• Download our app

Khammam

News April 25, 2024

రైతు బీమా, పంట బీమా చెల్లిస్తాం: మంత్రి తుమ్మల

image

ఎన్నికలు పూర్తికాగానే రైతు బీమా, పంట బీమా చెల్లిస్తామని మంత్రి తుమ్మల నాగేశ్వరరావు తెలిపారు. మంగళవారం మహబూబాబాద్ పార్లమెంటు పరిధిలో భద్రాచలం నియోజకవర్గం కాంగ్రెస్ పార్టీ ముఖ్య కార్యకర్తలు సమావేశంలో ఈ ప్రకటన చేశారు. వారం రోజులుగా వడగండ్ల వాన కారణంగా నష్టపోయిన రైతులకు ఎకరానికి రూ.10,000 చొప్పున పది రోజుల్లోనే వారి ఖాతాలోకి డబ్బును వేయడం జరుగుతుందని తెలిపారు.

News April 25, 2024

‘ప్రతి ఒక్కరూ తమ ఓటుహక్కు వినియోగించుకోవాలి’

image

ఓటు హక్కు ఉన్న ప్రతి ఒక్కరూ తమ ఓటుహక్కు వినియోగించుకోవాలని అదనపు డీఆర్డీఓ నూరుద్దీన్ తెలిపారు. స్వీప్ కార్యాచరణలో భాగంగా జిల్లా కలెక్టర్ ఆదేశాల మేరకు మండల సమాఖ్య సమావేశాలు ఏర్పాటు చేసి, మహిళా సభ్యులకు ఓటు హక్కు వినియోగం, నైతిక ఓటింగ్ పై క్షేత్రస్థాయిలో అవగాహన కార్యక్రమాలు చేపడుతున్నట్లు ఆయన అన్నారు. ఈ కార్యక్రమంలో ఎంపీడీవోలు పాల్గొన్నారు.

News April 25, 2024

ఉపాధ్యాయుడిని సస్పెండ్ చేసిన ఐటీడీఏ పీఓ

image

ములకలపల్లి మండలం తిమ్మంపేట పంచాయతీ ఆనందపురం పాఠశాల ఉపాధ్యాయుడు కృష్ణ ఇటీవల పరీక్షల సమయంలో పాఠశాలకు రాలేదు. స్థానికంగా ఉన్న అంగన్వాడికి పరీక్ష నిర్వహించాలని ఫోన్ ద్వారా తెలిపాడు. దీంతో విద్యార్థుల తల్లిదండ్రులు ఉన్నతాధికారులకు ఫిర్యాదు చేశారు. అధికారులు వచ్చి పాఠశాల తనిఖీ చేయగా కృష్ణ స్కూలుకు రాలేదని తేలింది. మంగళవారం భద్రాచలం ఐటీడీఏ పీఓ ఉపాధ్యాయుడిని సస్పెండ్ చేస్తున్నట్లు ఉత్తర్వులు జారీ చేశారు.

News April 24, 2024

ఖమ్మం: తప్పుడు పోస్టులు పెడితే జైలుకే..

image

పార్లమెంట్ ఎన్నికల కోడ్ అమలులోకి రావడంతో పోలీసులు అలర్ట్ అయ్యారు. సోషల్ మీడియాపై నిఘా పెంచారు. ఇందులో భాగంగా ఖమ్మం పోలీస్ కమిషనరేట్ పరిధిలో ఏర్పాటు చేసిన ప్రత్యేక బృందాలు సోషల్ మీడియా వేదికగా జరిగే చట్ట వ్యతిరేక కార్యకలాపాలకు గుర్తించి, సుమోటోగా కేసులు నమోదు చేసి దర్యాప్తు చేస్తున్నారు. ఎన్నికల వేళ ఎవరైనా సోషల్ మీడియాలో తప్పుడు పోస్టులు పెడితే చర్యలు తీసుకుంటామని పోలీసులు హెచ్చరిస్తున్నారు.

News April 24, 2024

పార్లమెంట్ ఎన్నికల్లో కాంగ్రెస్ అభ్యర్థిని గెలిపించండి: మంత్రి

image

దేశంలోనే అత్యధికంగా 15 పార్లమెంటు స్థానాలు గెలుచుకునే రాష్ట్రం తెలంగాణ మాత్రమేనని మంత్రి తుమ్మల నాగేశ్వరరావు అన్నారు. మంగళవారం గంగోలు గ్రామంలో గల వీవీఆర్ ఫంక్షన్ హాల్లో మహబూబాబాద్ పార్లమెంట్ భద్రాచలం నియోజకవర్గ స్థాయి సమన్వయ సమావేశం జరిగింది. ఈ సందర్భంగా తుమ్మల మాట్లాడుతూ.. రానున్న పార్లమెంటు ఎన్నికల్లో కాంగ్రెస్ అభ్యర్థిని అత్యధిక మెజారిటీతో గెలిపించాలని కోరారు.

News April 24, 2024

ఖమ్మం: గుండెపోటుతో అడ్వకేట్ మృతి

image

పెనుబల్లి మండలం వియం బంజర గ్రామానికి చెందిన అడ్వకేట్ పీవీ భాస్కర్ గుండెపోటుతో మృతి చెందారు. లయన్స్ క్లబ్ ఆఫ్ సప్తపది వారు మృతుడి నేత్రాలను సేకరించి నేత్రదాన నిధికి పంపించారు. ఈ కార్యక్రమంలో లయన్స్ క్లబ్ జిల్లా ఛైర్మన్ అబ్దుల్ సలాం, కార్యదర్శి సుంకర సత్యనారాయణ, అధ్యక్షుడు కోట్లు వెంకటేశ్వరరావు పాల్గొన్నారు.

News April 24, 2024

కొత్తగూడెం: పురుగుల మందుతాగి నవ వధువు సూసైడ్

image

తల్లి అనారోగ్యం సాకుగా చూపి చదువు మాన్పించి పెళ్లి చేశారని నవ వధువు బలవన్మరణానికి పాల్పడింది. ఎస్‌ఐ మాచినేని రవి తెలిపిన కథనం ప్రకారం.. చంద్రుగొండ మండలం
మంగయ్యబంజర్‌ గ్రామానికి చెందిన వ్యవసాయ కూలీలు శ్రీను, పద్మ దంపతుల కుమార్తె భూక్య దేవకి(23) డిగ్రీ పూర్తి చేసింది. పైచదువులకు వెళ్తానని పట్టుబట్టింది. బలవంతంగా పెళ్లి చేయడంతో పురుగుల మందు తాగి చికిత్స పొందుతూ మరణించింది. ఘటనపై కేసు నమోదైంది.

News April 24, 2024

భద్రాచలం రాములోరికి సుదర్శన చక్రస్నానం

image

భద్రాచలంలోని శ్రీరామ నవమి బ్రహ్మోత్సవాలు నేటితో ముగియనున్నాయి. మంగళవారం బ్రహ్మోత్సవాల్లో భాగంగా చివరి రోజు స్వామివారికి పవిత్ర గోదావరి నది వద్ద విశేష అభిషేకం జరిగింది. అనంతరం పవిత్ర గోదావరి నదిలో సుదర్శన చక్రస్నానం ఘనంగా నిర్వహించారు. సాయంత్రం పుష్ప యాగంతో బ్రహ్మోత్సవాలు పూర్తికానున్నాయని ఆలయ అర్చకులు తెలిపారు.

News April 24, 2024

ఖమ్మం కాంగ్రెస్ అభ్యర్థిగా నామినేషన్ దాఖలు

image

ఖమ్మం ఎంపీ కాంగ్రెస్ పార్టీ అభ్యర్థిగా రామసహాయం రాఘురాం రెడ్డి పేరుతో నామినేషన్ దాఖలు అయింది. ఈ సందర్భంగా నాయకులు నూకల నరేశ్ రెడ్డి, బొర్రా రాజశేఖర్, స్వర్ణ కుమారి, నిరంజన్ రెడ్డి రాఘురాం రెడ్డి తరుపున కలెక్టర్ గౌతమ్ కు నామినేషన్ పత్రాలు అందించారు. కాంగ్రెస్ పార్టీ అభ్యర్థిని ప్రకటించినప్పటికీ నామినేషన్ దాఖలు చేశారు. అయన అభ్యర్థిత్వాన్నే ఆదిష్టానం ఖరారు చేసే అవకాశం ఉంది.

News April 24, 2024

ఖమ్మం కాంగ్రెస్ ఎంపీ అభ్యర్థి ఈయనే..!

image

ఖమ్మం పార్లమెంట్ కాంగ్రెస్ అభ్యర్థిగా రామసహాయం రఘురామ్ రెడ్డి పేరు దాదాపు ఖరారైనట్లు విశ్వసనీయ సమాచారం. ఈ మేరకు సోమవారం బెంగళూరులో డీకే శివకుమార్, మల్లికార్జున్ ఖర్గేతో జరిగిన సమావేశంలో మంత్రులు భట్టి, పొంగులేటికి ఈ విషయం మీద స్పష్టత ఇచ్చినట్లు ప్రచారం జరుగుతోంది. అభిప్రాయభేదాలకు తావు లేకుండా, పార్టీకి నష్టం జరగకుండా ఈ నిర్ణయం తీసుకున్నట్లుగా టాక్ వినిపిస్తోంది.

Featured News

Sorry, no posts matched your criteria.

↑