India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News June 22, 2024
దంపతుల మృతి ఘటన.. భార్యను కాపాడబోయి..
విద్యుదాఘాతంతో <<13487218>>దంపతులు మృతి<<>> చెందిన ఘటన వైరాలో జరిగింది. స్థానికులు తెలిపిన వివరాల ప్రకారం.. ఆంజనేయులు (60) నరసమ్మ (55) దంపతులు వైరాలోని హనుమాన్ బజార్ నివాసం ఉంటున్నారు. నరసమ్మ దుస్తులు ఆరేస్తుండగా కరెంట్ షాక్ వచ్చింది. కేకలు వేయగా ఆంజనేయులు కాపాడేందుకు వెళ్లాడు. ఇద్దరూ కరెంట్ షాక్‌తో మృతి చెందారు.
News June 22, 2024
KTDM: రైలు ప్రమాదంలో జబర్దస్త్ సహా నటుడు మృతి
ట్రైన్ ఎక్కుతూప్రమాదవశాత్తు జారిపడి టీవీ షో జబర్దస్త్‌లో సైడ్ యాక్టర్ మొహమ్మదీన్ మృతి చెందిన ఘటన శుక్రవారం కొత్తగూడెంలో జరిగింది. అతను షూటింగ్ కోసం HYD వెళుతుండగా ఈ ప్రమాదం జరిగింది. కొత్తగూడెం రైల్వే స్టేషన్‌లో రన్నింగ్ ట్రైన్ ఎక్కుతున్న సమయంలో జారిపడి ప్లాట్ ఫామ్‌కి, ట్రైన్‌కి మధ్య ఇరుక్కున్నాడు. తీవ్రంగా గాయపడ్డ అతనిని ఆసుపత్రికి తరలించిన చికిత్స పొందుతూ మరణించాడు.
News June 22, 2024
ఉమ్మడి ఖమ్మం జిల్లాలో TODAY HEADLINES
∆} వివిధ శాఖల అధికారులతో ఖమ్మం భద్రాద్రి జిల్లా కలెక్టర్లు సమీక్ష సమావేశం ∆} పాలేరు నియోజకవర్గంలో మంత్రి పొంగులేటి పర్యటన ∆} అన్నపురెడ్డిపల్లి వెంకటేశ్వర స్వామి ఆలయంలో ప్రత్యేక పూజలు ∆} పాల్వంచలో విద్యుత్ సరఫరాలో అంతరాయం ∆} వైరా నియోజకవర్గంలో ఎమ్మెల్యే రాందాస్ నాయక్ పర్యటన ∆} ఖమ్మం వ్యవసాయ మార్కెట్‌కు సెలవు
News June 22, 2024
భద్రాద్రి రాములోరి భూములకు రక్షణ కవచం
భద్రాచలం శ్రీసీతారామచంద్రస్వామి వారి దేవస్థానం భూముల రక్షణకు ఆ శాఖ ముమ్మర ఏర్పాట్లు చేస్తోంది. ప్రతి అంగుళం భూమికి పక్కా దస్త్రాలను ఆన్లైన్లో సిద్ధం చేయాలని భావిస్తున్నారు. మాన్యం ఆక్రమణకు గురి కాకుండా ఉండేందుకు వ్యూహరచన చేస్తున్నారు. దేవుని ఆస్తి ఎక్కడున్నా అది దేవునికే చెందుతుందని ఇప్పటికే ఉన్నత వర్గాలు స్పష్టం చేశాయి. రాములవారికి రెండు తెలుగు రాష్ట్రాల్లో ఖరీదైన భూములు ఉన్నాయి.
News June 22, 2024
వైరాలో కరెంట్ షాక్‌తో దంపతులు మృతి
ఖమ్మం జిల్లా వైరాలో తీవ్ర విషాదం జరిగింది. విద్యుదాఘాతంతో వృద్ధ దంపతులు మృతి చెందారు. హనుమాన్ బజార్‌లో ఈ ఘటన జరిగింది. ప్రమాదం ఎలా జరిగిందో తెలియాల్సి ఉంది.
News June 22, 2024
తెలంగాణలోకి మావోయిస్టులు?
దండకారణ్యంలో పోలీసు నిర్బంధం పెరిగిపోవడంతో మావోయిస్టులు షెల్టర్ జోన్‌గా తిరిగి తెలంగాణ బాట పడుతున్నట్లు తెలుస్తోంది. ఆపరేషన్ కగార్లో భాగంగా ఛత్తీస్గఢ్లోని దండకారణ్యంలో మావోయిస్టు ప్రభావిత ప్రాంతాలపై భద్రతా దళాలు దాడులను తీవ్రం చేశాయి. జనవరిలో మొదలైన ముప్పేట దాడులు ఇప్పటికీ కొనసాగుతున్నాయి. దీంతో ఆత్మరక్షణ కోసం మావోయిస్టు పార్టీలో నేతలు తమ వ్యూహాలను మార్చి లేఖలను విడుదల చేస్తున్నారు.
News June 22, 2024
ఖమ్మంపై పట్టు పెంచుకుంటున్నా: కలెక్టర్ ముజమ్మిల్ ఖాన్
‘సేవా చేయాలనే ఆలోచనతోనే సివిల్స్ ఎంచుకున్న. వైద్యం, విద్య, వ్యవసాయం ప్రాధాన్యతా అంశాలుగా ఎంచుకుని దృష్టి సారిస్తా’ అని అంటున్నారు ఖమ్మం కలెక్టర్‌గా ఇటీవల బాధ్యతలు స్వీకరించిన ముజమ్మిల్ ఖాన్. ఖమ్మం జిల్లాపై పట్టు పెంచుకుంటున్నానని చెప్పారాయన. తన తాత, నాన్న ఇలా మూడు తరాలు సివిల్ సర్వీసెస్‌లోనే ఉన్నారని ప్రజా సేవలో దొరికిన సంతృప్తి మరెక్కడా లభించదని కలెక్టర్ ముజమ్మిల్ ఖాన్ చెబుతున్నారు.
News June 22, 2024
పాల్వంచ: కేటీపీఎస్ అధికారులతో ఎమ్మెల్యే సమావేశం
కేటీపీఎస్ స్క్రాప్ టెండర్ల అవినీతి అక్రమాల నిగ్గు తేల్చే వరకు విశ్రమించనని ఎమ్మెల్యే సాంబశివరావు అన్నారు. ఇటీవల కాలంలో కేటీపీఎస్ O&M స్క్రాప్ టెండర్, తరలింపు విషయాల్లో వచ్చిన అవినీతి ఆరోపణల నేపథ్యంలో శుక్రవారం O&M DD ప్రాంతాన్ని ఆకస్మికంగా సందర్శించారు. అనంతరం సిఈ చాంబర్‌లో అధికారులతో భేటీ అయ్యారు. ఈ సందర్భంగా ఆయన టెండర్ ప్రక్రియ, విచారణ కమిటీకి అందించిన నివేదికల వివరాలను అడిగి తెలుసుకున్నారు.
News June 21, 2024
ఖమ్మం: ‘ఇక్కడి కందిపప్పుకు ప్రపంచంలోనే విశిష్ట స్థానం’
పెరుగుతున్న అవసరాల దృష్టిలో ఉంచుకుని దేశంలో పప్పు దినుసుల సాగును పెంచాల్సి ఉందని కేంద్ర మంత్రి శివరాజ్ సింగ్ చౌహాన్ అన్నారు. శుక్రవారం కేంద్ర మంత్రి నిర్వహించిన వీడియో కాన్ఫరెన్స్‌‌లో మంత్రి తుమ్మల హాజరయ్యారు. తెలంగాణ రాష్ట్రంలో పండించే తాండూరు కంది పప్పుకు ప్రపంచంలోనే విశిష్ట స్థానం ఉందని, ప్రతి సంవత్సరం 4 లక్షల క్వింటాళ్ళ కందిపప్పు అక్కడ నుంచి మార్కెట్‌కు వస్తుందని మంత్రి తుమ్మల వెల్లడించారు.
News June 21, 2024
బోనకల్: అదుపుతప్పి కాలువలోకి దూసుకెళ్లిన కారు
బోనకల్- ఖమ్మం రహదారిలో ఓ కారు అదుపుతప్పి కాలువలోకి దూసుకు వెళ్లిన ఘటన శుక్రవారం మధ్యాహ్నం చోటుచేసుకుంది. స్థానికులు తెలిపిన వివరాల ప్రకారం.. బోనకల్ నుంచి ఖమ్మం వెళ్తున్న కారు అదుపు తప్పి పక్కనే ఉన్న కాలువలకు దూసుకు వెళ్లిందని స్థానికులు తెలిపారు. ఈ ప్రమాదంలో కారులో ఉన్న వారికి స్వల్ప గాయాలు అయ్యాయని స్థానికులు తెలిపారు. ఈ ఘటనకు సంబంధించి పూర్తి వివరాలు తెలియాల్సి ఉంది.
Featured News
Sorry, no posts matched your criteria.