India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News April 27, 2024
ఎక్స్ ప్రెస్ బస్సులు ఆపడం లేదు సారూ!
ఖమ్మం డిపోలో కొందరు ఆర్టీసీ డ్రైవర్లు నిర్లక్ష్యం వీడడం లేదు. ప్రభుత్వం ప్రతిష్టాత్మకంగా అమలుచేస్తున్న మహాలక్ష్మి పథకం ఎక్స్‌ప్రెస్ బస్సులకు వర్తిస్తుంది. దీంతో మహిళలు ఎక్స్ ప్రెస్ బస్సుల్లో కూడా జీరో టికెట్ తో ప్రయాణిస్తున్నారు. కానీ, ఖమ్మం డిపోకి చెందిన ఎక్స్ ప్రెస్ బస్సులు గ్రామాలలో ఆపడం లేదని ప్రజలు ఆవేదన వ్యక్తం చేస్తున్నారు. ఉన్నతాధికారులు స్పందించి తగుచర్యలు తీసుకోవాలని వారు కోరుతున్నారు.
News April 27, 2024
ఖమ్మం: 1,974 మందికి కేఎంసీ నోటీసులు
ఈనెల 30తో గడువు ముగియనున్న ఎర్లీబర్డ్ స్కీంను సద్వినియోగం చేసుకోవాలని ఆస్తి పన్ను చెల్లింపుదారులకు ఖమ్మం కేఎంసీ అధికారులు నోటీసులు అందజేస్తున్నారు. ఈ స్కీంకు అర్హత ఉన్నవారిని గుర్తించి వీటిని అందజేస్తున్నారు. అధిక మొత్తంలో పన్నులు చెల్లించే 1,974 మందికి నోటీసులు జారీ చేశారు. ఇక షాపింగ్ మాల్స్, విద్యాసంస్థలు, హోటళ్లు, ఆస్పత్రులపై దృష్టి సారించి, వారిని ప్రత్యేకంగా కలిసి పన్నులు వసూలు చేస్తున్నారు.
News April 27, 2024
ఖమ్మం: రూ.6.30 కోట్ల వసూలు
ఏప్రిల్‌లో ఇచ్చిన ఎర్లీ బర్డ్ స్కీంను సద్వినియోగపరుస్తూ ఖమ్మం కేఎంసీ అధికారులు పన్నులు వసూలు చేస్తున్నారు. ఈ నెల 25 నాటికి 10,821 అసెస్మెంట్స్ నుంచి రూ.6.30 కోట్లు వసూలు చేశారు. వీటితో పాటు పంపు పన్నులు, ట్రేడ్ లైసెన్సుల ద్వారా పన్నులను వసూలు చేస్తున్నారు. ఎర్లీ బర్డ్ స్కీంకు ఈ నెల 30వ తేదీ వరకు గడువు ఉండడంతో మరో రూ.4 కోట్లకు పైగా వసూలు చేసేందుకు అధికారులు చర్యలు చేపట్టారు.
News April 27, 2024
సీఎం రేవంత్ రెడ్డి సమక్షంలో కాంగ్రెస్లో చేరిన కోనేరు చిన్ని
సీఎం రేవంత్ రెడ్డి సమక్షంలో శనివారం BRS పార్టీ నాయకులు కోనేరు సత్యనారాయణ (చిన్ని), అతని సోదరుడు కోనేరు పూర్ణచంద్రరావు, మాజీ జడ్పీ చైర్మన్ వాసుదేవరావుతో కలిసి కాంగ్రెస్ పార్టీ కండువా కప్పుకున్నారు. ఈ సందర్భంగా సీఎం రేవంత్ రెడ్డి వారిని పార్టీ కండువా కప్పి సాదరంగా ఆహ్వానించారు. బీజేపీ భద్రాద్రి కొత్తగూడెం జిల్లా అధ్యక్షుడిగా ఉన్న కోనేరు చిన్ని గత అసెంబ్లీ ఎన్నికల సమయంలో BRS పార్టీలో చేరారు.
News April 27, 2024
రామనామంతో పులకించనున్న భద్రగిరి
భద్రాచలం పుణ్యక్షేత్రం శ్రీ సీతారామ చంద్ర స్వామి వారి దేవస్థానంలో ఇకపై శ్రీరామ నామము వినిపించేలా చర్యలు చేపట్టామని ఈఓ రమాదేవి తెలిపారు. ఈ కార్యక్రమాన్ని ఆమె ఆలయ సిబ్బందితో కలిసి శనివారం ప్రారంభించారు. ఆలయం తెరిచిన సమయం నుంచి ఆలయం మూసే వరకూ ఆలయ ప్రాంగణంతో పాటు పరిసర ప్రాంతాలలో శ్రీరామ నామం ప్రతిధ్వనించేలా చర్యలు తీసుకున్నామన్నారు.
News April 27, 2024
సీఎం రేవంత్‌తో తమ్మినేని భేటీ
సీఎం రేవంత్ రెడ్డిని ఆయన నివాసంలో సీపీఎం కార్యదర్శి తమ్మినేని వీరభద్రం పార్టీ నాయకులతో కలిసి శనివారం భేటీ అయ్యారు. రాష్ట్రంలో జరుగుతున్న పార్లమెంట్ ఎన్నికలపై చర్చించుకున్నారు. పలు నియోజకవర్గాల్లో మద్దతు ప్రకటిస్తున్నట్లు తమ్మినేని వీరభద్రం తెలిపారు. ఈ కార్యక్రమంలో సీపీఎం రాష్ట్ర కమిటీ సభ్యులు జూలకంటి రంగారెడ్డి, చెరుపల్లి సీతారాములు, ఎస్.వీరయ్య పాల్గొన్నారు.
News April 27, 2024
KMM: మరో పది రోజులు జాగ్రత్త!!
ఉమ్మడి ఖమ్మం జిల్లాలో ఎండలు మండుతున్నాయి. పలుచోట్ల 44 డిగ్రీల గరిష్ఠ ఉష్ణోగ్రత నమోదైంది. అత్యధికంగా భద్రాద్రిలో 44 డిగ్రీలకు పైగా నమోదైంది. నేటి నుంచి మరో 10 రోజులపాటు విపరీతమైన వడగాలులు వీచే అవకాశం ఉందని అధికారులు అంచనా వేస్తున్నారు. ఈ నేపథ్యంలో మధ్యాహ్న సమయంలో బయటకు వెళ్లేటప్పుడు జాగ్రత్తగా ఉండాలని వాతావరణ శాఖ సూచించింది. అత్యవసరమైతే తప్ప బయటకు వెళ్లకుండా ఉండడం మంచిదని అధికారులు చెబుతున్నారు.
News April 27, 2024
KMM: మే 6 నుంచి డిగ్రీ పరీక్షలు
కాకతీయ యూనివర్సిటీ పరిధిలోని డిగ్రీ బీఏ, బీకాం, బీఎస్సీ, బీబీఏ, కోర్సుల్లో 2వ, 6వ సెమిస్టర్ పరీక్షలు మే 6 నుంచి, నాలుగో సెమిస్టర్ పరీక్షలు మే 7 నుంచి జరగనున్నాయి. రెండో సెమిస్టర్ పరీక్షలు మే 6, 8, 10, 16, 18, 21, 24, 27వ తేదీల్లో మధ్యాహ్నం 2 నుంచి 5 గంటల వరకు నాలుగో సెమిస్టర్ పరీక్షలు మే 7, 9, 15, 17, 20, 22, 25, 28వ తేదీల్లో ఉదయం 9 నుంచి 12 వరకు జరగనున్నాయి.
News April 27, 2024
నేను రైతు బిడ్డను.. ఇక్కడే పుట్టి పెరిగాను: నామా
తాను ఇక్కడే పుట్టి పెరిగిన రైతు బిడ్డనని, తన గొంతులో ప్రాణం ఉన్నంత వరకు ప్రజలతోనే ఉంటానని బీఆర్ఎస్ ఖమ్మం లోక్‌సభ అభ్యర్థి నామా నాగేశ్వరరావు అన్నారు. తెలంగాణ భవన్‌లో మీడియాతో మాట్లాడారు. ఈ ఎన్నికల్లో ప్రజల ఆశీర్వాదంతో మళ్లీ పార్లమెంట్ కు వెళ్లి ప్రజా సమస్యలపై కోట్లాడి మరింత అభివృద్ధికి కృషి చేస్తానన్నారు.
News April 27, 2024
కాంగ్రెస్‌లోకి భద్రాద్రి కొత్తగూడెం జిల్లా కీలక నేత
భద్రాద్రి కొత్తగూడెం జిల్లాలో బీఆర్ఎస్ పార్టీకి మరొక షాక్ తగిలింది. జిల్లా అధికార ప్రతినిధిగా ఉన్న జేవీఎస్ చౌదరి పార్టీ మారనున్నట్లు ప్రకటించారు. మంత్రి పొంగులేటి శ్రీనివాసరెడ్డితో సుదీర్ఘ మంతనాల అనంతరం ఈ నిర్ణయం తీసుకున్నట్లు తెలుస్తోంది. గతంలో పొంగులేటి శ్రీనివాసరెడ్డితో కొంతకాలం పనిచేసిన అనుభవం జేవీఎస్‌కు ఉంది. ఆ అనుభవంతోనే శ్రీనివాసరెడ్డి పార్టీలోకి ఆహ్వానించినట్లు తెలుస్తోంది.
Featured News
Sorry, no posts matched your criteria.