India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News August 15, 2024
‘ఖని’ ఆసుపత్రిలో కీలు మార్పిడి ఆపరేషన్ సక్సెస్
గోదావరిఖని ప్రభుత్వ జనరల్ ఆసుపత్రిలో సంజయ్ నగర్‌కు చెందిన లింగమ్మ(63) అనే మహిళకు కీలు మార్పిడి ఆపరేషన్ చేసి సక్సెస్ చేశారు. డాక్టర్లు రాజు, యాకూబ్ ఆమెకు పరీక్షలు నిర్వహించి, మోకాలులోని కీలును తొలగించారు. మూడు రోజుల అనంతరం ఆమె యథాస్థితికి వచ్చి నడుస్తుందని తెలిపారు. ఈ సందర్భంగా మెడికల్ కాలేజ్ ప్రిన్సిపల్ హిమబిందు, ఆసుపత్రి సూపరిండెంటెండ్ దయాల్ సింగ్ వైద్యులను అభినందించారు.
News August 15, 2024
సిరిసిల్ల: పాము కాటుకు గురై బాలుడు మృతి
సిరిసిల్ల జిల్లాలో విషాదం నెలకొంది. స్థానికుల వివరాల ప్రకారం.. ఎల్లారెడ్డిపేట మండలం వెంకటాపూర్ గ్రామానికి చెందిన బాలుడు అఖిల్(9) పాముకాటు గురై మృతి చెందాడు. అయితే తండ్రి లేకపోగా.. అఖిల్ తల్లి నిరుపేద కుటుంబానికి చెందినవారు కావడంతో వరంగల్ MGMకు తరలించారు. ఈ క్రమంలో బాలుడు ఆసుపత్రిలో చికిత్స పొందుతు బుధవారం మృతి చెందాడు. దీంతో గ్రామంలో విషాద ఛాయలు అలుముకున్నాయి.
News August 15, 2024
పెద్దపల్లి: ఈ సారు టాలెంట్‌కు ఫిదా అవ్వాల్సిందే
అగ్గిపుల్ల సబ్బుబిళ్ల కాదేది కళకు అనర్హం అన్నట్టు సూక్ష్మకళలో రాణిస్తున్నాడు పెద్దపల్లి జిల్లా ఓదెల మండలం మడకకు చెందిన ప్రభుత్వ ఉపాధ్యాయుడు ఆడెపు రజనీకాంత్. బ్లాక్ బోర్డుపై రాసేందుకు మాత్రమే ఉపయోగించే చాక్ పీస్‌పై 78 జాతీయ పతాకాలు చెక్కి ఆకట్టుకుంటున్నారు. ఇదివరకు కూడా రెండు బియ్యపు గింజలపై, 8 సెంటీమీటర్ల చాక్ పీస్‌పై 284 ఇంగ్లిష్ అక్షరాలతో జాతీయ గీతాన్ని చెక్కి ప్రశంసలు అందుకున్నారు.
News August 15, 2024
KNR: కాకుల కొట్లాటతో నిలిచిన కరెంట్
కాకులు కొట్లాడుకుంటూ కరెంట్ తీగలకు తగలడంతో కరెంట్ సరఫరా నిలిచిపోయిన ఘటన KNR పట్టణంలో జరిగింది. అధికారుల ప్రకారం.. మంకమ్మతోటలోని లేబర్ అడ్డా హన్‌మాన్ ఆలయం సమీపంలో సా.4:21కు రెండు కాకులు కొట్లాడుకుంటూ సమీపంలోని 11KV గీతా భవన్ ఫీడర్‌పై పడ్డాయి. దీంతో కాకులు అక్కడికక్కడే మృతి చెందగా.. పద్మనగర్ 33KV విద్యుత్ ఉపకేంద్రం పరిధిలోని ప్రాంతాలకు కరెంట్ నిలిచిపోయింది. అధికారులు కరెంట్ సరఫరాను పునరుద్ధరించారు.
News August 15, 2024
సీఎం, ఐటీ మంత్రులను కలిసిన ప్రభుత్వ విప్
విదేశీ పర్యటన ముగించుకొని రాష్ట్రానికి విచ్చేసిన సీఎం రేవంత్ రెడ్డి, మంత్రి శ్రీధర్ బాబులను వేములవాడ MLA, ప్రభుత్వ విప్ ఆది శ్రీనివాస్ వేరువేరుగా బుధవారం మర్యాదపూర్వకంగా కలిశారు. సీఎం రేవంత్ రెడ్డి పర్యటన ద్వారా రాష్ట్రానికి భారీ పెట్టుబడులు, ఉపాధి అవకాశాలు తీసుకురావడానికి ఎంతో దోహదపడుతుందని ఆది శ్రీనివాస్ అన్నారు. పర్యటన పట్ల ప్రజలు హర్షం వ్యక్తం చేశారు.
News August 14, 2024
ఉమ్మడి కరీంనగర్ జిల్లాలో నేటి టాప్ న్యూస్
@ వేములవాడ ప్రభుత్వాసుపత్రిని తనిఖీ చేసిన కలెక్టర్ సందీప్ కుమార్ ఝా
@ జగిత్యాల కలెక్టర్‌తో ఎంపీ ధర్మపురి అరవింద్ భేటీ
@ ముస్తాబాద్ మండలంలో ఉరివేసుకొని వ్యక్తి ఆత్మహత్య
@ సిరిసిల్లలో ఇంట్లో దూరిన నెమలి.. పట్టుకున్న ఫారెస్ట్ అధికారులు
@ మెట్పల్లిలో బాలుడి కిడ్నాప్ కు పాల్పడిన పడిన వ్యక్తి అరెస్ట్
@ స్వాతంత్ర దినోత్సవానికి ముస్తాబైన ఉమ్మడి కరీంనగర్ జిల్లా కలెక్టరేట్లు
News August 14, 2024
కరీంనగర్: స్వతంత్ర దినోత్సవ ఏర్పాట్లు పరిశీలించిన జిల్లా కలెక్టర్
పోలీస్ పరేడ్ గ్రౌండ్‌లో స్వాతంత్ర దినోత్సవం ఏర్పాట్లను జిల్లా కలెక్టర్ పమేలా సత్పతి, రెవిన్యూ డివిజనల్ అధికారి మహేశ్వర్ కలిసి పరిశీలించారు. మైదానంలో ఏర్పాట్లపై ఆరా తీశారు. రేపు ఉ.9 గంటలకు మంత్రి శ్రీధర్ బాబు జెండా ఆవిష్కరిస్తున్నట్లు తెలిపారు. అధికారులు తమ కార్యాలయంలో వేడుకల అనంతరం పరేడ్ గ్రౌండ్‌కు రావాలని సూచించారు. మైదానంలో అన్ని సదుపాయాలు ఉండేలా చర్యలు తీసుకోవాలని ఆదేశించారు.
News August 14, 2024
ధర్మపురి లక్ష్మీనరసింహస్వామి ఆలయ ఆదాయ వివరాలు
జగిత్యాల జిల్లాలోని సుప్రసిద్ధ ధర్మపురి లక్ష్మీనరసింహస్వామి ఆలయానికి బుధవారం రూ.1,23,427 ఆదాయం సమకూరినట్లు ఆలయాధికారులు తెలిపారు. అందులో వివిధ కార్యక్రమాలు టికెట్లు అమ్మకం ద్వారా రూ.50,261, ప్రసాదాల అమ్మకం ద్వారా రూ.59,930, అన్నదానం రూ.13,236, వచ్చినట్లు ఆలయ కార్య నిర్వాహణాధికారి సంకటాల శ్రీనివాస్ తెలిపారు.
News August 14, 2024
కరీంనగర్ జిల్లాలో మరో 10 నూతన గ్రామపంచాయతీలు
కరీంనగర్ జిల్లాలో మరో 10 నూతన గ్రామపంచాయతీలు ఏర్పాటు కానున్నాయి. ప్రస్తుతం జిల్లాలో 313 గ్రామపంచాయతీలు ఉన్నాయి. ప్రజలకు మెరుగైన వసతులు, పాలనా సౌలభ్యం చేరువ కావడానికి రాష్ట్ర సర్కార్ కొత్త పంచాయతీలు ఏర్పాటు చేయనుంది. నిబంధనల మేరకు జిల్లాలో 10 చోట్ల అవకాశముందని గెజిట్‌ను విడుదల చేసింది. జిల్లాలో ఇప్పటి వరకు 313 ఉండగా కొత్తగా పది నూతన గ్రామపంచాయతీల ఏర్పాటుతో వాటి సంఖ్య 323 కానుంది.
News August 14, 2024
రోడ్డు భద్రత చర్యలపై అధికారులతో సమావేశం నిర్వహించిన సీపీ
కరీంనగర్ ట్రాఫిక్ నియంత్రణ, రోడ్డు భద్రత చర్యలపై పలు శాఖల అధికారులతో కరీంనగర్ పోలీస్ కమీషనర్ అభిషేక్ మొహంతి సమావేశం నిర్వహించారు. కరీంనగర్‌లోని ట్రాఫిక్ నియంత్రణ కొరకు ప్రధాన కూడళ్ల వద్ద సిగ్నల్ వ్యవస్థను మరింత మెరుగుపరచాలన్నారు. సీసీ కెమెరాలను సంఖ్యను పెంచి వాటి పనితీరును ఎప్పటికప్పుడు పర్యవేక్షించాలని సూచించారు. అవసరమైన చోట్ల మాత్రమే యూ టర్న్‌ల ఏర్పాటు చేయాలని తెలిపారు.
Featured News
Sorry, no posts matched your criteria.