India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News May 23, 2024
HYD: నిఖత్ జరీన్‌కు సన్మానం
ఇటీవల కజకిస్థాన్‌లో జరిగిన ఎలోర్డా పోటీల్లో 52 కేజీల వెయిట్ లిఫ్టింగ్ పోటీల్లో విజేతగా నిలిచి బంగారు పతకం సాధించిన బాక్సర్ నిఖత్ జరీన్.. జీహెచ్ఎంసీ కమిషనర్ రోనాల్డ్ రాస్‌ను కార్యాలయంలో మర్యాదపూర్వకంగా కలిశారు. ఈ సందర్భంగా ఆమెను కమిషనర్ శాలువాతో సత్కరించారు. దేశ గౌరవం విశ్వ వ్యాప్తం చేసేలా మున్ముందు మరింత రాణించాలని కమిషనర్ కోరారు.
News May 23, 2024
HYD: మందుబాబులకు నిల్వ చేసిన చికెన్ అమ్ముతున్నారు!
HYD, ఉమ్మడి RRలో కల్తీ, పాడైన ఆహార పదార్థాల అమ్మకాల ఘటనలు తరచూ వెలుగు చూస్తున్నాయి. నగరంలోని పలు బార్లు, వైన్స్‌ల వద్ద తనిఖీలు చేసిన అధికారులు.. చికెన్‌ను నిల్వ చేసి అమ్ముతున్నట్లు గుర్తించారు. పాడైన సరే చికెన్‌ను అలాగే వండి ఇస్తున్నారని తెలిపారు. తాజాగా సోమాజిగూడలోని హెడ్ క్వార్టర్స్ రెస్ట్-ఓ-బార్‌లో అధికారులు తనిఖీ చేసి ఫ్రిడ్జిలో కొన్ని రోజుల నుంచి నిల్వ చేసి ఉన్న చికెన్, మటన్‌ను గుర్తించారు.
News May 23, 2024
HYD: మహిళా ఉద్యోగినులపై ఎస్ఎఫ్ఏ లైంగిక దాడి
HYD గాజులరామారం GHMC సర్కిల్ ఎస్ఎఫ్ఏ (శానిటేషన్ ఫీల్డ్ అసిస్టెంట్) కిషన్ రాసలీలలు కలకలం రేపుతున్నాయి. బాధితులు తెలిపిన వివరాలు.. మహిళా శానిటేషన్ సిబ్బందిని భయపెట్టి లైంగిక దాడి చేసి ఆ వీడియోలు, ఫొటోలు తీసి కిషన్ బెదిరింపులకు పాల్పడ్డాడు. మాట వినకుంటే జాబ్ నుంచి తొలగిస్తూ మహిళా ఉద్యోగులను హింసించాడు.పరిస్థితి విషమించడంతో బాధితులు ఉన్నతాధికారులకు ఫిర్యాదు చేయగా ఇంతవరకు చర్యలు తీసుకోకపోవడం గమనార్హం.
News May 23, 2024
HYD: ఒక్క మెసేజ్‌తో రూ.11.20 లక్షలు స్వాహా
స్టాక్ మార్కెట్‌లో లాభాలిస్తామని ఓ గృహిణి నుంచి రూ.11.20 లక్షలను సైబర్ నేరగాళ్లు లూటీ చేశారు. HYD నారాయణగూడకు చెందిన గృహిణికి స్టాక్ మార్కెట్‌లో లాభాలు వస్తాయని ఓ మెసేజ్ వచ్చింది. దాంట్లో ఉన్న లింకును క్లిక్ చేయగా ఒక యాప్ డౌన్‌లోడ్ అయింది. దాంట్లో మొదట కొంత పెట్టుబడి పెట్టగా లాభాలు వచ్చాయి. దీంతో విడతల వారీగా రూ.11.20 లక్షలు పెట్టుబడి పెట్టగా విత్ డ్రా అవ్వలేదు. బాధితురాలు CCSలో ఫిర్యాదు చేసింది.
News May 23, 2024
HYD: వీడియో తీసిన యువకుడు.. యువతి ఆత్మహత్యాయత్నం
యువతి ఆత్మహత్యకు యత్నించింది. పోలీసులు తెలిపిన వివరాలు.. బాపట్లకు చెందిన యువతి HYDలో ఉంటోంది. ఈ క్రమంలో ఆమె స్నానం చేస్తుండగా పొరుగింటి యువకుడు వీడియో తీశాడు. తర్వాత ఆ వీడియోను ఆమెకు పంపి డబ్బు కావాలని బెదిరించగా రూ.40 వేలు పంపింది. కొన్ని రోజులకు మళ్లీ డబ్బు కావాలని అడగడంతో భయపడిన యువతి బాపట్లకు వెళుతూ బస్సులోనే పురుగు మందు తాగింది. తోటి ప్రయాణికుల సమాచారంతో పోలీసులు ఆమెను ఆస్పత్రికి తరలించారు.
News May 23, 2024
హైదరాబాద్‌ బుక్‌ ఫెయిర్‌ అధ్యక్షుడిగా కవి యాకుబ్‌
హైదరాబాద్‌ బుక్‌ ఫెయిర్‌ అధ్యక్ష, ప్రధాన కార్యదర్శులుగా కవి యాకుబ్‌, ఆర్‌.వాసు ఎన్నికయ్యారు. హైదరాబాద్‌ బుక్‌ ఫెయిర్‌ జనరల్‌ బాడీ సమావేశాన్ని బాగ్ లింగంపల్లిలోని సుందరయ్య విజ్ఞాన కేంద్రంలో నిర్వహించారు. ఈ సమావేశంలో నూతన కమిటీని ఎన్నుకున్నారు. ఉపాధ్యక్షులుగా శోభన్‌ బాబు, మలుపు బాల్‌రెడ్డి, సహాయ కార్యదర్శులుగా సూరిబాబు, సురేశ్‌, కోశాధికారిగా నారాయణరెడ్డి ఎన్నికయ్యారు.
News May 23, 2024
HYD: టీ-వర్క్స్, టీ-హబ్‌కు సీఈవోల నియామకం
రాష్ట్ర ప్రభుత్వం టీ-వర్క్స్ సీఈవోగా జోగీందర్ తనికెళ్ల, టీ-హబ్ సీఈవోగా సీతా పల్లచోళ్లను నియమించింది. ఈ మేరకు ఐటీ స్పెషల్ చీఫ్ సెక్రటరీ జయేశ్ రంజన్ ఉత్తర్వులు జారీ చేశారు. వీరు ఈ పదవుల్లో మూడేళ్లపాటు కొనసాగనున్నారు. కాగా టీ- వర్క్స్ అనేది ఎలక్ట్రానిక్ అండ్ హార్డ్వేర్ రంగంలో నూతన ఆవిష్కరణలు ప్రోత్సహించేందుకు ఏర్పాటు చేసిన అతిపెద్ద ప్రొటోటైపింగ్ కేంద్రం.
News May 23, 2024
హైదరాబాద్‌లో విషాద ఘటన
HYDలో విషాద ఘటన జరిగింది. దుండిగల్ SIరాజేశ్ తెలిపిన వివరాలు..బిహార్‌కు చెందిన రాహుల్, ప్రీతి(24) దంపతులు HYDకు వలసొచ్చి బహదూర్‌పల్లి గ్రీన్ హిల్స్ కాలనీలో ఉంటున్నారు. వీరికి కుమార్తె ఉంది. ఈక్రమంలో భార్యాభర్తల మధ్య మనస్పర్థల కారణంగా కూతురు చూస్తుండగానే ప్రీతి ఉరేసుకుని ఆత్మహత్య చేసుకుంది. తల్లి ఏం చేసుకుందో తెలియని ఆ చిన్నారి చాలాసేపు అమ్మని చూస్తూ ఏడవగా స్థానికులు వచ్చి పోలీసులకు విషయం చెప్పారు.
News May 23, 2024
HYD: ఆ తల్లి ఆరుగురికి జీవం పోసింది..!
HYDలో ఓ తల్లి మరణించినా.. అవయవ దానం ద్వారా ఆరుగురికి ప్రాణం పోశారు. యాదాద్రి జిల్లా ఆలేరు మండలానికి చెందిన జంపాల సుజాత అపస్మారక స్థితిలో ఇటీవల కింద పడిపోయారు. వెంటనే ఆమెను HYD మేడిపల్లిలోని ఓ ఆసుపత్రికి తరలించగా, తాజాగా బ్రెయిన్ డెడ్ అయినట్లు వైద్యులు తెలిపారు. కుటుంబీకుల అంగీకారంతో సుజాత గుండె, నేత్రాలు, కాలేయం తీసుకుని ఆరుగురికి అమర్చి, ప్రాణం పోసినట్లు జీవన్ దాన్ బృందం తెలిపింది.
News May 23, 2024
HYDలో ఎక్కడ చూసినా ఆహార కల్తీనే..!
HYDలో ఇన్ని రోజులు చిన్న హోటళ్లలో ఆహారకల్తీని అధికారులు గుర్తించగా ఇప్పుడు పెద్ద వాటిల్లోనూ ఇదే పరిస్థితి నెలకొంది. బుధవారం సోమాజిగూడ క్రుతుంగ రెస్టారెంట్, రెస్ట్ ఓ బార్, KFCలో నాసిరకం, పాడైన ఆహారపదార్థాలు గుర్తించామని, వాటి నమూనాలను ల్యాబ్‌కు పంపామని అధికారులు తెలిపారు. HYD, ఉమ్మడి RR పరిధిలోని పలు హోటళ్లలో బిర్యానీకి పాడైన, నిల్వ చేసిన చికెన్ వాడుతున్నారని అధికారులు గుర్తించారు.
SHARE IT
Featured News
Sorry, no posts matched your criteria.