India's largestHyperlocal short
news App
Get daily news updates that are tailored for you based on your preferred language & location.
download Way2News app now
Adilabad
News August 13, 2024
ADB: తప్పులు లేకుండా ఓటర్ల జాబితాను తయారు చేయాలి: కలెక్టర్
ఆదిలాబాద్ ZP సమావేశ మందిరంలో ఎంపీడీవోలు, ఎంపీవో లు, పంచాయతీ కార్యదర్శులతో నిర్వహించిన శిక్షణ శిబిరానికి కలెక్టర్ రాజర్షిషా పాల్గొన్నారు. రాబోయే గ్రామపంచాయతీ ఎన్నికలు నిర్వహించడానికి ఎలాంటి తప్పులు లేని వార్డుల వారీగా గ్రామపంచాయతీ ఓటర్ల జాబితాను తయారు చేయటానికి శిక్షణ కార్యక్రమాన్ని నిర్వహిస్తున్నట్లు తెలిపారు. రాబోయే రోజుల్లో నిరంతర ప్రక్రియగా స్వచ్ఛదనం పచ్చదనం కొనసాగాలన్నారు.
News August 13, 2024
మందమర్రి: ఇంటర్ డిస్ట్రిక్ట్ ఫుట్‌బాల్ బాలికల జట్టు ఎంపిక పోటీలు
మందమర్రిలోని సింగరేణి హైస్కూల్ గ్రౌండ్‌లో సోమవారం ఇంటర్ డిస్ట్రిక్ట్ బాలికల ఫుట్‌బాల్ ఎంపిక పోటీలు నిర్వహించారు. ఈ పోటీలకు ఉమ్మడి ఆదిలాబాద్ జిల్లా నుంచి క్రీడాకారులు హాజరు కాగా జిల్లా జట్టును ఎంపిక చేశారు. ఈనెల 16, 17, 18 తేదీలలో నిజామాబాద్ జిల్లాలో జరిగే తెలంగాణ రాష్ట్రస్థాయి ఫుట్‌బాల్ ఛాంపియన్ షిప్‌లో పాల్గొంటారని ఉమ్మడి జిల్లా ఫుట్‌బాల్ అసోసియేషన్ సెక్రెటరీ రఘునాథరెడ్డి తెలిపారు.
News August 12, 2024
ఆదిలాబాద్: పరీక్షల్లో మెరిసిన శుభాంగి
ఆదిలాబాద్ ప్రభుత్వ సైన్స్ డిగ్రీ కళాశాల BZC విద్యార్థిని శుభాంగి అగర్వాల్ సీపీ గెట్ పీజీ ఫలితాల్లో ఏకంగా ఏడు సబ్జెక్టుల్లో ఉత్తమ ర్యాంకులు సాధించి చరిత్ర సృష్టించింది. వృక్షశాస్త్రంలో 6వ ర్యాంకు, హిందీలో 25, జంతు శాస్త్రంలో 27, ఆంగ్లంలో 57, జర్నలిజంలో 107, ఆర్థిక శాస్త్రంలో 117, రసాయన శాస్త్రం లో 1713 ర్యాంకులు సాధించి ఔరా అనిపించింది. సోమవారం కళాశాలలో శుభాంగిని, తండ్రిని సన్మానించారు.
News August 12, 2024
ముధోల్: ‘నా భర్తను స్వదేశానికి రప్పించండి’
కువైట్ దేశంలో చిక్కుకున్న ముధోల్ మండలం వాసి రాథోడ్ నాందేవ్‌ను స్వదేశానికి తిరిగి తెచ్చే విధంగా చర్యలు చేపట్టాలని పాస్ పోర్ట్, ఇమ్మిగ్రేషన్ అధికారి అమిత్ కుమార్‌ను హైదరాబాద్‌లో బాల్కొండ మాజీ ఎమ్మెల్యే ఆధ్వర్యంలో బాధితుడి కుటుంబ సభ్యులు కలిశారు. క్లీనింగ్ అని చెప్పి ఏజెంట్ కువైట్ దేశానికి పంపించడంతో అక్కడ ఎడారిలో ఒంటెలు మేపుతూ భర్త ఇబ్బందుల పాలవుతున్నాడు అని ఆమె వాపోయారు.
News August 12, 2024
ఆదిలాబాద్ జిల్లాలో విద్యావలంటీర్లు అవసరం..!
ఉపాధ్యాయుల కొరతతో కొట్టుమిట్టాడుతున్న ప్రభుత్వ బడుల్లో అకాడమిక్ ఇన్‌స్ట్రక్టర్ల పేరిట విద్యావాలంటీర్ల నియామకాలకు ప్రభుత్వం అనుమతి ఇస్తోంది. ఇప్పటికే నారాయణపేట, వికారాబాద్ జిల్లాల కలెక్టర్ల ప్రతిపాదనలకు ఆమోదం లభించింది. ఈనేపథ్యంలో ఆదిలాబాద్ జిల్లాలోనూ VVల అవసరం ఎంతో ఉంది. ఈ విషయాన్ని కలెక్టర్ ప్రభుత్వ దృష్టికి తీసుకెళ్లి తగు ప్రతిపాదనలు పంపించాలని నిరుద్యోగులు కోరుతున్నారు.
News August 12, 2024
ఆదిలాబాద్: ఓపెన్ DEGREE ప్రవేశాలకు దరఖాస్తులు
కాకతీయ యూనివర్సిటీ, స్కూల్ ఆఫ్ డిస్టెన్స్ లెర్నింగ్ అండ్‌ కంటిన్యూయింగ్ ఎడ్యుకేషన్ నుంచి ప్రవేశాల ప్రకటన విడుదలైంది. 2024-25 విద్యా సంవత్సరానికి దూరవిద్య విధానంలో UG/ PG/ డిప్లొమా/ సర్టిఫికేట్ కోర్సుల్లో ప్రవేశానికి దరఖాస్తులను ఆహ్వానిస్తోంది. యూజీ, పీజీ ప్రోగ్రాముల్లో ప్రవేశాలకు కావాల్సిన అర్హతలు, దరఖాస్తు వివరాలు, ముఖ్యమైన తేదీలను పేర్కొంది. ఆన్‌లైన్ దరఖాస్తులకు ఆగస్టు 31వ తేదీ గడువు ఉంది.
News August 12, 2024
మంచిర్యాల జిల్లాలో 40 రోజుల్లో 25 డెంగీ కేసులు
మంచిర్యాల జిల్లాలో జులై నుంచి ఆగస్టు వరకు గడిచిన 40 రోజుల్లో 25 డెంగ్యూ కేసులు నమోదయ్యాయి. జిల్లాలోని ప్రభుత్వ ఆసుపత్రుల్లో జ్వర పీడితుల సంఖ్య పెరుగుతోంది. అప్రమత్తంగా ఉండాలని వైద్యులు అలెర్ట్ చేస్తున్నారు. ఇంటి పరిసరాలను పరిశుభ్రంగా ఉంచుకోవాలి అంటూ ఇటీవల పలు వార్డుల్లో, గ్రామాల్లో అవగాహన ర్యాలీలు అధికారులు, ప్రజా ప్రతినిధులు నిర్వహించారు. దోమల నివారణకు చర్యలు కూడా తీసుకుంటున్నారు.
News August 12, 2024
మంత్రిని కలిసిన ఆత్రం సుగుణ
మహారాష్ట్ర పర్యటనకు వెళ్తున్న మంత్రి సీతక్క ఆదివారం రాత్రి ఉట్నూర్ మండల కేంద్రంలో కాసేపు ఆగారు. ఈసందర్భంగా ఆదిలాబాద్ పార్లమెంట్ కాంగ్రెస్ నాయకురాలు అత్రం సుగుణ మంత్రి సీతక్కను మర్యాదపూర్వకంగా కలిశారు. ఈసందర్భంగా ఉట్నూర్, జైనూర్ మండల కేంద్రాల్లో ఉన్న ప్రభుత్వ ఆసుపత్రుల్లో వైద్య సిబ్బందిని నియమించాలని సుగుణ కోరగా మంత్రి సానుకూలంగా స్పందించారు. కాంగ్రెస్ నాయకులు పాల్గొన్నారు.
News August 12, 2024
ఉట్నూర్: నాలుగు ఉద్యోగాలు సాధించిన గిరి పుత్రుడు
ఉట్నూరు మండల కేంద్రానికి చెందిన జాదవ్ ముకుందరావు కౌసల్య దంపతుల కుమారుడు దిలీప్ నాలుగు ప్రభుత్వ ఉద్యోగాలను సాధించాడు. 2016లో పోటీ పరీక్షలు రాసిన దిలీప్ ట్రాన్స్‌పోర్ట్, ఎక్సైజ్ కానిస్టేబుల్, ఫైర్ కానిస్టేబుల్ ఉద్యోగాలను సాధించాడు. ప్రస్తుతం ఫైర్ కానిస్టేబుల్‌గా ఉద్యోగం చేస్తూనే తాజాగా టీఎస్ఏన్పీడీసీఎల్‌‌లో జూనియర్ అసిస్టెంట్ కమ్ కంప్యూటర్ ఆపరేటర్‌గా ఎంపికయ్యారు.
News August 12, 2024
నర్సాపూర్ (జి): ఇంట్లో కుళ్లిపోయిన మృతదేహం
మండలంలోని చాక్‌పల్లికి చెందిన షేక్ హైమద్(35) ఉరేసుకుని ఆత్మహత్య చేసుకున్న ఘటన ఆదివారం వెలుగులోకి వచ్చింది. పోలీసులు తెలిపిన వివరాలు.. షేక్ హైమద్ కూలీ పనులు చేసుకుంటూ భార్యను పోషించుకునేవాడు. అయితే ఇంట్లో నుంచి కుళ్లిన వాసన రావడంతో గ్రామస్థులు పోలీసులకు సమాచారం అందించారు. వారు అక్కడికి వెళ్లి చూడగా ఉరేసుకుని కనిపించాడు. భార్య పిర్యాదు మేరకు కేసు నమోదు చేశారు. మృతికి గల కారణాలు తెలియాల్సి ఉంది.
Featured News
Sorry, no posts matched your criteria.