India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 3, 2025
గిల్‌పై కోహ్లీ ఫ్యాన్స్ ఫైర్!
నిన్నటి మ్యాచులో ఆర్సీబీపై విజయం తర్వాత గుజరాత్ కెప్టెన్ గిల్ చేసిన పోస్ట్ కోహ్లీ ఫ్యాన్స్‌‌కు ఆగ్రహాన్ని తెప్పించింది. మ్యాచ్ అనంతరం ‘అరవడంపై కాదు ఆట మీదే మా ధ్యాసంతా’ అని గిల్ ట్వీట్ చేశారు. అంతకుముందు గిల్ ఔటయ్యాక కోహ్లీ బిగ్గరగా అరుస్తూ సెలబ్రేట్ చేసుకున్నారు. దీనిని ఉద్దేశించే గిల్ పోస్ట్ చేశారని, టీమ్ ఇండియాలో మోస్ట్ ఓవర్ రేటెడ్ ప్లేయర్ ఆయనే అంటూ కోహ్లీ ఫ్యాన్స్ మండిపడుతున్నారు.
News April 3, 2025
BREAKING: సుప్రీంకోర్టు కీలక నిర్ణయం
జడ్జిల ఆస్తుల వివరాలు ప్రజలకు తెలిసేలా కోర్టు వెబ్‌సైట్‌లో పబ్లిష్ చేయనున్నట్లు సుప్రీంకోర్టు వెల్లడించింది. ఏప్రిల్ 1న జరిగిన ఫుల్ కోర్టు మీటింగ్‌లో మొత్తం 33 మంది జడ్జిల అంగీకారంతో ఈ నిర్ణయం తీసుకుంది. ఈ సంస్కరణ సుప్రీంకోర్టుకు భవిష్యత్‌లో వచ్చే జడ్జిలకూ వర్తిస్తుందని తెలిపింది. ఇటీవల జడ్జి యశ్వంత్ వర్మ(ఢిల్లీ హైకోర్టు మాజీ జడ్జి) ఇంట్లో భారీగా నోట్లకట్టలు లభ్యమైన నేపథ్యంలో ఈ నిర్ణయం తీసుకుంది.
News April 3, 2025
ఆ నోళ్లను 10 నెలల్లోనే మూయించాం: లోకేశ్
AP: రాష్ట్రంలో JCB పాలన పోయి, పేదలకు పట్టాలిచ్చే ప్రభుత్వం వచ్చిందని మంత్రి లోకేశ్ అన్నారు. తాను గెలిస్తే మంగళగిరిలోని ఇళ్లు పీకేస్తారంటూ ప్రచారం చేసిన నోళ్లను 10నెలల్లోనే మూయించామని తెలిపారు. ప్రభుత్వ భూముల్లో నివసించే వారికి పట్టాలిచ్చే హామీని తన నియోజకవర్గం నుంచే నెరవేరుస్తున్నట్లు చెప్పారు. తొలి విడత 3వేల ఇళ్ల పట్టాలు అందిస్తామన్నారు. స్వచ్ఛతలో మంగళగిరిని దేశంలోనే నంబర్-1 చేస్తామని చెప్పారు.
News April 3, 2025
ఎమ్మెల్యేలపై అనర్హత పిటిషన్.. తీర్పు రిజర్వ్ చేసిన సుప్రీంకోర్టు
పార్టీ ఫిరాయించిన తెలంగాణ ఎమ్మెల్యేలపై అనర్హత వేటు వేయాలని దాఖలైన పిటిషన్లపై సుప్రీంకోర్టు తీర్పును రిజర్వ్ చేసింది. ప్రభుత్వం, పిటిషనర్ల తరఫు న్యాయవాదుల వాదనల ముగిశాయి. హిమాచల్ ఎమ్మెల్యే రాణా అనర్హత కేసు విషయాన్ని SC ప్రస్తావించగా అది పూర్తిగా విభిన్నమని ప్రభుత్వ న్యాయవాది అభిషేక్ సింఘ్వీ పేర్కొన్నారు. మరోవైపు సుప్రీంకోర్టుకు వచ్చాక న్యాయవాదుల తీరు మారిపోతోందని జస్టిస్ బీఆర్ వ్యాఖ్యానించారు.
News April 3, 2025
TARIFFS: నిర్మానుష్య దీవులనూ ట్రంప్ వదల్లేదు
యూఎస్ ప్రెసిడెంట్ ట్రంప్ ఇవాళ వివిధ దేశాలపై దిగుమతి సుంకాలు విధించిన విషయం తెలిసిందే. అయితే జనావాసాలు లేని ప్రాంతాలను సైతం వదలకపోవడం చర్చనీయాంశమైంది. అంటార్కిటికా సమీపంలోని నిర్మానుష్య అగ్నిపర్వత ఐలాండ్స్‌కూ 10% టారిఫ్స్ విధించారు. ఆ దీవులు కేవలం పెంగ్విన్లు, హిమానీనదాలకు నెలవు. దశాబ్దకాలంగా మనుషులు వెళ్లని ఆస్ట్రేలియా సమీపంలోని హెర్డ్, మెక్‌డొనాల్డ్ ఐలాండ్స్‌‌నూ వదల్లేదు.
News April 3, 2025
బాలరాముడి చెంత సూర్య
స్టార్ బ్యాటర్, టీమ్ ఇండియా టీ20 కెప్టెన్ సూర్యకుమార్ యాదవ్ అయోధ్య రాముడిని దర్శించుకున్నారు. తన భార్యతో కలిసి బాలరాముడి ఆశీర్వాదాలు తీసుకున్నారు. కాగా రేపు లక్నోలో ముంబై-LSG తలపడనున్నాయి.
News April 3, 2025
వంశీ బెయిల్ పిటిషన్‌పై విచారణ వాయిదా
AP: మాజీ ఎమ్మెల్యే, వైసీపీ నేత వల్లభనేని వంశీ బెయిల్ పిటిషన్‌పై హైకోర్టులో ఇవాళ విచారణ జరిగింది. కేసుకు సంబంధించి పూర్తి వివరాలు సమర్పించాలని పోలీసులను ఆదేశించిన కోర్టు.. విచారణను వారం రోజులు వాయిదా వేసింది. దిగువ కోర్టు బెయిల్ నిరాకరించడంతో హైకోర్టులో వంశీ బెయిల్ పిటిషన్ దాఖలు చేసిన విషయం తెలిసిందే. గన్నవరం TDP ఆఫీసుపై దాడి కేసులో అరెస్టైన వంశీ ప్రస్తుతం విజయవాడ జైలులో రిమాండ్‌ ఖైదీగా ఉన్నారు.
News April 3, 2025
BSNL-JIO ఒప్పందం.. కేంద్రానికి రూ.1757కోట్ల నష్టం
JIOకు BSNL బిల్లు వేయని కారణంగా కేంద్ర ప్రభుత్వం రూ.1757.56Cr నష్టపోయిందని కాగ్ పేర్కొంది. CAG రిపోర్ట్ ప్రకారం.. 2014లో రెండు సంస్థల మధ్య మౌలిక సదుపాయాల షేరింగ్‌కు ఒప్పందం జరిగింది. 10ఏళ్లుగా JIO నుంచి ఎలాంటి ఛార్జీలు వసూలు చేయకపోవడంతో ప్రభుత్వ ఆదాయానికి గండి పడింది. Telecom Infrastructure Providersకు చెల్లించిన రెవెన్యూ షేర్ నుంచి లైసెన్స్ ఫీజ్‌ కట్ చేయకపోవడంతో BSNL రూ.38.36Cr నష్టపోయింది.
News April 3, 2025
విదేశాలపై ట్రంప్ టారిఫ్‌లు.. అమెరికన్లపై భారం
అమెరికా అధ్యక్షుడు ట్రంప్ ప్రతీకార టారిఫ్‌లతో ఆ దేశ ప్రజలపై భారం పడనుంది. అగ్రరాజ్యం కాఫీ గింజల నుంచి కార్ల వరకు ఇతర దేశాల నుంచి దిగుమతి చేసుకుంటోంది. తాజా టారిఫ్‌లతో కార్ల ధరలు సగటున 2,500 డాలర్ల వరకు పెరిగే ఛాన్స్ ఉంది. అలాగే, USకు దుస్తులు ఎగుమతి చేస్తున్న చైనా, వియత్నాం, బంగ్లాపైనా టారిఫ్‌లు పెంచడంతో వాటి ధరలూ పెరగనున్నాయి. మద్యం, ఇంధనం, కాఫీ గింజలు, కొన్నిరకాల పండ్ల ధరలు ప్రియం కానున్నాయి.
News April 3, 2025
టారిఫ్స్ పెంచేందుకు కారణమిదే..
అమెరికా ప్రెసిడెంట్ టారిఫ్స్ పెంచడంతో ఆ దేశానికి దిగుమతి అయ్యే వస్తువుల ధరలు పెరగనున్నాయి. దీంతో విదేశీ కంపెనీలు అగ్రరాజ్యానికి వస్తువులను ఎగుమతి చేయడం తగ్గిస్తాయి. ఫలితంగా అమెరికాలో మ్యానుఫ్యాక్చరింగ్ ఇండస్ట్రీలు పెరుగుతాయి. అక్కడి వారికి పెద్ద ఎత్తున ఉద్యోగాలు లభిస్తాయి. కొన్నేళ్ల వరకు ధరలు పెరిగినా ట్రంప్ నిర్ణయం దీర్ఘకాలంలో ఆ దేశానికి మేలు చేస్తుందని విశ్లేషకుల మాట.
Featured News
Sorry, no posts matched your criteria.