India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News July 12, 2024
హ్యాండ్లూమ్స్ స్పెషల్ ఎక్స్‌పోలో పాల్గొన్న ప్రభుత్వ విప్
వేములవాడ ఎమ్మెల్యే ఆది శ్రీనివాస్ శుక్రవారం హైదరాబాద్‌లోని పద్మశాలి బాయ్స్ హాస్టల్ ఆవరణలో మంగళగిరి హ్యాండ్లూమ్ వారి ఆధ్వర్యంలో నిర్వహించిన హ్యాండ్లూమ్ స్పెషల్ ఎక్స్‌పోలో పాల్గొన్నారు. ఈ సందర్భంగా ప్రభుత్వ విప్ ఆది శ్రీనివాస్ మాట్లాడుతూ.. నేతన్నల సంక్షేమమే రాష్ట్ర ప్రభుత్వ లక్ష్యమన్నారు.
News July 12, 2024
రామగుండం: పోలీస్ కమిషనరేట్‌లో SIల బదిలీలు
రామగుండం పోలీస్ కమిషనరేట్ పరిధిలో పలువురు ఎస్సైలు బదిలీ అయ్యారు. రామగుండం SIసతీష్ – NTPC-SIగా, NTPC-SIఉదయ్ కిరణ్‌ని VRకు బదిలీ చేశారు. GDK-1 SI సమ్మయ్య- రామగుండం SIగా, RGM-SI ఉషారాణి VRకు, VRలో ఉన్న బానేష్ – GDK-1Townకు, GDK-SI సౌజన్య- బెల్లంపల్లికి, బెల్లంపల్లి-SIప్రశాంత్‌ను- GDK-1కు బదిలీ చేశారు. మరో ఇద్దరు SIలు బదిలీ అయ్యారు.
News July 12, 2024
పెద్దపల్లి జిల్లాలో 12వ శతాబ్ధం నాటి అరుదైన విగ్రహం
పెద్దపల్లి జిల్లా సుల్తానాబాద్ మండలం గర్రెపల్లి శ్రీవేణుగోపాలస్వామి ఆలయంలో అరుదైన విగ్రహాన్ని గుర్తించారు. పెద్దపల్లికి చెందిన చరిత్ర పరిశోధకుడు సతీశ్.. ఇటీవల ఆలయాన్ని సందర్శించిన సమయంలో అరుదైన అష్ట మహిషులతో కూడిన విగ్రహాన్ని గుర్తించినట్లు పేర్కొన్నారు. ఈ విగ్రహం 12వ శతాబ్ధంలో కళ్యాణి చాళుక్యుల కాలం నాటిదిగా భావిస్తున్నట్లు తెలిపారు.
SHARE
News July 12, 2024
కరీంనగర్: మద్యం తాగి వాహనం నడిపితే జైలు
మద్యం తాగి వాహనం నడుపుతూ పట్టుబడిన వాహనదారులకు కరీంనగర్ కోర్టు జైలు శిక్ష విధించినట్లు కరీంనగర్ ట్రాఫిక్ సీఐ కరీముల్లా ఖాన్ గురువారం తెలిపారు. ముగ్గురికి మూడు రోజుల జైలు శిక్ష, రూ.7,000 జరిమానా విధించారు. మిగతా ఇరవై మందికి రూ.35,500 జరిమానా విధించినట్లు సీఐ కరీముల్లా ఖాన్ వివరించారు.
News July 12, 2024
సింగరేణి నివాస గృహాల ఖాళీ చేసేందుకు కసరత్తు
సింగరేణి సంస్థకు సంబంధించిన నివాస గృహాల ఖాళీ చేసేందుకు కసరత్తు చేస్తుంది. రిటైర్డ్ ఉద్యోగులు, విధులు సక్రమంగా నిర్వహించకపోవడంతో తొలగించిన కార్మికులు, సంస్థ గృహాల్లో అనధికారికంగా ఉంటున్న వారిని ఖాళీ చేయించేందుకు యజమాన్యం విజిలెన్స్ విచారణ చేస్తుంది. ఇప్పటికే ఖాళీ చేయాలని ఆదేశాలు జారీ చేసింది. అలా కాని విషయంలో నివాస గృహాలకు సంబంధించి నీరు, కరెంటు కట్ చేసేందుకు సిద్ధమవుతోంది.
News July 12, 2024
KNRలో ముంబై పోలీసులు.. కీలక ముఠా అరెస్టు
ముంబైలో పెద్ద ఎత్తున లావాదేవీలను నడిపిన ముఠా ఆనవాళ్లు KNRలో బయటపడ్డాయి. అంతర్జాతీయ స్థాయి సైబర్ మోసంలో భాగంగా భారీనగదు బదిలీచేసిన ముఠాలోని కీలక వ్యక్తులను KNRలో పట్టుకున్నారు. ముంబై నుంచి వచ్చిన ఇద్దరు CIలు, ఇద్దరు SIలు, నలుగురు కానిస్టేబుళ్లు విచారణ జరిపి పలు వివరాలను సేకరించారు. అనంతరం ఇద్దరిని వదిలేసి, ఒకరిని అదుపులోనే ఉంచారు. ఇదే కేసులో కీలకంగా భావిస్తున్న మహిళ కోసం ఆరా తీస్తున్నట్లు సమాచారం.
News July 12, 2024
కాళేశ్వరం ఆర్థిక అవకతవకలపై దృష్టి!
కాళేశ్వరం ఎత్తిపోతల పథకంలో బ్యారేజీల వైఫల్యానికి గల కారణాలపై ఇప్పటివరకు విచారణ జరిపిన జస్టిస్‌ పినాకి చంద్రఘోష్‌ కమిషన్‌.. ఇకపై ఆర్థిక అవకతవకలపై దృష్టి సారించనుంది. బ్యారేజీలకు తొలుత పరిపాలనాపరమైన అనుమతి ఎంత? మధ్యలో ఎన్నిసార్లు అంచనాలను సవరించారు? వాస్తవ వ్యయం ఎంత? సబ్‌ కాంట్రాక్టర్లకు ఎంతిచ్చారనే కోణంలో విచారణ చేపట్టనున్నారు. ఇందుకుగాను ఒక CAను సమకూర్చాలని కమిషన్‌ రాష్ట్ర ప్రభుత్వాన్ని కోరారు.
News July 12, 2024
సిరిసిల్ల: భయపెడుతున్న డెంగ్యూ!
ఉమ్మడి KNR వ్యప్తంగా డెంగ్యూ కేసులు పెరుగుతున్నాయి. రెండ్రోజుల క్రితం సిరిసిల్ల జిల్లా తంగళ్లపల్లి(M)లో డెంగ్యూ కేసు నమోదైంది. ఈ ఏడాది మొత్తం నాలుగు కేసులు నమోదయ్యాయి. కాగా, ప్రైవేటు ఆసుపత్రుల్లో డెంగ్యూ బారిన పడి చికిత్స పొందుతున్నవారి సంఖ్య లెక్కలోకి రావట్లేదు. జిల్లాలో 17 గ్రామాలు, సిరిసిల్ల, వేములవాడ మున్సిపాలిటీల్లో 6 ప్రాంతాలను డెంగ్యూ హైరిస్క్‌ ప్రాంతాలుగా వైద్యాధికారులు గుర్తించారు.
News July 12, 2024
‘అమ్మ ఆదర్శ పాఠశాల పనులు త్వరితగతిన పూర్తి చేయాలి’
అమ్మ ఆదర్శ పాఠశాల పనులు త్వరితగతిన పూర్తిచేయాలని జగిత్యాల జిల్లా కలెక్టర్ బి. సత్య ప్రసాద్ అన్నారు. గురువారం కలెక్టరేట్లోని మీటింగ్ హాలులో అమ్మ ఆదర్శ పాఠశాల పనుల ప్రగతిపై అధికారులతో సమావేశం నిర్వహించారు. ఈ సందర్భంగా కలెక్టర్ మాట్లాడుతూ.. అమ్మ ఆదర్శపాఠశాల పనులు సకాలంలో ముగించాలన్నారు. కార్యక్రమములో ఇన్ ఛార్జ్ అదనపు కలెక్టర్ గౌతమ్ రెడ్డి, జిల్లా విద్యాధికారి బి జగన్మోహన్ రెడ్డి పాల్గొన్నారు.
News July 12, 2024
ఇంటింటా ఇన్నోవేషన్ 2024.. ఆగస్టు 3లోగా పంపండి
సిరిసిల్లలో ఇంటింటా ఇన్నోవేటర్ కార్యక్రమానికి ఔత్సాహికులు తమ ఆవిష్కరణల వివరాలు ఆగస్టు 3లోగా పంపాలని కలెక్టర్ సందీప్ కుమార్ తెలిపారు. గురువారం తన ఛాంబర్లో ఇంటింటా ఇన్నోవేషన్ 2024 పోస్టర్ ఆవిష్కరించారు. తమ ఆవిష్కరణకు సంబంధించిన 2 నిమిషాల నిడివి వీడియో, 4 ఫోటోలు, పేరు, ఫోన్ నంబర్, వయసు, గ్రామం, జిల్లా పేరు తదితర వివరాలతో 9100678543కు వాట్సాప్ చేయాలన్నారు.
Featured News
Sorry, no posts matched your criteria.