India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News January 3, 2025
ఖమ్మం: కొలిక్కివచ్చిన ‘ఇందిరమ్మ’ దరఖాస్తుల పరిశీలన
ఖమ్మం: ఇందిరమ్మ ఇళ్ల కోసం అందిన దరఖాస్తుల పరిశీలన ఉమ్మడి జిల్లాలో ఓ కొలిక్కి వచ్చింది. వారం రోజుల్లో దరఖాస్తుల సర్వే పూర్తవుతుందని అధికారులు భావిస్తున్నారు. ఇప్పటివరకు ఖమ్మం జిల్లాలో 83.96 శాతం ,భద్రాద్రి కొత్తగూడెం జిల్లాలో 70 శాతం మేర సర్వే పూర్తి కాగా ఎంపీడీవోలు సూపర్ చెకింగ్ చేస్తున్నారు. ఒక్కో మండలంలో కనీసం ఐదు శాతం దరఖాస్తులను వీరు పరిశీలించి అర్హులను నిర్ధారించనున్నారు.
News January 2, 2025
సీఎం కప్ పోటీల్లో ఖమ్మంకు ఐదు పతకాలు
హైదరాబాద్‌లో ఇటీవల జరిగిన సీఎం కప్ రాష్ట్ర స్థాయి పోటీల్లో ఖమ్మం జిల్లాకు 5 పతకాలు సాధించినట్లు జిల్లా కోచ్, జాతీయ స్థాయి ప్రధాన న్యాయ నిర్ణేత తెలిపారు. సాయి భవ్యశ్రీ 24 కేజీల విభాగంలో, ప్రేమ్ కుమార్ 65 కేజీల విభాగంలో, జయవంత్ 56 కేజీల విభాగంలో, యువ తేజ్ చౌహాన్ 27 కేజీల విభాగంలో, జె ప్రహర్షన్ పాల్‌24 కేజీల విభాగంలో.. ఆయా క్రీడల్లో ప్రతిభ చూపి, బంగారు పతకాలు సాధించినట్లు వివరించారు.
News January 2, 2025
ఖమ్మం జిల్లాలో రేపు ఎంపీ పర్యటన
ఉమ్మడి ఖమ్మం జిల్లాలో శుక్రవారం ఎంపీ రామ సహాయం రఘురాం రెడ్డి పర్యటించనున్నట్లు కార్యాలయం ఒక ప్రకటనలో తెలిపింది. సుజాతనగర్, పాల్వంచ, లక్ష్మీదేవిపల్లి, కొత్తగూడెంలో పర్యటించి పలు అభివృద్ధి కార్యక్రమాల్లో పాల్గొంటారని చెప్పారు. తదనంతరం ఖమ్మం కలెక్టరేట్లో నిర్వహించే మున్నేరు కరకట్ట నిర్మాణ పురోగతిపై అధికారులతో సమీక్షిస్తారని పేర్కొన్నారు. తదనంతరం ఖమ్మం రూరల్ మండలంలో పర్యటిస్తారన్నారు.
News January 2, 2025
వరాహ అవతారంలో భద్రాద్రి రామయ్య
దక్షిణాది అయోధ్య భద్రాచలంలో వైకుంఠ ఏకాదశి అధ్యయనోత్సవాలు ఘనంగా జరుగుతున్నాయి. ఉత్సవాల్లో భాగంగా రోజుకో అవతారంలో స్వామివారు దర్శనమిస్తున్నారు. ఇందులో భాగంగా మూడో రోజు గురువారం వరాహ అవతారంలో స్వామివారు భక్తులకు దర్శనమిచ్చారు. మహానివేదన అనంతరం స్వామివారికి తిరువీధి సేవ నిర్వహిస్తారు. నృత్యాలు, మంగళవాయిద్యాల నడుమ పురవీధుల్లో విహరిస్తారు. ఈ కార్యక్రమంలో ఈవో రమాదేవి, ఆలయ అధికారులు,భక్తులు పాల్గొన్నారు.
News January 2, 2025
కొత్తగూడెం ఎయిర్‌పోర్ట్ సర్వే కోసం డిపాజిట్ చెల్లించండి: కేంద్ర మంత్రి
భద్రాద్రి జిల్లాలో ప్రతిపాదిత కొత్తగూడెం ఎయిర్‌పోర్ట్ సర్వే కోసం ఎయిర్‌పోర్ట్ అథారిటీ ఆఫ్ ఇండియాకు 41లక్షలు డిపాజిట్ చేయాలని కేంద్రమంత్రి రామ్మోహన్ నాయుడు రాష్ట్ర మంత్రి తుమ్మలకు లేఖ రాశారు. ఈ విషయంపై తగిన చర్యలు తీసుకోవాలని జిల్లా ఇన్‌ఛార్జ్ మంత్రి కోమటిరెడ్డి వెంకట్ రెడ్డిని మంత్రి తుమ్మల లేఖ ద్వారా కోరారు. కాగా ఎయిర్‌పోర్ట్ నిర్మాణానికి రాష్ట్ర సర్కార్ 950ఎకరాల స్థలం కేటాయించిన విషయం తెలిసిందే.
News January 2, 2025
ఖమ్మం జిల్లాలో రూ. 42 కోట్ల మద్యం అమ్మకాలు..!
ఉమ్మడి ఖమ్మం జిల్లాలో డిసెంబర్ 30, 31న భారీగా మద్యం అమ్మకాలు జరిగాయి. మొత్తం 208 దుకాణాల్లో ఒక్క రోజు అమ్మకానికి రూ.42 కోట్లు వసూళ్లయ్యాయి. ఇందులో బీర్లు 11,924, విస్కీ, బ్రాందీ ఇతర మద్యం బాటిళ్లు 29,979 కేసులు అమ్ముడుపోయినట్లు తెలుస్తోంది. సాధారణ రోజుల్లో రోజుకు రూ.5 కోట్ల వరకు మద్యం అమ్ముడవుతుంది. మరికొద్ది రోజుల్లో సంక్రాంతి రాబోతుండడంతో ఇదే స్థాయిలో అమ్మకాలు జరుగుతాయని అంచనా వేస్తున్నారు.
News January 2, 2025
నేడు ఖమ్మం జిల్లాలో పొంగులేటి పర్యటన
మంత్రి పొంగులేటి శ్రీనివాసరెడ్డి గురువారం ఉమ్మడి ఖమ్మం జిల్లాలో పర్యటిస్తారని క్యాంపు కార్యాలయం ఒక ప్రకటనలో వెల్లడించింది. ఈ పర్యటనలో భాగంగా పాల్వంచ, లక్ష్మీదేవిపల్లి, కొత్తగూడెం, సుజాతనగర్, రఘునాథపాలెం, ఖమ్మం రూరల్ మండలాల్లో పర్యటించి పలు అభివృద్ధి పనులకు శంకుస్థాపన చేస్తారని చెప్పారు. ఈ విషయాన్ని కాంగ్రెస్ నాయకులు, కార్యకర్తలు, ప్రజలు గమనించాలని సూచించారు.
News January 1, 2025
ఖమ్మం: ఆయిల్పామ్ టన్ను ధర రూ.20,506
ఆయిల్పామ్ సాగు రైతులకు అదృష్టయోగం పట్టింది. ఆయిల్పామ్ గెలల ధర మూడు నెలలకు భారీగా పెరిగింది. టన్ను గెలల ధర అక్టోబర్‌లో రూ.19,140 వరకు ఉంది. ఇది నవంబర్, డిసెంబర్ నెలలకు రూ.20,413 వరకు పెరిగింది. ఈ నెలలో(జనవరి) పామాయిల్ టన్ను ధర రూ.20,506గా నిర్ణయిస్తూ తెలంగాణ ఆయిల్ ఫెడ్ అధికారులు ప్రకటించారు. గత మూడు నెలలుగా ఆయిల్పామ్ ధర పెరుగుతుండటంతో రైతుల ఆనందానికి అవధులు లేవు.
News January 1, 2025
కూర్మావతారంలో భద్రాద్రి రామయ్య
భద్రాచలం సీతారామచంద్ర స్వామి దేవస్థానంలో వైకుంఠ ఏకాదశి అధ్యయనోత్సవాలలో భాగంగా బుధవారం శ్రీరామచంద్రుడు కూర్మావతారంలో భక్తులకు దర్శనమిచ్చారు. అంతకు ముందు స్వామివారిని కూర్మావతారంలో అలంకరించి ప్రత్యేక పూజాకార్యక్రమాలు నిర్వహించి నిత్యకళ్యాణ మండపానికి తీసుకొచ్చారు. పూజా కార్యక్రమాల అనంతరం వేదపండితులు స్వామివారికి వేద విన్నపాలు సమర్పించారు. ఈకార్యక్రమంలో ఈవో రమాదేవి పాల్గొన్నారు.
News January 1, 2025
ఖమ్మం: ఇంటర్ విద్యార్థి సూసైడ్.. ప్రేమ విఫలమే కారణం..?
మధిర మండలం కృష్ణాపురం ఎస్సీ గురుకుల కాలేజీలో << 15026926>>ఇంటర్ విద్యార్థి<<>> సాయివర్ధన్ సూసైడ్ చేసుకున్న విషయం తెలిసిందే. ఇప్పటికే అధికారులు ప్రిన్సిపల్ శ్రీనివాస్, వార్డెన్ మోషేను సస్పెండ్ చేశారు. కాగా విద్యార్థి జేబులో ఓ లేఖ దొరికింది. వైరా ACP రెహమాన్‌ లేఖను పరిశీలించి ప్రేమలో విఫలమైనట్లు తెలుస్తోందన్నారు. ‘లవ్ చేయొద్దు రా’ అని సూసైడ్‌కు ముందు తమతో సాయి చెప్పాడని ఫ్రెండ్స్ తెలిపినట్లు సమాచారం.
Featured News
Sorry, no posts matched your criteria.