India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News October 16, 2024
ఎవరి హయాంలో ఖమ్మం అభివృద్ధి..?
తెలంగాణ రాజకీయంలో ఖమ్మం నియోజకవర్గానిది ప్రత్యేక స్థానం. ఇక్కడ నుంచి గెలిచిన వారు రాష్ట్ర రాజకీయాల్లో చక్రం తిప్పారు. పువ్వాడ నాగేశ్వరరావు, జలగం వెంకట్రావు, పువ్వాడ అజయ్ గెలిచి నియోజకవర్గ అభివృద్ధిపై తమ మార్క్ వేశారు. అయితే ఖమ్మం నుంచి గతంలో పువ్వాడ మంత్రవగా ప్రస్తుతం ప్రాతినిధ్యం వహిస్తున్న తుమ్మల నాగేశ్వర్ రావు కూడా మంత్రిగా ఉన్నారు. వీరిలో ఎవరి హయంలో అభివృద్ధి జరిగిందో కామెంట్ చేయండి.
News October 16, 2024
సన్నబియ్యానికి రూ.500 బోనస్ ఇస్తాం: మంత్రి తుమ్మల
నల్గొండ ఎస్ఎల్‌బీసీలో ధాన్యం కొనుగోలు కేంద్రాన్ని మంత్రులు తుమ్మల నాగేశ్వరరావు, కోమటిరెడ్డి వెంకట్ రెడ్డి ప్రారంభించారు. ఎన్నికల్లో ఇచ్చిన హామీ మేరకు సన్న వడ్లు క్వింటాకు రూ.500 బోనస్ ఇస్తున్నట్లు తుమ్మల చెప్పారు. ఈ కార్యక్రమంలో రాష్ట్ర గిడ్డంగుల సంస్థ ఛైర్మన్ రాయల నాగేశ్వరరావు పాల్గొన్నారు.
News October 16, 2024
చిరుత పులి సంచరిస్తుంది.. జాగ్రత్తగా ఉండండి: సీఐ ఇంద్రసేనారెడ్డి
ఏన్కూర్, జూలూరుపాడు మండల ప్రాంతాలలో చిరుత పులి సంచరిస్తున్నట్లు అటవీశాఖ అధికారులు తెలిపారని సీఐ ఇంద్రసేనా రెడ్డి అన్నారు. ప్రజలు అప్రమత్తంగా ఉండాలన్నారు. రైతులు, ప్రజలు రాత్రి వేళల్లో ఒంటరిగా బయటికి వెళ్లకపోవడం మంచిదని చెప్పారు. చిరుత కనబడితే తమకు సమాచారం అందించాలని కోరారు.
News October 16, 2024
ఉమ్మడి ఖమ్మం జిల్లాలో నేటి ముఖ్యాంశాలు
∆} పాలేరు నియోజకవర్గంలో మంత్రి పొంగులేటి పర్యటన
∆} ఖమ్మంలో మంత్రి తుమ్మల పర్యటన
∆} అధికారులతో భద్రాద్రి జిల్లా కలెక్టర్ సమీక్ష సమావేశం
∆} మధిరలో కొనసాగుతున్న పశువుల గాలి కుంట టీకాలు
∆} భద్రాద్రి రామాలయంలో ప్రత్యేక పూజలు
∆} మణుగూరులో విద్యుత్ సరఫరాలో అంతరాయం
∆} సత్తుపల్లిలో ఎమ్మెల్యే రాగమయి దయానంద్ పర్యటన
∆} పినపాకలో ఎమ్మెల్యే పాయం పర్యటన
News October 16, 2024
ఖమ్మం: నిద్రిస్తున్న కుమారుడిని హత్య చేసిన తండ్రి
ఖమ్మంలో దారుణం జరిగింది. 60వ డివిజన్ రామన్నపేట కాలనీకి చెందిన కొంపల్లి గణేశ్(30)ని అతని తండ్రి హత్య చేశాడు. స్థానికుల వివరాలిలా.. కాలనీకి చెందిన కొంపల్లి వెంకటేశ్వర్లు మద్యానికి బానిసయ్యాడు. తరచూ ఇంట్లో గొడవ పడుతుండేవాడు. ఈ క్రమంలో మంగళవారం తన కుమారుడు గణేశ్ నిద్రిస్తుండగా గొడ్డలితో హత్య చేశారు. మరింత సమాచారం తెలియాల్సి ఉంది.
News October 16, 2024
ఇచ్చిన మాట తప్పం: పొంగులేటి
అర్హులైన రైతులకు రెండు లక్షల వరకు రుణమాఫీ చేస్తామని మంత్రి పొంగులేటి శ్రీనివాసరెడ్డి చెప్పారు. గత ప్రభుత్వం గడిచిన పదేళ్లలో రూ.13,500 కోట్లు రెండు విడతలుగా మాఫీ చేస్తే ప్రస్తుతం ప్రభుత్వం 26 రోజుల్లో రూ.18 వేల కోట్లు రుణమాఫీ చేసిందని, ఇంకా 13 వేల కోట్లు రుణమాఫీ చేయాల్సి ఉందన్నారు. ప్రభుత్వం మాట ఇస్తే తప్పదని స్పష్టం చేశారు. రాబోయే రోజుల్లో రూ.13 వేల కోట్ల రుణమాఫీ చేస్తామని పొంగులేటి చెప్పారు.
News October 16, 2024
ఎలాంటి సమస్యలు ఉన్నా మా దృష్టికి తీసుకొని రండి: ఎస్పీ
కొత్తగూడెం: పోలీస్ శాఖలో పనిచేసే అధికారులు, సిబ్బంది చిన్న చిన్న కారణాలు, సమస్యలతో మానసిక ఒత్తిడికి గురికావద్దని జిల్లా ఎస్పీ రోహిత్ రాజు అన్నారు. మంగళవారం వీడియో కాన్పరెన్స్ ద్వారా కానిస్టేబుళ్లతో ఎస్పీ సమావేశం నిర్వహించారు. తమకు ఎలాంటి సమస్యలు ఎదురైనా వెంటనే తన దృష్టికి తీసుకురావాలని చెప్పారు. క్షణికావేశానికి లోనయ్యి తమ కుటుంబాల గురించి కూడా ఆలోచించకుండా ప్రాణాలు తీసుకోవడం చాలా బాధాకరమన్నారు.
News October 15, 2024
బాణసంచా దుకాణాల అనుమతి కోసం దరఖాస్తు చేసుకోవాలి: సీపీ
ఖమ్మం జిల్లాలో బాణసంచా దుకాణాలు ఏర్పాటు చేసుకునే వ్యాపారస్తులు అనుమతి కోసం దరఖాస్తు చేసుకోవాలని పోలీస్ కమిషనర్ సునీల్ దత్ అన్నారు. ఈనెల 25వ తేదీ సాయంత్రం లోపు పోలీస్ కమిషనర్ కార్యాలయంలో సంబంధిత పత్రాలతో దరఖాస్తు చేసుకొని, అనుమతి పొందాలని సూచించారు. పోలీస్ శాఖ, నగర పాలక శాఖ, అగ్నిమాపక శాఖలు నిర్దేశించిన ప్రదేశంలో మాత్రమే అనుమతితో దుకాణాలను ఏర్పాటు చేసుకోవాలని పేర్కొన్నారు.
News October 15, 2024
కమనీయం.. భద్రాద్రి రామయ్య నిత్య కళ్యాణం
భద్రాచలం శ్రీ సీతారామచంద్రస్వామివారి దేవస్థానంలో మంగళవారం ప్రత్యేక పూజలు నిర్వహించారు. ముందుగా అర్చకులు ఆలయ తలుపులు తెరిచి స్వామివారికి సుప్రభాత సేవ నిర్వహించారు. అనంతరం ఆరాధన, సేవాకాలం, నిత్య బలిహరణం, అభిషేకం తదితర నిత్య పూజా కార్యక్రమాలు యథావిధిగా జరిపారు. అనంతరం బేడా మండపంలో ఏర్పాటు చేసిన ప్రత్యేక వేదికపై రామయ్య నిత్య కళ్యాణాన్ని వైభవంగా నిర్వహించారు.
News October 15, 2024
నేడు ఉమ్మడి ఖమ్మం జిల్లాకు వర్ష సూచన
ఉమ్మడి ఖమ్మం జిల్లా వ్యాప్తంగా నేటి నుంచి భారీ వర్షాలు కురిసే అవకాశం ఉందని వాతావరణ శాఖ తెలిపింది. దక్షిణ ఆంధ్రప్రదేశ్ తీరానికి సమీపంలో పశ్చిమ మధ్య బంగాళాఖాతంలో అల్పపీడన ద్రోణి ప్రభావం వల్ల వర్షాలు కురుస్తాయని తెలిపింది. ఆయా జిల్లాల ప్రజలు అప్రమత్తంగా ఉండాలని చెబుతూ ఉమ్మడి ఖమ్మం జిల్లాకూ హెచ్చరికలు జారీ చేసింది. ఈనెల 18 వరకు వర్షాలు కురిసే అవకాశం ఉందని పేర్కొంది. SHARE IT
Featured News
Sorry, no posts matched your criteria.