India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 26, 2024
12 ఏళ్లలో తొలిసారి స్వదేశంలో సిరీస్ ఓటమి
4331 రోజులుగా అనేక మేటి జట్లు భారత గడ్డపై టెస్టు సిరీస్‌ను గెలవలేకపోయాయి. ఈ 12 ఏళ్లలో ఏ దేశానికీ సాధ్యంకాని రికార్డును న్యూజిలాండ్ సాధించింది. 2012 తర్వాత స్వదేశంలో సిరీస్ ఓటమి తెలియని భారత్‌ను సునాయాసంగా ఓడించింది. మూడు మ్యాచుల సిరీస్‌ను మరో మ్యాచ్ మిగిలుండగానే గెలుచుకుంది. న్యూజిలాండ్‌కు భారత్‌లో ఇదే తొలి సిరీస్ విజయం. భారత్‌కు 18 సిరీస్ విజయాల తర్వాత ఇదే తొలి ఓటమి.
News October 26, 2024
ప్రాణ త్యాగం చేసైనా వక్ఫ్ బిల్లును అడ్డుకుంటాం: మౌలానా ఖ‌లీద్
వక్ఫ్ స‌వ‌ర‌ణ బిల్లును అడ్డుకోవడానికి ముస్లిం పర్సనల్ లా బోర్డు సభ్యులు ప్రాణ త్యాగానికైనా సిద్ధమే అని బోర్డు అధ్యక్షుడు మౌలానా ఖ‌లీద్ సైఫుల్లా అన్నారు. ‘ఇది మాకు జీవ‌న్మ‌ర‌ణ సమస్య. ప్ర‌తిపాదిత స‌వ‌ర‌ణ బిల్లు అమలును అడ్డుకొని తీరుతాం. అవసరమైతే ముస్లింలు జైల్ భరో కార్యక్రమాలు చేపడతారు’ అని ఆయన పేర్కొన్నారు. కేంద్ర ప్ర‌భుత్వ‌మే అత్య‌ధికంగా వక్ఫ్ ఆస్తుల‌ను ఆక్ర‌మించిందని మౌలానా ఆరోపించారు.
News October 26, 2024
క్రెడిట్ కార్డులపై బ్యాంకుల దీపావళి ఆఫర్స్
కస్టమర్లకు బ్యాంకులు గుడ్‌న్యూస్ చెప్పాయి. దీపావళి, ధంతేరాస్‌ షాపింగ్ చేసేందుకు క్రెడిట్ కార్డుపై ఆఫర్లు, డిస్కౌంట్లు ఇస్తున్నాయి. ఆన్‌లైన్, ఆఫ్‌లైన్ షాపింగ్, ఎలక్ట్రానిక్ అప్లియెన్సెస్, గోల్డ్ జువెలరీ, మొబైళ్లు, దుస్తుల కొనుగోలుపై ICICI, HDFC, AXIS BANKS, SBI కార్డ్స్ డీల్స్ ప్రకటించాయి. జియో మార్ట్, జొమాటో, స్విగ్గీ, యాపిల్, రిలయన్స్ డిజిటల్, అమెజాన్, మింత్రా, తనిష్క్‌తో టై‌అప్స్ పెట్టుకున్నాయి.
News October 26, 2024
BREAKING: ఘోర రోడ్డు ప్రమాదం.. ఆరుగురు మృతి
AP: అనంతపురం జిల్లాలో జరిగిన ఘోర రోడ్డు ప్రమాదంలో ఆరుగురు మరణించారు. శింగనమల మం. నాయనపల్లి క్రాస్ వద్ద కారు టైర్ పగలడంతో అదుపుతప్పి లారీ కిందకు దూసుకెళ్లింది. ఈ ప్రమాదంలో కారులోని ఆరుగురు అక్కడికక్కడే మృతి చెందారు. మృతులు అనంతపురం ఇస్కాన్ టెంపుల్‌కు చెందిన భక్తులుగా గుర్తించారు. తాడిపత్రిలో నగర కీర్తన వేడుకలో పాల్గొని వస్తుండగా ఈ యాక్సిడెంట్ జరిగింది.
News October 26, 2024
కన్నతల్లిపై కేసు పెట్టిన దౌర్భాగ్యుడు ఉన్నారా?: షర్మిల
AP: ఆస్తి విషయంలో వైసీపీ చీఫ్ జగన్ తమపై కేసు పెట్టడం చూసి చాలా బాధేసిందని రాష్ట్ర కాంగ్రెస్ చీఫ్ వైఎస్ షర్మిల అన్నారు. కన్నతల్లిపై కేసు పెట్టిన దౌర్భాగ్యుడు ఎవరైనా ఉన్నారా అని ప్రశ్నించారు. ‘ప్రతి ఇంట్లో ఇలాంటివి సహజమని అంత సులభంగా ఎలా మాట్లాడుతున్నారు. మీకు మానవత్వం లేదా? మీకు ఎమోషన్స్ లేవా?’ అని జగన్‌ను నిలదీశారు. జగన్ మోచేతి నీళ్లు తాగే వ్యక్తి వైవీ సుబ్బారెడ్డి అని షర్మిల దుయ్యబట్టారు.
News October 26, 2024
పుజారాను వద్దనుకుంటే జట్టులో వీరెందుకు?
NZతో టెస్ట్ సిరీస్‌లో భారత ఆటగాళ్ల ప్రదర్శనపై నెట్టింట విమర్శలు వెలువెత్తాయి. హిట్ మ్యాన్, కింగ్, ప్రిన్స్‌గా పేరొందిన ఆటగాళ్లు కనీసం స్పిన్ ముందు నిలవలేదని కొందరు పోస్టులు చేశారు. పుజారా వంటి ప్లేయర్‌ను స్వదేశంలో జరిగే మ్యాచులకు ఎంపిక చేయనప్పుడు వీరిని ఎందుకు ఎంపిక చేశారని ప్రశ్నిస్తున్నారు. ఒకవేళ భారత జట్టు యువ ప్లేయర్ల కోసం చూస్తే రోహిత్, కోహ్లీ ఇంకా యంగ్ ప్లేయర్లేనా అని ప్రశ్నిస్తున్నారు.
News October 26, 2024
అలాగైతే భారతి కూడా జైలుకు వెళ్లాలి కదా: షర్మిల
AP: ఆస్తులు తనవైతే తాను కూడా జైలుకు వెళ్లాలని వైవీ సుబ్బారెడ్డి అన్నారని, మరి ఆస్తులు భారతివైతే ఆమె కూడా జైలుకు వెళ్లాలిగా అని పీసీసీ చీఫ్ షర్మిల ప్రశ్నించారు. జగన్ మోచేతి నీళ్లు తాగే వ్యక్తి వైవీ అని ఆమె ఘాటు వ్యాఖ్యలు చేశారు. ‘సుబ్బారెడ్డి చెప్పిన విషయాలన్నీ అబద్ధం. నేను చెబుతున్నది పచ్చి నిజం. నేను చెబుతున్నది నిజమని నా బిడ్డలపై ప్రమాణం చేస్తా.. ఆయన కూడా చేస్తారా?’ అని ఆమె ఛాలెంజ్ విసిరారు.
News October 26, 2024
కావాలనే HYDపై విషప్రచారం: భట్టి
TG: హైదరాబాద్‌లో జరుగుతున్న అభివృద్ధిపై కొందరు కావాలనే విష ప్రచారం చేస్తున్నారని Dy.CM భట్టి విక్రమార్క అన్నారు. మంచినీటి సమస్య లేకుండా గోదావరి, కృష్ణ, మంజీరా నదుల నుంచి తాగునీరు అందిస్తున్నట్లు తెలిపారు. మూసీ నిర్వాసితులకు అద్భుతమైన జీవితాన్ని ఇవ్వాలనే సంకల్పంతో ప్రభుత్వం ఉందన్నారు. మరోవైపు ఉద్యోగ సంఘాల JAC నేతలతో భట్టి సమావేశం ముగిసింది. ఇవాళ కనీసం ఒక డీఏ అయినా ప్రకటించే ప్రయత్నం చేస్తామన్నారు.
News October 26, 2024
ఇరాన్‌పై దాడి: జాగ్రత్తపడిన ఇజ్రాయెల్!
ఇరాన్‌పై జరిపిన ప్ర‌తీకార దాడి అంత‌ర్జాతీయ సంఘ‌ర్ష‌ణల‌కు దారి తీయ‌కుండా ఇజ్రాయెల్ జాగ్రత్తపడినట్టు తెలుస్తోంది. ఇరాన్‌కు చెందిన 20 వైమానిక స్థావ‌రాల‌నే టార్గెట్ చేసింది. అక్కడి న్యూక్లియ‌ర్ ప్లాంట్లు, Oil రిఫైన‌రీలను టచ్ చేయలేదు. సార్వ‌భౌమాధికారం గ‌ల దేశంపై దాడి చేస్తే ప్ర‌తిదాడి త‌మ హ‌క్కు అని నిరూపించడానికే Precise Strikes జరిపింది. దాడికి 100 F-35Adir, F-15I Ra’am, F-16I Sufa జెట్‌లను వాడింది.
News October 26, 2024
డెమోక్రాట్లను టెన్షన్ పెడుతున్న మిచిగాన్
7 స్వింగ్ స్టేట్స్‌లో ఒక‌టైన మిచిగాన్ డెమోక్రాట్లను టెన్షన్ పెడుతోంది. ఇక్క‌డ దాదాపు 4 ల‌క్ష‌ల వ‌ర‌కు ఉన్న అర‌బ్ అమెరిక‌న్స్ మిడిల్ ఈస్ట్‌లో యుద్ధ ప‌రిస్థితుల‌ను బైడెన్ నియంత్రించ‌లేక‌పోయారని అసంతృప్తితో ఉన్నారు. 2020 ఎన్నిక‌ల్లో బైడెన్‌కు ప‌ట్టం క‌ట్టిన మిచిగాన్ ఈ సారి బైడెన్, అయ‌న విధానాల‌ను వ్య‌తిరేకించ‌ని క‌మ‌ల‌పై గుర్రుగా ఉన్నారు. దీంతో మిచిగాన్ డెమోక్రాట్లను టెన్షన్ పెడుతోంది.
Featured News
Sorry, no posts matched your criteria.