India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News April 19, 2024
పీజీ డిప్లొమా ఇన్ లా కోర్సుల పరీక్షా తేదీల ఖరారు
ఉస్మానియా యూనివర్సిటీ పరిధిలోని వివిధ పీజీ డిప్లొమా ఇన్ లా కోర్సుల పరీక్షా తేదీలను ఖరారు చేసినట్లు ఓయూ కంట్రోలర్ ఆఫ్ ది ఎగ్జామినేషన్స్ ప్రొఫెసర్ రాములు ఒక ప్రకటనలో తెలిపారు. ఈ కోర్సుల మొదటి, రెండో సెమిస్టర్ బ్యాక్లాగ్ పరీక్షలను ఈనెల 25 నుంచి నిర్వహించనున్నట్లు పేర్కొన్నారు. పరీక్షా తేదీల పూర్తి వివరాలను ఓయూ వెబ్సైట్ www.osmania.ac.inలో చూసుకోవచ్చని సూచించారు.
News April 19, 2024
ఓయూ ఎంబీఏ పరీక్షా ఫలితాల విడుదల
ఉస్మానియా యూనివర్సిటీ పరిధిలోని ఎంబీఏ పరీక్షా ఫలితాలను విడుదల చేసినట్లు ఓయూ కంట్రోలర్ ఆఫ్ ది ఎగ్జామినేషన్స్ ప్రొఫెసర్ రాములు ఒక ప్రకటనలో తెలిపారు. ఎంబీఏ (సీబీసీఎస్) మొదటి సెమిస్టర్ రెగ్యులర్ పరీక్షా ఫలితాలను విడుదల చేసినట్లు చెప్పారు. ఈ ఫలితాలను ఓయూ వెబ్సైట్ www.osmania.ac.in లో అందుబాటులో ఉంచినట్లు పేర్కొన్నారు.
News April 19, 2024
HYD: తల్లి, చెల్లిని పోషించలేక యువకుడి ఆత్మహత్య
తల్లి, చెల్లిని పోషించలేకపోతున్నానని యువకుడు ఆత్మహత్య చేసుకున్న ఘటన శామీర్‌పేట పరిధిలో జరిగింది. పోలీసుల వివరాల ప్రకారం.. బాబాగూడకు చెందిన సంపత్ గౌడ్ (23) హైటెక్ సిటీలోని ఓ ప్రైవేట్ కంపెనీలో పని చేస్తున్నాడు. కాగా చేసిన పనికి 2 నెలలుగా జీతాలు రాకపోవడంతో చేతిలో డబ్బులు లేకపోవడంతో తల్లితో చెప్పుకోలేకపోయాడు. బయటకు వెళ్తున్నట్లు చెల్లికి చెప్పి ఓ పాఠశాల సమీపంలో ఉరేసుకున్నట్లు పోలీసులు చెప్పారు.
News April 19, 2024
HYD: డిప్లొమా, B.Tech చేశారా మీకోసమే!
HYD మాదాపూర్‌లోని NAC లో బీఈ, బీటెక్ సివిల్, బీఆర్క్, ఎంటెక్ పూర్తి చేసిన విద్యార్థుల కోసం ప్రత్యేకంగా పీజీ డిప్లొమో కోర్సులను అందిస్తున్నట్లు తెలిపారు. పోస్ట్ గ్రాడ్యుయేట్ డిప్లొమో ఇన్ ప్రాజెక్ట్ మేనేజ్మెంట్, పోస్ట్ గ్రాడ్యుయేట్ డిప్లొమో ఇన్ క్వాంటిటీ సర్వేయింగ్ అండ్ కాంట్రాక్ట్ మేనేజ్మెంట్ కోర్సులున్నాయని, డిప్లొమో చేసిన వారికి కన్ స్ట్రక్షన్ సేఫ్టీ కోర్సులో శిక్షణ ఇస్తున్నట్లు తెలిపారు.
News April 19, 2024
HYD: రోడ్డు ప్రమాదంలో కానిస్టేబుల్ మృతి
బైకును కారు ఢీకొన్న ఘటనలో కానిస్టేబుల్ మృతి చెందారు. స్థానికుల వివరాలు.. సరూర్ నగర్ PSలో కానిస్టేబుల్‌గా పనిచేస్తున్న ధనుంజయ్ కుటుంబసభ్యులతో కలిసి బైకుపై ఘట్‌కేసర్‌లో ఓ ఫంక్షన్‌కి గురువారం వెళ్లారు. నేడు ఉదయం ఉప్పల్‌లోని తన నివాసానికి భార్య, పిల్లలతో కలిసి బయల్దేరారు. ఈ క్రమంలో పోచారం ఐటీ కారిడార్ వద్ద కారు వారి బైకును ఢీకొంది. ఈ ఘటనలో కానిస్టేబుల్ మృతి చెందగా.. భార్య, పిల్లలకు గాయాలయ్యాయి.
News April 19, 2024
మల్కాజిగిరి ఎంపీ అభ్యర్థి ఈటల ఆస్తి రూ.54.01 కోట్లు
మల్కాజిగిరి బీజేపీ ఎంపీ అభ్యర్థి ఈటల రాజేందర్‌కు రూ.54.01 కోట్ల ఆస్తులు ఉన్నట్లు ఎన్నికల అధికారికి ఇచ్చిన తన అఫిడవిట్‌లో పేర్కొన్నారు. రూ.20.43 కోట్ల అప్పులు ఉన్నాయని, తనపై 54 కేసులు ఉన్నట్లు చెప్పారు. చేతిలో రూ. లక్ష నగదు, భార్య జమునకు 1.5 కిలోల బంగారు ఆభరణాలు, వివిధ కంపెనీల్లో పెట్టబడులు ఉన్నాయన్నారు. కుటుంబానికి 72.25 ఎకరాల భూమి, పౌల్ట్రీ ఫారాలు, నివాస, వాణిజ్య భవనాలు ఉన్నాయని వెల్లడించారు.
News April 19, 2024
HYD: మహిళపై రౌడీషీటర్‌ అత్యాచారం.. అరెస్టు
భర్త వదిలేయడంతో పిల్లలతో కలిసి ఉపాధి వెదుక్కుంటూ వచ్చిన ఓ మహిళపై రౌడీషీటర్‌ అత్యాచారం చేశారు. పోచారం IT కారిడార్ CI రాజు వర్మ వివరాల ప్రకారం.. బిహార్‌కు చెందిన మహిళ (30) అన్నోజిగూడలో అద్దె ఇంట్లో ఉంటూ ఘట్‌కేసర్‌లోని ఓ హోటల్‌లో పని చేస్తోంది. ఆమెను ఈ నెల 16న రౌడీషీటర్‌ ఉమేశ్ నాయక్‌ (22) బెదిరించి అత్యాచారం చేశాడు. బాధితురాలి ఫిర్యాదు మేరకు కేసు నమోదు చేసి నిందితుడిని గురువారం రిమాండ్‌కు తరలించారు.
News April 19, 2024
HYD: ఇందులో మీ వాహనం ఉందా?
HYD బాచుపల్లి పోలీసులు ఓ ప్రకటన చేశారు. తమ పోలీస్ స్టేషన్ ఆవరణలో ఏడాదిగా ద్విచక్ర వాహనాలు పడి ఉన్నాయని, అందులో ఎవరిదైనా దొంగిలించి బడిన వాహనం ఉంటే సంబంధిత డాక్యుమెంట్లు చూపించాలని తెలిపారు. అలా డాక్యుమెంట్లు చూపించిన వారికి వెంటనే వాహనం అందజేస్తామని చెప్పారు. పూర్తి సమాచారం కోసం తమను సంప్రదించాలని కోరారు. నగరమే కాకుండా నిజామాబాద్, సూర్యాపేటకు చెందిన వాహనాలు ఉన్నాయన్నారు.
News April 19, 2024
HYD: మంచు శిఖరాన్ని అధిరోహించిన NCC గ్రూప్
తెలంగాణ బెటాలియన్ ఆఫ్ HYD NCC గ్రూప్ సభ్యులు క్యాడేట్ ఉపేందర్, సిద్ధార్థ అరుణాచల్ ప్రదేశ్ వద్ద 16,460 ఫీట్ల ఎత్తులో ఉన్న గోరీచేన్ గ్లిషియర్ మంచు శిఖరాన్ని అధిరోహించినట్లు HYD డిఫెన్స్ మినిస్ట్రీ తెలిపింది. NIMAS ఇన్ స్టిట్యూట్ ఆధ్వర్యంలో NCC క్యాడెట్లకు పర్వతారోహణపై శిక్షణ అందిస్తున్నట్లు పేర్కొంది. క్యాడేట్లు అద్భుత ప్రదర్శన చేశారని ప్రశంసించింది.
News April 19, 2024
సికింద్రాబాద్: రైళ్లను పొడిగించిన SCR
సికింద్రాబాద్ సౌత్ సెంట్రల్ రైల్వే డివిజన్ పరిధిలోని కాచిగూడ-మధురై (07191) రైలును జూన్ 24 వరకు, ప్రతి బుధవారం నడుపుతున్న మధురై-కాచిగూడ(07192), జాల్నా-ఛాప్రా(07651) రైళ్లను జూన్ 26వరకు, ప్రతి శుక్రవారం నడుపుతున్న కాచిగూడ-నాగర్సోల్(07435), హెచ్ఎస్ నాందేడ్- ఈరోడ్(07189), ఛాప్రా-జాల్నా(07652) రైళ్లను జూన్ 28 వరకు పొడిగించినట్లు తెలిపారు.
Featured News
Sorry, no posts matched your criteria.