India's largestHyperlocal short
news App
Get daily news updates that are tailored for you based on your preferred language & location.
ఆదిలాబాద్ జిల్లా కేంద్రంలో ముఖ్యమంత్రి రేవంత్ రెడ్డి అధ్యక్షతన జన జాతర కార్యక్రమాన్ని సోమవారం నిర్వహించారు. ఈ సందర్భంగా ఏర్పాటు చేసిన సమావేశంలో సీతక్క మాట్లాడుతూ.. కేంద్రంలోని బీజేపీ ప్రభుత్వం దేవుని పేరు చెప్పి రాజకీయాలు చేస్తుందన్నారు. ప్రతి ఒక్కరికి దేవుని పైన నమ్మకం ఉందన్నారు. గుడిలా పేరు చెబుతూ రాజకీయాలు చేసే బీజేపీకి బుద్ధి చెప్పాలన్నారు. దేవుడు గుడిలో ఉండాలే భక్తి గుండెల్లో ఉండాలని అన్నారు.
ADB జిల్లా కేంద్రంలోని డైట్ కళాశాల మైదానంలో కాంగ్రెస్ ఆధ్వర్యంలో నిర్వహిస్తున్న జనజాతర సభకు సీఎం రేవంత్ రెడ్డి చేరుకున్నారు. ప్రత్యేక హెలికాప్టర్లో హైదరాబాద్ నుంచి ఇందిరా ప్రియదర్శిని స్టేడియానికి వచ్చారు. ఈ సందర్భంగా జిల్లా అధికారులు ఆయనకు స్వాగతం పలికారు. అనంతరం కాన్వాయ్ ద్వారా సీఎం జన జాతర సభకు చేరుకోగా కాంగ్రెస్ నాయకులు ఘనంగా స్వాగతం పలికారు.
నేడు ఆదిలాబాద్ జిల్లా కేంద్రంలో సీఎం రేవంత్ రెడ్డి పర్యటించనున్న విషయం తెలిసిందే. ఈ నేపథ్యంలో రేవంత్ రెడ్డి ప్రసంగం అనంతరం కాంగ్రెస్ పార్టీలో పలువురు చేరనున్నట్లు తెలుస్తోంది. బీఆర్ఎస్ పార్టీకి చెందిన కొంతమంది బీఆర్ఎస్ కౌన్సిలర్లు కాంగ్రెస్ పార్టీ తీర్థం పుచ్చుకొనునట్లు విశ్వసనీయ సమాచారం.
ఉమ్మడి ఆదిలాబాద్ జిల్లాలో సోమవారం నుంచి నాలుగు రోజులుగా వర్షాలు కురుస్తాయని వాతావరణ శాఖ పేర్కొంది. ఈ మేరకు ఆదిలాబాద్, కొమురం భీం, నిర్మల్, మంచిర్యాల జిల్లాలకు ఎల్లో అలెర్ట్ జారీ చేసింది. రేపు వర్షాలతో పాటు గంటకు 30 నుంచి 40 కిలోమీటర్ల వేగంతో ఈదురుగాలులు వీస్తాయని తెలిపింది. దీంతో ప్రజలు అప్రమత్తంగా ఉండాలని అధికారులు కోరుతున్నారు.
దహెగాం మండలం పెసరుంట గ్రామానికి చెందిన జుమిడె కిరణ్ (27) పురుగుమందు తాగి ఆత్మహత్య చేసుకున్నట్లు ఎస్సై కందూరి రాజు తెలిపారు. కిరణ్ కడుపునొప్పితో కొంత కాలంగా బాధపడుతున్నాడు. ఆసుపత్రుల్లో చికిత్స తీసుకున్నా నయం కాలేదు. ఈ క్రమంలో శనివారం ఉదయం సమీప వాగుకు వెళ్లి పురుగుమందు తాగాడు. గమనించిన కుటుంబ సభ్యులు వెంటనే కాగజ్ నగర్ ఆసుపత్రికి తరలించారు. ఆదివారం చికిత్స పొందుతూ మృతి చెందారు.
BJP సిట్టింగ్ స్థానమైన ఆదిలాబాద్, BRS సిట్టింగ్ స్థానమైన పెద్దపల్లి ఎంపీ సీట్లను గెలిచి తీరాలని కాంగ్రెస్ పార్టీ గట్టి పట్టుదలతో ఉంది. ఈ నేపథ్యంలో సీఎం రేవంత్ రెడ్డి నేడు ఆదిలాబాద్లో పర్యటించనున్నారు. ఉదయం 9.45కు బేగంపేట నుంచి హెలికాప్టర్లో ADB బయలుదేరుతారు. 11 గంటలకు డైట్ కళాశాల వద్ద ఏర్పాటు చేసిన సభాస్థలికి చేరుకుంటారు. అనంతరం అక్కడ ప్రసంగించి మధ్యాహ్నం 12.30కు నిజామాబాద్కు పయనం అవుతారు.
మంచిర్యాల ప్రభుత్వ జనరల్ ఆస్పత్రిలో 5 రోజులుగా చికిత్స పొందుతున్న యువకుడు మరుగుదొడ్డిలో పడి మృతి చెందాడు. జయశంకర్ భూపాలపల్లికి చెందిన క్రాంతి(30) ఈ నెల 15న అనారోగ్య సమస్యలతో ప్రభుత్వాస్పత్రికి వచ్చారు. వైద్యులు పరీక్షించి చికిత్స అందిస్తున్నారు. ఆదివారం ఉదయం బాధితుడి బంధువు ఒకరు వచ్చి బలవంతంగా నిద్రలేపి మరుగుదొడ్డికి తీసుకెళ్లారు. అనంతరం మరుగుదొడ్డిలో పడి మృతి చెందారు.
ఆదిలాబాద్ పట్టణంలోని డైట్ కళాశాల మైదానంలో ఏర్పాటు చేసి భారీ బహిరంగ సభలో సీఎం రేవంత్ రెడ్డి పాల్గొననున్నారు. ఆయన ఉదయం 9.15గంటలకు HYDలోని ఆయన స్వగృహం నుంచి బయల్దేరి 9.45గంటలకు బేగంపేట్ ఎయిర్పోర్టుకు చేరుకుంటారు. అక్కడి నుంచి హెలికాప్టర్లో ఉదయం11గం. లకు ఆదిలాబాద్కి రానున్నారు. అక్కడ సభలో పాల్గొన్న అనంతరం మధ్యాహ్నం 11.30 గంటలకు నిజామాబాద్ వెళ్లనున్నారు.
నిర్మల్కు చెందిన డాక్టర్ చంద్రిక మిసెస్ వరల్డ్ ఇంటర్నేషనల్ ఫైనల్ పోటీలకు ఎంపికయ్యారు. హైదరాబాద్లో నిర్వహించిన పోటీల్లో 50 మంది పాల్గొనగా తెలంగాణ నుంచి చంద్రిక పాల్గొని ఫైనల్స్కు అర్హత సాధించారు. మే 28 నుంచి జూన్ 1 వరకు గుర్గావ్, ఢిల్లీలో జరిగే ఫైనల్ పోటీల్లో ఈమె పాల్గొననున్నారు.
ట్రాక్టర్ బోల్తా పడి వ్యక్తికి గాయాలైన ఘటన దిలావర్పూర్ మండలంలో జరిగింది. గుండంపల్లి ఎక్స్ రోడ్డు నుంచి గుండంపల్లి వైపు వెళ్తున్న ట్రాక్టర్ అదుపుతప్పి వరి పొలాల్లోకి వెళ్లి బోల్తా పడినట్లు స్థానికులు తెలిపారు. డ్రైవర్ ట్రాక్టర్ కింద ఇరుక్కుపోవడంతో తీవ్రంగా గాయపడినట్లు వెల్లడించారు. అతడిని బయటకు తీసి ఆసుపత్రికి తరలించినట్లు పేర్కొన్నారు.
Sorry, no posts matched your criteria.