India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News June 4, 2024
బండి సంజయ్‌కు సర్టిఫికెట్ అందజేత
కరీంనగర్ ఎంపీగా భారీ మెజార్టీతో బీజేపీ అభ్యర్థి బండి సంజయ్ విజయం సాధించారు. ఈ మేరకు మంగళవారం సాయంత్రం కరీంనగర్ ఎస్ ఆర్ఆర్ కాలేజీలో జిల్లా కలెక్టర్ పమేలా సత్పతి సర్టిఫికెట్‌ను ఆయనకు అందజేశారు. అనంతరం ఏర్పాటుచేసిన మీడియా సమావేశంలో మాట్లాడుతూ.. తనకు ఓటు వేసి గెలిపించిన ప్రతి ఒక్కరికి కృతజ్ఞతలు తెలిపారు.
News June 4, 2024
నా గెలుపు కార్యకర్తలకు అంకితం: బండి సంజయ్
కరీంనగర్ ఎంపీగా గెలిపించడానికి బీజేపీ కార్యకర్తలు గత మూడు నెలలుగా కష్టపడ్డారని, నా గెలుపును కార్యకర్తలకు అంకితం చేస్తున్నట్లు కరీంనగర్ ఎంపీ బండి సంజయ్ అన్నారు. కరీంనగర్‌లో మీడియాతో మాట్లాడుతూ.. రాబోయే రోజుల్లో కార్యకర్తలకు అండగా ఉంటానని తెలిపారు. కేంద్రంలో మోదీ మూడోసారి ప్రధాని కాబోతున్నారని అన్నారు.
News June 4, 2024
KNR: రికార్డు బద్దలు కొట్టిన బండి సంజయ్
కరీంనగర్ పార్లమెంట్ చరిత్రలో బీజేపీ జాతీయ ప్రధాన కార్యదర్శి బండి సంజయ్ కుమార్ అత్యధిక మెజారిటీ సాధించారు. 2006 ఉప ఎన్నికల్లో కేసీఆర్‌కు 2 లక్షల 1 వెయ్యి 581 ఓట్లు, 2014లో వినోద్ కుమార్‌కు 2 లక్షల 5 వేల 7 ఓట్లు మెజారిటీ రాగా.. మరో 4 రౌండ్లు ఉండగానే కేసీఆర్, వినోద్ రావు రికార్డులను బండి సంజయ్ బద్దలు కొట్టారు.
News June 4, 2024
కరీంనగర్: మెజార్టీతో గెలవబోతున్న సంజయ్, అరవింద్
బీజేపీ ఎంపీ అభ్యర్థులు బండి సంజయ్, ధర్మపురి అరవింద్ ఇద్దరు లక్షకుపైగా మెజార్టీతో గెలవబోతున్నారు. కరీంనగర్ పార్లమెంట్ నియోజకవర్గం నుంచి పోటీ చేసిన బండి సంజయ్, నిజామాబాద్ పార్లమెంట్ నుంచి పోటీ చేసిన ధర్మపురి అరవింద్ ఇద్దరు లక్షకుపైగా మెజార్టీతో గెలవబోతున్నారు. ప్రస్తుతం ఇద్దరు లక్షకు పైగా ఆధిక్యంలో ఉన్నారు. అధికారికంగా ప్రకటించడమే తరువాయి.
News June 4, 2024
హుజురాబాద్: MLAగా ఓడి ఎంపీలుగా గెలవబోతున్నారు
గత అసెంబ్లీ ఎన్నికల్లో హుజూరాబాద్ నుంచి ఎమ్మెల్యేగా పోటీ చేసిన ఈటల రాజేందర్, కరీంనగర్ నుంచి ఎమ్మెల్యేగా పోటీ చేసిన బండి సంజయ్‌లు ఎమ్మెల్యేగా ఓటమి చెంది ఎంపీలుగా గెలువబోతున్నారు. ఈటల రాజేందర్ మల్కాజ్గిరి పార్లమెంట్ నియోజకవర్గం నుంచి రెండు లక్షలకు పైగా మెజార్టీతో దూసుకుపోతున్నారు. బండి సంజయ్ కరీంనగర్ పార్లమెంట్ నియోజకవర్గం నుంచి లక్ష డెబ్బై వేలకు పైగా మెజార్టీతో ఉన్నారు.
News June 4, 2024
KNRలో బీజేపీ, పెద్దపల్లిలో కాంగ్రెస్!
ఉమ్మడి కరీంనగర్ జిల్లాలోని 2 పార్లమెంట్ స్థానాల్లో ఎన్నికల ఓట్ల లెక్కింపు కొనసాగుతోంది. ప్రస్తుతం KNRలో బీజేపీ అభ్యర్థి బండి సంజయ్, పెద్దపల్లిలో కాంగ్రెస్ అభ్యర్థి గడ్డం వంశీకృష్ణ ముందంజలో ఉన్నారు. KNRలో 12వ రౌండ్ వరకు బండి సంజయ్ 1,38,616 ఓట్లు, 11వ రౌండ్ వరకు వంశీ కృష్ణ 73,591 ఓట్లతో లీడ్‌లో కొనసాగుతున్నారు. బండి సంజయ్‌కు మొత్తం 3,31,529 ఓట్లు వచ్చాయి.
News June 4, 2024
12వ రౌండ్: 1,38,616 బండి సంజయ్ ఆధిక్యం
కరీంనగర్ పార్లమెంట్ నియోజకవర్గంలో బిజెపి అభ్యర్థి బండి సంజయ్ ప్రతి రౌండ్‌లో ఆధిక్యతను కనబరుస్తూ దూసుకుపోతున్నారు. 12వ రౌండ్ ముగిసేసరికి తన సమీప ప్రత్యర్థి, కాంగ్రెస్ అభ్యర్థి వెలిచాల రాజేందర్ రావుపై 1,38,616 ఓట్ల ఆధిక్యంలో కొనసాగుతున్నారు. బిజెపికి 3,31,529 ఓట్లు రాగా.. కాంగ్రెస్‌కు 1,92,913 ఓట్లు వచ్చాయి. బీఆర్ఎస్‌కు 1,57,061 ఓట్లు వచ్చాయి.
News June 4, 2024
కరీంనగర్‌లో దూసుకుపోతున్న “బండి”
కరీంనగర్ పార్లమెంట్ నియోజకవర్గంలో బీజేపీ అభ్యర్థి బండి సంజయ్ ప్రతి రౌండ్‌లో ఆధిక్యతను కనబరుస్తూ దూసుకుపోతున్నారు. 11వ రౌండ్ ముగిసేసరికి తన సమీప ప్రత్యర్థి, కాంగ్రెస్ అభ్యర్థి వెలిచాల రాజేందర్ రావుపై 1,25,575 ఓట్ల ఆధిక్యంలో కొనసాగుతున్నారు. బీజేపీకి 3,02,198 ఓట్లు రాగా.. కాంగ్రెస్‌కు 1,76,623 ఓట్లు వచ్చాయి. బీఆర్ఎస్‌కు 1,44,541 ఓట్లు వచ్చాయి.
News June 4, 2024
63,985 ఓట్లతో బండి సంజయ్ లీడ్
కరీంనగర్‌లో పార్లమెంట్ ఎన్నికల కౌంటింగ్ ప్రక్రియ కొనసాగుతోంది. కాగా, ఐదో రౌండ్ ఓట్ల లెక్కింపు చేపట్టారు. కరీంనగర్ పార్లమెంట్ నియోజకవర్గంలో ఐదో రౌండ్ లెక్కింపు ముగిసేసరికి BJP అభ్యర్థి బండి సంజయ్ 63,985 ఓట్ల ఆధిక్యంలో కొనసాగుతున్నారు. ఐదో రౌండ్ ముగిసే సరికి బీజేపీ 1,42,675, కాంగ్రెస్ 78,690, బీఆర్ఎస్ 66,351 ఓట్లు వచ్చాయి.
News June 4, 2024
కరీంనగర్: కౌంటింగ్ కేంద్రాన్ని సందర్శించిన సీపీ
కరీంనగర్ జిల్లా కేంద్రంలోని ఎస్ఆర్ఆర్ కళాశాలలో ఏర్పాటుచేసిన కరీంనగర్ పార్లమెంట్ నియోజకవర్గం కౌంటింగ్ కేంద్రాన్ని మంగళవారం ఉదయం పోలీస్ కమిషనర్ అభిషేక్ మహంతి సందర్శించారు. కౌంటింగ్ ప్రక్రియ సక్రమంగా జరుగుతుందని, ఎలాంటి అవాంఛనీయ సంఘటనలు జరగకుండా పటిష్ట బందోబస్తు ఏర్పాటు చేసినట్లు ఆయన వివరించారు. ఆయన వెంట పలువురు పోలీస్ అధికారులు ఉన్నారు.
Featured News
Sorry, no posts matched your criteria.