India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News June 29, 2024
సిరిసిల్ల: ఈవీఎం గోదామును తనిఖీ చేసిన కలెక్టర్
సిరిసిల్ల మున్సిపాలిటీ పరిధిలోని సర్దాపూర్‌లో గల ఈవీఎం గోదామును కలెక్టర్ సందీప్ కుమార్ ఝా శుక్రవారం తనిఖీ చేశారు. సాధారణ తనిఖీల్లో భాగంగా పరిశీలించి, రిజిస్టర్లో సంతకం చేసి అధికారులకు, భద్రతా సిబ్బందికి పలు సూచనలు చేశారు. ఆయన వెంట ఆర్డిఓ రమేష్, తహసీల్దార్ షరీఫ్, ఎన్నికల విభాగం అధికారులు ఉన్నారు.
News June 28, 2024
ఉమ్మడి కరీంనగర్ జిల్లాలో నేటి టాప్ న్యూస్
@ తంగళ్లపల్లి మండలంలో ప్రభుత్వ పాఠశాలను పరిశీలించిన సిరిసిల్ల కలెక్టర్.
@ ధర్మపురి పట్టణంలో ప్రభుత్వ ఆసుపత్రిని తనిఖీ చేసిన జగిత్యాల కలెక్టర్.
@ ఎల్లారెడ్డిపేట మండలంలో బైక్ ఢీకొని బాలుడికి తీవ్ర గాయాలు.
@ కోరుట్ల పట్టణంలో ట్రాక్టర్‌ను ఢీ కొట్టిన లారీ.
@ ఇబ్రహీంపట్నం మండలంలో దాడికి పాల్పడి చోరీ చేసిన ముగ్గురి అరెస్ట్.
@ కేంద్ర మంత్రి నిర్మల సీతారామన్‌ను కలిసిన ఎంపీ ధర్మపురి అరవింద్.
News June 28, 2024
షియా మత పెద్దలతో మంత్రి పొన్నం సమావేశం
పవిత్ర మాసంలో నిర్వహించే కార్యక్రమాలకు అసౌకర్యం కలగకుండా ప్రభుత్వం అన్ని ఏర్పాట్లు చేస్తుందని మంత్రి పొన్నం ప్రభాకర్ తెలిపారు. ప్రభుత్వ సలహాదారుడు షబ్బీర్ అలీతో కలిసి వివిధ శాఖల అధికారులు, షియా మత పెద్దలతో సమావేశం నిర్వహించారు. మొహర్రం కార్యక్రమాలు నిర్వహించే అశుర్ కానాల వద్ద పికెటింగ్ ఏర్పాటు చేయాలని సూచించారు. అశుర్ ఖానాల పరిసర ప్రాంతాల్లో పెండింగ్‌లో ఉన్న పనులను పూర్తి చేయాలన్నారు.
News June 28, 2024
KNR: తల్లి ప్రేమ.. కొడుకు కోసం ఆటో డ్రైవర్‌గా 55ఏళ్ల మహిళ
మనవళ్లు, మనవరాళ్లతో ఉండాల్సిన సమయంలో జీవనోపాధికోసం ఆటో నడుపుతూ జీవితాన్ని కొనసాగిస్తోంది కరీంనగర్ జిల్లా కొత్తపెల్లికి చెందిన ఉమా. భర్త కాలం చేయడంతో భర్త వృత్తినే తన వృత్తిగా మలుచుకుంది. 55ఏళ్ల వయసులో ప్రతిరోజు ఆటో నడుపుతూ జీవనం కొనసాగిస్తోంది. ఆటోలు ఎక్కువ కావడంతో గిరాకీ తక్కువగా అవుతుందన్నారు. బిడ్డ, కొడుకుకు పెళ్లై పిల్లలు ఉన్నారని, కొడుకు కిడ్నీలు పాడవడంతో ఆటో నడుపుతున్నామని చెప్పింది.
News June 28, 2024
నితిన్ గడ్కరీని కలిసిన ఎంపీ ఈటల
కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీని మల్కాజిగిరి ఎంపీ ఈటల రాజేందర్ మర్యాదపూర్వకంగా కలిశారు. మల్కాజ్గిరి పార్లమెంటు సమస్యలతో పాటు హుజురాబాద్ నియోజకవర్గంలోని సింగపూర్, రాంపూర్, రంగాపూర్, పెద్ద పాపయ్య పల్లి మీదుగా వేస్తున్న సర్వీస్ రోడ్డు నిర్మాణం వలన రైతులు ఇబ్బందులు పడకుండా చూడాలని కోరారు.
News June 28, 2024
సిరిసిల్ల: చిరుత దాడిలో లేగ దూడలు మృతి
సిరిసిల్ల జిల్లా కోనరావుపేట మండలం ధర్మారం గ్రామంలో లేగ దూడలపై చిరుతపులి దాడి చేసినట్లు తెలుస్తోంది. ఈ దాడిలో లచ్చిరెడ్డి అనే రైతుకు చెందిన రెండు లేగ దూడలు మృతి చెందినట్లు సమాచారం. చిరుత సంచారంతో గ్రామస్థులు భయాందోళనకు గురవుతున్నారు. గతంలో కూడా పలుమార్లు చిరుతపులి పాడి పశువులపై దాడులు చేసిన విషయం తెలిసిందే. కాగా, ఫారెస్ట్ అధికారుల నుంచి ఇలాంటి సమాచారం లేదు.
News June 28, 2024
కేంద్ర మంత్రిని కలిసిన ఎంపీ అరవింద్
కేంద్ర ఆర్థిక శాఖ మంత్రి నిర్మలా సీతారామన్‌ను శుక్రవారం నిజామాబాద్ పార్లమెంటు సభ్యుడు ధర్మపురి అరవింద్ మర్యాదపూర్వకంగా కలిశారు. రెండోసారి మంత్రిగా పదవీ బాధ్యతలు స్వీకరించిన సందర్భంగా ఆమెకు పుష్పగుచ్చం అందించి శుభాకాంక్షలు తెలిపారు. నిజామాబాద్ పార్లమెంట్ కు సంబంధించి పలు అభివృద్ధి పనుల విషయం చర్చించారు.
News June 28, 2024
తప్పిపోయిన యువకుడి ఆచూకీ కోసం చర్యలు తీసుకోవాలి: MLC
జగిత్యాల రూరల్ మండలం లక్ష్మీపూర్ గ్రామానికి చెందిన మల్లేష్ వారం క్రితం ఓమాన్-యూఏఈ (మస్కట్-దుబాయి)దేశాల సరిహద్దులో తప్పిపోయాడని అతని కుటుంబ సభ్యులు MLC జీవన్ రెడ్డిని శుక్రవారం కలిసి సహాయాన్ని కోరారు. ఈ మేరకు స్పందించిన MLC మస్కట్, దుబాయిలలోని భారత రాయబారులు, కేంద్ర విదేశాంగ మంత్రి, ముఖ్యమంత్రి కార్యాలయానికి, జిల్లా కలెక్టర్, జిల్లా ఎస్పీకి ‘X’ ద్వారా ట్వీట్ చేసి చర్యలు తీసుకోవాలని కోరారు.
News June 28, 2024
సిరిసిల్ల: మొన్న ప్రియుడు.. ఈరోజు ప్రియురాలు మృతి
సిరిసిల్ల జిల్లా ముస్తాబాద్ మండలంలో ప్రేమ జంట ఆత్మహత్యాయత్నం చేసిన విషయం విదితమే. కాగా మొన్న ప్రియుడు.. ఈ రోజు ప్రియురాలు చనిపోయింది. గూడెం గ్రామానికి చెందిన <<13504961>>చందు<<>>, భాగ్యలక్ష్మి కరీంనగర్‌లోని ఓ పార్కులో ఈ నెల 24న పురుగుమందు తాగి ఆత్మహత్యాయత్నం చేశారు. ప్రియుడు అక్కడే చనిపోగా.. ప్రియురాలు ఎల్లారెడ్డిపేటలోని ఓ ఆసుపత్రిలో చికిత్స పొందుతూ ఈరోజు మరణించింది. దీంతో గ్రామంలో విషాద ఛాయలు అలుముకున్నాయి.
News June 28, 2024
కొండగట్టులో ఘనంగా జ్యేష్ఠాభిషేకం
ప్రముఖ కొండగట్టు శ్రీ ఆంజనేయ స్వామి పుణ్యక్షేత్రంలో శుక్రవారం జ్యేష్ఠాభిషేకంఘనంగా నిర్వహించారు. ఈ సందర్భంగా అర్చకులు ప్రత్యేక పూజలు నిర్వహించారు. అష్టోత్తర శతకళశాలతో శ్రీ స్వామివారికి అభిషేకాలు జరిపారు. ఈ కార్యక్రమంలో ఆలయ ఈఓ చంద్రశేఖర్, స్థానాచార్యులు కపిందర్, ప్రధాన అర్చకులు జితేంద్ర స్వామి, ఉప ప్రధాన అర్చకులు చిరంజీవి స్వామి, సూపరింటెండెంట్ శ్రీనివాస్ శర్మ తదితరులు ఉన్నారు.
Featured News
Sorry, no posts matched your criteria.