India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News July 9, 2024
KNR: డ్రగ్స్ నియంత్రణపై కలెక్టర్ అవగాహన
అధికారులు, ప్రజలు అందరం కలిసి డ్రగ్స్ అనే మహమ్మారిని జిల్లా నుంచి తరిమికొడదామని, డ్రగ్స్ రహిత జిల్లాగా తయారు చేద్దామని కలెక్టర్ పమేలా సత్పతి పిలుపునిచ్చారు. డ్రగ్స్ నియంత్రణపై ఎక్సైజ్‌శాఖ అధికారులతో పాటు వివిధ శాఖల అధికారులతో కలెక్టర్ అవగాహన సమావేశం నిర్వహించారు. యువత డ్రగ్స్, ఇతర వ్యసనాలకు దూరంగా ఉండాలని సూచించారు. వ్యసనాల బారిన పడి యువత ఉజ్వల భవిష్యత్తును నాశనం చేసుకోవద్దని కోరారు.
News July 9, 2024
BREAKING.. KNR: సెప్టిక్ ట్యాంక్‌లో పడి బాలుడి మృతి
పెద్దపల్లి జిల్లాలో విషాదం నెలకొంది. జిల్లా ప్రభుత్వ ఆస్పత్రి ఆవరణలోని సెప్టిక్ ట్యాంక్‌లో పడి ఎనిమిదేళ్ల బాలుడు మృతి చెందాడు. ఆస్పత్రిలో చికిత్స పొందుతున్న తండ్రి వద్దకు తల్లితో వచ్చిన బాలుడు.. ఆడుకుంటూ వెళ్లి మూత తెరిచిఉన్న సెప్టిక్ ట్యాంక్‌లో పడ్డాడు. కాగా, మృతుడి కుటుంబం MHBD జిల్లాకురవి మండలం సుదనపల్లికి చెందినవారు కాగా.. ఉపాధి నిమిత్తం పెద్దపల్లిలో ఉంటున్నారు.
News July 9, 2024
KNR: ఒకే గదిలో 5 తరగతుల విద్యార్థులు
ప్రభుత్వ పాఠశాలల్లో అదనపు తరగతి గదుల నిర్మాణంపై ప్రభుత్వం జాప్యం చేస్తుండటంతో విద్యార్థులు ఇబ్బంది పడుతున్నారు. చిగురుమామిడి మం. లాలయ్యపల్లి ప్రభుత్వ ప్రాథమిక పాఠశాలలో 1-5 తరగతుల్లో 30 మంది విద్యార్థులు, ముగ్గురు ఉపాధ్యాయులు ఉన్నారు. ఈ స్కూల్‌లో రెండు గదులు ఉండగా ఒకటి శిథిలావస్థకు చేరింది. దీంతో వర్షం పడితే అన్ని తరగతుల విద్యార్థులకు ఒకే గదిలో పాఠాలు చెబుతున్నారు. మిగతా సమయాల్లో బయట చెబుతున్నారు.
News July 9, 2024
వేములవాడ: రేపు హుండీ లెక్కింపు
వేములవాడలోని అగ్రహారం ఆంజనేయస్వామి హుండీ లెక్కింపును ఈనెల 10న నిర్వహించనున్నట్లు ఆలయ కార్యనిర్వహణ అధికారి మారుతి వెల్లడించారు. ఆలయ ఆవరణలో ఉదయం 10 గంటలకు ఈ కార్యక్రమాన్ని నిర్వహించనున్నట్లు పేర్కొన్నారు. ఆసక్తి ఉన్నవారు హాజరు కావచ్చునని ఆయన తెలిపారు.
News July 9, 2024
కాళేశ్వరం: 14 మంది ఇంజినీర్లను విచారించిన జస్టిస్
కాళేశ్వరం ప్రాజెక్ట్‌పై జస్టిస్ పీసీ చంద్రఘోష్ కమిషన్ విచారణ కొనసాగుతోంది. కాళేశ్వరంపై రిపోర్ట్‌ను కమిషన్కు కాగ్(CAG) అందజేసింది. ఎన్‌డీఎస్‌ఏ, విజిలెన్స్ ఫైనల్ రిపోర్టు ఇవ్వాలని మరోసారి కాళేశ్వరం కమిషన్ ఆదేశించింది. సోమవారం 14 మంది పంప్ హౌస్ ఇంజినీర్లను విచారించిన కమిషన్.. ఈనెల 16లోపు కమిషన్కు నివేదించిన సమాచారాన్ని అఫిడవిట్ల రూపంలో అందించాలని అధికారులను ఆదేశించారు.
News July 9, 2024
కరీంనగర్ జిల్లా యువతికి రూ.34.4 లక్షల ప్యాకేజీ
క్యాంపస్ ప్లేస్‌మెంట్స్‌లో భారీ ప్యాకేజీ సంపాదించి KNR జిల్లాకు చెందిన ఓ యువతి ఔరా అనిపించింది. HZBDకు చెందిన CSE విద్యార్థిని యాల్ల కృష్ణవేణి ఓ కంపెనీలో రూ.34.4 లక్షల ప్యాకేజీతో ఉద్యోగం పొందింది. కృష్ణవేణి మాట్లాడుతూ.. తమది మధ్య తరగతి కుటుంబం కావడంతో నాన్న కష్టం చూసి చదివానని, భారీ ప్యాకేజీతో పొందడం సంతోషంగా ఉందని పేర్కొంది. కోడింగ్‌పై ప్రత్యేక దృష్టి సారించడం తనకు కలిసొచ్చిందని తెలిపింది.
News July 9, 2024
లంబాడిపెల్లి టూ హాలీవుడ్ రేంజ్!
జగిత్యాల జిల్లా మల్యాల మండలంలోని లంబాడిపెల్లికి చెందిన ఓ యూట్యూబ్ ఛానల్ యాక్టర్ రసూల్ ప్రభాస్ కల్కి సినిమాలో నటించి అందరి మన్నులను పొందాడు. గతంలోనూ సత్తి గాని రెండెకరాల సినిమాలో కీలకపాత్ర పోషించాడు. ఆ సినిమా వేడుకల్లో కల్కి డైరెక్టర్ నాగ అశ్విన్ హాజరయ్యారు. ఈ క్రమంలో రసూల్(మని వర్షిత్) చురుకుదనాన్ని గుర్తించి కల్కి సినిమాలో అవకాశం ఇచ్చినట్లు యూట్యూబ్ ఛానల్ టీం వాళ్లు తెలిపారు.
News July 8, 2024
ఉమ్మడి కరీంనగర్ జిల్లాలో నేటి టాప్ న్యూస్
@ ఎంపీ ధర్మపురి అరవింద్ ను పరామర్శించిన కోరుట్ల ఎమ్మెల్యే. @ జగిత్యాల ప్రజావాణిలో 58 ఫిర్యాదులు. @ గంభీరావుపేట మండలంలో ట్రాక్టర్ బోల్తా పడి ఒకరి మృతి. @ కోరుట్ల పట్టణంలో రైలు ఢీకొని వ్యక్తి మృతి. @ ఉమ్మడి కరీంనగర్ జిల్లా వ్యాప్తంగా వైయస్ రాజశేఖర్ రెడ్డి జయంతి. @ మంథని మండలంలో విద్యుత్ షాక్ తో మేక మృతి. @ గంజాయి సరఫరా చేస్తున్న ముగ్గురిని అరెస్టు చేసిన మెట్పల్లి పోలీసులు.
News July 8, 2024
గంభీరావుపేట: ట్రాక్టర్ బోల్తా.. వ్యక్తి మృతి
గంభీరావుపేట మండలం నర్మాలలో ట్రాక్టర్ నుంచి జారిపడి వ్యక్తి మృతిచెందాడు. స్థానికులు తెలిపిన వివరాల ప్రకారం.. నర్మాల గ్రామానికి చెందిన దండుగుల శ్రీనివాస్ (45) పొలం వద్ద ట్రాక్టర్‌తో పనులు చేస్తున్నాడు. అదే ట్రాక్టర్‌పై గ్రామానికి వెళ్లేందుకు సిద్ధమవుతుండగా పొలంఓడ్డు నుంచి ట్రాక్టర్ బోల్తా పడింది. ఈ ప్రమాదంలో శ్రీనివాస్ అక్కడికక్కడే మృతి చెందాడు. పూర్తి సమాచారం తెలియాల్సి ఉంది.
News July 8, 2024
జగిత్యాల ప్రజావాణిలో 58 ఫిర్యాదులు
జగిత్యాల కలెక్టరేట్లో సోమవారం నిర్వహించిన ప్రజావాణికి 58 ఫిర్యాదులు వచ్చినట్లు కలెక్టర్ సత్యప్రసాద్ తెలిపారు. వచ్చిన ఫిర్యాదులను సత్వరం పరిష్కరించాలని సంబంధిత శాఖల అధికారులను ఆదేశించారు. ఈ కార్యక్రమంలో అడిషనల్ కలెక్టర్లు పి.రాంబాబు, రఘువరన్ ఆర్డీవోలు మధుసూదన్, ఆనంద్ కుమార్, శ్రీనివాస్ తదితరులు పాల్గొన్నారు.
Featured News
Sorry, no posts matched your criteria.