India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News June 9, 2024
కరీంనగర్-వరంగల్ జాతీయ రహదారిపై రోడ్డు ప్రమాదం
KNR జిల్లా శంకరపట్నం మండల కేంద్రంలో ఆదివారం సాయంత్రం జాతీయ రహదారిపై ఘోర రోడ్డు ప్రమాదం జరిగింది. కరీంనగర్-వరంగల్ వెళ్తున్న లారీని.. వెనకాలే ద్విచక్ర వాహనంపై వెళ్తున్న ఇద్దరు వ్యక్తులు ఢీకొట్టారు. ఈ ప్రమాదంలో ఇద్దరు అక్కడికక్కడే మృతి చెందారు. వాహనదారుల సమాచారంతో ఘటనా స్థలానికి పోలీసులు చేరుకొని మృతుల వివరాలు సేకరిస్తున్నారు. ఈ ఘటనపై పూర్తి వివరాలు తెలియాల్సి ఉంది.
News June 9, 2024
ఏఐసిసి అధ్యక్షులు ఖర్గే కలిసిన పెద్దపల్లి ఎంపీ వంశీ
పెద్దపల్లి పార్లమెంటు సభ్యులు గడ్డం వంశీ ఆదివారం ఏఐసిసి అధ్యక్షులు మల్లికార్జున ఖర్గేని ఆయన నివాసంలో మర్యాదపూర్వకంగా కలిశారు. ఖర్గేను శాలువాతో సన్మానించి ఆయన ఆశీస్సులు అందుకున్నారు. ప్రజలు గొప్ప అవకాశాన్ని ఇచ్చారని పెద్దపల్లి పార్లమెంటు పరిధిలో కేంద్రం నుండి రావాల్సిన నిధులపై పార్లమెంట్లో గళం విప్పాలని మల్లికార్జున ఖర్గే సూచించారు.
News June 9, 2024
పెద్దపల్లి: డబుల్ బెడ్ రూం పంపిణీకి రెడీ
పెద్దపల్లిలో డబుల్ బెడ్ రూం ఇండ్లను పంపిణీ చేయడానికి MLA విజయరమణారావు రెడీ అయ్యారు. 9ఏళ్ల నుంచి ఇప్పటి వరకు 262 మాత్రమే పూర్తయ్యాయి. ఇంకా 1,669 ఇండ్లను కడుతుండగా.. 1,463 ఇండ్లకు పునాదులు తీయలేదు. జిల్లాలోని 14 మండలాల్లో మంథని 92, కాల్వ శ్రీరాంపూర్లో 170 మాత్రమే పూర్తయ్యాయి. PDPL, సుల్తానాబాద్, RGM మండలాల్లో నిర్మాణాలు స్లోగా జరుగుతున్నాయి. ధర్మారం(U), మంథని(U)లో స్థలం లేక పనులు చేపట్టలేదు.
News June 9, 2024
జగిత్యాల: హత్య చేసిన కేసులో ముగ్గురి అరెస్ట్
హత్య కేసులో ముగ్గురిని అరెస్ట్ చేశారు. వివరాలిలా.. భూపాలపల్లికి చెందిన రమేశ్ జగిత్యాల జిల్లా ఎండపల్లి (M) గోడిశాలకి చెందిన మల్లేశ్ దగ్గర రూ.2 లక్షలు అప్పుతీసుకున్నాడు. గతంలో వీరికి అప్పు విషయంలో గోడవలు జరిగాయి. ఈక్రమంలో మల్లేశ్, కుమారుడు నాగరాజు, జితేందర్ ముగ్గురు గురువారం భూపాలపల్లిలోని రమేశ్ ఇంటికి వెళ్లి హత్య చేసి పారిపోయారు. కేటీకే 5వ గని వద్ద శనివారం నిందితులను పోలీసులు అరెస్ట్ చేశారు.
News June 9, 2024
కాళేశ్వరం వాసులకే ఛైర్మన్‌ పదవి?
కాళేశ్వరం దేవస్థానానికి పాలక మండలి నియామకానికి సన్నాహాలు మొదలయ్యాయి. BRS ప్రభుత్వంలో నియామకమైన పాలకమండలి గడువు మార్చి 13న ముగిసింది. రెండేళ్ల క్రితం ఈ క్షేత్రానికి పూర్తిస్థాయి ఈవో నియామకం జరగగా.. 2 నెలల క్రితం బదిలీ అయ్యారు. అయితే పాలకమండలి ఏర్పాటు చేయాలని మంత్రి శ్రీధర్‌బాబు దృష్టికి స్థానిక నేతలు తీసుకెళ్లారు. ఈసారి కాళేశ్వరం వాసులకే ఛైర్మన్‌ పదవి దక్కాలని ఆశిస్తున్నట్లు సమాచారం.
News June 9, 2024
గ్రూప్-1 పరీక్షకు పటిష్ట ఏర్పాట్లు: కలెక్టర్
జగిత్యాల జిల్లాలో ఆదివారం జరగనున్న గ్రూప్-1 ప్రిలిమినరీ పరీక్షకు పకడ్బందీ ఏర్పాట్లు చేసినట్లు కలెక్టర్ షేక్ యాస్మిన్ బాషా తెలిపారు. జిల్లాలో 22 పరీక్ష కేంద్రాల్లో 7692 మంది అభ్యర్థులు పరీక్షకు హాజరు కానున్నారన్నారు. పరీక్షా నిర్వహణకు 386 మంది ఇన్విజిలేటర్లు, 22 మంది చీఫ్ సూపరింటెండెంట్లు, 22 మంది డిపార్ట్మెంట్ ఆఫీసర్లు, 5 ఫ్లయింగ్ స్క్వాడ్స్, 77 మంది బయోమెట్రిక్ ఆఫీసర్లు తదితరులను నియమించామన్నారు.
News June 8, 2024
ఉమ్మడి కరీంనగర్ జిల్లాలో నేటి టాప్ న్యూస్
@ ఉమ్మడి కరీంనగర్ జిల్లాలో రామోజీరావుకు ఘన నివాళులు.
@ గ్రూప్ 1 ప్రిలిమినరీ పరీక్షకు పటిష్ఠ ఏర్పాట్లు చేశామన్న జగిత్యాల కలెక్టర్.
@ సైదాపూర్ మండలంలో అనుమానాస్పద స్థితిలో దినసరి కూలీ మృతి.
@ గోదావరిఖనిలో రోడ్డు ప్రమాదంలో ఇద్దరికి తీవ్ర గాయాలు.
@ తంగళ్ళపల్లి మండలంలో షెడ్డు కూలీ రెండు లేగ దూడలు మృతి.
@ కాటారం మాజీ జెడ్పిటిసి మృతి.
@ పెద్దపల్లిలో గ్రూప్ 1 పరీక్ష కేంద్రాలను పరిశీలించిన అడిషనల్ కలెక్టర్
News June 8, 2024
KNR: అవి చిరుత పాదముద్రలు కాదట!
మల్హర్ మండలంలోని గోపయ్యకుంట వాగులో చిరుతపులి సంచారం చేసిందని స్థానికులు కొయ్యూర్ ఫారెస్టు అధికారులకు సమాచారం ఇచ్చారు. దీంతో తాడిచెర్ల సెక్షన్ అధికారి లక్ష్మన్, కొయ్యూరు సెక్షన్ అధికారి ఇంతియాజ్, బిట్ అధికారులు చిరుత ఆనవాళ్ల కోసం జల్లెడ పట్టారు. వాగులో గుర్తించిన పాదముద్రలు తోడేలువని నిర్ధారించారు. ప్రజలు, పశువుల కాపర్లు ఎవరూ ఆందోళన చెందవద్దని సూచించారు.
News June 8, 2024
రాజన్న సిరిసిల్ల జిల్లా విద్యాధికారి కీలక ఆదేశాలు!
2023సంవత్సరంలో జరిగిన ఉపాధ్యాయ బదిలీల్లో భాగంగా బదిలీ అయిన జిల్లా పరిధిలోని ఉపాధ్యాయులు తక్షణమే ఈరోజు నూతన పాఠశాలల్లో రిపోర్ట్ చేయాలని రాజన్న సిరిసిల్ల జిల్లా విద్యాధికారి ఏ.రమేష్ కుమార్ ఆదేశాలు జారీచేశారు. ఈ మేరకు తగిన చర్యలు చేపట్టాలని మండల విద్యాశాఖ అధికారులు, సంబంధిత పాఠశాలల ప్రధానోపాధ్యాయులకు ఆదేశాలు జారీ చేశారు.
News June 8, 2024
KNR: అత్యాచార నిందితుడికి 20 ఏళ్ల జైలు
బాలికపై అత్యాచారానికి ఒడిగట్టిన ఓ నిందితుడికి 20 ఏళ్ల జైలుశిక్ష విధిస్తూ కరీంనగర్ మొదటి అదనపు జిల్లా సెషన్స్ జడ్జి వెంకటేశ్ తీర్పునిచ్చారు.
HZBకు చెందిన కరుపాక రాజు (19) ఓ బాలిక (7)పై పలుమార్లు అత్యాచారం చేశాడు. బాలికకు ఆమె తల్లి స్నానం చేయిస్తుండగా విషయం బయటపడింది. దీంతో బాలిక తల్లి పోలీసులకు ఫిర్యాదు చేయగా పోక్సో చట్టం కింద కేసునమోదు చేశారు. నేరం రుజువు కావడంతో నిందితుడికి 20ఏళ్ల జైలు విధించారు.
Featured News
Sorry, no posts matched your criteria.