India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News December 28, 2024
రూ.40 లక్షలు విలువచేసే రత్నాంగి కవచాలు విరాళం
భద్రాద్రి రాములవారికి HYD వాస్తవ్యులు రూ.40 లక్షలు విలువ చేసే రత్నాంగి కవచాలను శనివారం విరాళంగా ఆలయ ఈవో రమాదేవికి అందజేశారు. ఈ కవచాలల్లో 51 వేల రత్నాలు ఉన్నాయని ఈవో తెలిపారు. దాతలు పిన్నమనేని బాలమురళీకృష్ణ, శాంతి దంపతులు, వారి కుటుంబ సభ్యులను ఆలయ అర్చకులు స్వామివారి శేష వస్త్రాలతో సత్కరించారు.
News December 28, 2024
ఖమ్మం పొలిటికల్ రౌండప్ @2024
కాంగ్రెస్ పార్టీకి ఖమ్మంలో 2024 కలిసొచ్చిందని రాజకీయ విశ్లేషకులు చెబుతున్నారు. అసెంబ్లీ ఎన్నికల్లో 10 స్థానాలకు 9 గెలిచి ఊపుమీదుండగా భట్టి, తుమ్మల, పొంగులేటికి మంత్రి పదవులు దక్కడం కాంగ్రెస్ శ్రేణుల్లో జోష్ నింపిందన్నారు. BRS నుంచి గెలిచిన తెల్లం కాంగ్రెస్‌లో చేరారని.. ఆ పార్టీ ప్రస్తుతం పట్టుకోసం ప్రయత్నిస్తోందన్నారు. BJP, CPI, CPM ఎదగాలని ప్రయత్నిస్తున్నాయని విశ్లేషిస్తున్నారు. COMMENT
News December 28, 2024
ఖమ్మం: ఇందిరమ్మ ఇళ్ల సర్వే కోసం వచ్చి మృతి
ఇల్లందు – కారేపల్లి ప్రధాన రహదారిపై శుక్రవారం జరిగిన <<14993247>>రోడ్డు ప్రమాదంలో<<>> ఇద్దరు వ్యక్తులు మల్లయ్య, వెంకటేశ్వర్లు మృతి చెందిన సంగతి తెలిసిందే. HYDలో ఉంటున్న మల్లయ్య ఉసిరికాయలపల్లిలో ఇందిరమ్మ సర్వే జరుగుతుండగా వివరాలు ఇచ్చేందుకు వచ్చాడు. సర్వే ముగిశాక ఇల్లందుకు వెళ్తుండగా ఈ ప్రమాదం జరిగినట్లు స్థానికులు చెబుతున్నారు. ఈ ఘటనలో గాయపడిన వారు ఇల్లందు, ఖమ్మంలో చికిత్స పొందుతున్నారు.
News December 28, 2024
ఖమ్మం: పకడ్బందీగా ఇందిరమ్మ ఇళ్ల సర్వే: వీపీ గౌతమ్
ఇందిరమ్మ ఇళ్ల కోసం వచ్చిన దరఖాస్తుల సర్వే పరిశీలన యాప్ ద్వారా పకడ్బందీగా నిర్వహించాలని రాష్ట్ర హౌజింగ్ ఎండి V.P గౌతమ్ అన్నారు. శుక్రవారం ఖమ్మం రూరల్(M) జలగంనగర్, ఖమ్మంలోని మోతి నగర్, బొక్కలగడ్డ ప్రాంతాల్లో పర్యటించి ఇందిరమ్మ ఇళ్ల దరఖాస్తుల సర్వేను మున్సిపల్ కమిషనర్ తో కలిసి పరిశీలించారు. సర్వే ప్రక్రియలో పొరపాట్లకు తావివ్వకుండా చూడాలని అధికారులకు ఆయన సూచించారు.
News December 27, 2024
మన్మోహన్ సింగ్ మృతి దేశానికి తీరనిలోటు: ఎంపీ రామసహాయం
మాజీ ప్రధాని మన్మోహన్ సింగ్ మృతికి సంతాపంగా ఖమ్మం సంజీవరెడ్డి భవనంలో శుక్రవారం ఖమ్మం ఎంపీ రామసహాయం రఘురాంరెడ్డి, డీసీసీ అధ్యక్షుడు పువ్వాళ్ల దుర్గాప్రసాద్, PSR యూత్ అధ్యక్షుడు దుంపల రవికుమార్ ఆధ్వర్యంలో నివాళులర్పించారు. ఆయన మృతి దేశానికి తీరని లోటని ఎంపీ రామ సహాయం రఘురాం రెడ్డి తెలిపారు. వారి వెంట కాంగ్రెస్ నేతలు ఉన్నారు.
News December 27, 2024
ఇల్లందు – కారేపల్లి రహదారిపై రోడ్డుప్రమాదం
సింగరేణి మండల పరిధిలోని ఇల్లందు – కారేపల్లి ప్రధాన రహదారిపై రోడ్డు ప్రమాదం జరిగింది. రెండు బైక్‌లు ఢీకొన్న ఘటనలో ఓ వ్యక్తి మృతి చెందగా ముగ్గురికి తీవ్ర గాయాలయ్యాయి. మృతిచెందిన వ్యక్తిని ఉసిరికాయలపల్లికి చెందిన మల్లయ్యగా స్థానికులు గుర్తించారు. పోలీసులు ఘటనా స్థలానికి చేరుకుని క్షతగాత్రులను ఇల్లందు ప్రభుత్వ ఆస్పత్రికి తీసుకెళ్లారు. వారిలో వెంకటేశ్వర్లు పరిస్థితి విషమంగా ఉండటంతో ఖమ్మం తీసుకెళ్లారు.
News December 27, 2024
మన్మోహన్ సింగ్ మృతి పట్ల పొంగులేటి సంతాపం
మాజీ ప్రధాని మన్మోహన్ సింగ్ మృతి పట్ల మంత్రి పొంగులేటి శ్రీనివాస్ రెడ్డి సంతాపం వ్యక్తం చేశారు. ఆయన మృతి దేశానికి తీరని లోటన్నారు. మన్మోహన్ సింగ్ కుటుంబానికి, అభిమానులకు పొంగులేటి ప్రగాఢ సానుభూతి తెలిపారు. కేంద్ర ఆర్థిక మంత్రిగా మన్మోహన్ సింగ్ దేశంలో అనేక ఆర్థిక సంస్కరణలు తీసుకొచ్చారని గుర్తుచేసుకున్నారు. కేంద్రమంత్రిగా, ప్రధానిగా దేశానికి నిర్విరామంగా సేవలందించారని కొనియాడారు.
News December 27, 2024
మన్మోహన్ సింగ్ మృతి పట్ల భట్టి సంతాపం
మాజీ ప్రధాని మన్మోహన్ సింగ్ మృతి పట్ల డిప్యూటీ సీఎం భట్టి విక్రమార్క సంతాపం వ్యక్తం చేశారు.’గొప్ప ఆర్థికవేత్త, రాజకీయ నాయకుడు, మానవతావాది మన్మోహన్ సింగ్ ఇక లేరు. ఆయన తీసుకున్న నిర్ణయాలు దేశాన్ని సంక్షోభం నుంచి గట్టెక్కించాయి. మన్మోహన్ సింగ్ అసలైన నవభారత నిర్మాత. భరతమాత ఓ గొప్ప మేధావిని కోల్పోయింది’ అని డిప్యూటీ సీఎం భట్టి విక్రమార్క పేర్కొన్నారు.
News December 27, 2024
ఉమ్మడి ఖమ్మం జిల్లా హెడ్ లైన్స్
∆} ఖమ్మంలో విద్యుత్ సరఫరాలో అంతరాయం ∆} పాల్వంచ పెద్దమ్మ తల్లి ఆలయంలో ప్రత్యేక పూజలు ∆} ఉమ్మడి ఖమ్మం జిల్లాలో మంత్రి పొంగులేటి పర్యటన రద్దు ∆} పలు శాఖల అధికారులతో ఖమ్మం, కొత్తగూడెం కలెక్టర్ల సమీక్ష ∆} కొత్తగూడెంలో విద్యుత్ సరఫరాలో అంతరాయం ∆} మణుగూరులో మంచినీటి సరఫరా బంద్ ∆} భద్రాద్రి రామాలయంలో ప్రత్యేక పూజలు
News December 27, 2024
ALERT.. KMM: డిగ్రీ విద్యార్థులకు గమనిక
కాకతీయ యూనివర్సిటీ పరిధిలోని డిగ్రీ విద్యార్థులకు నేడు జరగబోయే మొదటి, ఐదో సెమిస్టర్‌కు సంబంధించిన పరీక్షలు వాయిదా వేసినట్లు రిజిస్ట్రార్ మల్లారెడ్డి ఓ ప్రకటనలో తెలిపారు. వాయిదా పడిన పరీక్షలు ఈనెల 31న నిర్వహించనున్నట్లు పేర్కొన్నారు. తదుపరి పరీక్షలు యథావిధిగా షెడ్యూల్ ప్రకారం ఉంటాయని అన్నారు.
Featured News
Sorry, no posts matched your criteria.