India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News June 21, 2024
హైవేపై ఎగ్జిట్స్.. ఫలించిన తుమ్మల ప్రయత్నాలు
గ్రీన్ ఫీల్డ్ హైవేలో వేంసూరు, లింగాల వద్ద ఎగ్జిట్ రోడ్లు మంజూరైన విషయం తెలిసిందే. దీంతో సత్తుపల్లి నియోజకవర్గ ప్రజలకు తుమ్మల ఇచ్చిన హామీ నెరవేర్చినట్లైంది. ఖమ్మం- దేవరపల్లి గ్రీన్ ఫీల్డ్ హైవేలో ఎగ్జిట్స్ ఏర్పాటు చేయాలన్న ప్రజల కోరిక మేరకు మంత్రి తుమ్మల చేసిన ప్రయత్నాలు ఫలించాయి. ఈ ఎగ్జిట్స్ సత్తుపల్లి నియోజకవర్గ ప్రజలకు ఎంతో ఉపయోగకరంగా ఉండనున్నాయి.
News June 21, 2024
భద్రాచలం: కమర్షియల్ షాపులకు టెండర్లు ఆహ్వానం: DY.RM
ఖమ్మం రీజియన్, భద్రాచలం డిపో పరిధిలోని కూనవరం రోడ్‌లో కొత్తగా నిర్మించనున్న 11 కమర్షియల్ షాపులకు ఆన్‌లైన్ విధానంలో టెండర్లను ఆహ్వానిస్తున్నట్లు ఉమ్మడి ఖమ్మం జిల్లా TGSRTC డిప్యూటీ రీజినల్ మేనేజర్ (ఆపరేషన్) G.N పవిత్ర తెలిపారు. ఆసక్తి గలవారు ఈనెల 20 నుంచి జూలై 09 వరకు అధికారిక వెబ్ సైట్ https://tender.telangana.gov.in టెండర్ వేయాలని సూచించారు. మరిన్ని వివరాలకు 9963507506 సంప్రదించాలన్నారు.
News June 20, 2024
సింగరేణి తెలంగాణకే తలమానికం: భట్టి
సింగరేణి ఉద్యోగాల గని, తెలంగాణకే తలమానికం అని ఉపముఖ్యమంత్రి భట్టి విక్రమార్క పేర్కొన్నారు. ఖమ్మం కలెక్టరేట్‌లో గురువారం జరిగిన మీడియా సమావేశంలో ఆయన మాట్లాడుతూ.. సింగరేణిలో 42 వేలమంది రెగ్యులర్ ఉద్యోగులు ఉన్నారని, 6 వేల మంది ఔట్ సోర్సింగ్ ఉద్యోగులు ఉన్నారన్నారు. రాష్ట్రంలో 40 గనుల్లో బొగ్గు ఉత్పత్తి జరుగుతోందని తెలిపారు. ప్రస్తుతం 70 మిలియన్ టన్నుల బొగ్గు ఉత్పత్తి జరగుతుందని స్పష్టం చేశారు.
News June 20, 2024
ఖమ్మం: వ్యవసాయశాఖ అధికారులతో మంత్రి తుమ్మల సమీక్షా
మంత్రి తుమ్మల నాగేశ్వరరావు గురువారం వ్యవసాయశాఖ అధికారులతో వానాకాలం పంటసాగు వివరాలు, ఎరువుల నిల్వలు, సరఫరాపై సమీక్ష సమావేశం నిర్వహించారు. ఈ సందర్భంగా సాగు వివరాలను మంత్రి అధికారులను అడిగి తెలుసుకున్నారు. జూన్ 19 వరకు 17,50,000 ఎకరాలలో వివిధ పంటలు సాగు అయ్యాయని, ఇందులో అత్యధికంగా ప్రత్తి 15,60,677 ఎకరాలలో.. తరువాత కంది పంట 76,000 ఎకరాలలో సాగు అయిందని మంత్రికి అధికారులు వివరించారు.
News June 20, 2024
కేటీపీఎస్‌లో షార్ట్ సర్క్యూట్‌తో ఇద్దరు కార్మికులకు గాయాలు
పాల్వంచ కేటీపీఎస్‌లో ప్రమాదం చోటుచేసుకుంది. కేటీపీఎస్‌లోని డీడీలో షార్ట్ సర్క్యూట్ కారణంగా అందులో విధులు నిర్వహిస్తున్న ఇద్దరు కార్మికులకు తీవ్ర గాయాలయ్యాయి. గాయపడిన కార్మికులను యాజమాన్యం మెరుగైన చికిత్స కోసం హైదరాబాద్‌కు తరలిస్తున్నట్లు తెలుస్తోంది. ఈ విషయాన్ని యాజమాన్యం గోప్యంగా ఉంచుతున్నట్లు సమాచారం. ఈ ఘటనపై పూర్తి వివరాలు ఇంకా తెలియాల్సి ఉంది.
News June 20, 2024
ఖమ్మం: రాష్ట్రానికి సింగరేణి జీవగడ్డ లాంటిది- తుమ్మల
రాష్ట్రానికి సింగరేణి జీవగడ్డ లాంటిదని మంత్రి తుమ్మల నాగేశ్వరరావు అన్నారు. వేలం పేరుతో బొగ్గు గనులను ప్రవేట్ వ్యక్తులకు అప్పజెప్పే ప్రయత్నాలను కేంద్రం మానుకోవాలని అన్నారు. బొగ్గు గనులను ప్రైవేటు వ్యక్తులకు కేటాయించి రాష్ట్ర ప్రయోజనాలను దెబ్బతీసేందుకు బీజేపీ ప్రయత్నిస్తుందన్నారు. దీనిపై కేంద్రమంత్రి కిషన్ రెడ్డి చొరవ తీసుకొని గనులన్నీ సింగరేణికే అప్పజెప్పాలన్నారు.
News June 20, 2024
మూడేళ్లలో రూ.2.76 లక్షల ఆదాయం
భద్రాద్రి కొత్తగూడెం జిల్లాలో గత ప్రభుత్వం 481 సెగ్రిగేషన్ షెడ్లు నిర్మించింది. దీంతో సేకరించిన తడి, పొడి చెత్త ద్వారా ఆదాయం సృష్టించుకోవాలని ప్రణాళిక రూపొందించింది. నిర్లక్ష్యం కారణంగా అనేక జీపీలలో చెత్త సేకరణ ద్వారా ఆశించిన ఆదాయం లేదు. కొన్ని జీపీలు మాత్రం చెత్త నుంచి మంచి రాబడి పొందుతూ ఔరా అనిపిస్తున్నాయి. ఇందులో అశ్వాపురం జీపీ మూడేళ్లల్లో రూ.2.76 లక్షల ఆదాయం సాధించి జిల్లాలోనే నెం.1గా ఉంది.
News June 20, 2024
ఖమ్మంలో రాజకీయ దుమారం రేపుతున్న జీవో 59
ఖమ్మంలో జీవో 59 వ్యవహారం రాజకీయ దుమారం రేపుతోంది. తప్పుడు డాక్యుమెంట్లు సృష్టించి కోట్ల రూపాయలు విలువ చేసే ప్రభుత్వ భూములను అధికారంలో ఉన్న సమయంలో ఆక్రమించుకునేందుకు బీఆర్ఎస్ నేతలు యత్నించినట్లు అధికార పార్టీ నాయకులు ఆరోపిస్తున్నారు. కక్ష సాధింపు చర్యలో భాగంగానే అసత్య ఆరోపణలు చేస్తున్నారని బీఆర్ఎస్ నాయకులు అంటున్నారు.
News June 20, 2024
గ్రూప్ 2 అభ్యర్థులకు ఉచిత గ్రాండ్ టెస్టులు
టీజీపీఎస్సీ గ్రూప్-2 ఉద్యోగాలకు దరఖాస్తు చేసుకున్న అభ్యర్థులకు బీసీ స్టడీ సర్కిల్ ఆధ్వర్యంలో ఉచిత గ్రాండ్ టెస్టులు నిర్వహించనున్నట్లు డైరెక్టర్ జీ.శ్రీలత ఒక ప్రకటనలో తెలిపారు. ఉమ్మడి ఖమ్మం జిల్లాలో గ్రూప్ 2కి దరఖాస్తు చేసుకున్న అభ్యర్థులు ఈనెల 19 నుంచి జులై 5 వరకు బీసీ స్టడీ సర్కిల్ వెబ్సైట్లో దరఖాస్తు చేసుకోవచ్చని తెలిపారు. జులై 8, 9 , 15, 22, 30 తేదీల్లో టెస్టులు నిర్వహించనున్నట్లు తెలిపారు.
News June 20, 2024
ఖమ్మం మార్కెట్లో స్వల్పంగా పెరిగిన పత్తి ధర
ఖమ్మం వ్యవసాయ మార్కెట్లో గురువారం పత్తి, మిర్చి ధరలు ఈ క్రింది విధంగా ఉన్నాయి. క్వింటా ఏసీ మిర్చి ధర రూ.20,000 జెండా పాట పలకగా, క్వింటా పత్తి ధర రూ.7050 జెండా పాట పలికినట్లు మార్కెట్ కమిటీ సభ్యులు, వ్యాపారస్తులు తెలిపారు. మిర్చి ధరలు నిన్న, ఈ రోజు స్థిరంగా కొనసాగుతుండగా, అటు పత్తి ధర మాత్రం 75 రూపాయలు పెరిగినట్లు వ్యాపారస్తులు తెలిపారు.
Featured News
Sorry, no posts matched your criteria.