India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News June 7, 2024
SU: 13 వరకు LLB, LLM పరీక్షల ఫీజు గడువు
శాతవాహన యూనివర్సిటీ పరిధిలో నిర్వహించే LLB నాలుగో, ఆరో సెమిస్టర్ పరీక్షలు, LLM నాలుగో సెమిస్టర్‌కు సంబంధించిన పరీక్ష ఫీజు గడువు ఈ నెల 13 వరకు ఉన్నట్లు పరీక్షల నియంత్రణాధికారి డా.శ్రీరంగప్రసాద్ తెలిపారు. రూ.300 అపరాధ రుసుంతో ఈ నెల 18 వరకు గడువు ఉందని చెప్పారు.
News June 7, 2024
పెద్దపల్లి: కూలర్ రిపేర్ చేస్తుండగా కరెంట్ షాక్‌.. ఒకరి మృతి
పెద్దపల్లి జిల్లాలో గురువారం రాత్రి కరెంట్ షాక్‌తో ఓ వ్యక్తి మృతి చెందారు. స్థానికుల కథనం ప్రకారం.. ఓదెల మండలం జీలకుంట గ్రామానికి చెందిన రైతు నల్ల శ్రీనివాస్ రెడ్డి ఇంట్లో కూలర్ రిపేర్ చేస్తుండగా కరెంట్ షాక్‌కు గురయ్యారు. వెంటనే కుటుంబ సభ్యులు సుల్తానాబాద్ ప్రభుత్వ ఆసుపత్రికి తరలించారు. అప్పటికే అతడు మృతి చెందాడని వైద్యులు నిర్ధారించారు. శ్రీనివాస్ రెడ్డికి భార్య, ఇద్దరు కుమారులు ఉన్నారు.
News June 7, 2024
బీజేపీలో బండి తనదైన మార్క్!
కరీంనగర్ నుంచి పలువురు కీలక నేతలు రాజకీయాల్లో తనదైన మార్క్ చూపిస్తున్నారు. కేంద్రంలో తిరిగి అధికారంలోకి రాబోతున్న BJPలో జాతీయ ప్రధాన కార్యదర్శిగా ఉన్న బండి సంజయ్‌ రెండోసారి కరీంనగర్ లోక్‌సభ స్థానానికి ఎన్నికయ్యారు. గతంలో రాష్ట్ర అధ్యక్షుడిగా పని చేసి పార్టీలో కొత్త ఉత్తేజం తీసుకురావడంలోనూ కీలకంగా వ్యవహరించారు. మొదట్లో కార్పొరేటర్‌గా, అర్బన్‌ బ్యాంకు డైరెక్టర్‌గా కొనసాగారు.
News June 6, 2024
ఉమ్మడి కరీంనగర్ జిల్లాలో నేటి టాప్ న్యూస్
@ కోనరావుపేట మండలంలో విద్యుత్ షాక్‌తో వ్యక్తి మృతి.
@ మల్లాపూర్ మండలంలో పురుగు మందు తాగి వ్యక్తి ఆత్మహత్య.
@ ముత్తారం మండలంలో 100 క్వింటాళ్ల రేషన్ బియ్యం పట్టివేత.
@ మెట్‌పల్లి మండలంలో బైక్ చోరీలకు పాల్పడుతున్న వ్యక్తి అరెస్ట్.
@ సిరిసిల్ల జిల్లాలో భారీ వర్షం.
@ మహదేవ్పూర్ మండలంలో విద్యుత్ షాక్‌తో 3 పశువులు మృతి.
@ చీఫ్ సెక్రటరీతో వీడియో కాన్ఫరెన్స్‌లో పాల్గొన్న ఉమ్మడి కరీంనగర్ జిల్లా కలెక్టర్లు.
News June 6, 2024
పెద్దపల్లి జిల్లాలో విషాదం
పెద్దపల్లి జిల్లా ధర్మారం మండలంలో విషాదం చోటుచేసుకుంది. స్థానికుల వివరాల ప్రకారం.. దొంగతుర్తి గ్రామానికి చెందిన మ్యాన ఓంకార్ కుమారుడు వేదాన్ష్(4)కు ట్రాక్టర్ తలగడంతో మృతి చెందాడు. వేదాన్ష్ తాత ట్రాక్టర్ తీస్తున్న సమయంలో ప్రమాదవశాత్తు వేదాన్ష్‌కు ట్రాక్టర్ తగలడంతో ఈ ప్రమాదం చోటుచేసుకుంది. వెంటనే స్పందించి ఆస్పత్రికి తరలించగా.. అప్పటికే మృతి చెందినట్లు వైద్యులు తెలిపారు.
News June 6, 2024
రేపు మేడిగడ్డ, అన్నారం సుందిళ్ల బ్యారేజీలను సందర్శించనున్న మంత్రి
రేపు మధ్యాహ్నం మేడిగడ్డ, సుందిళ్ల, అన్నారం బ్యారేజీలను రాష్ట్ర నీటిపారుదల శాఖ మంత్రి ఉత్తమ్ కుమార్ రెడ్డి సందర్శించనున్నారు. సుందిళ్ల బ్యారేజీలో NDSA (నేషనల్ డ్యామ్ సేఫ్టీ అథారిటీ) సూచనల మేరకు జరుగుతున్న మరమ్మతు పనులను పరిశీలించనున్నారు. ఈ పర్యటనలో మంత్రి వెంట ఇరిగేషన్ ఈఎన్సీ అనిల్ కుమార్, ఇతర నీటిపారుదల శాఖ అధికారలు బ్యారేజీల పరిస్థితి వివరించనున్నారు.
News June 6, 2024
రాజన్నను దర్శించుకున్న SBI చీఫ్ జనరల్ మేనేజర్
వేములవాడ శ్రీ రాజరాజేశ్వర స్వామి వారిని గురువారం స్టేట్ బ్యాంక్ ఆఫ్ ఇండియా (కార్పొరేట్ సెంటర్) చీఫ్ జనరల్ మేనేజర్ మంజు శర్మ దర్శించుకుని ప్రత్యేక పూజలు నిర్వహించారు. ముందుగా స్వామివారికి ఇష్టమైన కోడె మొక్కులు చెల్లించుకొని సేవలో తరించారు. అనంతరం నాగిరెడ్డి మండపంలో ఆలయ అర్చకులు వేదోక్త ఆశీర్వచనం చేసి ప్రసాదం అందజేశారు. ఆలయ అధికారులు స్వామి వారి చిత్రపటాన్ని అందజేశారు.
News June 6, 2024
KNR: ఆత్మహత్యాయత్నానికి పాల్పడిన యువతిని కాపాడిన సీఐ
ఓ ఫోన్ కాల్ సమాచారంతో గోదావరిఖని వన్ టౌన్ పోలీసులు ఆత్మహత్యాయత్నానికి పాల్పడుతున్న ఓ యువతి ప్రాణాలను కాపాడారు. గొడవలతో మనస్తాపానికి గురైన యువతి తన స్కూటీపై గోదావరి నది వద్దకు నిన్న రాత్రి వెళ్లింది. విషయం తెలుసుకున్న వన్ టౌన్ సీఐ ఇంద్రసేనారెడ్డి సదరు యువతి ఫోన్ లొకేషన్ ద్వారా గోదావరి బ్రిడ్జి వద్దకు వెళ్లి యువతిని కాపాడారు. కుటుంబ సభ్యులను పిలిపించి, కౌన్సెలింగ్ ఇచ్చి అప్పగించారు.
News June 6, 2024
పెద్దపల్లి ఎంపీ వంశీకృష్ణ రికార్డ్
రాష్ట్రం నుంచి లోక్‌సభకు ఎన్నికై న వారిలో పెద్దపల్లి ప్రాతినిధ్యం వహించనున్న గడ్డం వంశీకృష్ణ(35) చిన్న వయస్కుడిగా రికార్డు సృష్టించాడు. కాగా వంశీకృష్ణ(35) యూఎస్‌లో సైన్స్ అండ్ మేనేజ్‌మెంట్‌లో బ్యాచిలర్ డిగ్రీ పూర్తి చేశారు. పోటీ చేసిన మొదటి ప్రయత్నంలోనే విజయం సాధించాడు. ఈయన తండ్రి వివేక్ 2009లో పెద్దపల్లి ఎంపీగా గెలిచారు. ప్రస్తుతం చెన్నూరు MLAగా ఉన్నారు.
News June 6, 2024
కరీంనగర్: ఎక్సైజ్‌ హెడ్‌కానిస్టేబుల్‌ సూసైడ్
ఎక్సైజ్‌ హెడ్‌కానిస్టేబుల్‌ ఆత్మహత్య చేసుకున్నారు. CI విజయ్‌కుమార్‌ ప్రకారం.. విద్యానగర్‌కు చెందిన రవి (54)KNR ఎక్సైజ్‌ అర్బన్‌ స్టేషన్‌లో HCగా పని చేస్తున్నారు. ఇంటి కోసం లోన్‌ తీసుకున్నారు. లోన్‌ కట్టడంలో ఇబ్బంది, పిల్లల చదువుకు డబ్బు సరిపోవడం లేదని 4 నెలల కింద ఆత్మహత్యాయత్నానికి పాల్పడ్డారు. అప్పటి నుంచి తీవ్ర మనోవేదనతో ఉంటున్న రవి.. బుధవారం డ్యూటీకి వెళ్లి వచ్చి ఉరేసుకున్నారు. కేసు నమోదైంది.
Featured News
Sorry, no posts matched your criteria.