India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News April 2, 2024
వడదెబ్బకు గురికాకుండా జాగ్రత్తలు తీసుకోండి: ప్రియాంక అలా
భద్రాద్రి కొత్తగూడెం ఎండ తీవ్రతతో వడదెబ్బకు గురికాకుండా రక్షణ చర్యలు పాటించాలని ప్రజలకు కలెక్టర్ ప్రియాంక అలా సూచించారు. మంగళవారం ఐడిఓసి కార్యాలయం సమావేశం మందిరంలో వైద్య ఆరోగ్యశాఖ ఆధ్వర్యంలో జిల్లా టాస్క్ ఫోర్స్ మీటింగ్ అన్ని మండలాల్లోని వైద్య ఆరోగ్యశాఖ అధికారులతో వీడియో కాన్ఫరెన్స్ ద్వారా నిర్వహించారు. ఈ సందర్భంగా కలెక్టర్ మాట్లాడుతూ.. ప్రజలకు అవగాహన సదస్సులు నిర్వహించాలని చెప్పారు.
News April 2, 2024
ఇఫ్తార్ విందులో పాల్గొన్న మంత్రి తుమ్మల
ఖమ్మం నగరంలోని టీఎన్జీవో ఫంక్షన్ హాల్లో ముస్లిం యువత ఏర్పాటు చేసిన ఇఫ్తార్ విందుకు మంత్రి తుమ్మల నాగేశ్వరరావు హాజరయ్యారు. ఈ సందర్భంగా విందుకు హాజరైన ముస్లిం సోదరులను ఉద్దేశించి మాట్లాడారు. కాంగ్రెస్ ప్రభుత్వం మైనార్టీల అభివృద్ధికి కృషి చేస్తుందని చెప్పారు. సీఎం రేవంత్ రెడ్డి రాష్ట్రాన్ని అన్నీ రంగాల్లో అభివృద్ధి చేస్తున్నారని చెప్పారు. ఇఫ్తార్ విందులు మత సామరస్యానికి ప్రతీకగా నిలుస్తున్నాయన్నారు.
News April 2, 2024
మిర్చి ధరల తిరోగమనం.. రూ.2 వేలు తగ్గుదల
ఖమ్మం వ్యవసాయ మార్కెట్లో తేజ రకం మిర్చి ధరలు రోజురోజుకూ తగ్గుతున్నాయి. మార్కెట్లో మంగళవారం క్వింటా మిర్చిని రూ.19,500 జెండాపాట నిర్ణయించగా వ్యాపారులు నాణ్యతను బట్టి క్వింటా రూ.11,000 నుంచి రూ.15,000 వరకు మాత్రమే కొనుగోలు చేశారు. మార్చిలో క్వింటా రూ.21,500 పలికిన మిర్చి ధర ఆ తరువాత క్రమంగా తగ్గుతూ వస్తోంది. నెల రోజుల క్రితం ధరతో పోలిస్తే క్వింటాకు సుమారు రూ.2,000 తగ్గింది.
News April 2, 2024
ఖమ్మం: లారీ, ట్రాక్టర్ ఢీ.. కూలీ మృతి
ఖమ్మం జిల్లా సత్తుపల్లి మండలం బేతుపల్లి గ్రామానికి సమీపంలో ఉన్న జాతీయ రహదారిపై ఓ లారీ ట్రాక్టర్‌ను ఢీకొంది. ఈ ప్రమాదంలో ట్రాక్టర్‌లో ఉన్న కూలీ జుజ్జునూరి మాధవరావు(53) అక్కడికక్కడే మృతి చెందాడు. వరి గడ్డి లోడుతో నాచారం నుంచి దిద్దుపూడి వెళ్తున్న క్రమంలో ప్రమాదం చోటుచేసుకున్నట్లు స్థానికులు తెలిపారు. మాధవరావు దిద్దుపూడి గ్రామానికి చెందిన కూలీగా గుర్తించారు.
News April 2, 2024
ఖమ్మం: డిగ్రీ విద్యార్థులకు గమనిక
కాకతీయ విశ్వవిద్యాలయం పరిధిలోని డిగ్రీ 2, 4, 6 సెమిస్టర్ పరీక్ష ఫీజు చెల్లింపు తేదీని పొడగించినట్లు KU అధికారులు పేర్కొన్నారు. ఫీజు గడువును ఎలాంటి అపరాధ రుసుం లేకుండా ఏప్రిల్ 4 వరకు పొడిగించారు. రూ.50 అపరాధ రుసుంతో ఏప్రిల్ 16 వరకు చెల్లించవచ్చన్నారు. ఉమ్మడి ఖమ్మం జిల్లాలో డిగ్రీ చదువుతున్న విద్యార్థులు ఈ విషయాన్ని గమనించాలని కోరారు.
News April 2, 2024
ఖమ్మం: తీవ్ర ఎండల నేపథ్యంలో హెల్ప్ సెంటర్ ఏర్పాటు
ఖమ్మం జిల్లాలోని డీఎంహెచ్‌వో కార్యాలయంలో ప్రత్యేకంగా 24 గంటల పాటు పని చేసేలా హెల్ప్ సెంటర్ ఏర్పాటు చేశారు. ఎవరైనా వడదెబ్బకు గురైనా, ఎండకు అపస్మారక స్థితికి చేరుకున్నా సమాచారాన్ని జిల్లా కేంద్రంలోని 8501003838, 8639522447 నంబరుకు తెలియజేస్తే తక్షణమే అందుబాటులో ఉన్న అంబులెన్సుతో పాటు వైద్య చికిత్సలకు దగ్గరలోని పీహెచ్సీకి తరలించి చికిత్సలు అందిస్తామని జిల్లా వైద్యాధికారులు తెలియజేశారు.
News April 2, 2024
జిల్లాలోని వ్యవసాయ మార్కెట్లలో వసూలైన ఆదాయ వివరాలు
2023-24 ఆర్థిక సంవత్సరంలో ఖమ్మం జిల్లాలోని ఎనిమిది వ్యవసాయ మార్కెట్లలో వసూలైన ఆదాయ వివరాలు ఇలా ఉన్నాయి. ఖమ్మం మార్కెట్ రూ.2,761 లక్షలు, వైరా మార్కెట్ రూ.578.59లక్షలు, కల్లూరు మార్కెట్ రూ.484.25 లక్షలు, సత్తుపల్లి మార్కెట్ రూ.478.37 లక్షలు, మధిర మార్కెట్ పరిధిలో రూ.455.03 లక్షలు, ఏన్కూరు మార్కెట్ రూ.449.99 లక్షలు నేలకొండపల్లి మార్కెట్ రూ.391.08లక్షలు, మద్దులపల్లికి రూ.182.39లక్షల ఆదాయం నమోదైంది.
News April 2, 2024
అత్యధికంగా ఖమ్మం మార్కెట్ రూ.2,761లక్షలు వసూలు
జిల్లాలోని వ్యవసాయ మార్కెట్ కమిటీల్లో తాజాగా లక్ష్యాన్ని మించి ఆదాయం నమోదైంది. ముగిసిన 2023-24 ఆర్థిక సంవత్సరంలో జిల్లాలోని ఎనిమిది మార్కెట్ల ద్వారా ఆదాయ లక్ష్యం రూ.5,439.72 లక్షలు కాగా, రూ.5,780.70 లక్షలు వసూలయ్యాయి. ఇందులో అత్యధికంగా ఖమ్మం మార్కెట్ నుంచి రూ.2,614 లక్షలకు రూ.2,761లక్షలు వసూలయ్యాయి. కాగా, గత ఏడాదితో పోలిస్తే మార్కెటింగ్ శాఖకు రూ.8లక్షల మేర ఆదాయం పెరిగిందని అధికారులు వెల్లడించారు.
News April 2, 2024
లోక్ సభ పోలింగ్ కు 9,972 మంది సిబ్బంది
లోక్ సభ ఎన్నికల సందర్భంగా ఖమ్మం పార్లమెంట్ పరిధిలో ఉద్యోగులకు కేటాయింపు కొలిక్కి వస్తోంది. జిల్లాలో ఐదు అసెంబ్లీ నియోజకవర్గాలు ఉండగా, 1,456 పోలింగ్ కేంద్రాలు ఏర్పాటు చేయనున్నారు. ఇందులో విధులు నిర్వర్తించేందుకు 7,280మంది ఉద్యోగులు అవసరం ఉండగా, అదనంగా 20శాతం మందితో కలిపి 9,972మందికి శిక్షణ ఇస్తున్నారు. కాగా, ఒక్కో పోలింగ్ కేంద్రంలో ఈసారి ఐదుగురు ఉన్నతాధికారులను కేటాయిస్తున్నట్లు తెలిసింది.
News April 2, 2024
ఖమ్మం వ్యవసాయ మార్కెట్లో నేటి ధరలు
ఖమ్మం వ్యవసాయ మార్కెట్లో మంగళవారం పత్తి, మిర్చి ధరలు ఈ క్రింది విధంగా ఉన్నాయి. క్వింటా మిర్చి ధర రూ.19,500 జెండా పాట పలకగా, క్వింటా పత్తి ధర రూ.7,375 జెండాపాట పలికినట్లు మార్కెట్ కమిటీ సభ్యులు తెలిపారు. నిన్నటి కంటే ఈ రోజు మిర్చి ధర స్థిరంగా కొనసాగుతుండగా, పత్తి ధర మాత్రం రూ.25 పెరిగినట్లు వ్యాపారస్తులు తెలిపారు. మార్కెట్లో రైతులు నిబంధనలు పాటిస్తూ క్రయవిక్రయాలు జరుపుకోవాలని సూచించారు.
Featured News
Sorry, no posts matched your criteria.