India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News August 6, 2024
స్వచ్ఛదనం-పచ్చదనం విజయవంతం చేయాలి: ఆర్.వి.కర్ణన్
స్వచ్ఛదనం-పచ్చదనం కార్యక్రమ నిర్వహణపై సంబంధిత అధికారులతో ఉమ్మడి కరీంనగర్ జిల్లా ఇన్‌ఛార్జి అధికారి ఆర్.వి.కర్ణన్ సమావేశం నిర్వహించారు. పెద్దపల్లి జిల్లాలోని ప్రతి గ్రామం, పట్టణాల్లోని వార్డుల్లో స్వచ్ఛదనం- పచ్చదనం కార్యక్రమాన్ని నిర్వహించాలన్నారు. నిర్దేశిత షెడ్యూల్ ప్రకారం తాగునీటి సరఫరా, డ్రై డే, ప్రభుత్వ సంస్థలను శుభ్రం చేయడం వంటి కార్యక్రమాలను ప్రజల భాగస్వామ్యంతో విజయవంతంగా నిర్వహించాలన్నారు.
News August 6, 2024
17 ఏళ్ల తర్వాత రాజన్న ఆలయంలో ఉద్యోగుల బదిలీలు!
వేములవాడ శ్రీరాజరాజేశ్వర ఆలయం నుంచి 27 మంది ఉద్యోగులు బదిలీ అయ్యారు. అందులో ఇద్దరు AEOలు, ఇద్దరు పర్యవేక్షకులు, 8 మంది సీనియర్ అసిస్టెంట్లు, 10 మంది జూనియర్ అసిస్టెంట్లు, DEతో కలిసి 27 మంది ఆలయ ఉద్యోగులను బదిలీ చేస్తున్నట్లు అధికారులు ఉత్తర్వులు జారీ చేశారు. వీరిని యాదగిరిగుట్ట, కొండగట్టు, కొమురవెల్లి, భద్రాచలం ఆలయాలకు బదిలీ చేశారు. కాగా, ఈ ఉద్యోగులు 17 ఏళ్ల తర్వాత బదిలీ అయినట్లు సమాచారం.
News August 6, 2024
కరీంనగర్ ఆర్టీసీ బస్ స్టేషన్ ఆవరణలో బస్ డ్రైవర్లు నిరసన
కరీంనగర్ ఆర్టీసీ బస్ స్టేషన్ ఆవరణలో హైర్ బస్సుల డ్రైవర్లు నిరసన వ్యక్తం చేస్తున్నారు. మంగళవారం ఉదయం డ్యూటీలో జాయిన్ అయిన ఓ డ్రైవర్‌కు డ్రంక్ అండ్ డ్రైవ్ టెస్టు చేయడం పట్ల హైర్ బస్సు డ్రైవర్లు ఆవేదన వ్యక్తం చేశారు. అధికారులకు డ్రైవర్ తాను మద్యం సేవించనని, అలవాటు లేదని చెప్తున్నా వినలేదని ఆరోపించారు. హైర్ బస్సుల డ్రైవర్ల ఆందోళనతో సమీప గ్రామాలకు వెళ్లే బస్సులు ఎక్కడికక్కడ నిలిచిపోయాయి.
News August 6, 2024
KNR: నేడు పందెం కోళ్ల వేలంపాట
పెద్దపల్లి జిల్లా కమాన్‌పూర్ మండలం పెంచికలపేట గ్రామశివారులో గతనెల 27న కోడి పందాలు ఆడే వారిని పట్టుకుని కేసు నమోదు చేసినట్లు ఎస్సై చంద్రశేఖర్ తెలిపారు. ఈ ఆటలో పట్టుబడిన రెండు పందెం కోళ్లకు నేడు పోలీస్‌స్టేషన్లో వేలం పాట నిర్వహించనున్నట్లు SI తెలిపారు. మంథని కోర్టు ఆదేశాల మేరకు ఉదయం 11 గంటలకు ఆసక్తి కలిగిన వారు వేలంపాటకు హాజరై కోళ్లను దక్కించుకోవాలన్నారు.
News August 6, 2024
KNR: గుండాల జలపాతంలో పడి యువకుడి గల్లంతు
పెద్దపల్లి జిల్లాలో విషాదం నెలకొంది. ఆసిఫాబాద్ జిల్లాలోని గుండాల జలపాతంలో గోదావరిఖని రమేశ్ నగర్‌కు చెందిన రిషి ఆదిత్య గల్లంతైనట్లు సమాచారం. స్నేహితులతో కలిసి జలపాతాన్ని చూసేందుకు వెళ్లిన రిషి.. జలపాతంలో దిగి ఈత కొట్టడానికి ప్రయత్నించగా ఆ నీటిలో జారీ గల్లంతయినట్లు తెలుస్తోంది. సమాచారం తెలుసుకున్న కుటుంబ సభ్యులు గుండాలకు వెళ్లారు. ఘటనపై పూర్తి వివరాలు తెలియాల్సి ఉంది.
News August 5, 2024
ఉమ్మడి కరీంనగర్ జిల్లాలో నేటి టాప్ న్యూస్
@ రాజన్న సిరిసిల్ల జిల్లా ప్రజావాణిలో 112 ఫిర్యాదులు. @ బోయిన్పల్లి మండలంలో ఉరి వేసుకొని వృద్ధుడి ఆత్మహత్య. @ వేములవాడ రాజన్న ఆలయంలో భక్తుల రద్దీ. @ సిరిసిల్ల జిల్లా కేంద్రంలో వ్యక్తి ఆత్మహత్య. @ వేములవాడ రాజన్న ఆలయంలో ప్రారంభమైన బ్రేక్ దర్శనాలు. @ పెద్దాపూర్ గురుకులాన్ని పరిశీలించిన కోరుట్ల ఎమ్మెల్యే. @ ధర్మపురి లో స్వచ్చదనం పచ్చదనం లో పాల్గొన్న ప్రభుత్వ విప్. @ కొడిమ్యాల మండలంలో వ్యక్తి హత్య.
News August 5, 2024
బాధితులకు సత్వరం న్యాయం చేసేందుకే గ్రీవెన్స్ డే: SP
ప్రజల నుంచి ఫిర్యాదులు స్వీకరించి ప్రతి ఫిర్యాదుపై స్పందించి బాధితులకు సత్వర న్యాయం అందించే విధంగా గ్రీవెన్స్ డే ప్రతి సోమవారం ఉ.10 గంటల నుంచి మ. 3 గంటల వరకు జిల్లా పోలీసు కార్యాలయంలో గ్రీవెన్స్ డే కార్యక్రమం నిర్వహిస్తామని ఎస్పీ అఖిల్ మహాజన్ తెలిపారు. బాధితులకు త్వరిత న్యాయం చేయడానికి ప్రతి సోమావారం గ్రీవెన్స్ డే కార్యక్రమం నిర్వహిస్తున్నామని, 14 ఫిర్యాదులు స్వీకరించినట్లు ఎస్పీ తెలిపారు.
News August 5, 2024
రాష్ట్ర యువతకు ఉపాధి అవకాశాలను కల్పించడమే లక్ష్యం: మంత్రి శ్రీధర్ బాబు
తెలంగాణ ఐటి శాఖ మంత్రి శ్రీధర్ బాబుతో కలిసి మహబూబ్ నగర్ ఎమ్మెల్యే యెన్నం శ్రీనివాస్ రెడ్డి అమెరికా పర్యటనకు వెళ్లారు. కాసేపటికి క్రితం అమెరికా చేరుకున్న నాయకులకు, ఎంబసీ అధికారులు ఘనంగా స్వాగతం పలికారు. తెలంగాణ యువతకు ఉపాధి, ఉద్యోగ అవకాశాలను కల్పించడమే తొలి ప్రాధాన్యతగా, రాష్ట్రంలో అధికంగా పెట్టుబడులను ఆహ్వానించడం జరుగుతుందని మంత్రి తెలిపారు.
News August 5, 2024
రామగుండం: పోలీసు వాహనాలను తనిఖీ చేసిన అడిషనల్ డీసీపీ అడ్మిన్
రామగుండం పోలీస్ కమీషనరేట్ పెద్దపల్లి, మంచిర్యాల పరిధిలోని పెట్రో కార్, రక్షక్ & హైవే పెట్రోలింగ్, పోలీసు వాహనాలను అడిషనల్ డీసీపీ అడ్మిన్ రాజు కమీషనరేట్ హెడ్ క్వార్టర్స్‌లో పరిశీలించారు. వాహనాల పనితీరు, నిర్వహణ, ట్యాబ్స్, VHF సెట్, GPS పనితీరు తనిఖీ చేసి వారు నిర్వహిస్తున్న విధుల గురించి డ్రైవర్లను అడిగి తెలుసుకున్నారు. వాహనాలను ఎప్పుడు కండిషన్లో ఉంచుకోవాలని, ఎప్పుడు అప్రమత్తంగా ఉండాలని సూచించారు.
News August 5, 2024
సిరిసిల్ల: ఉరివేసుకొని యువకుడు ఆత్మహత్య
ఉరివేసుకొని యువకుడు ఆత్మహత్య చేసుకున్న ఘటన రాజన్న సిరిసిల్ల జిల్లా కేంద్రంలో చోటుచేసుకుంది. స్థానికులు తెలిపిన వివరాలు.. తంగళ్ళపల్లి మండల కేంద్రానికి చెందిన కొండ లక్ష్మీరాజం అనే యువకుడు సిరిసిల్లలో హోటల్ పెట్టి నష్టాపోయాడని, ఆర్థిక పరిస్థితులు తాళలేక అదే హోటల్‌లో ఉరి వేసుకొని ఆత్మహత్య చేసుకున్నట్లు తెలిపారు. ఘటన స్థలానికి పోలీసులు చేరుకొని కేసు నమోదు చేసుకొని దర్యాప్తు చేపట్టారు.
Featured News
Sorry, no posts matched your criteria.