India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 7, 2025
91 లక్షల మందికి ఫ్రీ సిలిండర్లు అందజేత: టీడీపీ
AP: ‘దీపం-2’ పథకం కింద ఇప్పటివరకూ 91 లక్షల ఉచిత గ్యాస్ సిలిండర్లు అందజేసినట్లు టీడీపీ వెల్లడించింది. మొత్తం లబ్ధిదారుల సంఖ్య 1.55కోట్లుగా పేర్కొంది. ఈ ఏడాది మార్చి 31లోపు ఎప్పుడైనా సిలిండర్‌ను బుక్ చేసుకుని మొదటి ఉచిత సిలిండర్‌ను పొందవచ్చని తెలిపింది. 48 గంటల్లోనే సిలిండర్ డబ్బుల్ని జమ చేస్తున్నట్లు పేర్కొంది. ఈ పథకం కింద ఏడాదికి 3 సిలిండర్లు ఉచితంగా ఇస్తున్న సంగతి తెలిసిందే.
News January 7, 2025
రామ్ చరణ్, బాలయ్య సినిమాలపై హైకోర్టులో పిల్
AP: సంక్రాంతికి రానున్న రామ్ చరణ్ ‘గేమ్ ఛేంజర్’, నందమూరి బాలకృష్ణ ‘డాకు మహారాజ్’ సినిమాల టికెట్ ధరల్ని పెంచుకునేందుకు ఏపీ ప్రభుత్వం ఇటీవల అనుమతినిచ్చిన సంగతి తెలిసిందే. ఆ నిర్ణయాన్ని వ్యతిరేకిస్తూ ఏపీ హైకోర్టులో పిల్ దాఖలైంది. అది నిబంధనలకు విరుద్ధమని పిటిషనర్ అందులో పేర్కొన్నారు. ప్రభుత్వం ఇచ్చిన ఉత్తర్వులు రద్దు చేయాలని కోరారు. ప్రతివాదులుగా ఆ రెండు సినిమాల మూవీ టీమ్‌లను చేర్చారు.
News January 7, 2025
విరాట్ కోహ్లీపై రోహిత్ కోచ్ పరోక్ష విమర్శలు
ఆస్ట్రేలియాతో సిరీస్‌‌లో ఫామ్ లేమి కారణంగా ఆఖరి మ్యాచ్‌లో భారత కెప్టెన్ రోహిత్ స్వచ్ఛందంగా జట్టు నుంచి తప్పుకొన్నారు. అయితే ఫామ్‌లో లేనిది రోహిత్ ఒక్కరే కాదు కదా అంటూ ఆయన చిన్ననాటి కోచ్ దినేశ్ లాడ్ కోహ్లీపై పరోక్ష విమర్శలు చేశారు. ‘టీ20 ప్రపంచ కప్ తర్వాత రోహిత్ పూర్తిగా రిటైరై ఉండేవారు. భారత్‌కు టెస్టు ఛాంపియన్ షిప్, వన్డే వరల్డ్‌కప్ అందివ్వడం ఆయన కల. అందుకే కొనసాగుతున్నారు’ అని స్పష్టం చేశారు.
News January 7, 2025
సంక్రాంతి బస్సుల్లో 10% రాయితీ: APSRTC
సంక్రాంతి రద్దీ దృష్ట్యా 7200 స్పెషల్ బస్సులు నడుపుతున్నట్లు APSRTC ప్రకటించింది. రేపటి నుంచి 13 వరకు 3900 స్పెషల్ బస్సులు, హైదరాబాద్ నుంచి 2,153 బస్సులు, బెంగళూరు నుంచి 375 బస్సులు, తిరుగు ప్రయాణాల కోసం 3200 ప్రత్యేక బస్సులు నడుపుతున్నట్లు తెలిపింది. ఈ బస్సుల్లో ఎలాంటి అదనపు ఛార్జీలు వసూలు చేయడం లేదని పేర్కొంది. రానూపోనూ టికెట్లు ఒకేసారి బుక్ చేసుకుంటే 10శాతం రాయితీగా ఇస్తామని వెల్లడించింది.
News January 7, 2025
గాంధీ భవన్ ముట్టడికి బీజేపీ నేతల యత్నం
TG: హైదరాబాద్‌లోని నాంపల్లిలో మరోసారి ఉద్రిక్త పరిస్థితులు నెలకొన్నాయి. కాంగ్రెస్ నేతల దాడిని నిరసిస్తూ బీజేపీ నేతలు గాంధీభవన్ ముట్టడికి యత్నించారు. ఈ క్రమంలో వారిని పోలీసులు నిలువరించే ప్రయత్నం చేశారు. అయినా వారు రోడ్డుపై ఏర్పాటు చేసిన బారికేడ్లను తొలగించి ముందుకు దూసుకెళ్తున్నారు. దీంతో రోడ్డుపై భారీగా ట్రాఫిక్ జామ్ ఏర్పడింది.
News January 7, 2025
భారత్‌లో మైక్రోసాఫ్ట్ 3 బిలియన్ డాలర్ల పెట్టుబడి
భారత్‌లో క్లౌడ్, ఏఐ మౌలికవసతుల విస్తరణకు 3 బిలియన్ డాలర్లు పెట్టుబడిగా పెట్టనున్నట్లు మైక్రోసాఫ్ట్ సీఈఓ సత్య నాదెళ్ల ప్రకటించారు. ‘భారత్‌లో మునుపెన్నడూ లేని స్థాయిలో భారీగా విస్తరించనున్నాం. మా అజూర్ సామర్థ్యాన్ని మరింతగా పెంచనున్నాం. ప్రధానంగా వివిధ ప్రాంతాలకు సంస్థను విస్తరిస్తున్నాం. 2030నాటికి కోటిమందిని ఏఐ నిపుణులుగా మారుస్తాం’ అని స్పష్టం చేశారు.
News January 7, 2025
ఘోర విపత్తు.. 95కి చేరిన మరణాలు
నేపాల్-టిబెట్ సరిహద్దుల్లో సంభవించిన భూకంపంలో మరణాల సంఖ్య భారీగా పెరిగింది. ఈ ప్రకృతి విపత్తు ధాటికి టిబెట్‌లో 95 మంది మరణించినట్లు స్థానిక కథనాలు పేర్కొన్నాయి. మరో 130 మంది గాయపడినట్లు వెల్లడించాయి. గంట వ్యవధిలోనే భూమి ఆరు సార్లు కంపించినట్లు పేర్కొన్నాయి. దీంతో భారీ నష్టం వాటిల్లినట్లు తెలిపాయి.
News January 7, 2025
ఎదురుదెబ్బల నుంచి బలంగా పుంజుకుంటాం: కేటీఆర్
TG: ఫార్ములా-ఈ కారు కేసులో జరుగుతున్న పరిణామాలపై కేటీఆర్ ఆసక్తికర ట్వీట్ చేశారు. ‘మీ అబద్ధాలు నన్ను అడ్డుకోలేవు. మీ ఆరోపణలు నన్ను నాశనం చేయలేవు. మీ కుట్రలు నా నోరు మూయించలేవు. నేటి అడ్డంకులే రేపటి విజయానికి నాంది. నేను న్యాయానికి గౌరవిస్తాను. న్యాయవ్యవస్థపై నమ్మకం ఉంది. నా మాటలు రాసిపెట్టుకోండి. ఎదురుదెబ్బల నుంచి బలంగా పుంజుకుంటాం’ అని రాసుకొచ్చారు.
News January 7, 2025
షమీని ఇక NCAలోనే ఉంచుతారా?: రవిశాస్త్రి
BGTలో షమీని ఆడించకపోవడంపై రవిశాస్త్రి అసంతృప్తి వ్యక్తం చేశారు. షమీ ఆడితే INDకు విజయావకాశాలు ఉండేవని అభిప్రాయపడ్డారు. దేశవాళీ టోర్నీల్లో ఆడిన అతడిని AUSకు ఎందుకు పంపించలేదని ప్రశ్నించారు. అతడి ఫిట్‌నెస్‌పై స్పష్టత ఎందుకు ఇవ్వడం లేదని, ఇంకెన్ని రోజులు NCAలోనే ఉంచుతారని అన్నారు. రవిశాస్త్రి కామెంట్స్‌తో రికీ పాంటింగ్ ఏకీభవించారు. షమీ కొన్ని ఓవర్లు వేసినా బుమ్రాకు మంచి సపోర్ట్ లభించేదని చెప్పారు.
News January 7, 2025
ఆప్ అజెండా ఇదే: కేజ్రీవాల్ కావాలా? వ‌ద్దా?
జైలు నుంచి విడుద‌ల‌య్యాక కేజ్రీవాల్ వ్యూహాత్మ‌కంగా CM ప‌ద‌వికి రాజీనామా చేశారు. నిజాయితీ నిరూపించుకోవడానికే ఆయన రాజీనామా చేశారని ఆప్ చెబుతోంది. ప‌దేళ్లుగా పాలించిన ప్రభుత్వంపై సాధారణంగా ఏర్పడే వ్య‌తిరేక‌త‌ను అధిగ‌మించేలా, ఈ ఎన్నిక‌ల్లో ఢిల్లీ ప్ర‌జ‌ల‌కు కేజ్రీవాల్ కావాలా? వ‌ద్దా? అనేదే ప్రధాన అజెండాగా ఆప్ ప్రచారం చేస్తోంది. మరి ఢిల్లీ ప్రజలు కేజ్రీవాల్‌ను విశ్వసిస్తారా? లేదా? అన్నది వేచిచూడాలి.
Featured News
Sorry, no posts matched your criteria.