India's largestHyperlocal short
news App
Get daily news updates that are tailored for you based on your preferred language & location.
download Way2News app now
Adilabad
News July 5, 2024
ఆదిలాబాద్: ఉచిత సివిల్ శిక్షణకు దరఖాస్తులు
రాష్ట్ర ఎస్సీ స్టడీ సర్కిల్లో నిర్వహించే సివిల్స్ ప్రిలిమినరీ, మెయిన్స్ పరీక్షలకు 10 నెలల ఉచిత శిక్షణకు గాను ఉమ్మడి ఆదిలాబాద్ జిల్లాలోని ఎస్సీ, ఎస్టీ, బీసీ, మైనారిటీ అభ్యర్థులు దరఖాస్తు చేసుకోవాలని జిల్లా ఎస్సీ శాఖ అధికారి సునీత, ఎస్సీ స్టడీ సర్కిల్ డైరెక్టర్ రమేష్ తెలిపారు. ఆసక్తి గలవారు http: //tsstudycircle.co.in వెబ్ సైట్ లో జులై 18 వరకు దరఖాస్తు చేసుకోవాలని సూచించారు.
News July 5, 2024
సీఎం రేవంత్ రెడ్డిని కలిసిన నిర్మల్ కాంగ్రెస్ నాయకులు
ముఖ్యమంత్రి రేవంత్ రెడ్డిని నిర్మల్ జిల్లాకు చెందిన కాంగ్రెస్ నాయకులు శుక్రవారం మర్యాదపూర్వకంగా కలిశారు. స్థానిక సంస్థల ఎమ్మెల్సీ దండే విట్టల్ బీఆర్ఎస్‌కి రాజీనామా చేసి కాంగ్రెస్‌లో చేరిన సందర్భంగా ఆయనతో కలిసి సీఎంను కలిసి శాలువాతో సత్కరించారు. ఇందులో పార్లమెంట్ జిల్లా ఇన్‌ఛార్జ్ సత్తు మల్లేశ్, మైనార్టీ విభాగం రాష్ట్ర ఉపాధ్యక్షుడు అర్జున్ మాన్ అలీ, తదితరులున్నారు.
News July 5, 2024
జైపూర్: వన మహోత్సవంలో MP, MLA, IAS
జైపూర్ మండల కేంద్రంలో శుక్రవారం నిర్వహించిన వన మహోత్సవ కార్యక్రమంలో ఎంపీ వంశీకృష్ణ, ఎమ్మెల్యే వివేక్ వెంకటస్వామి, జిల్లా పాలనాధికారి కుమార్ దీపక్ హాజరయ్యారు. అనంతరం మొక్కలను నాటారు. వారు మాట్లాడుతూ.. ప్రతి ఒక్కరు మొక్కను నాటి ప్రకృతికి అండగా ఉండాలని పేర్కొన్నారు. కార్యక్రమంలో ప్రజాప్రతినిధులు, అటవీ శాఖ అధికారులు, తదితరులు పాల్గొన్నారు.
News July 5, 2024
ఆదిలాబాద్: వారికి రేషన్ బియ్యం రాదు
బోగస్ ఆహార భద్రత కార్డులను ప్రభుత్వం ఏరివేస్తోంది. రేషన్ డీలర్లకు లబ్ధిదారుల జాబితా పంపించి పరిశీలన ప్రక్రియ చేపడుతోంది. క్షేత్రస్థాయిలో అధికారులతో విచారణ చేయించి బోగస్ కార్డులు రద్దు, అనర్హుల పేర్లు తొలగింపునకు చర్యలు చేపట్టింది. ఆదిలాబాద్ జిల్లాలో ఐదు నెలల వ్యవధిలో 89 కార్డులు రద్దు చేయగా, 664 మందిని అనర్హులుగా గుర్తించి తొలగించారు.
News July 5, 2024
రాష్ట్ర గవర్నర్ OSDగా మంచిర్యాల జిల్లా వాసి
తెలంగాణ రాష్ట్ర గవర్నర్ రాధాకృష్ణన్ OSDగా బెల్లంపల్లి పట్టణానికి చెందిన సిరిశెట్టి సంకీర్తన్ నియామకం అయ్యారు. ఆయన 2020లో IPS శిక్షణ పూర్తి చేసుకుని ములుగు, మధిర జిల్లాలకు ప్రొబెషనరీ IPSగా పని చేశారు. అనంతరం ఏటూరునాగారం ASPగా పనిచేసిన సంకీర్తన్ ఇటీవల గవర్నర్ OSDగా నియమితులయ్యారు. గవర్నర్ OSDగా బాధ్యతలు స్వీకరించడం పట్ల ఆయన తల్లిదండ్రులు, పట్టణ ప్రజలు హర్షం వ్యక్తం చేశారు.
News July 5, 2024
భీంపూర్: ఐదు తరగతులు.. ఒకే ఉపాధ్యాయుడు
ఆదిలాబాద్ జిల్లా భీంపూర్ మండలంలోని అంతర్గాం ప్రాథమిక పాఠశాలలో ఉపాధ్యాయుల కొరత వేధిస్తోంది. ఐదు తరగతులకు కలిపి మొత్తం 81 మంది విద్యార్థులు ఉండగా.. ఒకే ఒక్క ఉపాధ్యాయుడు పని చేస్తున్నారు. మూడు పోస్టులు ఉండగా, ఏడాది క్రితం ఒకరు అనారోగ్యంతో చనిపోగా.. ఒకరు ఇటీవల పదోన్నతిపై వెళ్లారు. ఇప్పుడున్న టీచర్ సైతం బదిలీ కాగా, రిలీవర్ రాకపోవడంతో అయన ఉండిపోయారు. అందరినీ ఒకచోట కూర్చోబెట్టి బోధిస్తున్నారు.
News July 5, 2024
ఆదిలాబాద్: బదిలీలకు వేళాయె
ఐదేళ్ల తర్వాత సాధారణ బదిలీలపై ఉన్న నిషేధం ఎత్తివేస్తూ ఉత్తర్వులు జారీ చేసిన సంగతి తెలిసిందే. ఈ నేపథ్యంలో జిల్లాలో ఎవరెవరు బదిలీ అవుతారు? ఎక్కడికి వెళ్తారనే చర్చ సామాన్యుల్లో.. అధికార వర్గాల్లో జోరందుకుంది. ఉమ్మడి జిల్లాలో అన్ని శాఖలు కలిపి 63 ఉండగా.. అందులో జిల్లా స్థాయి, జోనల్, మల్టీజోన్, రాష్ట్రస్థాయి కేటగిరిల్లో దాదాపు 20 వేల మంది ఉద్యోగులు విధులు నిర్వహిస్తున్నారు.
News July 5, 2024
ఆదిలాబాద్: నిందితుడి కోసం వెళ్లి.. నింగిలోకి
ఆదిలాబాద్‌కు చెందిన ASI యునాస్ ఖాన్ నిన్న <<13567244>>గుండెపోటుతో <<>>మృతి చెందిన విషయం తెలిసిందే. అయితే.. ఓ కేసులో కోర్టుకు హాజరు కాని నిందితుడికి కోసం SI, కానిస్టేబుల్తో కలిసి సికింద్రాబాద్ రైల్వేస్టేషన్ నుంచి గౌతమీ ఎక్స్‌ప్రెస్‌లో భీమవరం వెళ్లాల్సి ఉంది. మెహిదీపట్నం నుంచి రూట్ 5కే సెట్విన్ బస్సులో యూనస్ ఖాన్ సికింద్రాబాద్ బయలుదేరాడు. బస్సు బాటా వద్దకు వచ్చేసరికి గుండెపోటుతో సీటులో నుంచి జారి కిందపడ్డాడు.
News July 5, 2024
ఆదిలాబాద్: కాంగ్రెస్‌లో చేరిన MLC దండె విఠల్
ఉమ్మడి ఆదిలాబాద్ జిల్లా BRS MLC దండె విఠల్ కాంగ్రెస్ తీర్థం పుచ్చుకున్నారు. గురువారం రాత్రి తెలంగాణ సీఎం రేవంత్ రెడ్డి నివాసంలో ఆరుగురు MLCలు కాంగ్రెస్‌లో.. చేరగా అందులో విఠల్ ఉన్నారు. ఈ మేరకు రేవంత్ రెడ్డి కాంగ్రెస్ కండువా కప్పి పార్టీలోకి ఆహ్వానించారు.
News July 5, 2024
@1959లో ఆవిర్భవించిన ఆదిలాబాద్ ZP
ఆదిలాబాద్ జిల్లా పరిషత్ 1959లో ఆవిర్భవించింది. ఇప్పటివరకు 22 మంది ఛైర్మన్లుగా సేవలందించారు. పల్సికర్ రంగారావు తొలి ఛైర్మన్‌గా పనిచేశారు. ఉమ్మడి ఆంధ్రప్రదేశ్ ఉమ్మడిగా ఉన్న ఆదిలాబాద్ జెడ్పికి ఐదుసార్లు ప్రత్యేకాధికారుల పాలన కొనసాగింది. ఐదుగురు కలెక్టర్లు ప్రత్యేకాధికారులుగా బాధ్యతలు నిర్వహించారు. ఇక ఉమ్మడి ఆదిలాబాద్ జడ్పీ చివరి ఛైర్ పర్సన్‌గా నిర్మల్‌కు చెందిన శోభారాణి వ్యవహరించారు.
Featured News
Sorry, no posts matched your criteria.