India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News April 21, 2024
హుజూరాబాద్: అమెరికాలో ఇంజినీరింగ్ విద్యార్థి మృతి
కరీంనగర్ జిల్లా హుజూరాబాద్ పట్టణానికి చెందిన ముక్క నివేశ్ (20) అమెరికాలోని అరిజోనా రాష్ట్రం ఫీనిక్స్ ప్రాంతంలో ఆదివారం జరిగిన రోడ్డు ప్రమాదంలో మృతి చెందాడు. అరిజోనా స్టేట్ యూనివర్సిటీలో ఇంజినీరింగ్ రెండో సంవత్సరం చదువుతున్నట్లు మృతుడి తల్లిదండ్రులు నవీన్-జ్యోతి తెలిపారు. కళాశాలకు వెళ్లి వస్తుండగా కారు ప్రమాదంలో నివేశ్‌తో పాటు అతడి స్నేహితుడు గౌతమ్ కూడా మృతి చెందినట్లు తెలిపారు.
News April 21, 2024
పెద్దపల్లి: అభ్యర్థుల ఖర్చుల వివరాల నిర్ధారణ
ఎన్నికల్లో పోటచేసే అభ్యర్థుల రోజువారీ ఖర్చుల వివరాలను ఎన్నికల సంఘం నిర్ధారించింది. వీడియో చిత్రీకరణకు (నెలకు) 45000, ఫంక్షన్‌హాల్ (రోజుకు) 20000, రంగుల్లో పోస్టర్లు 5000, హోర్డింగ్స్ 6000, వ్యాన్ 7000, ఇన్నోవా 3500, త్రీ వీలర్ 1500, డ్రైవర్ సహా సుమో 3000, ప్రచారరథం 3000, ఎల్ఈడి స్క్రీన్ 5000, షామియానా 12000, బిగ్ సైజ్ బెలూన్స్ (రోజుకు) రూ. 20,000, పవర్ జనరేటర్ 7000 రూపాయలుగా నిర్ధారించింది.
News April 21, 2024
కొప్పుల ఈశ్వర్ దొంగ ప్రేమలు చూపిస్తున్నారు: ఎమ్మెల్యే అడ్లూరి
గతంలో మంత్రిగా ప్రభుత్వ విప్‌గా ఉన్నప్పుడు రైతులను పట్టించుకోని కొప్పుల ఈశ్వర్ పార్లమెంట్ ఎన్నికల సందర్భంగా దొంగ దీక్ష, దొంగ ప్రేమలు చూపిస్తున్నారని ప్రభుత్వ విప్ ధర్మపురి ఎమ్మెల్యే అడ్లూరి లక్ష్మణ్ కుమార్ అన్నారు. ఈ సందర్భంగా పెగడపల్లి మండల కేంద్రంలోని పార్టీ కార్యాలయంలో నాయకులతో సమావేశమై మీడియాతో మాట్లాడారు. రేపటి ఎంపీ అభ్యర్థి జీవన్ రెడ్డి నామినేషన్ కార్యక్రమాన్ని విజయవంతం చేయాలని కోరారు.
News April 21, 2024
కరీంనగర్లో KCR రోడ్ షో షెడ్యూల్
ఎన్నికల ప్రచారంలో భాగంగా మాజీ సీఎం కేసీఆర్ ఈనెల 24 నుంచి రోడ్ షోలలో పాల్గొననున్నారు. 9వ రోజు మే 2న 6 సాయంత్రం జమ్మికుంటలో రోడ్ షో, వీణవంకలో రాత్రి బస, 3వ తేదీన 6 సాయంత్రం రామగుండంలో రోడ్ షో, రాత్రి బస, 5న 6 సాయంత్రం జగిత్యాలలో రోడ్ షో, బస, 9వ తేదీన 6 సాయంత్రం కరీంనగర్లో రోడ్ షో, రాత్రి బస, 10వ తేదీన 5 సాయంత్రం సిరిసిల్లలో రోడ్ షోలలో పాల్గొంటారని BRS పార్టీ వర్గాలు తెలిపాయి.
News April 21, 2024
జగిత్యాల: జీవన్ రెడ్డి నామినేషన్‌కు సీఎం
నిజామాబాద్ కాంగ్రెస్ పార్టీ ఎంపీ అభ్యర్థి ఎమ్మెల్సీ జీవన్ రెడ్డి సోమవారం నిజామాబాద్ కలెక్టరేట్లో నామినేషన్ దాఖలు చేయనున్నారు. ఈ కార్యక్రమంలో సీఎం రేవంత్ రెడ్డి పాల్గొననున్నారు. అనంతరం నిర్వహించనున్న బహిరంగ సభలో సీఎం రేవంత్ రెడ్డి ప్రసంగించనున్నారు. నామినేషన్ కార్యక్రమానికి అధిక సంఖ్యలో పార్టీ నాయకులు, కార్యకర్తలు తదితరులు హాజరై కార్యక్రమాన్ని విజయవంతం చేయాలని జీవన్ రెడ్డి కోరారు.
News April 21, 2024
కరీంనగర్ కాంగ్రెస్‌లో ఉత్కంఠ!
ఎన్నికల షెడ్యూల్ వెలువడి దాదాపు నెల రోజులు అవుతోంది. నామినేషన్ ప్రక్రియ ప్రారంభమై 3రోజులైనా KNR కాంగ్రెస్ MP అభ్యర్థిపై స్పష్టత రాలేదు. ఇదిలా ఉండగా BJP, BRS అభ్యర్థులు నెల కిందటే ఖరారయ్యారు. ఈ లోక్‌సభ స్థానంలో ఇటీవల జరిగిన అసెంబ్లీ ఎన్నికల్లో కాంగ్రెస్ నుంచి నలుగురు MLAలు విజయం సాధించారు. కాగా ఇప్పటి వరకు ఎంపీ అభ్యర్థిని ప్రకటించకపోవడంతో కాంగ్రెస్ ఎంపీ అభ్యర్థి ఎవరు అనే దానిపై ఉత్కంఠ నెలకొంది.
News April 21, 2024
KNR: మానసిక సమస్యల కోసం టోల్ ఫ్రీ నెంబర్
విద్యార్థులు వారి తల్లిదండ్రులు ఎవరైనా మానసిక ఆందోళనలు లేదా మానసిక ఒత్తిడికి గురి అయినప్పుడు మానసిక వైద్యుడిని సంప్రదించాలని జిల్లా వైద్య, ఆరోగ్య శాఖ అధికారి డాక్టర్ సుజాత సూచించారు. చిరాకు పడడం, ఆసక్తిని కోల్పోవడం, నిద్రలేమి వంటి సమస్యలతో మానసిక ఒత్తిడికి గురి అయినట్లు భావిస్తే టెలి మానస్ టోల్ ఫ్రీ నెంబర్ 14416 ఫోన్ చేసి మానసిక వైద్యుడు సలహాలను సూచనలను ఉచితంగా పొందవచ్చునని తెలిపారు.
News April 20, 2024
ఉమ్మడి కరీంనగర్ జిల్లాలో నేటి టాప్ న్యూస్
@ మల్లాపూర్ మండలంలో ప్రమాదవశాత్తు ఎలక్ట్రిక్ స్కూటర్ దగ్ధం. @ రాయికల్ మండలంలో అనారోగ్యంతో స్వర్ణకారుడి ఆత్మహత్య. @ కొండగట్టు అంజన్న ఆలయంలో ఈనెల 22 నుండి 24 వరకు అర్జిత సేవలు రద్దు. @ మెట్పల్లి మండలంలో పిడుగు పడి ఒకరికి తీవ్ర గాయాలు. @ మల్లాపూర్ మండలంలోని చెక్ పోస్ట్ ను తనిఖీ చేసిన అడిషనల్ ఎస్పీ. @ కొండగట్టు అంజన్న ఆలయంలో భక్తుల రద్దీ. @ కోరుట్లలో వైభవంగా వీర హనుమాన్ విజయ యాత్ర.
News April 20, 2024
కొండగట్టులో అర్జిత సేవలు రద్దు
ప్రసిద్ధ పుణ్యక్షేత్రమైన కొండగట్టు శ్రీ ఆంజనేయ స్వామి దేవస్థానంలో శ్రీ హనుమాన్ చిన్న జయంతి ఉత్సవాలను పురస్కరించుకొని ఈ నెల 22 నుంచి 24 వరకు అన్ని అర్జిత సేవలను రద్దు చేస్తున్నట్లు ఈవో చంద్రశేఖర్ శనివారం తెలిపారు. ఈ సమయంలో అధిక సంఖ్యలో భక్తుల దర్శనం, దీక్ష స్వాముల మాలవిరమణ ఉండనున్న నేపథ్యంలో అర్జిత సేవలను రద్దు చేస్తున్నట్లు పేర్కొన్నారు.
News April 20, 2024
కరీంనగర్: గెజిటెడ్ హెడ్మాస్టర్ సస్పెన్షన్!
తిమ్మాపూర్ మండలం LMD-ZP ఉన్నత పాఠశాల కాంప్లెక్స్ హెడ్మాస్టర్ పి.రాజభాను చంద్రప్రకాశ్‌ను శనివారం సస్పెండ్ చేస్తూ వరంగల్ RJD సత్యనారాయణ రెడ్డి ఉత్తర్వులు జారీచేశారు. స్కూల్ కాంప్లెక్స్‌లో ఉపాధ్యాయుల జీతాల రికవరీ పేరిట నిధులు గోల్‌మాల్, లీవుల్లో ఉన్న టీచర్లకు శాలరీ బిల్లు దాదాపు రూ.10లక్షల వరకు ట్రెజరీలో చెల్లించకుండా స్వాహా చేశారు. విధుల్లో నిర్లక్ష్యంగా వ్యవహరించినందుకు సస్పెండ్ చేశామని తెలిపారు.
Featured News
Sorry, no posts matched your criteria.