India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News July 26, 2024
మా మీద కోపం రైతుల మీద చూపించకండి: కౌశిక్ రెడ్డి
కాంగ్రెస్ ప్రభుత్వానికి కేసిఆర్, కేటీఆర్, మా అందరిపై కోపం ఉంటే మా మీదే చూపించాలి తప్ప.. రైతుల మీద కాదని హుజురాబాద్ ఎమ్మెల్యే పాడి కౌశిక్ రెడ్డి అన్నారు. మేడిగడ్డ బ్యారేజీని ఎమ్మెల్యే సందర్శించి మాట్లాడారు. కాళేశ్వరంలోని లక్ష్మి పంప్ హౌస్ ఆన్ చేసి రైతులకు నీళ్లు అందించాలని.. లేనట్లయితే రైతులతో కలిసివచ్చి మేమే ఆన్ చేస్తామన్నారు. రైతుల సంక్షేమానికి ప్రత్యేక చర్యలు తీసుకోవాలని డిమాండ్ చేశారు.
News July 26, 2024
సిరిసిల్ల: వీటీడీఏ పనుల్లో వేగం పెంచాలి: కలెక్టర్
వేములవాడ టెంపుల్ డెవలప్మెంట్ అథారిటీ(వీటీడీఏ) పనుల్లో వేగం పెంచాలని కలెక్టర్ సందీప్ కుమార్ ఝా ఆదేశించారు. వీటీడీఏ పనులపై జిల్లా సమీకృత కార్యాలయాల సముదాయంలోని కాన్ఫరెన్స్ హాలులో ఆయా శాఖల అధికారులతో కలెక్టర్ శుక్రవారం సమావేశం నిర్వహించారు. ఈ సందర్భంగా వీటీడీఏ పనులు ఎప్పుడు మొదలు పెట్టారు? ఎక్కడి వరకు పూర్తి అయ్యాయో వివరాలు అడిగి తెలుసుకున్నారు.
News July 26, 2024
లక్ష్మీ పంప్ హౌస్ కరెంట్ బిల్లు బకాయిలు రూ.492కోట్లు
కాళేశ్వరం ప్రాజెక్టులోని లక్ష్మీ పంప్ హౌస్ విద్యుత్ బిల్లుల బకాయిలు రూ.వందల కోట్ల మేర పేరుకుపోయాయి. 2019లో జూన్ 21న లక్ష్మీ పంప్ హౌస్‌లో ఎత్తిపోతలు ప్రారంభించగా.. అప్పటినుంచి ఇప్పటివరకు రూ.492 కోట్లకు పైగా బిల్లు బకాయిలు ఉన్నట్లు విద్యుత్ అధికారులు వెల్లడించారు. లక్ష్మీ పంప్ హౌస్ ప్రారంభం నాటి నుంచి ఇప్పటివరకు 163 టీఎంసీల నీటిని మోటార్ల ద్వారా ఎత్తిపోశారు.
News July 26, 2024
BREAKING: జగిత్యాల: గురుకుల విద్యార్థి మృతి
పెద్దాపూర్ గురుకుల పాఠశాలలో విషాదం చోటుచేసుకుంది. స్థానికులు తెలిపిన వివరాల ప్రకారం.. జగిత్యాల జిల్లా మెట్‌పల్లి మండలంలోని పెద్దాపూర్ గురుకులంలో ఎనిమిదో తరగతి విద్యార్థి ఈరోజు తెల్లవారుజామున అస్వస్థతకు గురైంది. దీంతో సిబ్బంది ఆసుపత్రి తరలిస్తుండగా మృతి చెందింది. ఈ ఘటనపై మరిన్ని వివరాలు తెలియాల్సి ఉంది.
News July 26, 2024
పాలకుర్తి: రోడ్డుప్రమాదంలో యువకుడి మృతి
రోడ్డు ప్రమాదంలో యువకుడు మృతి చెందాడు. అంతర్గాం ఎస్సె వెంకటస్వామి కథనం ప్రకారం.. పాలకుర్తి మండలం ఈసాలతక్కళ్లపల్లికి చెందిన శివ కుమార్ కూలీ పని చేసుకుంటూ కుటుంబాన్ని పోషిస్తున్నాడు. బుధవారం అర్ధరాత్రి మిత్రులతో కలిసి బైక్‌పై గోదావరిఖని వైపు వెళ్తుండగా కుందనపల్లి ఐఓసీఎస్ డిపో సమీపంలో యూ టర్న్ తీసుకుంటున్న లారీని వెనుక నుంచి ఢీకొన్నారు. దీంతో శివకుమార్(18) అక్కడికక్కడే మృతి చెందాడు. కేసు నమోదైంది.
News July 26, 2024
KNR: LLB ఆరో సెమిస్టర్ ఫలితాలు విడుదల
శాతవాహన యూనివర్సిటీ పరిధిలో నిర్వహించిన LLB ఆరో సెమిస్టర్ పరీక్ష ఫలితాలను గురువారం పరీక్షల నియంత్రణ అధికారి డాక్టర్ ఎన్‌వి శ్రీరంగ ప్రసాద్ విడుదల చేశారు. ఫలితాలను www.satavahana.ac.in వెబ్ సైట్‌లో చూసుకోవచ్చు అని వర్సిటీ పరీక్షల నియంత్రణ అధికారి డాక్టర్ శ్రీరంగ ప్రసాద్ ఓ ప్రకటనలో తెలిపారు.
News July 26, 2024
కరీంనగర్: కేటీఆర్‌ను కలిసిన మేయర్
బీఆర్ఎస్ ప్రాజెక్టుల బాట కార్యక్రమంలో భాగంగా గురువారం కరీంనగర్‌కు వచ్చిన బీఆర్ఎస్ పార్టీ వర్కింగ్ ప్రెసిడెంట్ కేటీఆర్‌ను కరీంనగర్ జిల్లా నేతలు కలిశారు. నగర మేయర్ యాదగిరి సునీల్ రావు‌తో పాటు పలువురు కౌన్సిలర్లు మర్యాదపూర్వకంగా కలిసి పలు అంశాలపై చర్చించారు. ఈ కార్యక్రమంలో మాజీ మేయర్ సర్దార్ రవీందర్ సింగ్ తదితరులు ఉన్నారు.
News July 25, 2024
బడ్జెట్ విందు సమావేశంలో ఉమ్మడి జిల్లా ఎమ్మెల్యేలు, మంత్రులు
రాష్ట్ర డిప్యూటీ సీఎం, ఆర్థిక శాఖ మంత్రి భట్టి విక్రమార్క నివాసంలో గురువారం బడ్జెట్ విందును ఏర్పాటు చేశారు. విందుకు సీఎం రేవంత్ రెడ్డి‌తో పాటు ఉమ్మడి కరీంనగర్ జిల్లా మంత్రులు ఎమ్మెల్యేలు హాజరయ్యారు. ఈ సందర్భంగా రాష్ట్ర మంత్రి పొన్నం ప్రభాకర్, చొప్పదండి ఎమ్మెల్యే మేడిపల్లి సత్యం, రామగుండం ఎమ్మెల్యే రాజ్ ఠాకూర్, మానకొండూరు ఎమ్మెల్యే కవ్వంపల్లి సత్యనారాయణ, పలువురు ఎమ్మెల్యేలు పాల్గొన్నారు.
News July 25, 2024
ఉమ్మడి కరీంనగర్ జిల్లాలో నేటి టాప్ న్యూస్
@ సారంగాపూర్ మండల ప్రాథమిక ఆరోగ్య కేంద్రాన్ని తనిఖీ చేసిన జగిత్యాల కలెక్టర్. @ దుర్షేడులోని బాలుర వసతి గృహాన్ని తనిఖీ చేసిన కరీంనగర్ కలెక్టర్. @ రాజన్న సిరిసిల్ల జిల్లా వైద్యాధికారిగా వసంతరావు బాధ్యతలు స్వీకరణ. @ జగిత్యాల జిల్లా కేంద్రంలో మూడు ఇండ్లలో చోరీ. @ వేములవాడ ప్రభుత్వ జూనియర్ కళాశాలను తనిఖీ చేసిన సిరిసిల్ల కలెక్టర్. @ కరీంనగర్ ఎల్ఎండి నీ పరిశీలించిన కేటీఆర్.
News July 25, 2024
ఈ నెల27న ఇంటర్ స్పాట్ ఆడ్మిషన్ కౌన్సిలింగ్
ఉమ్మడి కరీంనగర్ సాంఘీక సంక్షేమ శాఖ గురుకుల విద్యాలయాల్లో ప్రవేశాల కోసం ఈ నెల 27న స్పాట్ కౌన్సిలింగ్ నిర్వహిస్తున్నట్లు జిల్లా గురుకుల విద్యాలయం ప్రిన్సిపాల్ దేవేందర్ రెడ్డి తెలిపారు. పెద్దపల్లి, మంథని, గొల్లపల్లి, మేడిపల్లి, కోరుట్ల, ముస్తాబాద్, బోయిన్ పల్లి, జమ్మికుంట, బాలుర కళాశాలలో అడ్మిషన్ల కౌన్సిలింగ్‌కు సుల్తానాబాద్ శాస్త్రినగర్‌లో ఉన్న గురుకుల కళాశాల వద్ద ఉ.9 గంటలకు హాజరుకావాలని కోరారు.
Featured News
Sorry, no posts matched your criteria.