India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 7, 2025
డైవర్షన్ పాలిటిక్స్‌లో భాగంగా కేటీఆర్‌పై అక్రమ కేసులు: హరీశ్ రావు
TG: ఫార్ములా-e రేస్ కేసులో KTR క్వాష్ పిటిషన్‌ను హైకోర్టు కొట్టేయడంపై న్యాయ నిపుణులతో చర్చిస్తున్నట్లు హరీశ్ రావు చెప్పారు. ‘ఏడాది పాలన తర్వాత ప్రభుత్వం ప్రజా వ్యతిరేకతను ఎదుర్కొంటోంది. CM రేవంత్ డైవర్షన్ పాలిటిక్స్‌, కక్ష సాధింపులో భాగంగా KTRపై అక్రమ కేసులు నమోదుచేశారు. ఆయన ఎలాంటి అవినీతికి పాల్పడలేదు. ఎన్ని కేసులు పెట్టినా మా పోరాటం ఆగదు. అక్రమాలను ప్రశ్నిస్తూనే ఉంటాం’ అని స్పష్టం చేశారు.
News January 7, 2025
ACB యాక్షన్ ప్లాన్‌పై ఉత్కంఠ
TG: కేటీఆర్ క్వాష్ పిటిషన్‌ను హైకోర్టు కొట్టేయడంతో ACB యాక్షన్ ప్లాన్‌పై ఉత్కంఠ నెలకొంది. ఈ నెల 9న విచారణకు రావాలని ఆయనకు నోటీసులిచ్చింది. కాగా, కోర్టు తీర్పు నేపథ్యంలో అప్పటి వరకు ఆగుతుందా? ముందే చర్యలకు దిగుతుందా? అనేది చర్చనీయాంశమైంది. దీనిపై న్యాయనిపుణులతో ACB చర్చిస్తోంది. ఇవాళ కోర్టు తీర్పు ఇస్తుందని విచారణకు రాలేనని KTR ఏసీబీకి చెప్పగా, అనుమతి ఇచ్చిన విషయం తెలిసిందే.
News January 7, 2025
అది సిద్దరామయ్య ఫేర్‌వెల్ మీటింగే: BJP
కర్ణాటక రాజకీయాలు ఆసక్తికరంగా మారుతున్నాయి. DyCM DK శివకుమార్ లేకుండా CM సిద్దరామయ్య అతిథిగా మంత్రుల మీటింగ్స్ జరుగుతున్నాయి. JAN 2, నిన్న రాత్రి మీటింగ్స్ జరగడంతో కాంగ్రెస్‌లో విభేదాలు మొదలయ్యాయని BJP విమర్శించింది. నిన్న జరిగింది సిద్దూ ఫేర్‌వెల్ మీటింగని ఆరోపించింది. ఒకరికి ఒకే పదవి విధానాన్ని సిద్దూ హైకమాండ్ వద్ద ప్రతిపాదించడంతో DKను PCC చీఫ్‌గా నియమిస్తారని వార్తలు రావడం తెలిసిందే.
News January 7, 2025
విండ్ ఎనర్జీ నైపుణ్యాల కేంద్రంగా AP: మంత్రి
AP: దేశంలోనే అతిపెద్ద విండ్ ఎనర్జీ నైపుణ్యాభివృద్ధి కార్యక్రమాలను ప్రారంభించడానికి సుజ్లాన్ ఎనర్జీ లిమిటెడ్, APSSDC మధ్య ఒప్పందం కుదిరిందని మంత్రి లోకేశ్ వెల్లడించారు. రాబోయే 4 ఏళ్లలో రాష్ట్రాన్ని విండ్ ఎనర్జీ నైపుణ్యాల కేంద్రంగా మార్చడానికి ప్రయత్నిస్తున్నట్లు చెప్పారు. యాంత్రిక, ఎలక్ట్రికల్, బ్లేడ్ టెక్నాలజీ, సివిల్ వంటి రంగాల్లో 12 వేల మందికి శిక్షణనిచ్చి ఉపాధి అవకాశాలను మెరుగుపరుస్తామన్నారు.
News January 7, 2025
KTR అరెస్ట్ తప్పదా? ఈనెల 9న ఏం జరగనుంది?
TG: ఫార్ములా-ఈ రేసుకు సంబంధించి ఏసీబీ కేసును క్వాష్ చేయాలన్న కేటీఆర్ పిటిషన్‌ను హైకోర్టు కొట్టివేసిన సంగతి తెలిసిందే. ఆయనను అరెస్ట్ చేయకుండా ఆదేశాలు ఇవ్వడానికి కోర్టు నిరాకరించింది. మరోవైపు ఈనెల 9న ఏసీబీ విచారణకు కేటీఆర్ హాజరు కావాల్సి ఉంది. ఈ నేపథ్యంలో ఆయన విచారణకు హాజరవుతారా?ఆయనను అధికారులు అరెస్ట్ చేస్తారా? అనేది జనాల్లో చర్చనీయాంశంగా మారింది.
News January 7, 2025
ఆస్కార్ బరిలో ‘కంగువా’, ‘ది గోట్ లైఫ్’
తమిళ స్టార్ నటుడు సూర్య హీరోగా నటించిన ‘కంగువా’ ఆస్కార్ బరిలో నిలిచి అందరినీ ఆశ్చర్యపరిచింది. ఆస్కార్ 2025 పోటీలో నిలిచిన సినిమాల లిస్ట్ రిలీజవగా ఇందులో ‘కంగువా’ చోటు దక్కించుకుంది. దీంతోపాటు పృథ్వీరాజ్ సుకుమారన్ నటించిన ‘ది గోట్ లైఫ్’ కూడా ఆస్కార్ నామినేషన్స్‌ దక్కించుకోవడం విశేషం. అయితే, బాక్సాఫీస్ వద్ద డిజాస్టర్‌గా నిలిచిన ‘కంగువా’ ఆస్కార్ బరిలో ఉండటం ఏంటని కొందరు విమర్శలు చేస్తున్నారు.
News January 7, 2025
కోటి ఎకరాలకు ‘రైతు భరోసా’?
TG: ఈనెల 26 నుంచి ‘రైతు భరోసా’ సాయాన్ని పంపిణీ చేయనున్నట్లు ప్రభుత్వం ప్రకటించింది. యాసంగి సీజన్‌కు సంబంధించి ఎకరానికి ₹6వేల చొప్పున రైతుల ఖాతాల్లో జమ చేయనుంది. సాగు భూములకు మాత్రమే పెట్టుబడి సాయం ఇస్తున్న నేపథ్యంలో దాదాపు కోటి ఎకరాలకు ఈ పథకం అమలయ్యే అవకాశం ఉంది. అంటే ₹5,500 కోట్ల నుంచి ₹6,000 కోట్లు రైతుల ఖాతాల్లో జమ కానున్నాయి. గత ప్రభుత్వం 1.52 కోట్ల ఎకరాలకు పెట్టుబడి సాయాన్ని అందించింది.
News January 7, 2025
నందిగం సురేశ్ బెయిల్ పిటిషన్ తిరస్కరణ
AP: వైసీపీ మాజీ ఎంపీ నందిగం సురేశ్‌కు సుప్రీంకోర్టులో చుక్కెదురైంది. ఆయన దాఖలు చేసిన బెయిల్ పిటిషన్‌ను అత్యున్నత న్యాయస్థానం తిరస్కరించింది. వెలగపూడిలో మరియమ్మ హత్య కేసులో సురేశ్ నిందితుడిగా ఉన్నారు. ప్రస్తుతం ఆయన జైలులో ఉన్న విషయం తెలిసిందే.
News January 7, 2025
ట్రూడో రాజీనామా: బంపరాఫర్ ఇచ్చిన ట్రంప్!
కెనడాపై డొనాల్డ్ ట్రంప్ ప్రెజర్ పెంచుతూనే ఉన్నారు. మరోసారి అమెరికాతో విలీన ప్రతిపాదనను తెరమీదకు తెచ్చారు. ‘USలో 51వ స్టేట్‌గా ఉండటాన్ని చాలామంది కెనడియన్లు ప్రేమిస్తున్నారు. మేమిక భారీ వాణిజ్య లోటు, సబ్సిడీల భారం మోయలేం. ఇది తెలిసే ట్రూడో రాజీనామా చేశారు. కెనడా అమెరికాలో విలీనమైతే టారిఫ్స్, ట్యాక్సులు తగ్గిపోతాయి. రష్యా, చైనా నుంచి సురక్షితంగా ఉండొచ్చు. కలిసిపోతే గొప్ప దేశంగా ఎదగొచ్చు’ అన్నారు.
News January 7, 2025
దొంగలకు కోర్టు అండగా ఉండదు: అద్దంకి దయాకర్
TG: కేటీఆర్ క్వాష్ పిటిషన్ కొట్టేస్తూ హైకోర్టు ఇచ్చిన తీర్పును స్వాగతిస్తున్నట్లు కాంగ్రెస్ అధికార ప్రతినిధి అద్దంకి దయాకర్ అన్నారు. విచారణే వద్దన్న కేటీఆర్ కోర్టుకు ఎలా వెళ్లారు? అని ప్రశ్నించారు. దొంగతనం చేయలేదని నిరూపించుకోవడానికి యత్నాలా అని నిలదీశారు. దొంగలకు కోర్టు అండగా ఉండదని చెప్పడానికి ఇదే నిదర్శనం అని దయాకర్ అన్నారు. మానవ హక్కుల పరిరక్షణకే కోర్టులున్నాయని తెలిపారు.
Featured News
Sorry, no posts matched your criteria.