India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News March 20, 2024
GREAT.. KNR: ఇద్దరికి ప్రతిభా, ఐదుగురికి కీర్తి పురస్కారాలు
ఇటీవల తెలుగు విశ్వవిద్యాలయం ప్రకటించిన అవార్డులకు ఉమ్మడి KNR జిల్లాకు చెందిన ఐదుగురు కీర్తి, ఇద్దరు ప్రతిభా పురస్కారాలకు ఎంపికయ్యారు. ఈమేరకు HYDలో ఈనెల 20, 21న కీర్తి పురస్కారాలు, 28న ప్రతిభా పురస్కారాలను అందుకోనున్నారు. అన్నవరం శ్రీనివాస్, గండ్ర లక్ష్మణ్ రావుకు ప్రతిభా పురస్కారం లభించగా.. మధుసూదన్ రెడ్డి, గోపాల్, సేనాధిపతి, శ్రీనివాస రాజు, సంతొశ్ బాబుకు కీర్తి అవార్డులు లభించాయి.
News March 20, 2024
ఇబ్రహీంపట్నం: మాజీ భర్తపై యాసిడ్‌తో దాడి
మాజీ భర్తపై యాసిడ్ దాడి జరిగిన ఘటన ఇబ్రహీంపట్నం మండలం ఎర్దండిలో జరిగింది. ఎస్సై అనిల్ వివరాల ప్రకారం.. గ్రామానికి చెందిన మహేశ్‌కు, మెట్‌పల్లికి మండలానికి చెందిన మాస లక్షణతో 8 ఏళ్ల క్రితం పెళ్లి జరిగింది. వీరు 2023లో విడాకులు తీసుకున్నారు. ఈ క్రమంలో మహేశ్ మరో పెళ్లికి సిద్ధమవుతుండగా.. మంగళవారం లక్షణ, మహేశ్ ఇంటికెళ్లి అతనిపై యాసిడ్ దాడి చేసింది. దీంతో మహేశ్‌కు తీవ్ర గాయాలయ్యాయి.
News March 20, 2024
ఉచిత శిక్షణ దరఖాస్తు గడువు పొడిగింపు: జిఎం
సింగరేణి సంస్థ ఆధ్వర్యంలో నిరుద్యోగ యువతీ యువకులకు నైపుణ్య అభివృద్ధి కోర్సులలో శిక్షణ ఇవ్వడానికి దరఖాస్తు చేసుకునే గడువును పొడిగించినట్లు ఆర్జి-3 జిఎం సుధాకర్ రావు, ఏపీఏ జిఎం వెంకటేశ్వర్లు మంగళవారం ఒక ప్రకటనలో తెలిపారు. ఈనెల 30 వరకు సింగరేణి పరిసర ప్రాంతాల యువతీ యువకులు దరఖాస్తు చేసుకోవాలని వారు సూచించారు. అవకాశాన్ని సద్వినియోగం చేసుకోవాలని కోరారు.
News March 20, 2024
సిరిసిల్ల: ఎన్నికల కమిషన్ మార్గదర్శకాలపై అవగాహన ఉండాలి: కలెక్టర్
ఎన్నికల కమిషన్ మార్గదర్శకాలపై సంపూర్ణ అవగాహన కలిగి ఉండాలని జిల్లా ఎన్నికల అధికారి కలెక్టర్ అనురాగ్ జయంతి పేర్కొన్నారు. సిరిసిల్ల జిల్లా కేంద్రంలో నిర్వహించిన అధికారులు, పోలీస్ అధికారులతో అవగాహన కార్యక్రమంలో మాట్లాడారు. ప్రతిఒక్కరూ తమకు కేటాయించిన విధులను సమర్థవంతంగా నిర్వహించాలన్నారు. పోలింగ్ కేంద్రాల రోడ్లను తనిఖీ చేయాలని, మాక్‌పోల్, రిజర్వు ఈవీఎం నిర్వహణ పకడ్బందీగా చేపట్టాలని ఆదేశించారు.
News March 19, 2024
ఉమ్మడి కరీంనగర్ జిల్లాలో నేటి టాప్ న్యూస్
@ కాటారం పోలీస్ స్టేషన్లో రౌడీషీటర్లకు పోలీసుల కౌన్సిలింగ్. @ పెద్దపల్లి మండలంలో తాటి చెట్టు పై నుండి పడి గీత కార్మికుడికి తీవ్ర గాయాలు. @ సైదాపూర్ మండలంలో పురుగుల మందు తాగి వృద్ధుడు ఆత్మహత్య. @ ఇబ్రహీంపట్నం మండలంలో మాజీ భర్త పై యాసిడ్ దాడి.. కేసు నమోదు. @ వెల్గటూర్ మండలంలో హత్య కేసు నిందితులకు జీవిత ఖైదీ. @ ఎన్నికల కమిషన్ మార్గదర్శకాలపై అవగాహన కలిగి ఉండాలన్న సిరిసిల్ల కలెక్టర్
News March 19, 2024
జగిత్యాల: గోడ కూలి నాలుగేళ్ల చిన్నారి మృతి
గోడ కూలి నాలుగేళ్ల చిన్నారి మృతిచెందిన ఘటనా జగిత్యాల జిల్లా మేడిపల్లి మండలంలో చోటుచేసుకుంది. పౌల్ట్రీ నిర్మాణ పనులు జరుగుతుండగా కాంక్రీట్ మిక్సర్ వాహనం గోడను ఢీకొంది. దీంతో అవతలి వైపు ఆడుకుంటున్న చిన్నారిపై ఇటుకలు పడ్డాయి. ఈ క్రమంలో చిన్నారి అక్కడికక్కడే మృతిచెందాడు. కాగా.. బాలుడి తల్లిదండ్రులు కూలీ పనుల కోసం మేడిపల్లి వచ్చినట్లు తెలుస్తోంది. మరిన్నివివరాలు తెలియాల్సి ఉంది.
News March 19, 2024
కాటారం: బయ్యారం X రోడ్డు వద్ద ACCIDENT
కాటారం మండలంలోని కొత్తపల్లి గ్రామానికి చెందిన తోటపల్లి అక్షయ అనే విద్యార్థిని మండల కేంద్రంలోని జిల్లా పరిషత్ ఉన్నత పాఠశాలలో 10వ తరగతి పరీక్షలు రాస్తుంది. మంగళవారం పరీక్షా కేంద్రానికి వెళ్లేందుకు అన్న రాజేష్, తమ్ముడు తరుణ్‌తో కలిసి కాటారం వెళ్తుండగా, బైక్ అదుపుతప్పి బయ్యారం క్రాస్ సమీపంలో ఉన్న కల్వర్టును ఢీ కొట్టింది .అక్షయ ఒక తీవ్ర గాయాలు కావడంతో అపస్మారక స్థితిలోకి వెళ్ళింది.
News March 19, 2024
KNR: చిన్నారికి పేరు పెట్టిన KCR
కరీంనగర్ జిల్లా హుజూరాబాద్‌కు చెందిన ఓ చిన్నారికి మాజీ సీఎం కేసీఆర్ నామకరణం చేశారు. హైదరాబాద్‌లో జరిగిన ఓ సమావేశంలో.. నియోజవర్గానికి చెందిన బీఆర్‌ఎస్‌ నాయకురాలు అకినేపల్లి శిరీష-ప్రవీణ్‌ దంపతుల ద్వితీయ కుమార్తెకు శ్రేయా ఫూలే అని పేరు పెట్టారు. దీంతో చిన్నారి తల్లిదండ్రులు హర్షం వ్యక్తం చేశారు.
News March 19, 2024
హుజూరాబాద్: ఏటీఎంలో చోరీ.. కేసు నమోదు
హుజూరాబాద్ కోర్టుకు ఎదురుగా ఉన్న SBI ATMలో ఆదివారం రాత్రి చోరీ జరిగింది. పోలీసుల ప్రకారం.. చోరీ అనంతరం దుండగులు ఏటీఎంను దహనం చేశారు. ఘటనా స్థలానికి సీఐ బొల్లం రమేశ్ చేరుకుని తన సిబ్బందితో వేలిముద్రలను సేకరించారు. కాగా, చోరీ జరిగిన స్థలాన్ని ఏసీపీ శ్రీనివాస్ సోమవారం పరిశీలించారు. రూ.8,64,100 చోరీకి గురైనట్లు సమాచారం. నెట్‌వర్క్ అసిస్టెంట్ మేనేజర్ ఫిర్యాదు మేరకు కేసు నమోదు చేసినట్లు సీఐ తెలిపారు.
News March 19, 2024
KNR: లంచం అడుగుతున్నారా..? ఈ నంబర్‌కు కాల్ చేయండి
కరీంనగర్ DSP రమణామూర్తి కీలక ప్రకటన చేశారు. లంచం అడిగితే వెంటనే సమాచారం ఇవ్వాలని సూచించారు. ఈ మేరకు 9154388954, 08782243693 నంబర్లను సంప్రదించాలని అన్నారు. 1064 టోల్ ఫ్రీ నంబర్‌కు సమాచారం ఇవ్వాలని తెలిపారు.
Featured News
Sorry, no posts matched your criteria.