India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News August 14, 2024
పొలం చూసేందుకు వెళ్లి.. గుండెపోటుతో రైతు మృతి
పెనుబల్లి మండలం వీఎం బంజర్ సోమ్లానాయక్ తండాకు చెందిన రైతు తేజావత్ రాంబాబు (40) గుండెపోటుతో మంగళవారం మృతి చెందారు. ఉదయం పొలం చూడటానికి వెళ్లి ఆకస్మికంగా కిందపడ్డాడు. గమనించిన స్థానికులు వెంటనే ఆసుపత్రి తరలించగా అప్పటికే మృతి చెందినట్లు వైద్యులు నిర్ధారించారు. ఎస్ఐ వెంకటేష్ కేసు నమోదు చేసి దర్యాప్తు చేపట్టారు.
News August 14, 2024
పాప పుట్టిందని పెళ్లికి నిరాకరించిన యువకుడు
మహిళతో సహజీవనం చేసి పాప పుట్టాక పెళ్లికి నిరాకరించిన ఓ యువకుడిపై మంగళవారం పోలీసులు కేసు నమోదు చేశారు. చుంచుపల్లి మండలం బాదావత్ తండాకు చెందిన పవన్ పెళ్లి అయి భర్తకు దూరంగా ఉంటున్న మహిళతో ఏడాది కాలంగా సహజీవనం చేస్తున్నాడు. ఈ క్రమంలో మహిళ పాపకు జన్మనివ్వడంతో పెళ్లి చేసుకోమని పవన్ పై ఒత్తిడి తెచ్చింది. అతడు నిరాకరించడంతో బాధితురాలు వన్ టౌన్ పోలీసులను ఆశ్రయించగా వారు సదరు యువకుడిపై కేసు నమోదు చేశారు.
News August 14, 2024
ఉమ్మడి ఖమ్మం జిల్లాలో నేటి ముఖ్యాంశాలు
*ఉమ్మడి ఖమ్మం జిల్లాలో జూనియర్ డాక్టర్ల సమ్మె
*పలు శాఖల అధికారులతో ఖమ్మం, భద్రాద్రి జిల్లా కలెక్టర్ సమీక్ష సమావేశం
*ఖమ్మం నగరంలో మంత్రి తుమ్మల నాగేశ్వరరావు పర్యటన
*అశ్వరావుపేట నియోజకవర్గంలో ఎమ్మెల్యే జారే పర్యటన
*భద్రాచలంలో ఎమ్మెల్యే తెల్లం వెంకట్రావు పర్యటన
*మధిరలో విద్యుత్ సరఫరాలో అంతరాయం
*భద్రాద్రి రామాలయంలో ప్రత్యేక పూజలు
News August 14, 2024
ఖమ్మంలో భట్టి, భద్రాద్రికి తుమ్మల, వరంగల్‌‌లో పొంగులేటి
ఖమ్మం, భద్రాద్రి జిల్లాలో ఆగస్టు 15 స్వాతంత్ర్య దినోత్సవం సందర్భంగా పతాకావిష్కరణ చేసేవారి పేర్లను రాష్ట్ర ప్రభుత్వం ప్రకటించింది. ఖమ్మం జిల్లాలో డిప్యూటీ సీఎం మల్లు భట్టి విక్రమార్క, భద్రాద్రి జిల్లాలో మంత్రి తుమ్మల నాగేశ్వరరావు జాతీయ జెండాలను ఆవిష్కరిస్తారని చెప్పారు. అటు వరంగల్ జిల్లాలో మంత్రి పొంగులేటి శ్రీనివాస్ రెడ్డి జాతీయ జెండాను ఆవిష్కరించనున్నారు.
News August 13, 2024
ఉమ్మడి ఖమ్మం జిల్లా నేటి ముఖ్యంశాలు
☆ కంటతడి పెట్టుకున్న మంత్రి తుమ్మల
☆ విష జ్వరంతో 8 ఏళ్ల బాలుడు మృతి
☆ CM రేవంత్ రెడ్డి పర్యటనకు ముమ్మరంగా ఏర్పాట్లు: జిల్లా కలెక్టర్
☆ పాలేరు ప్రభుత్వ బడులపై మంత్రి పొంగులేటి కీలక నిర్ణయం
☆ హరీష్ రావుకు మంత్రి పొంగులేటి వార్నింగ్
☆ భద్రాచలంలో అప్పుడే పుట్టిన శిశువును రాళ్లపై పడేసిన వ్యక్తులు
☆ తాను అభిమానించే నాయకుడు YSR: మంత్రి తుమ్మల
☆ ములకలపల్లిలో ఎమ్మెల్యే కళ్యాణ లక్ష్మీ చెక్కుల పంపిణి
News August 13, 2024
భద్రాచలంలో అమానుష ఘటన
భద్రాచలం పట్టణంలో అమానుష ఘటన చోటుచేసుకుంది. అప్పుడే పుట్టిన శిశువును గుర్తుతెలియని వ్యక్తులు కవర్లో చుట్టి స్థానిక బ్రిడ్జి కింద ఉన్న రాళ్లగుట్టపై పడేసి వెళ్లిపోయారు. శిశువు మృతదేహాన్ని గమనించిన స్థానికులు వెంటనే పోలీసులకు సమాచారం అందించారు. శిశువు మృతదేహాన్ని పరిశీలించిన పోలీసులు దర్యాప్తు చేపట్టారు.
News August 13, 2024
ఖమ్మం: విష జ్వరంతో 8 ఏళ్ల బాలుడు మృతి
విష జ్వరంతో 8 ఏళ్ల బాలుడు మృతి చెందిన ఘటన మంగళవారం రఘునాథపాలెంలో చోటు చేసుకుంది. పంగిడికి చెందిన భూక్యా అంబర్ లాల్- కస్తూరిల ఏకైక కుమారుడు జస్వంత్ (8)కు జ్వరం రావడంతో ఖమ్మంలోని ఓ ఆసుపత్రికి నిన్న తరలించారు. ఆసుపత్రిలో చికిత్స పొందుతూ జస్వంత్ ఉదయం సమయంలో ఆరోగ్యం విషమించి మృతి చెందాడు. అల్లారుముద్దుగా పెంచిన ఏకైక కుమారుడు ఆకస్మాత్తుగా మృతి చెందడంతో తల్లిదండ్రులు గుండెలు పగిలేలా రోదించారు.
News August 13, 2024
‘పాలేరు ప్రభుత్వ బడులపై మంత్రి పొంగులేటి కీలక నిర్ణయం’
పాలేరులోని ప్రభుత్వ బడులపై మంత్రి పొంగులేటి శ్రీనివాస్ రెడ్డి కీలక నిర్ణయం తీసుకున్నారు. గ్రామాల నుంచి అప్పర్ ప్రభుత్వ స్కూళ్లకు వచ్చే విద్యార్థులకు PSR చారిటబుల్ ట్రస్ట్ ద్వారా సైకిళ్లు పంపిణీ చేస్తానన్నారు. ప్రతి పాఠశాలలో ఆర్వో వాటర్ ప్లాంట్ తో పాటు దీనస్థితిలో ఉన్న విద్యార్థులకు ఆరోగ్యపరమైన ఖర్చులను భరిస్తామని చెప్పారు. విద్యార్థులకు క్రమశిక్షణతో కూడిన విద్యను అందించాలని అధికారులను ఆదేశించారు.
News August 13, 2024
ఖమ్మం: తగ్గిన మిర్చి ధర.. స్థిరంగా ఉన్న పత్తి ధర
ఖమ్మం వ్యవసాయ మార్కెట్లో మంగళవారం పత్తి, మిర్చి ధరలు ఈ క్రింది విధంగా ఉన్నాయి. క్వింటా ఏసీ మిర్చి ధర రూ.19,500 జెండా పాట పలకగా, క్వింటా పత్తి ధర రూ.7,250 జెండాపాట పలికినట్లు మార్కెట్ కమిటీ సభ్యులు తెలిపారు. నిన్నటి కంటే ఈరోజు ఏసీ మిర్చి ధర రూ.100 తగ్గగా, పత్తి ధర మాత్రం స్థిరంగా కొనసాగుతుందని వ్యాపారస్థులు తెలిపారు.
News August 13, 2024
KMM: కుక్క స్నానానికి వేడినీళ్లు పెడుతూ వ్యక్తి మృతి
ఖమ్మంలో చంకలో హీటర్ పెట్టుకుని ఫోన్ మాట్లాడుతూ స్విచ్ ఆన్ చేసిన ఘటనలో ఒకరు మృతి చెందిన విషయం తెలిసిందే. పోలీసుల వివరాలిలా.. పెంపుడు కుక్కకు వేడినీళ్లుతో స్నానం చేయించేందుకు వాటర్ హీటర్ ఆన్ చేసిన మహేశ్ ఫోన్ మాట్లాడుతూ చంకలో హీటర్ పెట్టుకున్నాడు. షాక్ కొట్టి అక్కడికక్కడే పడిపోయాడు. కుటుంబికులు ఆస్పత్రికి తరలించగా మృతి చెందినట్లు డాక్టర్లు తెలిపారు. మృతుడికి భార్య దుర్గాదేవి, ఇద్దరు బిడ్డలు ఉన్నారు.
Featured News
Sorry, no posts matched your criteria.