India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News March 29, 2024
ఖమ్మం: కొబ్బరి చెట్టుపై నుంచి పడి యువకుడి మృతి
కొబ్బరి చెట్టుపై నుంచి ఓ యువకుడి ప్రమాదవశాత్తు జారిపడి మృతి చెందిన ఘటన వేంసూరు మండలం అమ్మపాలెంలో జరిగింది. గ్రామానికి చెందిన నాగరాజు (34)కొబ్బరికాయలు కోసేందుకు చెట్టు ఎక్కాడు. ఈ సమయంలో ప్రమాదవశాత్తు కాలుజారి కింద పడి అక్కడికక్కడే మృతి చెందాడు. కుటుంబ సభ్యుల ఫిర్యాదు మేరకు వేంసూరు పోలీసులు కేసు నమోదు చేసి దర్యాప్తు చేస్తున్నారు.
News March 29, 2024
ప్చ్.. ఖమ్మంలో కాంగ్రెస్‌లో గెలవలేదు
ఖమ్మం MP స్థానాన్ని 2014లో YSRCP గెలుచుకుంది. ఆ పార్టీ నుంచి పొంగులేటి గెలిచారు. 2019లో టీఆర్ఎస్ (ప్రస్తుత బీఆర్ఎస్) నుంచి నామా నాగేశ్వరరావు విజయం సాధించారు. తెలంగాణ ఇచ్చినప్పటికీ రాష్ట్ర ఏర్పాటు తర్వాత రెండు సార్లు హస్తం పార్టీకి నిరాశే ఎదురైంది. ఈసారి ఈ పార్లమెంట్ పరిధిలోని అన్ని అసెంబ్లీ స్థానాల్లో కాంగ్రెస్ గెలిచింది. దీంతో ఖమ్మం MP సెగ్మెంట్ తమదే అని కాంగ్రెస్ శ్రేణులు ధీమాతో ఉన్నాయి.
News March 29, 2024
ఖమ్మం విషయంలో ఎందుకింత లేటు..
ఖమ్మం ఎంపీ అభ్యర్థిగా బీఆర్ఎస్ నుంచి నామా నాగేశ్వరరావు పోటీలో ఉండగా, బీజేపీ తాండ్ర వినోద్ రావును తమ అభ్యర్థిగా ప్రకటించింది. అయితే అధికార కాంగ్రెస్ పార్టీ మాత్రం అభ్యర్థిని ఖరారు చేయడంలో ఇంకా మల్లగులాలు పడుతోంది. ముఖ్యమంత్రి ఢిల్లీ పర్యటనలోనూ ఈ విషయంపై స్పష్టత రాలేదు. కంచుకోటలోనూ టికెట్ కేటాయింపులో జాప్యం ఏంటని కాంగ్రెస్ శ్రేణులు చర్చించుకుంటున్నాయి.
News March 29, 2024
ఖమ్మం: రైల్వే లైన్.. రైతుల్లో ఆందోళన
ఖమ్మం జిల్లా మీదుగా డోర్నకల్‌-మిర్యాలగూడ, డోర్నకల్‌-గద్వాల లైన్ల నిర్మా ణం జరగనుందనే ప్రచారం జరుగుతోంది. లైన్ల ప్రతిపాదనలపై ఏ శాఖ అధికారులూ స్పష్టత ఇవ్వకపోవడంతో రైతుల్లో ఆందోళన వ్యక్తమవుతోంది. కొద్ది రోజుల క్రితం ఖమ్మం రూరల్‌ మండలం ఆరెకోడు గుట్ట, తిరుమలాయపాలెం రైతు వేదిక, పాపాయిగూడెం సమీపాన మార్కింగ్‌ ఇచ్చారు. దీంతో రైతులు భూములు కోల్పోవాల్సి వస్తుందని ఆందోళన చెందుతున్నారు.
News March 29, 2024
డిగ్రీ గురుకులాల్లో ప్రవేశానికి దరఖాస్తుల ఆహ్వానం
ఉమ్మడి ఖమ్మం జిల్లాలోని మహాత్మా జ్యోతి బాపూలే తెలంగాణ వెనుకబడిన తరగతుల సంక్షేమ గురుకుల డిగ్రీ కళాశాలల్లో ప్రవేశాలకు విద్యార్థుల నుంచి దరఖాస్తుల స్వీకరణ మొదలైంది. ఖమ్మంలో గర్ల్స్ డిగ్రీ కాలేజీ, కొత్తగూడెంలో బాయ్స్ డిగ్రీ కాలేజీ ఉండగా, ఆర్‌డీసీ సెట్‌–2024 ద్వారా ప్రవేశాలు కల్పించనున్నట్లు ఖమ్మం కాలేజీ ప్రిన్సిపాల్‌ డా.వీ.వెంకటేశ్వరరావు తెలిపారు. ఏప్రిల్‌ 12లోగా ఆన్‌లైన్‌లో దరఖాస్తు చేసుకోవాలన్నారు.
News March 29, 2024
ఉమ్మడి ఖమ్మం జిల్లాలో నేటి ముఖ్యాంశాలు
> మధిరలో ఎంపీ అభ్యర్థి తాండ్ర వినోద్ రావు పర్యటన
> వేంసూరు మండలం లక్ష్మీనారాయణపురంలో ఆంజనేయస్వామి ఆలయంలో వార్షికోత్సవ ఉత్సవాలు
> ఖమ్మం జిల్లాకు మంత్రి తుమ్మల నాగేశ్వరరావు రాక
> తాగునీటి ఎద్దడిపై భద్రాద్రి జిల్లా కలెక్టర్ సమీక్ష సమావేశం
> కొత్తగూడెంలో సీపీఎం పార్టీ జిల్లా కమిటీ సమావేశం
> చింతూరులో టీడీపీ నాయకుల ఎన్నికల ప్రచారం
> మణుగూరులో సీఐటీయూ సంతకాల సేకరణ
News March 29, 2024
ఖమ్మం: రోజూ రూ.1.50 కోట్లకు పైనే..
ఖమ్మం హెడ్‌ పోస్టాఫీస్‌లో నిత్యం రూ.1.50 కోట్ల మేర లావాదేవీలు జరుగుతున్నాయి. పొదుపు పథకాలు, డిపాజిట్లు, పెన్షన్లు, ప్రభుత్వ పథకాలు, తపాలా జీవిత బీమా, మనియార్డర్లు , స్పీడ్‌ పోస్టులు, పార్సిళ్ల సేవలతో పాటు పాస్‌పోర్టు సేవలు, ఆధార్‌ సేవలు, స్టాంపుల విక్రయాలు వంటి వాటి ద్వారా ఈ లావాదేవీలు నమోదవుతున్నాయి. వీటితో పాటు ఇండియన్‌ పోస్టల్‌ పేమెంట్‌ బ్యాంక్‌ సేవలు కూడా అందుబాటులో ఉన్నాయి.
News March 29, 2024
ఎలక్షన్ వేళ ఉమ్మడి జిల్లాపై డేగ కన్ను
ఎంపీ ఎన్నికల నేపథ్యంలో ప్రవర్తనా నియమావళి అమల్లోకి వచ్చింది. లోక్ సభ అభ్యర్థులు నిబంధనలను ఉల్లంఘిస్తే గుర్తించడానికి ఎన్నికల సంఘం ప్రత్యేక నిఘా ఏర్పాటు చేసింది. ప్రత్యేక బృందాలను నియమించింది. ప్రత్యేకబృందానికి కేటాయించిన వాహనానికి సీసీ కెమెరా ఏర్పాటు చేసి ఉంది. ఈ బృందం రాజకీయ పార్టీల కార్యక్రమాలు, అభ్యర్థుల ర్యాలీలు జరిగే చోటుకు వెళితే చాలు అవన్నీ కెమెరాలో రికార్డయి అధికారులకు సమాచారం పోతుంది.
News March 28, 2024
రెండో ప్రధాన పంటగా పత్తి: తుమ్మల
వచ్చే ఖరీఫ్ సీజన్ పై మంత్రి తుమ్మల నాగేశ్వర్ రావు సమీక్ష నిర్వహించారు. వర్షాకాలానికి సంబంధించి సాగు వివరాలు, విత్తన లభ్యతపై సమావేశం నిర్వహించారు. ఈ సందర్భంగా మంత్రి మాట్లాడుతూ.. రాష్ట్రంలో పత్తి రెండో ప్రధాన పంటగా ఉందన్నారు. వానాకాలంలో 60.53 లక్షల ఎకరాల్లో పత్తి సాగు కావచ్చని అంచనా వేశారు. అన్ని ప్రైవేట్ విత్తన కంపెనీలు పత్తి విత్తనాలు సరఫరా చేయాలని అధికారులను ఆదేశించారు.
News March 28, 2024
అంతర్రాష్ట్ర సరిహద్దుల్లో అక్రమ రవాణా కట్టడి చేయాలి: సీపీ
అంతర్ రాష్ట్ర సరిహద్దు పోలీసుల సమిష్టి కృషి, సమాచార మార్పిడితో ఫ్రీ & ఫెయిర్ ఎన్నికలు నిర్వహించాలని సీపీ సునీల్ దత్, ఏలూరు ఎస్పీ మేరి ప్రశాంతి అన్నారు. పార్లమెంటు ఎన్నికల నేపథ్యంలో అంతర్రాష్ట్ర సరిహద్దు జిల్లాలో అక్రమ రవాణా, చట్ట వ్యతిరేక కార్యకాలాపాలకు కట్టడి చేసేందుకు చేపట్టిన చర్యల్లో భాగంగా వీడియో కాన్ఫరెన్స్ ద్వారా ఖమ్మం, ఏలూరు జిల్లాల పోలీస్ అధికారుల సమన్వయ సమావేశం గురువారం నిర్వహించారు.
Featured News
Sorry, no posts matched your criteria.