India's largestHyperlocal short
news App
Get daily news updates that are tailored for you based on your preferred language & location.
download Way2News app now
Adilabad
News July 12, 2024
బడ్జెట్ సమావేశాలపై చర్చించిన బీజేపీ ఎమ్మెల్యేలు
రాబోయే బడ్జెట్ సమావేశాల్లో అనుసరించాల్సిన వ్యూహాలపై బీజేపీ ఎమ్మెల్యేలు హైదరాబాదులోని బీజేఎల్పీ కార్యాలయంలో సమావేశం అయ్యారు. ఎమ్మెల్యేలు మాట్లాడుతూ..ప్రభుత్వం అనుసరిస్తున్న ప్రజా వ్యతిరేక విధానాలను ఎండగడతామని తెలిపారు. ఉమ్మడి ఆదిలాబాద్ ఎమ్మెల్యేలు సిర్పూర్ ఎమ్మెల్యే హరీష్ బాబు, ముథోల్ ఎమ్మెల్యే రామారావు పటేల్, ఆదిలాబాద్ పాయల్ శంకర్, తదితర ఎమ్మెల్యేలు ఉన్నారు.
News July 12, 2024
ఆదిలాబాద్: ఆప్షన్ల ప్రక్రియకు నేడే ఆఖరు
ప్రభుత్వ ఉద్యోగుల సాధారణ బదిలీలకు సంబంధించిన ఆప్షన్ల ప్రక్రియ గడువు నేటితో ముగియనుంది. జిల్లాస్థాయి అధికారి నుంచి అటెండర్ వరకు నాలుగేళ్ల సర్వీస్ పూర్తి చేసుకున్న వారి సీనియారిటీ జాబితాలను ఆయా శాఖల అధికారులు సిద్ధం చేసి ప్రభుత్వానికి నివేదించారు. ఈ మేరకు ప్రభుత్వం అందించిన జాబితాల ఆధారంగా సదరు అధికారులు, ఉద్యోగుల నుంచి ఆప్షన్లను స్వీకరించారు. ఇందుకోసం ఈ నెల 9 నుంచి 12వ తేదీ వరకు గడువు ఇచ్చారు.
News July 12, 2024
జైపూర్: ఉరివేసుకొని డిగ్రీ విద్యార్థిని ఆత్మహత్య
జైపూర్ మండలం మిట్టపల్లిలోని కొమ్ముగూడెనికి చెందిన డిగ్రీ విద్యార్థిని సెగ్యం భాగ్యలక్ష్మి (18) గ్రామ సమీపంలోని మామిడి తోటలో గురువారం రాత్రి చెట్టుకు ఉరివేసుకొని బలవన్మరణానికి పాల్పడింది. స్థానికులు తెలిపిన వివరాల ప్రకారం సెగ్యం రమేశ్-శ్రీలత దంపతుల కూతురుభాగ్యలక్ష్మి జిల్లా కేంద్రంలో డిగ్రీ చదువుతుంది. సంఘటన స్థలానికి చేరుకున్న ఎస్ఐ శ్రీధర్ కేసు నమోదు చేసి దర్యాప్తు చేస్తున్నారు.
News July 12, 2024
KGNR: ముగ్గురు విద్యార్థులకు ఒక్కరే ఉపాధ్యాయురాలు
ఆసిఫాబాద్ జిల్లాలో ఓ పాఠశాలలో ముగ్గురు విద్యార్థులు మాత్రమే ఉన్నారు. వారికి ఒక ఉపాధ్యాయురాలు మాత్రమే పాఠాలు బోధిస్తోంది. కాగజ్‌నగర్ మండలం నజ్రుల్‌నగర్ ప్రభుత్వ ప్రాథమిక ప్రైమరీ బెంగాలీ పాఠశాలలో ఒకప్పుడు 13 మంది విద్యార్థులు ఉండగా ప్రస్తుతం ముగ్గురు విద్యార్థులు ఉన్నారు. ఆరెగూడ పాఠశాలలో పనిచేస్తున్న సంధ్యారాణికి డిప్యూటేషన్ ఇవ్వడంతో ఆమె ఈ పాఠశాలలోని ముగ్గురు విద్యార్థులకు పాఠాలు చెబుతున్నారు.
News July 11, 2024
ఆదిలాబాద్: ఫీజు చెల్లింపు గడువు మరోసారి పొడిగింపు
అంబేడ్కర్ ఓపెన్ యూనివర్సిటీలో PG వార్షిక పరీక్ష ఫీజు చెల్లింపు గడువు పొడిగించినట్లు ఉమ్మడి జిల్లా కోఆర్డినేటర్ ప్రతాప్ సింగ్ పేర్కొన్నారు. జూలై 12 వరకు గడువు ఉండగా ఈనెల 31 వరకు పొడగించినట్లు తెలిపారు. మీసేవ, TG ఆన్‌లైన్ సెంటర్‌లలో ఫీజు చెల్లించవచ్చన్నారు. PG రెండో సంవత్సర పరీక్షలు జూలై 31 నుంచి ఆగస్టు 4 వరకు, PG మొదటి సంవత్సరం పరీక్షలు ఆగస్టు 9 నుంచి 13 వరకు నిర్వహిస్తున్నట్లు వెల్లడించారు.
News July 11, 2024
ADB: SC స్టడీ సర్కిల్ నుంచి 36 మంది గ్రూప్-1 మెయిన్స్‌కు ఎంపిక
ఇటీవల విడుదలైన గ్రూప్-1 ప్రిలిమినరీ ఫలితాల్లో ఆదిలాబాద్ ఎస్సీ స్టడీ సర్కిల్ నుంచి 36 మంది అత్యుత్తమ ప్రదర్శన ప్రదర్శించి మెయిన్స్‌కి ఎంపికైనట్లు స్టడీ సర్కిల్ ఉమ్మడి జిల్లా డైరెక్టర్ డాక్టర్ రమేష్ పేర్కొన్నారు. ఈ విజయానికి కారణం అత్యుత్తమ అధ్యాపక బృందం, రాష్ట్ర డైరెక్టర్, జిల్లా కలెక్టర్, జిల్లా షెడ్యూల్ అభివృద్ధి అధికారి సునీత ప్రోత్సాహంతో ఈ ఫలితాలు సాధించామని ఆయన పేర్కొన్నారు.
News July 11, 2024
రైతుల ఆలోచనే ప్రభుత్వ ఆలోచన: మంత్రి తుమ్మల నాగేశ్వరరావు
రైతుల ఆలోచనే ప్రభుత్వ ఆలోచన అని రాష్ట్ర వ్యవసాయ శాఖ మంత్రి తుమ్మల నాగేశ్వరరావు అన్నారు. గురువారం ఉట్నూర్ పట్టణంలోని కేబీ కాంప్లెక్స్‌లో నిర్వహించిన కార్యక్రమంలో పాల్గొన్నారు. అన్ని రైతుల అభిప్రాయాలను పరిగణనలోకి తీసుకుని మేలు చేయాలన్నదే ప్రభుత్వ ఉద్దేశ్యమని తెలిపారు. రైతులు తమ అభిప్రాయాలను స్వేచ్ఛగా చెప్పవచ్చని అన్నారు.
News July 11, 2024
ADB: గ్రేడ్ 4 పంచాయతీ కార్యదర్శుల సీనియారిటీ జాబితా
జిల్లా పంచాయతీ శాఖలో పనిచేసే గ్రేడ్-4 పంచాయతీ కార్యదర్శుల సీనియారిటీ జాబితాను అధికారులు ప్రకటించారు. జిల్లావ్యాప్తంగా 320 మంది గ్రేడ్-4 పంచాయతీ కార్యదర్శులు పనిచేస్తున్నారు. ఇందులో 245 మంది నాలుగేళ్ల సర్వీస్ పూర్తి చేసుకున్నారు. వీరిలో 40% మాత్రమే బదిలీచేయాలనే నిబంధనల మేరకు 128 మందిని అర్హులుగా గుర్తించారు. సంబంధిత సీనియారిటీ జాబితా సిద్ధం చేసిన అధికారులు కలెక్టర్ అనుమతితో నోటీస్ బోర్డుపై ఉంచారు.
News July 11, 2024
జైపూర్: KGBV నుంచి హైదరాబాద్‌కు పారిపోయిన విద్యార్థినులు
KGBV నుంచి ఇద్దరు విద్యార్థినులు పారిపోగా పోలీసులు వీరిని హైదరాబాదులో గుర్తించారు. జైపూర్ KGBV నుంచి ఇద్దరు విద్యార్థినులు బుధవారం ఉదయం 3 గంటలకు పారిపోయారని అధికారిణీ శ్రీలక్ష్మి పోలీసులకు ఫిర్యాదు చేశారు. అనంతరం కుటుంబ సభ్యులకు సమాచారమిచ్చారు. ఈమేరకు దర్యాప్తు ప్రారంభించి CC కెమెరాలను పరిశీలించి భాగ్యనగర్ రైల్లో హైదరాబాద్ వెళ్లినట్లు గుర్తించామని శ్రీరాంపూర్ CI. మోహన్, SI.రాములు తెలిపారు.
News July 11, 2024
పంచాయతీరాజ్ పర్యవేక్షకులకు స్థానచలనం
ఆదిలాబాద్ జిల్లాలో వివిధ చోట్ల పనిచేస్తున్న 11 మంది పంచాయతీరాజ్ పర్యవేక్షకులకు స్థానచలనం కలగనుంది. జోనల్ స్థాయిలో జరిగే ఈ బదిలీల్లో జడ్పీ నుంచి వివరాలు ఉన్నతాధికారులకు నివేదించగా ఉద్యోగుల పేర్లతో జాబితాను పంపించారు. ఎక్కడైనా అయిదు చోట్ల ప్రాధాన్యం వారీగా వీరు ఖాళీలను ఎంచుకోవాల్సి ఉంటుంది. వీరితోపాటు జోనల్ స్థాయి పోస్టులైన పీఆర్ సీనియర్ అసిస్టెంట్లు ఏడుగురు బదిలీ కానున్నారు.
Featured News
Sorry, no posts matched your criteria.