. దీంతో ఇవాళ రమేశ్ జరిమానా కట్టారు.
News April 21, 2025
రేపటి నుంచి ‘NTR-NEEL’ మూవీ షూటింగ్!
యంగ్ టైగర్ ఎన్టీఆర్, ప్రశాంత్ నీల్ కాంబోలో తెరకెక్కనున్న ‘NTR-NEEL’ సినిమా షూటింగ్ రేపటి నుంచి మొదలు కానుంది. ఈ సందర్భంగా సముద్రపు ఒడ్డున హీరో, డైరెక్టర్ నిల్చొని డిస్కస్ చేస్తోన్న ఫొటోను మేకర్స్ షేర్ చేశారు. ఇండియన్ ఫిల్మ్ ఇండస్ట్రీని తీరాలను దాటిచేందుకు ఇద్దరూ సిద్ధంగా ఉన్నారని ట్వీట్‌లో పేర్కొన్నారు. ఈ చిత్రానికి ‘డ్రాగన్’ అనే టైటిల్‌ను ఫిక్స్ చేసినట్లు సమాచారం.
News April 21, 2025
న్యాయమూర్తుల బదిలీకి కొలీజియం సిఫారసు
ఏపీ, తెలంగాణ, కర్ణాటక హైకోర్టుల నుంచి పలువురు న్యాయమూర్తుల బదిలీకి కొలీజియం సిఫార్సు చేసింది. ఏపీ హైకోర్టు జడ్జి జస్టిస్ కె.మన్మథరావు కర్ణాటక హైకోర్టుకు, తెలంగాణ హైకోర్టు జడ్జి జస్టిస్ సురేందర్ మద్రాస్ హైకోర్టుకు, తెలంగాణ హైకోర్టు జడ్జి జస్టిస్ శ్రీసుధ కర్ణాటక హైకోర్టుకు బదిలీ అయ్యారు. ఏప్రిల్ 15, 19 తేదీల్లో జరిగిన సమావేశాల్లో కొలీజియం నిర్ణయం తీసుకుంది.
News April 21, 2025
రావణుడొచ్చేస్తున్నాడు!
రాముడిగా రణ్‌బీర్ కపూర్, సీతగా సాయిపల్లవి నటిస్తోన్న ‘రామాయణ’ సినిమా చిత్రీకరణ శరవేగంగా సాగుతోంది. రావణుడి పాత్రలో నటిస్తోన్న యష్ ఈ వారంలోనే షూటింగ్‌లో పాల్గొంటారని సినీవర్గాలు తెలిపాయి. అంతకుముందు ఆయన ఉజ్జయినిలోని మహాకాళేశ్వర ఆలయాన్ని సందర్శించారని పేర్కొన్నాయి. ఇప్పటికే ఆయన ‘టాక్సిక్’ సినిమా షూటింగ్ పూర్తిచేసుకున్నట్లు తెలుస్తోంది. ‘రామాయణ’ చిత్రాన్ని నితేశ్ తివారీ తెరకెక్కిస్తున్నారు.
Featured News
Sorry, no posts matched your criteria.