India's largestHyperlocal short
news App
Get daily news updates that are tailored for you based on your preferred language & location.
ఖమ్మం వ్యవసాయ మార్కెట్కు 2 రోజులు సెలవులు రానున్నాయి. శనివారం వారాంతపు సెలవు, ఆదివారం సాధారణ సెలవు నేపథ్యంలో మార్కెట్ బంద్ ఉండనుంది. రైతులు విషయాన్ని గమనించి ఈ రెండు రోజులు మార్కెట్కు సరుకులు తీసుకురావొద్దని అధికారులు సూచించారు. సోమవారం యథావిధిగా మార్కెట్ ఓపెన్ అవుతుందన్నారు.
బూర్గంపహాడ్ మండలం తహశీల్దార్ కార్యాలయంలో దొంగలు చోరీకి పాల్పడిన ఘటన శుక్రవారం ఉదయం వెలుగుచూసింది. స్థానికులు తెలిపిన వివరాల ప్రకారం.. మండల కేంద్రంలోని MRO కార్యాలయంలో గుర్తు తెలియని దొంగలు చోరీకి పాల్పడ్డారన్నారు. పట్టుకునేందుకు ప్రయత్నించగా పరారయ్యారని తెలిపారు. విషయం తెలుసుకున్న పోలీసులు ఘటనా స్థలానికి చేరుకుని దర్యాప్తు చేపట్టారు.
అగ్గిపెట్టె లేదని చెప్పినందుకు ఓ వ్యక్తిపై నలుగురు దాడికి పాల్పడ్డారు. కారేపల్లికి చెందిన సిద్దంశెట్టి నాగేశ్వరరావు తన ట్రాక్టర్లో డీజిల్ కొట్టించేందుకు బుధవారం రాత్రి సమీపంలోని బంక్కి వెళ్లాడు. అక్కడకు బైకులపై చేరుకున్న ఖమ్మం యువకులు రోహిత్, సాయి, అభి, యశ్వంత్ అగ్గిపెట్టె అడిగారు. తన వద్ద లేదని చెప్పడంతో దాడికి పాల్పడ్డారు. ఘటనపై పోలీసులు కేసు నమోదు చేశారు.
చర్ల సరిహద్దు ప్రాంతమైన రామ్పురంలో 15వ CAF బెటాలియన్కు చెందిన మనోజ్ దినకర్ అనే జవాన్ ఆత్మహత్య యత్నానికి పాల్పడ్డారు. జవాన్గా బాధ్యతలు నిర్వహిస్తున్న మనోజ్ తన సర్వీస్ గన్తో కాల్చుకున్నాడు. గమనించిన తోటి సిబ్బంది అతడిని జిల్లా ఆసుపత్రికి తరలించారు. డాక్టర్లు చికిత్స అందిస్తున్నారు. జవాన్ పరిస్థితి విషమంగా ఉందని వెల్లడించారు.
టీపీసీసీ సభ్యులు, రాష్ట్ర ఎస్సీ సెల్ కన్వీనర్ జేబి శౌరి ఇంటికి డిప్యూటీ సీఎం భట్టి విక్రమార్క, మంత్రులు తుమ్మల, కోమటిరెడ్డి వెళ్లారు. వారికి కాంగ్రెస్ పార్టీ శ్రేణులు ఘనస్వాగతం పలికారు. ఈ కార్యక్రమంలో ఎమ్మెల్యేలు రాందాస్ నాయక్, కూనంనేని సాంబశివరావు, టీసీసీసీ సభ్యులు, మాజీ ఎమ్మెల్సీ పోట్ల, నియోజకవర్గ ముఖ్య నాయకులు పాల్గొన్నారు.
టీపీసీసీ సభ్యులు, రాష్ట్ర ఎస్సీ సెల్ కన్వీనర్ జేబి శౌరి ఇంటికి డిప్యూటీ సీఎం భట్టి విక్రమార్క, మంత్రులు తుమ్మల, కోమటిరెడ్డి వెళ్లారు. వారికి కాంగ్రెస్ పార్టీ శ్రేణులు ఘనస్వాగతం పలికారు. ఈ కార్యక్రమంలో ఎమ్మెల్యేలు రాందాస్ నాయక్, కూనంనేని సాంబశివరావు, టీసీసీసీ సభ్యులు, మాజీ ఎమ్మెల్సీ పోట్ల, నియోజకవర్గ ముఖ్య నాయకులు పాల్గొన్నారు.
భద్రాచలం వరదలపై జిల్లా కలెక్టర్ అధ్యక్షతన సమీక్ష సమావేశం నిర్వహించారు. ఈ సమావేశంలో మంత్రి పొంగులేటి శ్రీనివాస్ రెడ్డి పాల్గొన్నారు. అనంతరం మంత్రి పొంగులేటి శ్రీనివాస్ రెడ్డి మాట్లాడుతూ.. రాబోవు వర్షాకాలం దృష్టిలో ఉంచుకొని తగు జాగ్రత్తలు చేపట్టాలని బాధితులకు ఎటువంటి ఇబ్బంది కలగకుండా అన్ని చర్యలు చేపట్టాలని ఆదేశించారు. ఈ కార్యక్రమంలో ఎమ్మెల్యేలు వెంకట్రావు, జారి ఆదినారాయణ పాల్గొన్నారు.
కత్తులతో బెదిరించి మెడలో గొలుసును లాక్కొని వెళ్లిన ఘటన తిరుమలాయపాలెంలో మధ్యాహ్నం జరిగింది. స్థానికులు తెలిపిన వివరాలు ప్రకారం.. తిరుమలాయపాలెం గ్రామానికి చెందిన బాబురావు తన పామ్ ఆయిల్ తోటకు వెళ్లి తిరిగి వస్తున్నాడు. ఇద్దరు ఆగంతకులు కత్తులతో బెదిరించి అతని మెడలో ఉన్న 2 తులాల చైను, 6 గ్రాముల బంగారు ఉంగరం ఎత్తుకుపోయారు. బాధితుడు పోలీస్ స్టేషన్లో ఫిర్యాదు చేశాడు.
మంత్రి పొంగులేటి తనయుడు హర్షారెడ్డి ఇంట్లో కష్టమ్స్ అధికారులు తనిఖీలు చేపట్టినట్లు తెలుస్తోంది. హర్షారెడ్డి రూ.1.7 కోట్ల విలువైన వాచీలను కొనుగోలు చేస్తూ స్మగ్లింగ్ కేసులో చిక్కుకున్న విషయం తెలిసిందే. దాదాపు 6 గంటలపాటు తనిఖీలు చేపట్టినట్లు సమాచారం. ఈ వాచీలను మహమ్మద్ ఫహెర్దీన్ ముబీన్ అనే వ్యక్తి హాంకాంగ్ నుంచి సింగపూర్ మీదుగా భారత్లోకి తీసుకొచ్చినట్లు అధికారులు గుర్తించారు.
ఖమ్మం వ్యవసాయ మార్కెట్లో గురువారం పత్తి, మిర్చి ధరలు ఈ క్రింది విధంగా ఉన్నాయి. క్వింటా ఏసీ మిర్చి ధర రూ.20,00 జెండా పాట పలకగా, క్వింటా పత్తి ధర రూ.7,250 జెండాపాట పలికినట్లు మార్కెట్ కమిటీ సభ్యులు తెలిపారు. నిన్నటి కంటే ఈరోజు ఏసీ మిర్చి ధర స్థిరంగా కొనసాగుతుండగా, పత్తి ధర మాత్రం రూ.50 పెరిగినట్లు వ్యాపారస్తులు తెలిపారు. మార్కెట్ కు వచ్చే రైతులు నిబంధనలు పాటించాలని సూచించారు.
Sorry, no posts matched your criteria.