India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 26, 2024
ఇరాన్‌పై దాడి: జాగ్రత్తపడిన ఇజ్రాయెల్!
ఇరాన్‌పై జరిపిన ప్ర‌తీకార దాడి అంతర్జాతీయ సంఘ‌ర్ష‌ణల‌కు దారి తీయ‌కుండా ఇజ్రాయెల్ జాగ్రత్తపడినట్టు తెలుస్తోంది. ఇరాన్‌కు చెందిన 20 వైమానిక స్థావ‌రాల‌నే టార్గెట్ చేసింది. అక్కడి న్యూక్లియ‌ర్ ప్లాంట్లు, Oil రిఫైన‌రీలను టచ్ చేయలేదు. సార్వ‌భౌమాధికారం గ‌ల దేశంపై దాడి చేస్తే ప్ర‌తిదాడి త‌మ హ‌క్కు అని నిరూపించడానికే Precise Strikes జరిపింది. దాడికి 100 F-35Adir, F-15I Ra’am, F-16I Sufa జెట్‌లను వాడింది.
News October 26, 2024
డెమోక్రాట్లను టెన్షన్ పెడుతున్న మిచిగాన్
7 స్వింగ్ స్టేట్స్‌లో ఒక‌టైన మిచిగాన్ డెమోక్రాట్లను టెన్షన్ పెడుతోంది. ఇక్క‌డ దాదాపు 4 లక్షల వ‌ర‌కు ఉన్న అర‌బ్ అమెరిక‌న్స్ మిడిల్ ఈస్ట్‌లో యుద్ధ ప‌రిస్థితుల‌ను బైడెన్ నియంత్రించ‌లేక‌పోయారని అసంతృప్తితో ఉన్నారు. 2020 ఎన్నిక‌ల్లో బైడెన్‌కు ప‌ట్టం క‌ట్టిన మిచిగాన్ ఈ సారి బైడెన్, అయ‌న విధానాల‌ను వ్య‌తిరేకించ‌ని క‌మ‌ల‌పై గుర్రుగా ఉన్నారు. దీంతో మిచిగాన్ డెమోక్రాట్లను టెన్షన్ పెడుతోంది.
News October 26, 2024
‘సరస్వతి’ భూముల్లో సర్వే
AP: మాజీ CM జగన్‌ కుటుంబానికి చెందిన సరస్వతి పవర్ భూముల్లో ప్రభుత్వం సర్వే చేపట్టింది. పల్నాడు జిల్లాలోని దాచేపల్లి, మాచవరం మండలాల్లో ఉన్న భూముల్లో రెవెన్యూ అధికారులు సర్వే నిర్వహించారు. కాగా వైఎస్ సీఎంగా ఉన్నప్పుడు సరస్వతి పవర్ కంపెనీకి ఎకరా రూ.3 లక్షల చొప్పున 1,515.93 ఎకరాలు కేటాయించారు. ప్రస్తుతం వీటి విలువ రూ.వందల కోట్లలో ఉంటుందని అంచనా. వీటిలో అటవీ భూములు కూడా ఉన్నట్లు వార్తలు వస్తున్నాయి.
News October 26, 2024
‘కూలీ’ తర్వాత తలైవాతో నెల్సన్ సెకండ్ మూవీ
సూపర్ స్టార్ రజినీకాంత్‌తో మరోసారి సినిమా చేసేందుకు నెల్సన్ సిద్ధమయ్యారు. ప్రస్తుతం తలైవా లోకేశ్ కనగరాజ్‌తో కలిసి ‘కూలీ’ సినిమా తీస్తున్నారు. ఈ షూటింగ్ పూర్తికాగానే నెల్సన్ ప్రాజెక్ట్ మొదలవుతుందని సినీవర్గాలు పేర్కొన్నాయి. అయితే, అది కచ్చితంగా ‘జైలర్-2’ అని టాక్ వినిపిస్తోంది. ఇప్పటికే వీరిద్దరి కాంబోలో వచ్చిన ‘జైలర్’ మంచి విజయాన్ని అందుకోగా సీక్వెల్ కోసం ఫ్యాన్స్ ఎదురుచూస్తున్నారు.
News October 26, 2024
కోహ్లీ, రోహిత్‌పై క్రికెట్ ఫ్యాన్స్ ఫైర్!
న్యూజిలాండ్‌తో సిరీస్‌లో విఫలమైన రోహిత్ శర్మ, విరాట్ కోహ్లీపై పలువురు టీమ్‌ఇండియా ఫ్యాన్స్ మండిపడుతున్నారు. అంతర్జాతీయ క్రికెట్ నుంచి వీరిద్దరూ వెంటనే రిటైర్ కావాలంటూ Xలో ట్రెండ్ చేస్తున్నారు. గత కొంతకాలంగా ఈ సీనియర్ ఆటగాళ్లిద్దరూ స్థాయికి తగ్గట్లుగా ఆడట్లేదని, ఇకనైనా యంగ్ ప్లేయర్లకు అవకాశం ఇవ్వాలని అంటున్నారు. NZతో రెండో టెస్టులో రోహిత్ (0, 8), కోహ్లీ (1, 17) తక్కువే స్కోర్లకే వెనుదిరిగారు.
News October 26, 2024
Wikipediaకు డబ్బులివ్వకండి: ఎలాన్ మస్క్
‘వికిపీడియా’కు ఫండింగ్ ఇవ్వొద్దని బిలియనీర్ ఎలాన్ మస్క్ ప్రజలను కోరారు. హార్డ్‌కోర్ లెఫ్టిస్టులు నియంత్రిస్తున్న ఆ ప్లాట్‌ఫామ్ మిస్‌యూజ్ అవుతోందని పేర్కొన్నారు. 40 మంది వికిపీడియా ఎడిటర్లు ఇజ్రాయెల్‌ను తప్పుపడుతూ, ర్యాడికల్ ఇస్లామిస్ట్ గ్రూపులకు మద్దతుగా కోఆర్డినేటెడ్ క్యాంపెయిన్ నడిపిస్తున్నారని US వెబ్‌సైట్ ‘పైరేట్ వైర్స్’ కథనం రాసింది. దానిని ఒకరు షేర్ చేయగా మస్క్ ఇలా స్పందించారు.
News October 26, 2024
బెటాలియన్ పోలీసుల ఆందోళనలపై పోలీస్ శాఖ సీరియస్!
TG: రాష్ట్రంలో బెటాలియన్ పోలీసులు <<14458703>>ఆందోళనలకు<<>> దిగడంపై పోలీస్ శాఖ సీరియస్ అయినట్లు సమాచారం. నిరసనలు చేపట్టిన వారిపై శాఖాపరమైన చర్యలు తీసుకోవాలని నిర్ణయించినట్లు తెలుస్తోంది. ఈ ఆందోళనల వెనుక ప్రభుత్వ వ్యతిరేక శక్తుల హస్తముందని ఉన్నతాధికారులు అనుమానిస్తున్నారు. పోలీసులు ఆందోళన చేపట్టడం క్రమశిక్షణ ఉల్లంఘనేనని, దీన్ని ఎట్టి పరిస్థితుల్లో సహించకూడదని భావిస్తున్నట్లు సమాచారం.
News October 26, 2024
నితీశ్ కుమార్ ఎంపికకు కారణమిదే: కుంబ్లే
ఆస్ట్రేలియాతో జరగనున్న <<14454917>>టెస్టు సిరీస్‌కు<<>> తెలుగు తేజం నితీశ్ కుమార్ రెడ్డిని ఎంపిక చేయడం ఆశ్చర్యపరిచిందని మాజీ క్రికెటర్ అనిల్ కుంబ్లే అన్నారు. అయితే అతని ఆల్‌రౌండర్ నైపుణ్యాన్ని దృష్టిలో పెట్టుకొని చోటు కల్పించి ఉంటారని అభిప్రాయపడ్డారు. నితీశ్ వేగంగా బౌలింగ్ చేయడమే కాకుండా అద్భుతంగా బ్యాటింగ్ చేస్తారని కొనియాడారు. ఈ కారణంతోనే 18 మందితో కూడిన జట్టులో చోటు దక్కించుకొని ఉంటారన్నారు.
News October 26, 2024
నాడు జగనన్న వదిలిన బాణం.. నేడు చంద్రన్న వదిలిన బాణం: అంబటి
ఏపీ కాంగ్రెస్ అధ్యక్షురాలు వైఎస్ షర్మిలపై మాజీ మంత్రి అంబటి రాంబాబు పరోక్షంగా విమర్శలు చేశారు. ‘నాడు జగనన్న వదిలిన బాణం! నేడు చంద్రన్న వదిలిన బాణం! విధి విచిత్రమైనది’ అని ఆయన ట్వీట్ చేశారు. మాజీ సీఎం వైఎస్ జగన్‌ను విమర్శిస్తూ షర్మిల మూడు పేజీల బహిరంగ లేఖ రాయడంతో ఆయన చేసిన ట్వీట్ వైరలవుతోంది.
News October 26, 2024
అరుదైన క్లబ్‌లోకి ఇండియన్ చెస్ ప్లేయర్
యూరోపియన్ చెస్ క్లబ్ కప్‌ లైవ్ రేటింగ్స్‌లో 2800 క్లబ్‌లోకి ప్రవేశించిన భారత చెస్ ప్లేయర్ అర్జున్ ఎరిగైసిని నెటిజన్లు అభినందిస్తున్నారు. ఐదుసార్లు ప్రపంచ ఛాంపియన్ అయిన విశ్వనాథన్ ఆనంద్ తర్వాత ఈ మార్కును దాటిన రెండవ భారతీయుడిగా ఆయన రికార్డులకెక్కారు. ప్రపంచంలోని 16 మంది మాత్రమే ఈ మార్క్‌ను టచ్ చేయగా 14 మంది ఆటగాళ్లు క్లబ్‌లో ఉన్నారు. అర్జున్ తెలంగాణలోని హనుమకొండకు చెందిన వ్యక్తి కావడం విశేషం.
Featured News
Sorry, no posts matched your criteria.