India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News May 11, 2024
HYD: 10 ఎంపీ సీట్లు తప్పక గెలుస్తున్నాం: అమిత్‌ షా
మిగులు బడ్జెట్‌ రాష్ట్రం ఇప్పుడు అప్పులపాలైందని కేంద్ర హోంశాఖ మంత్రి అమిత్‌ షా విమర్శించారు. గతంలో బీఆర్ఎస్ అప్పులు చేసినట్లే కాంగ్రెస్ కూడా చేస్తోందని ఆరోపించారు. శనివారం HYDలో నిర్వహించిన విలేకరుల సమావేశంలో ఆయన మాట్లాడారు. ‘‘ఈ పదేళ్లలో తెలంగాణకు రూ.లక్షల కోట్ల నిధులు ఇచ్చామని, తెలంగాణలో 10 ఎంపీ సీట్లు తప్పక గెలుస్తున్నాం. 11 చోట్ల విజయావకాశాలు ఉన్నాయి’’ అని అన్నారు.
News May 11, 2024
HYD: రిజర్వేషన్ల రద్దుకు BJP కుట్ర: CM రేవంత్‌రెడ్డి
దేశం సంక్లిష్ట పరిస్థితిని ఎదుర్కొంటోదని సీఎం రేవంత్‌రెడ్డి అన్నారు. రాజ్యాంగాన్ని మార్చాలనే లక్ష్యంతో బీజేపీ ఈ ఎన్నికల్లో ముందుకెళ్తోందని ఆరోపించారు. రిజర్వేషన్ల రద్దు ప్రాతిపదికన ఎన్నికలు జరుగుతున్నాయని ధ్వజమెత్తారు. శనివారం HYD పటాన్‌చెరులో కాంగ్రెస్ అభ్యర్థి నీలం మధుకు మద్దతుగా నిర్వహించిన ఎన్నికల ప్రచారంలో ఆయన మాట్లాడారు. 50 వేల మెజారిటీతో నీలం మధును గెలిపించాలని కోరారు.
News May 11, 2024
హైదరాబాద్ తెలంగాణకు వెన్నెముక: KCR
హైదరాబాద్.. తెలంగాణ ఆర్థిక వ్యవస్థకు వెన్నెముక అని, ఇక్కడ మరిన్ని పరిశ్రమలు తీసుకొచ్చి ఉపాధి పెంచాలి కానీ ఉన్న కంపెనీలు పోయేలా కాంగ్రెసోళ్లు చేయొద్దని KCR అన్నారు. పలు పరిశ్రమలు HYD నుంచి తరలివెళ్తున్నట్లు వార్తలు వస్తున్నాయన్నారు. KCRను తిట్టడం బంద్ చేసి తెలంగాణ అభివృద్ధిపై కాంగ్రెసోళ్లు దృష్టి సారించాలన్నారు. ప్రజలకు పనులు చేసి చూపించాలన్నారు. కరెంట్ కోతలతో ఇబ్బంది పెట్టొద్దన్నారు.
News May 11, 2024
HYD: KCRలాగానే రేవంత్ రెడ్డి ప్రమాదకారి: కిషన్ రెడ్డి
KCRలాగానే రేవంత్ రెడ్డి కూడా ప్రమాదకారి అని సికింద్రాబాద్ ఎంపీ, కేంద్రమంత్రి కిషన్ రెడ్డి అన్నారు. HYDలో ఆయన ఈరోజు మాట్లాడారు. అధికారం కోసం KCR, రేవంత్ రెడ్డి ఎంతకైనా తెగిస్తారని ఆరోపించారు. అబద్ధాలు ఆడడంలో ఇద్దరు నాయకులు ఆరితేరారన్నారు. గతంలో కాంగ్రెసోళ్ల అసమర్థత వల్లే పాకిస్థాన్‌కు అడ్డుకట్ట వేయలేకపోయారని, చివరకు సర్జికల్ స్ట్రైక్స్ గురించి ప్రూఫ్స్ అడిగే స్థాయికి రేవంత్ రెడ్డి దిగజారాడన్నారు.
News May 11, 2024
HYDలో కరెంట్ కట్.. KCR ఫైర్
HYDలో కరెంట్ కోతల విషయమై కాంగ్రెస్ ప్రభుత్వంపై KCR మండిపడ్డారు. ఈరోజు తెలంగాణ భవన్‌లో నిర్వహించిన ప్రెస్‌మీట్‌లో ఆయన మాట్లాడారు. మొన్న వర్షం కురిస్తే కొన్ని ప్రాంతాల్లో 6 నుంచి 8 గంటలు కరెంట్ కట్ చేశారని, చందానగర్‌లోనైతే 24 గంటలు కరెంట్ కట్ చేస్తే ప్రజలు సబ్‌స్టేషన్‌కి వెళ్లి ఆందోళన చేయాల్సిన పరిస్థితి ఏర్పడిందన్నారు. ఐటీ కేంద్రమైనా HYD బ్రాండ్ ఇమేజ్‌ను కాంగ్రెసోళ్లు చెడగొట్టొద్దని కోరారు.
News May 11, 2024
HYD: ఇంటర్ ఫెయిల్.. యువతి అదృశ్యం
ఇంటర్ ఫెయిల్ కావడంతో ఓ యువతి అదృశ్యమైంది. పోలీసుల వివరాలు.. ప్రకాశం జిల్లా మార్కాపురానికి చెందిన ఓ కుటుంబం మల్కాజిగిరిలోని రామకృష్ణాపురంలో నివాసం ఉంటుంది. వారి కుమార్తె (19) ఈనెల 9న ఇంట్లో నుంచి వెళ్లి తిరిగి రాలేదు. ఇంట్లో తల్లికి కుమార్తె రాసిన లేఖ లభించింది. ఇంటర్‌లో ఫెయిల్ అయినందుకు మనస్తాపంతో వెళ్లిపోతున్నట్లు లేఖలో పేర్కొంది. శుక్రవారం తల్లి ఫిర్యాదుతో నేరెడ్‌మెట్ పోలీసులు కేసు నమోదు చేశారు.
News May 11, 2024
HYD: యువతుల ఫొటోలు మార్ఫింగ్.. యువకుడి అరెస్ట్
యువతుల ఫొటోలను అశ్లీలంగా మార్చుతున్న యువకుడిని HYD మేడిపల్లి పోలీసులు శుక్రవారం అరెస్ట్ చేసి రిమాండ్కు తరలించారు. సరూర్‌నగర్‌కు చెందిన మహమ్మద్ అర్షద్ (23) ఫేక్ ఇన్‌స్టాగ్రామ్ ద్వారా అమ్మాయిల ఫొటోలు సేకరించి, నగ్న చిత్రాలుగా మార్చి సామాజిక మాధ్యమాల్లో పోస్ట్ చేస్తున్నాడు. ఈ విషయంపై ఇద్దరు యువతులు పోలీసులకు ఫిర్యాదు చేశారు. దర్యాప్తు చేపట్టి అర్షద్‌ని అరెస్టు చేసినట్లు పోలీసులు తెలిపారు.
News May 11, 2024
హైదరాబాద్‌లో మోదీ చరిష్మా వర్కౌట్‌ అయ్యేనా?
మోదీ రాకతో ఎల్బీస్టేడియం కాషాయమయమైంది. శుక్రవారం సా. ఆయన రాజధాని పరిధిలోని నలుగురు MP అభ్యర్థులకు మద్దతుగా భాగ్యనగర్‌ జనసభ‌లో ప్రసంగించారు. INC పాలనలో బాంబ్ బ్లాస్టు‌లు జరిగాయని విమర్శలు గుప్పించారు. BJP హయాంలో నగరంలో ఒక్క బ్లాస్ట్ జరగలేదన్నారు. హైదరాబాద్ అంటే తనకెంతో ఇష్టమని వ్యాఖ్యానించారు. ఆయన ప్రసంగంతో శ్రేణుల్లో ఉత్సాహం నింపారు. మరి మోదీ చరిష్మా HYDలో వర్కౌట్‌ అయ్యేనా? మీ కామెంట్?
News May 10, 2024
కాంగ్రెస్‌తోనే పాతబస్తీ అభివృద్ధి: CM రేవంత్ రెడ్డి
గొడవలు సృష్టించే MIMకు ఓటు వేయొద్దని, వ్యాపారాలు అభివృద్ధి చేసే INCకి ఓటు చేయాలని రేవంత్ రెడ్డి కోరారు. శుక్రవారం రాత్రి గోషామహల్ పరిధి బేగంబజార్ ఛత్రిలో హైదరాబాద్ MP అభ్యర్థి సమీర్ ఉల్లావల్లితో కలిసి CM ప్రచారం నిర్వహించారు. గత పదేళ్లుగా BJP మూసీ నదిని శుద్ధి చేయాలేదన్నారు. BRS కనీసం ఉస్మానియాను కూడా బాగుచేయలేదని విమర్శించారు. ఓల్డ్ సిటీ మెట్రో కాంగ్రెస్‌తోనే సాధ్యమని పేర్కొన్నారు.
News May 10, 2024
HYD: అశ్లీల నృత్యాలు.. ఆఫ్టర్ 9 పబ్ సీజ్
బంజారాహిల్స్ రోడ్ నంబర్ 8లో ఉన్న ఆఫ్టర్ 9 పబ్‌ని అమీర్‌పేట ఎక్సైజ్ పోలీసులు సీజ్ చేశారు. నిబంధనలకు విరుద్ధంగా వ్యవహరించడమే కాకుండా ఎలాంటి అనుమతి లేకుండా పబ్ కొనసాగుతోందని దర్యాప్తులో తేలింది. కొద్దిరోజుల కిందట పోలీసులు చేసిన దాడిలో 162 మంది యువతీ యువకులతో అశ్లీల నృత్యాలు చేయిస్తూ యాజమాన్యం పోలీసులకు చిక్కిన సంగతి తెలిసిందే.
Featured News
Sorry, no posts matched your criteria.