• Download our app

Adilabad

News March 30, 2024

నిర్మల్: వృద్ధురాలి మెడలో నుంచి బంగారు గొలుసు అపహరణ

image

నిర్మల్ పట్టణంలో ఓ వృద్ధురాలి మెడలో నుంచి దుండగుడు బంగారం గొలుసు అపహరించుకుపోయాడు. సారంగాపూర్ మండలానికి చెందిన ఓ వృద్ధురాలు శుక్రవారం నిర్మల్ బస్ స్టాండ్ లో బస్ కోసం ఎదురుచూస్తోంది. ఓ వ్యక్తి అదును చూసి ఆమె మెడలోని బంగారు ఆభరణం అపహరించి పారిపోయాడు. బస్ స్టాండ్ గోడ దూకి తప్పించుకునే యత్నంలో స్థానికులు పట్టుకొని దేహశుద్ధి చేసారు. పోలీస్ లకు అప్పగించారు. పూర్తి వివరాలు తెలియాల్సి ఉంది.

News March 30, 2024

చెన్నూర్: రోడ్డు ప్రమాదంలో వ్యక్తి దుర్మరణం

image

చెన్నూరు పట్టణంలో గురువారం రాత్రి జరిగిన రోడ్డు ప్రమాదంలో తీవ్రంగా గాయపడ్డ బజ్జూరి రాజన్న అనే వ్యక్తి శుక్రవారం మృతి చెందారు. భార్య పద్మతో కలిసి గురువారం పంట చేనుకు వెళ్లి బైక్ పై ఇంటికి తిరిగి వస్తుండగా కడారి సంతోష్ అనే వ్యక్తి ద్విచక్ర వాహనంపై వస్తూ స్థానిక గోదావరి చౌరస్తా వద్ద ఢీకొట్టడంతో తీవ్రంగా గాయపడ్డాడు.ఈ మేరకు కేసు నమోదు చేసి దర్యాప్తు చేస్తున్నట్లు ఎస్సై వెంకటేశ్వర్ రావు తెలిపారు.

News March 30, 2024

నేరడిగొండ: కొడుకు వేధింపులు.. తండ్రి సూసైడ్

image

ఆదిలాబాద్ జిల్లాలో విషాదం చోటుచేసుకుంది. కొడుకు వేధింపులు తాళలేక తండ్రి ఆత్మహత్యే చేసుకున్నాడు. నేరడిగొండ మండలం రాజుల తండాకు చెందిన నూరిసింగ్ (60)కు ఇద్దరు భార్యలు. రెండో భార్య కుమారుడు అంకుశ్ పెళ్లి చేసుకొని విడిగా ఉంటున్నాడు. ఆస్తిలో వాటా ఇవ్వాలంటూ తండ్రిని నిత్యం వేధించేవాడు. దీంతో నూరిసింగ్ పొలం వద్ద పురుగు మందు తాగి ఆత్మహత్య చేసుకున్నాడు. కేసు నమోదు చేసుకున్నట్లు ఎస్సై వెల్లడించారు.

News March 30, 2024

MNCL: హస్తం గూటికి మాజీ ఎమ్మెల్యే అరవింద రెడ్డి

image

మంచిర్యాల మాజీ ఎమ్మెల్యే, బీఆర్ఎస్ సీనియర్ నేత గడ్డం అరవింద రెడ్డి కాంగ్రెస్ పార్టీలో చేరడం ఖాయమైంది. రెండు, మూడు రోజులుగా ఊహాగానాలు వస్తున్నా ఆయన నుంచి అధికారికంగా ప్రకటన రాలేదు. మాజీ మంత్రి ఇంద్రకరణ్ రెడ్డితో కలిసి రాజ్యసభ సభ్యుడు కేశవరావుతో ఆయన చర్చలు జరిపారు. కేకే బీఆర్ఎస్ కు రాజీనామా చేస్తున్నట్లు ప్రకటించి శుక్రవారం సీఎం రేవంత్ రెడ్డిని కలవడంతో అరవిందరెడ్డి సైతం కాంగ్రెస్ లో చేరడం ఖరారైంది.

News March 29, 2024

MNCL: మాజీ మంత్రి కొప్పుల ఈశ్వర్ హాట్ కామెంట్స్

image

కాంగ్రెస్ పార్టీపై మాజీ మంత్రి కొప్పుల ఈశ్వర్ కీలక వ్యాఖ్యలు చేశారు. ‘పెద్ద షాక్, వాడు పోయిండు, వీడు పోయిండు అని ఒకటే ఊదరగొడుతుండ్రు.. ఇది శిశిర రుతువు.. పనికిరాని ఆకులన్నీ చెత్తకుప్పలోకి పోతయ్.. మూలం మాత్రం స్థిరంగా ఉంటుంది. మళ్ళీ చైత్రం వస్తది. కొత్త ఆకులు చిగురిస్తాయి. మూలం నుంచి శక్తిని అందుకొని విజృంభిస్థాయి’ అన్నారు. ఇది ప్రకృతి సహజమని, ప్రతిదానికి షాక్ అయితే ఎలా అని పేర్కొన్నారు.

News March 29, 2024

నిర్మల్: అనారోగ్య కారణాలతో యువతి ఆత్మహత్య

image

అనారోగ్యంతో విసిగిపోయి ఓ యువతి ఆత్మహత్య చేసుకున్న ఘటన నిర్మల్ జిల్లా సారంగాపూర్ మండలం కౌట్ల(బి) గ్రామంలో శుక్రవారం చోటు చేసుకుంది. గ్రామానికి చెందిన అలగొండ విజయలక్ష్మి(20) బీడీ కార్మికురాలిగా పనిచేసేది. గత ఆరేళ్లుగా అనారోగ్యంతో బాధపడుతోంది. దీంతో విసుగుచెందిన ఆమె ఇంట్లో దూలానికి చున్నీతో ఉరేసుకొని చనిపోయినట్లు SI చంద్రమోహన్ తెలిపారు. కుటుంబీకుల ఫిర్యాదు మేరకు కేసు నమోదు చేసినట్లు పేర్కొన్నారు.

News March 29, 2024

కాసిపేట: అల్యూమినియం దొంగతనం.. ఫిర్యాదు

image

కాసిపేట మండలం దేవాపూర్ పోలీస్ స్టేషన్ పరిధిలోని వెంకటాపూర్ శివారులోని ట్రాన్స్ఫార్మర్ నుంచి 23 కిలోల అల్యూమినియం దొంగతనానికి గురైందని ఏఈ స్వర్ణలత ఫిర్యాదు చేసినట్లు ఎస్సై ఆంజనేయులు తెలిపారు. ఎస్సై మాట్లాడుతూ.. ట్రాన్స్ఫార్మర్ నుంచి గుర్తుతెలియని వ్యక్తులు 23 కిలోల అల్యూమినియం అపహరించారని ఫిర్యాదు చేయడంతో కేసు నమోదు చేసి దర్యాప్తు చేస్తున్నట్లు ఎస్సై వివరించారు.

News March 29, 2024

సదరం క్యాంపును సద్వినియోగ పరుచుకోవాలి: DRDO సాయన్న

image

సదరం ధ్రువీకరణ పత్రం కోసం నూతన, రెన్యువల్ దరఖాస్తుదారుల కోసం ఏప్రిల్, మే, జూన్ నెలకు సంబంధించిన తేదీలు విడుదల చేసినట్లు DRDO సాయన్న ఒక ప్రకటనలో తెలిపారు. ఏప్రిల్ 2 నుంచి జూన్ 19 వరకు మీసేవ కేంద్రాల్లో స్లాట్ బుకింగ్ చేసుకోవాలని తమకు నిర్ణయించిన తేదీల్లో జిల్లా కేంద్రంలోని రిమ్స్ ఆసుపత్రిలోని సదరం క్యాంపులో వైద్య పరీక్షలు చేపించుకోవాలన్నారు. పూర్తి వివరాలకు 8186000940 నంబర్‌కు సంప్రదించాలన్నారు

News March 29, 2024

కాగజ్ నగర్: రోడ్డు ప్రమాదంలో ఇద్దరికీ స్వల్ప గాయాలు

image

కాగజ్ నగర్ బస్టాండ్ సమీపంలో త్రుటిలో పెను ప్రమాదం తప్పింది. ప్రయాణ ప్రాంగణం నుంచి ఆర్టీసీ బస్సు ఆసిఫాబాద్ బయలు దేరగా ఎదురుగా వస్తున్న ద్విచక్ర వాహనం అదుపు తప్పి బస్సు కిందకు పోయింది. బస్సును డ్రైవర్ నిలుపుదల చేయడంతో ఎలాంటి ప్రమాదం జరగలేదు. అక్కడే ఉన్న పలువురు ఇద్దరు యువకులను బయటకు లాగారు. ఈ ఘటనలో ఇద్దరికి స్వల్పగాయాలయ్యాయి.

News March 29, 2024

ADB: BRS నుంచి వలసలు.. ఎన్నికల్లో ప్రభావం పడేనా?

image

అసెంబ్లీ ఎన్నికల తర్వాత బీఆర్‌ఎస్‌ నుంచి ఆదిలాబాద్‌లో డీసీసీబీ చైర్మన్‌ అడ్డి భోజారెడ్డి కాంగ్రెస్‌లోకి, జడ్పీ ఛైర్మన్ రాథోడ్‌ జనార్దన్‌ బీజేపీలోకి చేరిపోయారు. కొంతమంది ద్వితీయ శ్రేణి నాయకులు కూడా పై రెండు పార్టీల్లోకి జంప్‌ చేశారు. ముధోల్, సిర్పూర్ మాజీ MLAలు కాంగ్రెస్‌లో చేరారు. మాజీ మంత్రి ఇంద్రకరణ్‌ రెడ్డి కాంగ్రెస్‌లో చేరుతారనే ప్రచారం సాగుతుంది. దీని ప్రభావం ఎలా ఉంటుందో చూడాల్సిందే.

Featured News

Sorry, no posts matched your criteria.

↑