India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 26, 2024
స్థానిక సంస్థల ఎన్నికల్లో కాంగ్రెస్‌ను మట్టికరిపిస్తాం: KTR
TG: కొడంగల్‌లోనే కాంగ్రెస్‌పై తిరుగుబాటు మొదలైందని కేటీఆర్ అన్నారు. కొండగల్‌కు చెందిన పలువురు కాంగ్రెస్ నేతలు కేటీఆర్ సమక్షంలో BRSలో చేరారు. ధర్నాలు, రాస్తారోకోలతో రాష్ట్రం అట్టుడుకుతుంటే మంత్రులు విహారయాత్రల్లో ఎంజాయ్ చేస్తున్నారని విమర్శించారు. పదేళ్లు పరుగులు పెట్టిన రాష్ట్ర ఆదాయం తగ్గుతోందని, స్థానిక సంస్థల ఎన్నికల్లో కలిసికట్టుగా పని చేసి కాంగ్రెస్‌ను మట్టికరిపిస్తామని చెప్పారు.
News October 26, 2024
సినిమా ఛాన్స్‌లు రాకపోయినా ప్రశ్నిస్తూనే ఉంటా: ప్రకాశ్ రాజ్
సమాజంలో జరిగే తప్పులను చూస్తూ ఊరుకోలేనని నటుడు ప్రకాశ్ రాజ్ అన్నారు. తాను సినిమా అవకాశాలు కోల్పోయినా ప్రశ్నించడం ఆపనని ఓ ఇంటర్వ్యూలో చెప్పారు. ‘నా కుమారుడి (సిద్ధు) మరణంతో బాధలో కూరుకుపోయా. కానీ నాకు కుటుంబం ఉంది. వృత్తి ఉంది. నాకంటూ మనుషులున్నారు. జీవితం ఉంది. అందుకే తిరిగి నిలబడ్డా. నా టాలెంట్‌ చూసి ప్రజలు ఆదరించారు. వారి ప్రేమ వల్లే ఇంకా నటుడిగా కొనసాగుతున్నా’ అని ఆయన చెప్పుకొచ్చారు.
News October 26, 2024
RTCలో 7,545 ఉద్యోగాలు!
APSRTCలో ఉద్యోగాల భర్తీకి ప్రభుత్వం సిద్ధమైంది. సంస్థలో ఖాళీల వివరాలను ఆర్టీసీ యాజమాన్యం ప్రభుత్వానికి సమర్పించింది. 18 కేటగిరీల్లో 7,545 పోస్టులు ఖాళీగా ఉన్నాయని తెలిపింది. 3,673 రెగ్యులర్ డ్రైవర్, 1,813 కండక్టర్, 579 అసిస్టెంట్ మెకానిక్, శ్రామిక్, 207 ట్రాఫిక్ సూపర్‌వైజర్ ట్రైనీలు, 179 మెకానికల్ సూపర్‌వైజర్ ట్రైనీలు, 280 డిప్యూటీ సూపరింటెండెంట్, 656 జూనియర్ అసిస్టెంట్ పోస్టులు ఉన్నట్లు సమాచారం.
News October 26, 2024
ALTT ఓటీటీపై ఫిర్యాదులు
ALTT ఓటీటీపై చర్యలు తీసుకోవాలని ముంబై పోలీసులకు స‌మాచార మాజీ క‌మిష‌న‌ర్ ఉద‌య్ మ‌హుర్క‌ర్ ఆధ్వ‌ర్యంలోని సేవ్ క‌ల్చ‌ర్‌-సేవ్ భార‌త్ ఫౌండేష‌న్‌ ఫిర్యాదు చేసింది. సదరు OTT అస‌భ్య‌క‌ర కంటెంట్‌ను అందుబాటులోకి తెచ్చి పోక్సో, ఐటీ చ‌ట్టాల్ని ఉల్లంఘిస్తోందని ఫిర్యాదులో పేర్కొంది. లైంగిక-అస‌భ్య‌క‌ర‌మైన కంటెంట్ అందుబాటులో ఉండడమే దేశంలో అత్యాచారాల‌కు ప్ర‌ధాన కార‌ణ‌మ‌ని ఉద‌య్ పేర్కొన్నారు.
News October 26, 2024
GOOD NEWS: ఇంటికే RTC పార్శిళ్లు
పార్శిళ్ల డెలివరీని మెరుగుపరిచేందుకు TGSRTC కీలక నిర్ణయం తీసుకుంది. రేపటి నుంచి ఇంటివద్దకే కార్గో సేవలు అందించనున్నట్లు ఆర్టీసీ ఎండీ సజ్జనార్ ట్వీట్ చేశారు. ముందుగా హైదరాబాద్‌లో పైలట్ ప్రాజెక్టుగా రేపటి నుంచి చేపట్టనున్నట్లు తెలిపారు. త్వరలోనే రాష్ట్రవ్యాప్తంగా ఈ సేవలను అందుబాటులోకి తీసుకురానున్నట్లు పేర్కొన్నారు. ఈ మేరకు డెలివరీ ఛార్జీలను వెల్లడించారు. పైన ఫొటోలో వివరాలు చూడొచ్చు.
News October 26, 2024
స్కిల్ వర్సిటీకి MEIL రూ.200 కోట్లు
TG: యంగ్ ఇండియా స్కిల్ వర్సిటీ నిర్మాణానికి మెగా ఇంజినీరింగ్ ఇన్ఫ్రాస్ట్రక్చర్ లిమిటెడ్(MEIL) ముందుకొచ్చింది. మొత్తం క్యాంపస్ నిర్మాణానికి CSR కింద రూ.200 కోట్లు కేటాయించింది. ప్రపంచ స్థాయి నమూనాలతో నిర్మాణాలు చేయనున్నట్లు తెలిపింది. ఈ మేరకు సీఎం రేవంత్‌ను కలిసి రాష్ట్ర ప్రభుత్వంతో కంపెనీ ప్రతినిధుల బృందం ఒప్పందం చేసుకుంది. ఇప్పటికే వర్సిటీకి అదానీ రూ.100 కోట్ల విరాళం ప్రకటించిన సంగతి తెలిసిందే.
News October 26, 2024
‘జియోహాట్‌స్టార్’ కొత్త ఓనర్స్ ఇద్దరు పిల్లలు!
జియో హాట్‌స్టార్ డొమెయిన్‌ను ఢిల్లీకి చెందిన ఓ టెకీ కొనుగోలు చేసి, తనకు రూ.కోటి ఇవ్వాలని రిలయన్స్‌ను కోరిన సంగతి తెలిసిందే. తాజాగా ఆ డొమెయిన్‌ను అతడు దుబాయ్‌కి చెందిన భారత సంతతి కుటుంబానికి విక్రయించినట్లు సమాచారం. తాము దుబాయ్‌కి చెందిన జైనమ్, జీవిక అనే ఇద్దరు అక్కాతమ్ముళ్లమని వెబ్‌సైట్‌లో సమాచారం కనిపిస్తోంది. వివిధ నేపథ్యాలకు చెందిన పిల్లలతో కనెక్ట్ అవ్వాలనుకుంటున్నామని అందులో పేర్కొన్నారు.
News October 26, 2024
రోహిత్ చెత్త రికార్డు
టీమ్ ఇండియా టెస్టు కెప్టెన్ రోహిత్ శర్మ చెత్త రికార్డును మూటగట్టుకున్నారు. స్వదేశంలో అత్యధిక టెస్టుల్లో ఓటమి పాలైన భారత సారథిగా నిలిచారు. ఇవాళ మ్యాచులో పరాజయంతో కెప్టెన్‌గా రోహిత్ 4 ఓటములు ఖాతాలో వేసుకున్నారు. ఆ తర్వాత స్థానాల్లో గంగూలీ(3), ధోనీ(3), సచిన్(2), ద్రవిడ్(2), కోహ్లీ(2), కుంబ్లే(1) ఉన్నారు.
News October 26, 2024
తిరుపతిలో హోటళ్లకు బాంబు బెదిరింపులు
AP: తిరుపతిలోని ఏడు హోటళ్లకు మరోసారి బాంబు బెదిరింపులు వచ్చాయి. వెంటనే అప్రమత్తమైన పోలీసులు ఆ హోటళ్లను తనిఖీ చేశారు. డాగ్ స్క్వాడ్, బాంబ్ స్క్వాడ్‌తో విస్తృత సోదాలు నిర్వహించారు. మెయిల్స్ ఐపీ అడ్రస్ ఆధారంగా పోలీసులు వివరాలు సేకరిస్తున్నారు. దీనిపై అలిపిరి పోలీస్ స్టేషన్‌లో కేసు నమోదు చేశారు. కాగా నిన్న కూడా తిరుమలలోని రెండు హోటళ్లకు బాంబు బెదిరింపులు వచ్చిన విషయం తెలిసిందే.
News October 26, 2024
ఆ కాల్స్, మెసేజ్‌లను అడ్డుకోండి.. Meta, Xకు కేంద్రం ఆదేశాలు
విమానాల‌కు న‌కిలీ బాంబు బెదిరింపుల క‌ట్ట‌డికి Meta, X సంస్థ‌లకు కేంద్ర ప్రభుత్వం అడ్వైజ‌రీ జారీ చేసింది. ఈ వేదికల ద్వారా బెదిరింపు కాల్స్, సందేశాలకు ఆస్కారం ఇవ్వకుండా చర్యలు తీసుకోవాలని IT శాఖ ఆదేశించింది. దేశ ప్ర‌జ‌ల సంక్షేమం, ఆర్థిక అంశాల‌తో ముడిప‌డిన కార‌ణంగా బెదిరింపు సందేశాల షేరింగ్, రీట్వీట్‌లకు అడ్డుకట్టవేయాలని, ఇలాంటి సందేశాలకు ప్రాధాన్యం ఏర్పడకుండా చర్యలు తీసుకోవాలని స్పష్టం చేసింది.
Featured News
Sorry, no posts matched your criteria.