India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News April 14, 2024
HYD: ప్రియురాలికి మరొకరితో పెళ్లి.. ప్రియుడి ఆత్మహత్య
ప్రియురాలు మరో వ్యక్తిని పెళ్లి చేసుకోవడంతో మనోవేదనకు గురైన వ్యక్తి ఆత్మహత్య చేసుకున్న ఘటన HYD సూరారం PS పరిధిలో జరిగింది. పోలీసులు తెలిపిన వివరాలు.. బిహార్ వాసి తన్వీర్ ఖాన్(27)కు మూడేళ్ల క్రితం వివాహమవగా బతుకుదెరువు నిమిత్తం HYD వచ్చి దయానంద్ నగర్‌లో ఉంటున్నాడు. కాగా పెళ్లికి ముందు అతడు ప్రేమించిన యువతికి ఇటీవల పెళ్లి జరిగింది. విషయం తెలిసి తన్వీర్ ఉరేసుకుని చనిపోయాడు. శనివారం కేసు నమోదైంది.
News April 14, 2024
మాదాపూర్‌లో ఆకట్టుకున్న నృత్య ప్రదర్శన
HYD మాదాపూర్ పరిధి అన్నమయ్యపురంలో అన్నమయ్య స్వరార్చన కార్యక్రమంలో భాగంగా విద్యార్థులు కూచిపూడి నృత్యంతో ఆకట్టుకున్నారు. ఇందులో వినాయక కొతం, మూషికవాహన, ముద్దుగారే యశోద, ఇదిగో భద్రాద్రి తారంగం, అంబ పలుకు, మీనాక్షి పంచరత్న తదితర అంశాలను కళాకారులు శ్రీవిద్య, సహస్ర, శ్రీమయి, శాన్వి, మహిశ్రీ తదితరులు కలిసి ప్రదర్శించారు.
News April 14, 2024
HYD: ఈనెల 25 నుంచి ఓపెన్ టెన్త్, ఇంటర్ పరీక్షలు ప్రారంభం
ఓపెన్ స్కూల్ సొసైటీ ఆధ్వర్యంలో ఓపెన్ టెన్త్, ఇంటర్ పరీక్షలు ఈనెల 25 నుంచి ప్రారంభమవుతాయని, మే 2 వరకు జరుగుతాయని ఓపెన్ స్కూల్ సొసైటీ డైరెక్టర్ శ్రీహరి HYDలో తెలిపారు. ఉదయం 9 గంటల నుంచి మధ్యాహ్నం 12 గంటల వరకు ఒక సెషన్, మధ్యాహ్నం 2.30 నుంచి సాయంత్రం 5.30 గంటల వరకు మరో సెషన్ పరీక్షను నిర్వహించనున్నట్లు ఆయన పేర్కొన్నారు.
News April 14, 2024
HYD: ఓటరు నమోదుకు రెండు రోజులే గడువు
అర్హులైన యువతీ, యువకులు ఓటుహక్కు పొందడం కోసం దరఖాస్తు చేసుకోవడానికి మరో 2 రోజులు మాత్రమే గడువు ఉందని HYDలో అధికారులు తెలిపారు. అర్హులైన వారు పేర్లు నమోదు చేసుకోవడానికి ఈనెల 15 వరకు అవకాశం ఉందని, గ్రామ స్థాయిలో VLO, మండల స్థాయిలో తహశీల్దార్, డివిజన్ స్థాయిలో ఆర్డీవో కార్యాలయాల్లో గడువులోగా నమోదు కోసం దరఖాస్తు చేసుకోవాలని కోరారు. ఆన్‌లైన్‌లో కూడా పూర్తి వివరాలు నమోదు చేసి దరఖాస్తు చేసుకోవాలన్నారు.
News April 14, 2024
హైదరాబాద్‌లో SUMMER CRICKET
క్రికెట్‌ ప్లేయర్లకు HCA శుభవార్త చెప్పింది. ఈనెల 20న HYDలో సమ్మర్ క్యాంప్‌ మొదలుపెడుతామని సంస్థ ప్రెసిడెంట్ జగన్‌ మోహన్‌ రావు తెలిపారు. ఉచితంగా‌నే ఈ క్యాంప్‌ కొనసాగిస్తామన్నారు. ఏప్రిల్ 15 నుంచి రిజిస్ట్రేషన్ ప్రక్రియ ప్రారంభమవుతుందన్నారు. కేంద్రాల వివరాలు:
హైద‌రాబాద్‌:
జింఖానా: 90301 30346
ఫ‌ల‌క్‌నుమా: 98852 95387
అంబ‌ర్‌పేట్: 98665 82836
లాలాపేట్: 99664 62667
మాదాపూర్: 80195 35679 SHARE IT
News April 14, 2024
BREAKING: HYDలో యాక్సిడెంట్.. ఇద్దరు మృతి
HYD రాజేంద్రనగర్ ORRపై తెల్లవారుజామున ఘోర రోడ్డు ప్రమాదం జరిగింది. పోలీసులు తెలిపిన వివరాలు.. శంషాబాద్ నుంచి గచ్చిబౌలి వైపు ORRపై వేగంగా వెళ్తున్న కారు హిమాయత్‌సాగర్ వద్దకు రాగానే డివైడర్‌ను ఢీకొట్టింది. దీంతో కారులోని ఇద్దరు అక్కడికక్కడే మృతిచెందగా, మరో ముగ్గురికి తీవ్ర గాయాలయ్యాయి. ఘటనా స్థలానికి చేరుకున్న పోలీసులు మృతదేహాలను ఉస్మానియా మార్చురీకి తరలించారు. మృతుల వివరాలు తెలియాల్సి ఉంది.
News April 14, 2024
HYD: సమ్మర్ టూర్ వెళ్లాలనుకుంటున్నారా?
HYD నగరం నుంచి సమ్మర్ టూర్ వెళ్లాలనుకునే వారికి టూరిజం అధికారులు శుభవార్త తెలిపారు. 5 రోజుల టూర్లో భాగంగా అరకు ప్యాకేజీలో కైలాసగిరి, సింహాచలం, రుషికొండ, సబ్ మెరైన్ మ్యూజియం, వైజాగ్ బీచ్ చూపించనున్నట్లుగా తెలిపారు. ఈ టూర్ వెళ్లేందుకు పెద్దలకు రూ.6,999, పిల్లలకు రూ.5,599 టికెట్ ధర ఉందని పేర్కొన్నారు.
News April 14, 2024
HYD: ఊటికి వెళ్లొద్దామా..?
HYD నగరంలో ఎండలు బగ్గుమంటున్న వేళ ప్రజలు విహారయాత్రలకు ప్లాన్ చేస్తున్నారు. ఇందుకు తగ్గట్టుగా తెలంగాణ టూరిజం కార్పొరేషన్ ఆధ్వర్యంలో బెంగళూరు,ఊటీ, మైసూర్ ప్యాకేజీని ప్రతీ సోమవారం నిర్వహిస్తున్నారు. ఆరు రోజుల నిడివితో కూడిన ఈ టూర్లో టికెట్ ధర పెద్దలకు రూ.11,999, పిల్లలకు రూ.9,599 ఉందని, హోటల్ గదిలో ఒక్కరే ఉంటే టికెట్ ధరకు అదనంగా రూ.3 వేలు చెల్లించాల్సి ఉంటుందని అధికారులు తెలిపారు.
News April 14, 2024
HYD: శ్రీరాముడి శోభాయాత్రకు భారీ బందోబస్తు
శ్రీరామనవమిని పురస్కరించుకొని ఈ నెల 17న హైదరాబాద్‌లో నిర్వహించే శ్రీరామ శోభాయాత్రకు భారీ బందోబస్తు ఏర్పాటు చేస్తున్నామని నగర పోలీస్‌ కమిషనర్‌ కొత్తకోట శ్రీనివాస్‌రెడ్డి తెలిపారు. శనివారం శోభాయాత్ర నిర్వహించే వివిధ ప్రాంతాలను ఆయన ఉన్నతాధికారులతో కలిసి పరిశీలించారు. పకడ్బందీగా బందోబస్తు ఏర్పాట్లు చేస్తున్నట్లు తెలిపారు. నిర్వాహకులకు ఆయన పలు సూచనలు చేశారు. ఏటా ఈ శోభాయాత్రలో వేలాది మంది పాల్గొంటారు.
News April 13, 2024
HYDలో దారుణం.. కొడుకుని చంపిన తల్లి
హైదరాబాద్‌లో దారుణఘటన ఆలస్యంగా వెలుగుచూసింది. ఉప్పల్ PS పరిధి రామంతాపూర్‌లో చిన్న కొడుకుతో కలిసి పెద్దకొడుకుని తల్లి హత్య చేసింది. పోలీసులు తెలిపిన వివరాల ప్రకారం.. కామాక్షిపురానికి చెందిన మురళి మద్యానికి బానిసయ్యాడు. ఇంట్లో వారిని వేధిస్తున్నాడు. అతడి వేధింపులు తాళలేక తల్లి శోభ, తమ్ముడు మనోహర్ చీరతో గొంతు బిగించి చంపేశారు. కేసు దర్యాప్తు చేస్తున్నట్లు ఉప్పల్ పోలీసులు వెల్లడించారు.
Featured News
Sorry, no posts matched your criteria.