India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News October 25, 2024
HYD: డబుల్ బెడ్రూం ఇళ్ల కోసం దరఖాస్తుల వెల్లువ
HYD బేగంపేట్‌లోని ప్రజాభవన్‌లో నిర్వహించిన ప్రజావాణిలో డబుల్ బెడ్రూం ఇళ్ల కోసం దరఖాస్తులు వెల్లువలా వచ్చాయి. శుక్రవారం నాటి ప్రజావాణిలో మొత్తం 509 అర్జీలు దాఖలు అయ్యాయి. ప్రజావాణి ఇన్‌ఛార్జ్ డాక్టర్ జీ.చిన్నారెడ్డి ప్రజల నుంచి దరఖాస్తులను తీసుకుని సంబంధిత అధికారులకు అందించారు. ఆయా శాఖల అధికారులకు ఫోన్ చేసి మాట్లాడి అర్జీదారుల సమస్యల పరిష్కారం కోసం చర్యలు తీసుకున్నారు.
News October 25, 2024
సికింద్రాబాద్: కుమ్మరిగూడ ముత్యాలమ్మ గుడి పునర్నిర్మాణం
సికింద్రాబాద్ కుమ్మరిగూడ ముత్యాలమ్మ గుడిలో వారం క్రితం దాడి ఘటన అందరికీ తెలిసిన విషయమే. కాగా దేవాదాయ శాఖ నుంచి ఐఏఎస్ అధికారిణి శైలజ రామయ్యర్ వచ్చి గుడి రేనోవేషన్ పనులను ఈరోజు పరిశీలించారు. ఈ రేనోవేషన్ పనులు దేవాదాయ శాఖ ఆధ్వర్యంలో చేయిస్తున్నట్లు తెలిపారు. ప్రస్తుతం గుడిలో ప్రహరీ, గ్రిల్స్ ఏర్పాటు పనులు జరుగుతున్నాయని పేర్కొన్నారు.
News October 25, 2024
GHMC ఇంజినీరింగ్ విభాగం మరింత బలోపేతం
GHMC పరిధిలో ఇంజినీరింగ్ విభాగం మరింత బలోపేతం కానుంది. రాష్ట్ర వ్యాప్తంగా ఇటీవలే నూతనంగా ఉద్యోగ పత్రాలు పొందిన అసిస్టెంట్ ఎగ్జిక్యూటివ్ ఇంజినీర్లు 125 మంది జీహెచ్ఎంసీకి రిపోర్టు చేశారు. రాష్ట్ర వ్యాప్తంగా పబ్లిక్ హెల్త్ డిపార్ట్‌మెంట్ సంబంధించి 146 మంది కొత్తగా నియామకమైనట్లు అధికారులు తెలిపారు. పెండింగ్‌లో ఉన్న సమస్యలు త్వరగా పరిష్కారమయ్యే అవకాశం ఉందని తెలిపారు.
News October 25, 2024
HYD: సైబర్ మోసాల్లో అత్యధికం ఇవే..!
HYD నగరంలో నెల రోజుల్లో జరిగిన సైబర్ నేరాల్లో అత్యధికంగా బిజినెస్ ఇన్వెస్ట్‌మెంట్, స్టాక్ ట్రేడింగ్, డిజిటల్ అరెస్ట్, పార్ట్ టైం టైం వంటి వివిధ మోసాలు ఉన్నట్లు అధికారులు గుర్తించారు. భారీ లాభాలు వస్తాయని, ఎవరైనా ఆఫర్లు చెబితే, నమ్మొద్దని పోలీసులు సూచించారు. ప్రతి దానికి పాస్ కోడ్ చేసుకుని పదేపదే మార్చుకోవాలని తెలిపారు. నెల రోజుల్లో సుమారు రూ.11 కోట్ల వరకు కొట్టేశారని, జాగ్రత్తగా ఉండాలన్నారు.
News October 25, 2024
నవంబర్ 7న బీసీ కమిషన్ ఛైర్మన్ రాక: రంగారెడ్డి కలెక్టర్
తెలంగాణ రాష్ట్రంలో స్థానిక సంస్థల వారీగా కల్పించాల్సిన రిజర్వేషన్ల దామాషాను పేర్కొనే విషయాలను తెలుసుకునేందుకు తెలంగాణ బీసీ కమిషన్ ప్రతినిధుల బృందం నవంబర్ 7న రంగారెడ్డి జిల్లాకు రానున్నట్లు కలెక్టర్ శశాంక తెలిపారు. ఇందులో భాగంగా రంగారెడ్డి, మేడ్చల్, వికారాబాద్ ఉమ్మడి జిల్లాకు సంబంధించి నవంబర్ 7న రంగారెడ్డి కలెక్టరేట్‌లో కమిషన్ ఛైర్మన్ నిరంజన్ నేతృత్వంలో ప్రజాభిప్రాయ సేకరణ ఉంటుందన్నారు.
News October 25, 2024
RR: ఏ జిల్లాలో ఎంత మంది గ్రామీణ ఓటర్లు!
తెలంగాణ రాష్ట్ర వ్యాప్తంగా గ్రామ పంచాయతీల్లో 1.67 కోట్ల ఓటర్లు ఉన్నట్లు SEC తెలిపింది. వికారాబాద్-6,71,940 మంది, RR-7,94,653 మంది గ్రామ పంచాయతీల్లో ఓటర్లు ఉండగా, మేడ్చల్ జిల్లాలో రాష్ట్రంలోనే అత్యల్పంగా 64,396 మంది ఓటర్లు ఉన్నట్లు పేర్కొంది. త్వరలో గ్రామ పంచాయతీ ఎన్నికలు నిర్వహించేందుకు స్టేట్ ఎలక్షన్ కమిషన్ సిద్ధమవుతోంది.
News October 25, 2024
HYD: అగ్రికల్చర్ యూనివర్సిటీలో భారీగా పెరిగిన సెల్ఫ్ ఫైనాన్స్ సీట్లు
HYD రాజేంద్రనగర్‌లోని ప్రొ.జయశంకర్ యూనివర్సిటీలో 2024-25లో B.Sc (ఆనర్స్) అగ్రికల్చర్ కోర్సులో సెల్ఫ్ ఫైనాన్స్ కోటా సీట్లు భారీగా పెరిగాయి. ప్రస్తుతం 227 సీట్లు ఉండగా మరో 200 పెంచినట్లు వీసీ ఆల్దాస్ జానయ్య తెలిపారు. ఈ సీట్లకు వార్షిక ఫీజులు సైతం తగ్గించామని, పెరిగిన సీట్లను వ్యవసాయ కళాశాలలో సర్దుబాటు చేస్తామన్నారు. కన్వీనర్ కోటా సీట్ల భర్తీ అనంతరం వీటికి ప్రత్యేక కౌన్సెలింగ్ ఉంటుందన్నారు.
News October 25, 2024
HYD: సాగునీటి ప్రాజెక్టులపై మంత్రి సమీక్ష
ప్రభుత్వ సలహాదారు ఆదిత్యనాథ్ దాస్, కార్యదర్శి రాహుల్ బొజ్జా, ప్రత్యేక కార్యదర్శి ప్రశాంత్ పాటిల్,ఈ-ఇన్-సీ అనిల్, చీఫ్ ఇంజినీర్‌లతో కలిసి శుక్రవారం సచివాలయంలో తెలంగాణ రాష్ట్ర భారీ నీటి పారుదల పౌరసరఫరాల శాఖ మంత్రి ఉత్తమ్ కుమార్ రెడ్డి సమావేశం నిర్వహించారు. ఆయన మాట్లాడుతూ.. ప్రజలకు ఇబ్బంది లేకుండా సాగునీటి ప్రాజెక్టుల పనులను వేగవంతం చేయాలని అధికారులకు సూచించారు. ఈ సందర్భంగా పలు అంశాలపై చర్చించారు.
News October 25, 2024
నేడు, రేపు ANM అభ్యర్థుల సర్టిఫికెట్ల పరిశీలన
హైదరాబాద్‌ జిల్లాలోని గిరిజన ఆశ్రమ పాఠశాల, గిరిజన వసతి గృహాల్లో ANM (ఔట్‌సోర్సింగ్‌) పోస్టులకు దరఖాస్తు చేసుకున్న అభ్యర్థుల సర్టిఫికెట్లను ఈ నెల 25, 26 తేదీల్లో ఉ.10 నుంచి సా.5 గంటల వరకు గిరిజన అభివృద్ధి అధికారి కార్యాలయంలో పరిశీలిస్తున్నట్టు కలెక్టర్ అనుదీప్‌ దురిశెట్టి తెలిపారు. గతేడాది హైదరాబాద్‌ జిల్లాలోని గిరిజన వసతి గృహాల్లో ANM పోస్టులపై ఆన్‌లైన్‌లో దరఖాస్తు చేసిన అభ్యర్థులు హాజరు కావాలి.
News October 25, 2024
HYD: డిసెంబర్ నాటికి 96% మురుగు నీరు శుద్ధి
డిసెంబర్ చివరి నాటికి HYDలో ఉత్పన్నమయ్యే మురుగునీటిలో 96% శుద్ధి చేస్తామని వాటర్ బోర్డు అధికారులు ప్రకటించారు. 31 ఎస్టీలకు ప్రస్తుతం 20 ఎస్టీపీలు పనులు దాదాపుగా ప్రారంభం కాగా, ఇప్పటికే 5 STPలు అందుబాటులోకి రాగా, పలు ఎస్టీపీలు ట్రయల్ రన్‌లో ఉన్నట్లు తెలిపారు. మిగతా 9 ఎస్టీపీల నిర్మాణపు పనులు డిసెంబర్‌లోగా పూర్తి చేస్తామని 20 ఎస్టీపీల ద్వారా 1,106 మిలియన్ లీటర్ల మురుగు శుద్ధి చేస్తామన్నారు.
Featured News
Sorry, no posts matched your criteria.