India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News May 23, 2024
పెద్దపల్లి: గుర్తుతెలియని మృతదేహం లభ్యం
పెద్దపల్లి ఆదర్శ్‌నగర్‌లో గల బంధంపల్లి చెరువును అనుకొని ఉన్న వ్యవసాయ కాలువలో గుర్తుతెలియని మృతదేహం లభ్యమైనది. పెద్దపల్లి పోలీసులు తెలిపిన వివరాల ప్రకారం.. చనిపోయిన వ్యక్తి వయసు సుమారు 40 నుంచి 45 మధ్య ఉంటుందన్నారు. తెల్లని చొక్కా, నీలిరంగు లుంగీ పంచ కలిగి ఉందని తెలిపారు. వివరాలు తెలిసినవారు పెద్దపల్లి పోలీసులకు సమాచారం ఇవ్వాలన్నారు.
News May 23, 2024
ఏడాదిలో రెండు ఓపెన్ కాస్ట్ గనుల మూసివేత!
రానున్న ఏడాది కాలంలో సింగరేణికి సంబంధించి రెండు ఓపెన్ కాస్ట్ ప్రాజెక్టులను మూసివేసే పరిస్థితి నెలకొంది. ఆయా ప్రాజెక్టులలో బొగ్గు నిక్షేపాలు పూర్తి కావడంతో మూసివేసేందుకు అధికారులు సిద్ధం చేస్తున్నారు. రామగుండం రీజియన్‌లోని OCP-1, శ్రీరాంపూర్ ప్రాంతంలోని రామకృష్ణాపూర్ ఓసీపీలో బొగ్గు నిక్షేపాలు పూర్తి కానున్నాయి. వచ్చే ఏడాది నాటికి దాదాపుగా వీటిని మూసివేసే అవకాశం ఉంది.
News May 23, 2024
కరీంనగర్: 27 నుంచి జూన్ 30 వరకు రైళ్లు రద్దు
మూడో లైను పనుల కారణంగా ఈనెల 27 నుంచి జూన్ 30 వరకు పలు రైళ్లను రద్దు చేస్తున్నట్లు రైల్వే అధికారులు ప్రకటించారు. 07462/ 63 వరంగల్- సికింద్రాబాద్ పుష్ పుల్ రైలు, 17035/ 36 కాజీపేట- బల్లార్షా, 07766/ 65 కరీంనగర్- సిర్పూర్ టౌన్, 07894 కరీంనగర్ – బోధన్ రైలు వచ్చే నెల 30 వరకు రద్దు చేస్తున్నట్లు రైల్వే అధికారులు ప్రకటించారు.
News May 23, 2024
రామగుండం- మణుగూరు రైల్వే లైను 207.80 కి.మీ
రామగుండం- మణుగూరు రైల్వే స్టేషన్ల మధ్య ప్రత్యేక <<13298191>>రైల్వే కోర్ కారిడార్ <<>>ఏర్పాటుకు కేంద్రం నోటిఫికేషన్ జారీ చేసిన విషయం విదితమే. ఈ మేరకు 207.80 కి.మీ మేర ఈ నడవా విస్తరించిన ప్రాంతాల్లో నూతనంగా బ్రాడ్ గేజ్ నిర్మించాలని రైల్వే మంత్రిత్వ శాఖ నిర్ణయించింది. పెద్దపల్లి, భూపాలపల్లి, ములుగు, భద్రాద్రి జిల్లాల్లో భూ సేకరణ చేపట్టాలని SCR అధికారులకు ఆదేశాలు ఇచ్చింది. దీంతో 142 కి.మీ. దూరం తగ్గనుంది.
News May 23, 2024
కరీంనగర్: సన్నాల వైపు రైతుల చూపు!
సన్న వడ్లకు క్వింటాకు రూ.500 చొప్పున బోనస్‌‌ను వచ్చే వానాకాలం సీజన్‌ నుంచే అమలు చేయాలని రాష్ట్ర ప్రభుత్వం తీసుకున్న నిర్ణయంతో ఉమ్మడి కరీంనగర్ జిల్లాలో సన్న రకం వరి సాగు పెరగనుంది. సాధారణ వరి సాగు విస్తీర్ణం కన్నా అదనంగా 15 నుంచి 20 శాతం పెరగవచ్చని వ్యవసాయ శాఖ అధికారులు అంచనా వేస్తున్నారు. ఎక్కువ నీరు, సానుకూల వాతావరణం దృష్ట్యా ఖరీఫ్‌లో రైతులు సన్న రకం వరి సాగు వైపు మక్కువ చూపుతారు.
News May 23, 2024
కరీంనగర్: రేపటి నుంచి ఇంటర్‌ సప్లిమెంటరీ పరీక్షలు
ఇంటర్‌ అడ్వాన్స్‌డ్‌ సప్లిమెంటరీ పరీక్షలకు అధికారులు అన్ని రకాల ఏర్పాట్లు పూర్తి చేశారు. ఈ నెల 24 నుంచి 31వ తేదీ వరకు కరీంనగర్ జిల్లాలో పరీక్షలను నిర్వహిస్తున్నారు. పరీక్షల కోసం 31 పరీక్ష కేంద్రాలను ఏర్పాటు చేశారు. ప్రథమ సంవత్సరంలో 10,073 మంది, ద్వితీయ సంవత్సరంలో 4,907 మంది విద్యార్థులు పరీక్షలు రాయనున్నారు. పరీక్ష కేంద్రాలకు గంట ముందు విద్యార్థులు చేరుకోవాలని అధికారులు సూచిస్తున్నారు.
News May 23, 2024
ఎంతమందికి స్కూటీలు, తులం బంగారం ఇచ్చారో చెప్పాలి: KTR
కాకతీయ యూనివర్సిటీ బీఆర్ఎస్వీ నేతలతో పార్టీ వర్కింగ్ ప్రెసిడెంట్ కేటీఆర్ సమావేశం నిర్వహించారు. ఈ సందర్భంగా మాట్లాడుతూ.. తాము అధికారంలోకి రాగానే మహిళలకు స్కూటీలు, కళ్యాణ లక్ష్మి పథకంలో భాగంగా రూ.లక్షతో పాటు తులం బంగారం ఇస్తామని కాంగ్రెస్ నేతలు చెప్పారని అన్నారు. ఎంతమందికి ఇచ్చారో చెప్పాలని కేటీఆర్ ప్రశ్నించారు.
News May 22, 2024
KNR: వివాహేతర సంబంధం పెట్టుకున్న SI సస్పెండ్
వివాహేతర సంబంధం పెట్టుకున్న ఎస్సై నాగరాజును సస్పెండ్ చేస్తూ మల్టీ జోన్-1 ఐజి రంగనాథ్ బుధవారం ఉత్తర్వులు జారీ చేశారు. కరీంనగర్ జిల్లా గోపాలపూర్‌కు చెందిన మానసకు ఎస్సై నాగరాజుతో పదేళ్ల క్రితం వివాహం జరిగింది. మరో మహిళను రెండో పెళ్లి చేసుకున్నాడని మంగళవారం కొమురవెల్లి PS ఎదుట కూర్చుని నిరసన తెలిపారు. దీంతో ఈ ఘటనపై సిద్దిపేట సీపీ విచారణ జరిపించారు. ఆరోపణలు నిజమవడంతో ఎస్సైని సస్పెండ్ చేశారు.
News May 22, 2024
KNR: గ్రామాల్లో మొదలైన పంచాయతీ ఎన్నికల సందడి
మొన్నటి వరకు లోక్‌సభ ఎన్నికల హడావిడిలో మునిగి తేలిన నాయకులకు.. ఇక పంచాయితీ ఎన్నికల సందడి ప్రారంభం కానుంది. జనవరి 31తో సర్పంచుల పదవీకాలం ముగియడంతో ఫిబ్రవరి 2 నుంచి పల్లెలో ప్రత్యేక అధికారుల పాలన కొనసాగుతుంది. సైదాపూర్ మండలంలో మొత్తం 26 గ్రామపంచాయతీలు, 234 వార్డులు ఉండగా.. వీటికి సంబంధించిన వివరాలు అధికారులు సేకరిస్తున్నారు.
News May 22, 2024
KNR: అమ్మ ఆదర్శ పాఠశాల పనుల పురోగతిపై జిల్లా కలెక్టర్ సమీక్ష
పాఠశాలలో ఎలాంటి లోపాలు లేకుండా విద్యార్థులకు అన్ని వసతులు, సౌకర్యాలతో కూడిన విద్యను అందించే దిశగా ప్రభుత్వం చేపడుతున్న అమ్మ ఆదర్శ పాఠశాల అభివృద్ధి పనులు పూర్తి కావాలని జిల్లా కలెక్టర్ పమేలా సత్పతి అధికారులను ఆదేశించారు. బుధవారం కలెక్టరేట్ ఆడిటోరియంలో విద్యాశాఖ, ఆర్ ఆండ్ బి., ప్రత్యేకాధికారులతో అమ్మ ఆదర్శపాఠశాల అభివృద్ధి పనుల ప్రగతిపై జిల్లా కలెక్టర్ సమీక్షించారు.
Featured News
Sorry, no posts matched your criteria.