India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News March 30, 2024
HYD: OYO హోటల్‌లో యువతిపై అత్యాచారం
HYDలో దారుణఘటన వెలుగుచూసింది. KPHBలోని ఓ హాస్టల్‌లో ఉండే యువతి(22)కి 8 నెలల క్రితం డెలివరీ బాయ్‌ ఒబెదుల్లాఖాన్(23)తో స్నేహం ఏర్పడింది. MAR 28న డిన్నర్ చేద్దామని చెప్పి అమ్మాయిని జూబ్లీహిల్స్‌లోని OYOకి తీసుకెళ్లాడు. హోటల్‌లోనే మద్యం తాగి అక్కడే నిద్రపోయారు. మత్తులో ఉన్న ఆమెపై ఒబెదుల్లాఖాన్ అత్యాచారం చేశాడు. శుక్రవారం యువతి PSలో ఫిర్యాదు చేయగా కేసు నమోదు చేసి నిందితుడిని అరెస్ట్ చేశారు.
News March 30, 2024
HYD: లంచం తీసుకుంటూ దొరికిన SI
మీర్‌పేట పోలీస్‌స్టేషన్‌లో ACB అధికారులు సోదాలు జరిపారు. రూ. 10 వేలు లంచం తీసుకుంటుండగా SI సైదులుని రెడ్ హ్యాండెడ్‌గా పట్టుకున్నారు. ఓ స్థలం విషయంలో సుభాశ్ అనే వ్యక్తిని ఎస్ఐ డబ్బులు డిమాండ్ చేశారు. బాధితుడి ఫిర్యాదు మేరకు శనివారం ACB రైడ్స్ చేసింది. ఆయన ఇంట్లోనూ అధికారులు తనిఖీలు నిర్వహిస్తున్నారు.
News March 30, 2024
HYD: సీఎంని కలిసిన నందమూరి సుహాసిని
HYD నగరంలో తెలంగాణ టీడీపీ నాయకురాలు నందమూరి సుహాసిని సీఎం రేవంత్ రెడ్డిని తన నివాసంలో కలిశారు. సుహాసినిని తెలంగాణ కాంగ్రెస్ పార్టీలోకి ఆహ్వానించినట్లుగా సమాచారం. ఈ కార్యక్రమంలో ఎమ్మెల్సీ పట్నం మహేందర్ రెడ్డి, మంత్రి సురేఖ, పాలకుర్తి ఎమ్మెల్యే మామిడాల యశస్విని రెడ్డి తదితరులు పాల్గొన్నారు.
News March 30, 2024
HYD: 4 లోక్‌సభ స్థానాల్లో కాంగ్రెస్ కొత్త వ్యూహాం!
GHMC పరిధిలోని 4 లోక్‌సభ స్థానాల్లో కాంగ్రెస్ కొత్త వ్యూహాన్ని అమలు చేయాలని చూస్తోంది. ఈ నేపథ్యంలో స్థానిక సంస్థల ప్రతినిధులు, MLAల బలం అవసరమని భావిస్తోంది. ఇప్పటికే చేరికలు ప్రారంభం కాగా.. ఈ నియోజకవర్గాల పరిధిలో మరికొంతమంది MLAలను పార్టీలో చేర్చుకోవాలని ప్రణాళికలు రచిస్తోంది. ప్రస్తుతం ఐదుగురు MLAలు కాంగ్రెస్‌లో చేరడానికి సిద్ధంగా ఉన్నారని, ఎన్నికల ముందు మరికొందరు చేరే అవకాశం ఉందని సమాచారం.
News March 30, 2024
HYD: వ్యభిచార గృహంపై ఎస్ఓటీ పోలీసుల దాడి
వ్యభిచార గృహంపై ఎస్ఓటీ పోలీసులు దాడి చేసిన ఘటన ఉప్పల్ PS పరిధిలో జరిగింది. ఎస్ఐ శంకర్ తెలిపిన వివరాల ప్రకారం.. సురేష్ అనే ఆర్గనైజర్ విజయపురి కాలనీలో ఇల్లును అద్దెకు తీసుకున్నాడు. అక్కడ ఓ మహిళ(30)తో వ్యభిచారం నడిపిస్తున్నాడు. కస్టమర్ వ్యభిచార గృహంలో ఉండగా.. మల్కాజిగిరి SOT పోలీసులు దాడి చేసి పట్టుకున్నారు. ఆర్గనైజర్ సురేశ్ పరారీలో ఉన్నాడు. ఉప్పల్ పోలీసులు కేసు నమోదు చేసి దర్యాప్తు చేస్తున్నారు.
News March 30, 2024
HYD: నకిలీ ఆర్ఎంపీ వైద్యుడి అరెస్ట్
తాండూరులో నకిలీ RMP డాక్టర్‌గా చెలామణి అవుతూ, ఓ మహిళను నగ్నంగా వీడియోలు తీసిన కేసులో నిందితుడు అహ్మద్‌ను అరెస్ట్ చేసి రిమాండ్‌కు తరలించినట్లు డీఎస్పీ బాలకృష్ణారెడ్డి తెలిపారు. అహ్మద్‌ను తన క్లినిక్‌కు వచ్చే మహిళలతో అసభ్యంగా ప్రవర్తించేవాడని, ఈ క్రమంలో ఓ మహిళతోనూ అసభ్యంగా వ్యవహరించి వీడియో తీసి సోషల్ మీడియాలో ప్రచారం చేశాడన్నారు. బాధితురాలి ఫిర్యాదు మేరకు అహ్మద్‌ను అరెస్ట్ చేసినట్లు చెప్పారు.
News March 30, 2024
HYD నగరంలో హీటెక్కిస్తున్న సూరీడు!
గ్రేటర్ HYD, ఉమ్మడి RR జిల్లాల్లో ఎండలు దంచి కొడుతున్నాయి. శుక్రవారం మూసాపేటలో గరిష్ఠంగా 42.1 డిగ్రీల ఉష్ణోగ్రత నమోదైందని వాతావరణ శాఖ అధికారులు తెలిపారు. కుత్బుల్లాపూర్‌లో 42 డిగ్రీలు, ఖైరతాబాద్ 41.5, హయత్ నగర్ 41.7, చందానగర్ 41.5, శేరిలింగంపల్లి 41.2, యూసుఫ్ గూడలో 41.1 డిగ్రీల ఉష్ణోగ్రత నమోదైందని తెలిపారు. ఎండల తీవ్రత దృష్ట్యా నగరవాసులు జాగ్రత్తగా ఉండాలని అధికారులు సూచిస్తున్నారు.
News March 30, 2024
నేడు కాంగ్రెస్‌లోకి GHMC మేయర్‌
GHMC మేయర్‌ గద్వాల విజయలక్ష్మి నేడు కాంగ్రెస్ పార్టీలోకి చేరనున్నారు. బంజారాహిల్స్‌లోని మేయర్‌ క్యాంప్‌ ఆఫీస్‌లో సాయంత్రం 6 గంటలకు CM రేవంత్ రెడ్డి, దీపాదాస్‌ మున్షీ సమక్షంలో హస్తం కండువా కప్పుకోనున్నారు. ఇదిలా ఉంటే ఆమెతో‌పాటు మరికొందరు కార్పొరేటర్లు, బీఆర్ఎస్‌ నేతలు సైతం పార్టీ మారుతారని ప్రచారం జరుగుతోంది. ఇంతకీ ఆ పార్టీ మారే నేతలు ఎవరనేది గ్రేటర్ రాజకీయల్లో సర్వత్రా ఉత్కంఠగా మారింది.
News March 29, 2024
HYDలో ఎయిర్‌గన్‌తో వార్నింగ్.. ఇద్దరు అరెస్ట్
ఎయిర్‌గన్‌ తలకు పెట్టి బెదిరించిన ఇద్దరిని పోలీసులు రిమాండ్‌కు తరలించారు. శుక్రవారం ACP వెంకటేశ్వరరావు కేసు వివరాలు వెల్లడించారు. ఈ నెల 27న మీర్‌చౌక్‌ PS పరిధి ఎతేబర్‌ చౌక్‌లోని పెట్రోల్ బంకులో భక్షి అలీ, జాహి అనే ఇద్దరు సిబ్బందితో గొడవపడ్డారు. ఈ క్రమంలోనే తమ వద్ద ఉన్న ఎయిర్‌గన్‌ తీసి చంపేస్తామని బెదిరించారు. బాధితుల ఫిర్యాదు మేరకు కేసు నమోదు చేసి నిందితులను అరెస్ట్ చేసినట్లు ACP తెలిపారు.
News March 29, 2024
BRS రాజేంద్రనగర్ MLA పార్టీ మార్పు.. క్లారిటీ..!
పార్టీ మార్పు అంశంపై BRS రాజేంద్రనగర్ MLA క్లారిటీ ఇచ్చారు. ఇటీవల తెలంగాణభవన్‌లో జరిగిన చేవెళ్ల లోక్‌సభ నియోజకవర్గ విస్తృతస్థాయి సమావేశానికి హాజరుకాకపోవడంతో ప్రకాశ్ గౌడ్ పార్టీ మారుతున్నట్లు ప్రచారం జరిగింది. శుక్రవారం ఈ వ్యవహారంపై ఆయన స్పందించారు. ‘మార్చి 31న మనవరాలి పెళ్లి ఉంది. పనుల్లో బిజీగా ఉండడంతో రాలేకపోయాను. అంతమాత్రాన ఇలాంటి తప్పుడు ప్రచారం చేయడం తగదు’ అంటూ ప్రకాశ్ గౌడ్ హెచ్చరించారు.
Featured News
Sorry, no posts matched your criteria.