India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News September 8, 2024
ఆరోగ్య కేంద్రాన్ని సందర్శించిన ఉప ముఖ్యమంత్రి
ఖమ్మం జిల్లా మధిర నియోజకవర్గం ముదిగొండ మండల కేంద్రంలోని ప్రాథమిక ఆరోగ్య కేంద్రాన్ని ఉప ముఖ్యమంత్రి భట్టి విక్రమార్క సందర్శించారు.
ప్రాథమిక ఆరోగ్య కేంద్రంలో మౌలిక వసతులు, రోగులకు అందిస్తున్న సేవల గురించి సిబ్బందిని ఉప ముఖ్యమంత్రి భట్టి విక్రమార్క మల్లు అడిగి తెలుసుకున్నారు. ఈ కార్యక్రమంలో అధికారులు పాల్గొన్నారు.
News September 8, 2024
ఖమ్మం: విద్యార్థులు చదువు.. వరద పాలు
భారీ వర్షాలు విద్యార్థుల చదువును వరదల పాలు చేశాయి. ఖమ్మం జిల్లాలో 72 పాఠశాలలు దెబ్బతిన్నాయి. శ్లాబ్లు కూలిపోవడం, పగుళ్లు రావడం, లీకేజీలు, కిచెన్ షెడ్ కూలిపోవడం, ఫర్నిచర్ దెబ్బతినడం, పుస్తకాలు, కంప్యూటర్లు, రికార్డులు, సర్టిఫికెట్లు తడిసి పాడైపోవడం వంటివి జరిగాయి. దీంతో వేలాది మంది విద్యార్థుల చదువుపై ప్రభావం పడే పరిస్థితి నెలకొంది.
News September 8, 2024
అధికారులు అప్రమత్తంగా ఉండండి: మంత్రి పొంగులేటి
KMM: వాతావరణ శాఖ అధికారులు హెచ్చరించిన నేపథ్యంలో మున్నేరు పరివాహక ప్రాంతవాసులు అందరూ ముందస్తు జాగ్రత్తగా ఉండాలని తెలంగాణ రెవెన్యూ, విపత్తు నిర్వహణ శాఖల మంత్రి పొంగులేటి శ్రీనివాసరెడ్డి సూచించారు. శనివారం సాయంత్రం నుంచి మళ్లీ ఎడతెరిపి లేకుండా వర్షం కురుస్తున్న నేపథ్యంలో ఖమ్మం, భద్రాద్రి కొత్తగూడెం జిల్లాల కలెక్టర్లతో మాట్లాడి తాజా పరిస్థితిని అడిగి తెలుసుకున్నారు.
News September 8, 2024
ఏన్కూరు: పొంగి పొర్లుతున్న వాగులు.. రాకపోకలకు ఆటంకం
ఉమ్మడి ఖమ్మం జిల్లా శనివారం ఉదయం నుంచి కురుస్తున్న భారీ వర్షాలకు పలు వాగులు పొంగిపొర్లుతున్నాయి. తీగల బంజారా వాగు ఉద్ధృతంగా ప్రవహించడంతో పల్లిపాడు నుంచి ఏన్కూరు రాకపోకలకు అంతరాయం ఏర్పడింది. పల్లిపాడు నుంచి కొత్తగూడెం వెళ్లాలనుకునే ప్రయాణికులు తల్లాడ వైపుగా వెళ్లాలని పోలీసు అధికారులు చెప్పారు. మరొకవైపు భారీ వర్షాల నేపథ్యంలో ప్రజల అప్రమత్తంగా ఉండాలని అధికారులు సూచించారు.
News September 8, 2024
ఉమ్మడి ఖమ్మం జిల్లాలో నేటి ముఖ్యాంశాలు
✓ఉమ్మడి ఖమ్మం జిల్లాకు భారీ వర్ష సూచన
✓ఖమ్మం జిల్లాలో డిప్యూటీ సీఎం పర్యటన
✓వరద ప్రభావిత ప్రాంతాల పర్యటించనున్న మంత్రి పొంగులేటి
✓వరదలపై ఉమ్మడి ఖమ్మం జిల్లా కలెక్టర్లు సమీక్ష సమావేశం
✓పాల్వంచ పెద్దమ్మ తల్లి ఆలయంలో ప్రత్యేక పూజలు
✓ఖమ్మం వ్యవసాయ మార్కెట్‌కు సెలవు
✓సత్తుపల్లిలో ఎమ్మెల్యే రాగమయి పర్యటన
✓కొత్తగూడెంలో విద్యుత్ సరఫరాలో అంతరాయం
News September 7, 2024
అధికారులను అలర్ట్ చేసిన జిల్లా కలెక్టర్
జిల్లా వ్యాప్తంగా ఉన్న 589 మంది పంచాయితీ కార్యదర్శులు ఆయా పంచాయతీల్లో అందుబాటులో ఉండాలని జిల్లా కలెక్టర్ ముజామిల్ ఖాన్ ఆదేశించారు. గ్రామపంచాయతీ పరిధిలోని వాగులు కాలువలు కల్వర్టుల దగ్గర ప్రజలు దాటకుండా ఉండేందుకు రోడ్లు బ్లాక్ చేయాలన్నారు. ఆయా గ్రామ పంచాయతీల్లో ప్రజలను అప్రమత్తం చేయాలన్నారు. చేపల వేటకు వెళ్లకుండా ఆపాలన్నారు. ఎమ్మార్వోలు ఎంపీడీవోలు నిరంతరం పర్యవేక్షణ చేయాలని ఆదేశించారు.
News September 7, 2024
UPDATE: 8.75 అడుగుల వరకు చేరిన మున్నేరు నీటిమట్టం
ఖమ్మంలో కురుస్తున్న భారీ వర్షం కారణంగా మున్నేరువాగు వరద 7.26 గంటల వరకు 8.75 అడుగులకు చేరిందని ఖమ్మం మున్సిపల్ అధికారులు తెలిపారు. దాన్వాయిగూడెం , రమణపేట, బొక్కలగడ్డ, ప్రకాష్ నగర్, మోతీ నగర్, వెంకటేశ్వర్ నగర్‌లోని మున్నేరు వెంబడి నివసించే ప్రజలను సమీపంలోని రెస్క్యూ సెంటర్‌కు వెళ్లవలసిందిగా మున్సిపల్ అధికారులు తెలిపారు..
News September 7, 2024
HIGH ALERT: ఖమ్మం జిల్లాకు అతిభారీ వర్షాలు
ఖమ్మం జిల్లాకు వాతావరణ శాఖ హెచ్చరికలు జారీ చేసింది. రాగల మూడు రోజులు జిల్లాలో విస్తారంగా భారీ నుంచి అతి భారీ వర్షాలు కురిసే అవకాశం ఉందని తెలియజేసింది. భారీ వర్షాల నేపథ్యంలో ప్రజలు అప్రమత్తంగా ఉండాలని సూచించింది. మున్నేరు, ఆకేరుకు భారీ వర్షాల వల్ల వరద పెరిగే అవకాశం ఉన్న నేపథ్యంలో అధికారులు, ప్రజలను ఎప్పటికప్పుడు అప్రమత్తం చేస్తూ ఉండాలని పేర్కొంది.
News September 7, 2024
సుభాన్‌ను అభినందించిన అసదుద్దీన్ ఓవైసీ
ఖమ్మం ప్రకాష్ నగర్ మున్నేరు వంతెనపై ఇటీవల జరిగిన వరదల్లో చిక్కుకున్న 9 మంది ప్రాణాలు సుభాన్ జేసీబీ సహాయంతో కాపాడిన విషయం తెలిసిందే. శనివారం ఎంఐఎం అధినేత అసదుద్దీన్ ఓవైసీ ధైర్యసాహసాలను మెచ్చుకొని అభినందించారు. అతనికి రూ.51,000 నగదు ఇచ్చి సత్కరించారు. ఖమ్మంలో డబల్ బెడ్రూమ్ కోసం సీఎం రేవంత్ రెడ్డికి సిఫార్సు చేశారు.
News September 7, 2024
భద్రాద్రి రామయ్యకు సువర్ణ తులసి అర్చన
భద్రాచలం శ్రీ సీతారామచంద్రస్వామివారి దేవస్థానంలో శనివారం స్వామివారికి సువర్ణ తులసి అర్చన నిర్వహించారు. ముందుగా అర్చకులు ఆలయ తలుపులు తెరిచి స్వామివారికి సుప్రభాత సేవ నిర్వహించారు. అనంతరం ఆరాధన, సేవాకాలం, నిత్య బలిహరణం, అభిషేకం తదితర నిత్య పూజా కార్యక్రమాలు యథావిధిగా జరిపారు. అనంతరం బేడా మండపంలో ఏర్పాటు చేసిన ప్రత్యేక వేదికపై రామయ్య నిత్యకల్యాణాన్ని వైభవంగా నిర్వహించారు.
Featured News
Sorry, no posts matched your criteria.