India's largestHyperlocal short
news App
Get daily news updates that are tailored for you based on your preferred language & location.
సదరం ధ్రువీకరణ పత్రం కోసం నూతన, రెన్యువల్ దరఖాస్తుదారుల కోసం ఏప్రిల్, మే, జూన్ నెలకు సంబంధించిన తేదీలు విడుదల చేసినట్లు DRDO సాయన్న ఒక ప్రకటనలో తెలిపారు. ఏప్రిల్ 2 నుంచి జూన్ 19 వరకు మీసేవ కేంద్రాల్లో స్లాట్ బుకింగ్ చేసుకోవాలని తమకు నిర్ణయించిన తేదీల్లో జిల్లా కేంద్రంలోని రిమ్స్ ఆసుపత్రిలోని సదరం క్యాంపులో వైద్య పరీక్షలు చేపించుకోవాలన్నారు. పూర్తి వివరాలకు 8186000940 నంబర్కు సంప్రదించాలన్నారు
కాగజ్ నగర్ బస్టాండ్ సమీపంలో త్రుటిలో పెను ప్రమాదం తప్పింది. ప్రయాణ ప్రాంగణం నుంచి ఆర్టీసీ బస్సు ఆసిఫాబాద్ బయలు దేరగా ఎదురుగా వస్తున్న ద్విచక్ర వాహనం అదుపు తప్పి బస్సు కిందకు పోయింది. బస్సును డ్రైవర్ నిలుపుదల చేయడంతో ఎలాంటి ప్రమాదం జరగలేదు. అక్కడే ఉన్న పలువురు ఇద్దరు యువకులను బయటకు లాగారు. ఈ ఘటనలో ఇద్దరికి స్వల్పగాయాలయ్యాయి.
అసెంబ్లీ ఎన్నికల తర్వాత బీఆర్ఎస్ నుంచి ఆదిలాబాద్లో డీసీసీబీ చైర్మన్ అడ్డి భోజారెడ్డి కాంగ్రెస్లోకి, జడ్పీ ఛైర్మన్ రాథోడ్ జనార్దన్ బీజేపీలోకి చేరిపోయారు. కొంతమంది ద్వితీయ శ్రేణి నాయకులు కూడా పై రెండు పార్టీల్లోకి జంప్ చేశారు. ముధోల్, సిర్పూర్ మాజీ MLAలు కాంగ్రెస్లో చేరారు. మాజీ మంత్రి ఇంద్రకరణ్ రెడ్డి కాంగ్రెస్లో చేరుతారనే ప్రచారం సాగుతుంది. దీని ప్రభావం ఎలా ఉంటుందో చూడాల్సిందే.
ఉమ్మడి ఆదిలాబాద్ జిల్లాలో భానుడు ఠారేత్తిస్తున్నాడు. అత్యధిక ఉష్ణోగ్రతలు ఈ జిల్లాలోనే నమోదవుతున్నాయి. దీంతో వాతావరణ శాఖ అదిలాబాద్, ఆసిఫాబాద్, నిర్మల్, మంచిర్యాల జిల్లాలకు ఆరెంజ్ అలర్ట్ జారీ చేసింది. ఎండల పట్ల ప్రజలు అప్రమత్తంగా ఉండాలని సూచింది. అత్యవసరమైతేనే బయటకు రావాలని పేర్కొంది.
ఉమ్మడి ADB జిల్లాలో ఎండ నుంచి ఉపశమనం పొందేందుకు యువకులు, చిన్నారులు ఈతకొట్టేందుకు బావులు, చెరువులకు వెళ్తున్నారు. నీటిలోతు తెలియక మునిగి మృతి చెందుతున్నారు. గత అయిదేళ్లలో 68 మంది ఈత రాక నీటిలో మునిగి మృతి చెందారు. హోలీ రోజున ఈత రాక 5గురు మృతి చెందారు. కొత్తవారు తప్పనిసరిగా శిక్షకుల సమక్షంలో ఈత నేర్చుకోవాలని పూర్తిగా నేర్చుకున్న తర్వాతే ఒంటరిగా ఈత కొటేందుకు వెళ్లాలని నిపుణులు సూచిస్తున్నారు.
నిర్మల్ జిల్లా బాసర రైల్వే స్టేషన్లో బుధవారం రైలు కింద పడి యువతి, యువకుడు ఆత్మహత్య చేసుకున్న విషయం తెలిసిందే. కాగా వారు ఇద్దరు నిజామాబాద్ నగరానికి చెందిన నందిని(20), శ్రీకాంత్ గా పోలీసులు గుర్తించారు. ఇరువురి మధ్య ఏర్పడిన స్నేహం ప్రేమగా మారింది. కుటుంబ సభ్యులు తమ ప్రేమను కాదంటారని భావించి బాసరకు చేరుకున్నారు. రాత్రి 8.30లకు రైల్వే స్టేషన్ లో రైలు కింద పడి సూసైడ్ చేసుకున్నారు.
వ్యక్తి ఉరేసుకొని ఆత్మహత్య చేసుకున్న ఘటన ఆదిలాబాద్లో జరిగింది. ఎస్ఐ ముజాహిద్ తెలిపిన వివరాల ప్రకారం.. కొత్తగూడకి చెందిన శివయ్య(48) పాల వ్యాపారం చేస్తూ జీవించేవాడు. కొంత కాలంగా అనారోగ్యంతో బాధపడుతూ, మనస్తాపం చెంది గురువారం గ్రామ శివారులోని చెట్టుకు ఉరేసుకొని ఆత్మహత్య చేసుకున్నట్లు తెలిపారు. మృతుడి కుటుంబీకుల ఫిర్యాదు మేరకు కేసు నమోదు చేసినట్లు పేర్కొన్నారు.
సివిల్ సర్వీస్ పరీక్ష కోసం 2024-25 విద్యా సంవత్సర మైనారిటీ అభ్యర్థులకు ఉచిత కోచింగ్ నిర్వహిస్తున్నట్లు ఆదిలాబాద్ DMWO రాజలింగు ఓ ప్రకటనలో తెలిపారు. మహిళా అభ్యర్థులకు 33% సీట్లు, వికలాంగులకు 5 శాతం సీట్లు కేటాయించినట్లు పేర్కొన్నారు. tmreistelangana.cgg.gov.in వెబ్ సైట్లో వచ్చేనెల 12లోపు దరఖాస్తు చేసుకోవాలన్నారు.
ఆదిలాబాద్ ఎస్టీ రిజర్వుడ్ పార్లమెంట్ స్థానానికి బీఎస్పీ నుంచి ఖానాపూర్ నియోజకవర్గ ఇన్ఛార్జ్ బన్సీలాల్ రాథోడ్ బరిలో నిలిచే అవకాశాలు ఉన్నట్లు పార్టీ వర్గాల్లో చర్చ నడుస్తోంది. ఇప్పటికే ప్రధాన పార్టీలు అభ్యర్థులను ప్రకటించాయి. బీజేపీ నుంచి గొడం నగేశ్, బీఆర్ఎస్ నుంచి ఆత్రం సక్కు, కాంగ్రెస్ నుంచి ఆత్రం సుగుణ బరిలో ఉన్న విషయం తెలిసిందే.
ప్రతి చోటా వాతావరణంం.. ఇంటింటికీ వాతావరణం పేరుతో భారత వాతావరణ విభాగం(IMD) ‘పంచాయత్ సేవా మౌసం యాప్’ను ప్రారంభించింది. ఈ యాప్ ద్వారా నేరుగా ఇంటి నుంచే వాతావరణ సమాచారాన్ని తెలుసుకోవచ్చు. ఈ సేవలు 12 భాషల్లో దేశవ్యాప్తంగా అందుబాటులో ఉన్నాయి. ఎండల తీవ్రత, రానున్న రోజుల్లో ఉష్ణోగ్రతలు, వడగాల్పులు పెరగనుండటంతో దీని ద్వారా ముందస్తుగా సమాచారం తెలుసుకోవచ్చు. కాగా, ఈ యాప్ ప్లే స్టోర్లో అందుబాటులో ఉంది.
Sorry, no posts matched your criteria.