India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News June 11, 2024
జగిత్యాల: పాఠశాలలను సిద్ధం చేయాలి: కలెక్టర్
పాఠశాలలు పునః ప్రారంభం కానున్న దృష్ట్యా తరగతి గదులు శుభ్ర పరచడం, మౌలిక సదుపాయాలు కల్పన జరగాలని కలెక్టర్ షేక్ యాస్మిన్ బాషా అన్నారు. జగిత్యాల కలెక్టరేట్లో సోమవారం ఆమె మాట్లాడుతూ.. పాఠ్య పుస్తకాలను, నోటు పుస్తకాలను సిద్ధం చేయాలన్నారు. యూనిఫామ్స్ అందించాలని సూచించారు. సమావేశంలో అడిషనల్ కలెక్టర్లు దివాకర, రాంబాబు, ఆర్డీవోలు తదితరులు పాల్గొన్నారు.
News June 10, 2024
ఉమ్మడి కరీంనగర్ జిల్లాలో నేటి టాప్ న్యూస్
@ సైదాపూర్ మండలంలో బావిలో పడి యువకుడు మృతి. @ జగిత్యాల ప్రజావాణిలో 48 ఫిర్యాదులు. @ పెద్దపల్లి ప్రజావాణిలో 43 ఫిర్యాదులు. @ వేములవాడ రాజన్న ఆలయంలో భక్తుల రద్దీ. @ జమ్మికుంట ప్రభుత్వ ఆసుపత్రిలో డిప్యూటీ డిఎంహెచ్వో తనిఖీలు. @ కేంద్ర హోం శాఖ సహాయ మంత్రిగా కరీంనగర్ ఎంపీ బండి సంజయ్. @ జిల్లాలో ప్లాస్టిక్ ను నిషేధించాలన్న జగిత్యాల కలెక్టర్. @ మంత్రి సీతక్కతో వీడియో కాన్ఫరెన్స్ లో సిరిసిల్ల అధికారులు.
News June 10, 2024
VMWD: శ్రీ రాజరాజేశ్వరస్వామి దర్శనానికి 4గంటల సమయం
దక్షిణ కాశీగా పేరొందిన, రాజన్న సిరిసిల్ల జిల్లా వేములవాడ శ్రీ రాజరాజేశ్వరస్వామి క్షేత్రానికి సోమవారం భక్తులు పోటెత్తారు. వేసవి సెలవులు ముగుస్తుండడంతో రాష్టంలోని వివిధ ప్రాంతాల నుంచి అధికసంఖ్యలో భక్తులు తరలివచ్చారు. దీంతో స్వామివారి దర్శనానికి 4గంటల సమయం పడుతోంది. భక్తులకు ఏలాంటి ఇబ్బందులు లేకుండా ఆలయ అధికారులు పర్యవేక్షిస్తున్నారు.
News June 10, 2024
20 ఏళ్లకు మళ్లీ కరీంనగర్‌కు కేంద్రమంత్రి పదవి
కరీంనగర్ పార్లమెంటుకు 20 ఏళ్ల తర్వాత కేంద్రమంత్రి పదవి వరించింది. KCR 2004 జనరల్ ఎన్నికల్లో కరీంనగర్ MP స్థానం నుంచి పోటీచేసి గెలుపొందారు. 2004-06 వరకు అప్పటి యూపీఏ ప్రభుత్వంలో కార్మికశాఖ మంత్రిగా పనిచేశారు. అంతకముందు 1998, 1999ఎన్నికల్లో గెలుపొందిన సీహెచ్ విద్యాసాగర్‌రావు కేంద్ర హోంశాఖ సహాయ మంత్రిగా పనిచేశారు. రాష్ట్రం ఏర్పడ్డాక KNR నుంచి కేంద్రమంత్రి పదవి పొందిన మొదటివ్యక్తిగా సంజయ్ నిలిచారు.
News June 10, 2024
తెలంగాణ ప్రజలకు రుణపడి ఉంటా: బండి సంజయ్
కేంద్ర కేబినేట్‌లో చోటు దక్కడం సంతోషంగా ఉందని బండి తెలిపారు. ప్రధాని మోదీ తనకు గొప్ప అవకాశం కల్పించారని తనపై పెట్టుకున్న నమ్మకాన్ని నిలబెట్టుకుంటానన్నారు. తనను ఎంపీగా గెలిపించిన కరీంనగర్ ప్రజలకు ఎల్లప్పుడూ రుణపడి ఉంటానని పేర్కొన్నారు.. తెలంగాణ అభివృద్దే లక్ష్యంగా పని చేస్తానన్నారు.
News June 10, 2024
KNR: విడిపోయిన కుటుంబాన్ని కలిపిన మంత్రి
ఎస్ పోతారం గ్రామానికి చెందిన వోడ్నాల భిక్షపతి, శ్రీనివాస్, వెంకటేష్ అనే ముగ్గురు అన్నదమ్ముల కుటుంబాలు 14 ఏళ్ల క్రితం గొడవలతో విడిపోయాయి. ఈ విషయాన్ని స్థానికులు తెలియజేయడంతో ఆదివారం తన పర్యటనలో భాగంగా మంత్రి పొన్నం ముగ్గురు అన్నదమ్ములను కలిపారు. కలిసి ఉంటే కలదు సుఖం అంటూ వారితో మాట్లాడి ముగ్గురు అన్నదమ్ముల కుటుంబాలను కలిపారు. గొడవలు పెట్టుకోకుండా అందరూ కలిసి ఉండాలని వారికి సూచించారు.
News June 10, 2024
KNR: రోడ్డు ప్రమాదం.. మృతుల వివరాలు
KNR-WGL జాతీయ రహదారిపై జరిగిన రోడ్డు ప్రమాదంలో <<13411201>>ఇద్దరు<<>> మృతి చెందిన విషయం తెలిసిందే. వివరాలిలా.. శంకరపట్నం(M)కొత్తగట్టుకి చెందిన మహేశ్‌(18), అరవింద్‌చారి(16) బైక్‌పై కేశవపట్నం వస్తున్నారు. ఈ క్రమంలో KNR-HZB వైపు వెళ్తున్న లారీ ఢీకొట్టింది. ఘటనలో ఇద్దరు అక్కడికక్కడే మృతి చెందారు. మహేశ్‌ ఇంటర్మీడియట్‌, అరవింద్‌చారి పదో తరగతి పూర్తి చేశాడు. SI లక్ష్మారెడ్డి చేరుకొని వివరాలు నమోదు చేసుకున్నారు.
News June 10, 2024
తొలిసారి కేంద్ర మంత్రిగా బండి సంజయ్
కరీంనగర్ MPగా రెండవసారి గెలిచిన బండి సంజయ్‌ను కేంద్రమంత్రి పదవి వరించింది. కార్పొరేటర్‌గా రాజకీయ ప్రస్థానం మొదలు పెట్టిన బండి.. 2019లో KNR పార్లమెంట్ స్థానం నుంచి ఎంపీగా గెలిచి, ఏడాదిలోపే రాష్ట్ర BJP అధ్యక్షుడిగా ఎన్నికయ్యారు. రాష్ట్రంలో పార్టీని గ్రామీణ స్థాయికి తీసుకెళ్లారు. 2023 అసెంబ్లీ ఎన్నికల్లో ఓటమి పాలై.. 2024లో అదే స్థానం నుంచి ఎంపీగా గెలిచి తొలిసారి కేంద్ర మంత్రి వర్గంలో చోటు సాధించారు.
News June 10, 2024
లక్ష్మీనరసింహస్వామి ఆలయ ఆదాయ వివరాలు
సుప్రసిద్ధ ధర్మపురి లక్ష్మీనరసింహస్వామి ఆలయానికి ఆదివారం రూ.2,82,459 ఆదాయం సమకూరినట్లు ఆలయాధికారులు తెలిపారు. అందులో వివిధ కార్యక్రమాల టికెట్లు అమ్మకం ద్వారా రూ.1,26,500, ప్రసాదం అమ్మకం ద్వారా రూ.1,04,100, అన్నదానం రూ.51,859 వచ్చినట్లు ఆలయ కార్య నిర్వాహణాధికారి సంకటాల శ్రీనివాస్ తెలిపారు.
News June 9, 2024
ఉమ్మడి కరీంనగర్ జిల్లాలో నేటి టాప్ న్యూస్
@ కేంద్ర మంత్రిగా ప్రమాణ స్వీకారం చేసిన కరీంనగర్ ఎంపీ బండి సంజయ్ కుమార్.
@ ఉమ్మడి కరీంనగర్ జిల్లా వ్యాప్తంగా ప్రశాంతంగా ముగిసిన గ్రూప్ 1 ప్రిలిమినరీ పరీక్ష.
@ గ్రూప్ 1 పరీక్ష కేంద్రాలను తనిఖీ చేసిన ఉమ్మడి కరీంనగర్ జిల్లా కలెక్టర్లు.
@ శంకరపట్నం మండలంలో లారీ, బైకు ఢీ.. ఇద్దరి మృతి.
@ ఓదెల మల్లికార్జున స్వామి ఆలయంలో భక్తుల రద్దీ.
@ ధర్మారం మండలంలో ఉరివేసుకొని వ్యక్తి ఆత్మహత్య.
Featured News
Sorry, no posts matched your criteria.