India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News July 11, 2024
TGSRTC ఖమ్మం వైద్య అధికారి బదిలీ
ఉమ్మడి ఖమ్మం రీజియన్ TGSRTC వైద్యాధికారి డాక్టర్ గిరి సింహారావు బదిలీ అయ్యారు. సుదీర్ఘకాలంగా ఇక్కడ పని చేస్తున్న ఆయన మహబూబ్‌నగర్‌కు వెళ్లారు. ఉన్నతాధికారులు ఈ మేరకు ఉత్తర్వులు జారీ చేయడంతో బుధవారం ఆయన విధుల నుంచి రిలీవ్ అయ్యారు. గత 25 సంవత్సరాల పైగా ఖమ్మం రీజియన్‌లో ఆయన సేవలో అందించారు.
News July 11, 2024
బోనమెత్తిన డిప్యూటీ సీఎం సతీమణి
మధిర: ఆషాఢ బోనాలు సందర్భంగా ప్రజా భవన్ నుంచి డిప్యూటి సీఎం మల్లు భట్టి విక్రమార్క సతీమణి, అమ్మ ఫౌండేషన్ ఛైర్మన్ మల్లు నందిని విక్రమార్క సంప్రదాయంగా బోనాలు తయారు చేశారు. అనంతరం బోనాలను ఎత్తుకొని ఎల్లమ్మ తల్లికి సమర్పించారు. అదేవిధంగా ఎల్లమ్మ తల్లి అమ్మవారికి పట్టు వస్త్రాలను అందజేశారు. అమ్మవారి ఆశీస్సులతో ప్రజలు సుఖసంతోషాలతో ఉండాలని పేర్కొన్నారు.
News July 11, 2024
మధిర: రోడ్డు ప్రమాదంలో డ్రైవర్ మృతి
మధిర మండలం మడుపల్లి గ్రామంలో నిన్న రోడ్డు పక్కకు ఓ <<13600268>>కారు <<>>దూసుకెళ్లి డ్రైవర్‌కు గాయాలైన విషయం తెలిసిందే. ఈ ప్రమాదంలో గాయపడ్డ కారు డ్రైవర్ రమేశ్ ఆసుపత్రిలో చికిత్స పొందుతూ గురువారం మరణించారు. మృతుడి కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేపడుతున్నారు. రమేశ్ మృతితో కుటుంబంలో విషాద ఛాయలు అలుముకున్నాయి.
News July 11, 2024
ప్రకాశం జిల్లాలో ఖమ్మం బాలిక ఆత్మహత్య
ప్రకాశం జిల్లా మేదరమెట్లలో బుధవారం ఖమ్మం జిల్లాకు చెందిన బాలిక(14) చెట్టుకు ఉరేసుకొని ఆత్మహత్య చేసుకుంది. కొద్దిరోజుల క్రితం కూలీ పనుల నిమిత్తం ప్రకాశం జిల్లాలో బంధువుల వద్ద ఉంటూ, పనికి వెళ్తుంది. ఈక్రమంలో బుధవారం అర్ధరాత్రి బాలిక కనిపించకపోవడంతో పరిసర ప్రాంతాలు వెతకగా చెట్టుకు ఉరేసుకుని కనిపించిందని బాలిక తండ్రి దేవయ్య తెలిపారు. ఘటనపై కేసు నమోదు చేశామని పోలీసులు తెలిపారు. వివరాలు తెలియాల్సి ఉంది.
News July 11, 2024
మణుగూరు: వ్యక్తి ఆత్మహత్యాయత్నం.. కాపాడిన పోలీసులు
కొత్తగూడెం జిల్లా మణుగూరు పోలీసులు ఆత్మహత్యాయత్నం చేసిన వ్యక్తిని రక్షించారు. పట్టణంలోని సురక్షా బస్టాండ్ సమీపంలో జాఫర్ అనే వ్యక్తి పురుగు మందు తాగి బలవన్మరణానికి యత్నించాడు. అనంతరం 100కు ఫోన్‌ చేసి చెప్పాడు. మణుగూరు బ్లూకోట్ పోలీసులు జాఫర్‌ను గుర్తించి ఆసుపత్రికి తరలించి ప్రాణాలు పోకుండా కాపాడారు. పోలీసులను పలువురు అభినందిస్తున్నారు.
News July 11, 2024
KMM: రేషన్ కార్డుల కోసం ఎదురుచూపులు
ఉమ్మడి ఖమ్మం జిల్లా వ్యాప్తంగా వేల సంఖ్యలో ప్రజలు నూతన రేషన్ కార్డుల కోసం ఎదురుచూస్తున్నారు. ప్రభుత్వం అందించే పలు పథకాలు పొందాలంటే రేషన్ కార్డు ఉండాల్సిందే. ఈ నేపథ్యంలో పథకాలకు అర్హులైనా.. రేషన్ కార్డు లేక అనర్హులుగా మగిలిపోతున్నామని ప్రజలు ఆవేదన వ్యక్తం చేస్తున్నారు. గత ప్రభుత్వం ఒక్క రేషన్ కార్డు ఇవ్వలేదు. ప్రస్తుత ప్రభుత్వం త్వరలోనే రేషన్ కార్డులు జారీ చేస్తామనడంతో ఆశలు చిగురిస్తున్నాయి.
News July 11, 2024
ఉమ్మడి ఖమ్మం జిల్లాలో నేటి ముఖ్యాంశాలు
> ఖమ్మం నగరంలో విద్యుత్ సరఫరాకు అంతరాయం
> రాష్ట్ర గిడ్డంగుల సంస్థ ఛైర్మన్‌గా రాయల నాగేశ్వరరావు ప్రమాణస్వీకారం
> మణుగూరు: బొగ్గు బ్లాకులను సింగరేణికి కేటాయించాలని ఏఐటీయూసీ ఆధ్వర్యంలో రిలే దీక్షలు
> ఉపాధ్యాయ బదిలీలపై ఖమ్మం జిల్లా కలెక్టర్ సమీక్ష
> అశ్వరావుపేట నియోజకవర్గంలో ఎమ్మెల్యే జారే పర్యటన
> తిరుమలాయపాలెంలో డీవైఎఫ్ఐ ఆధ్వర్యంలో సర్వే
> బూర్గంపాడులో విద్యుత్ సరఫరాకు అంతరాయం
News July 11, 2024
ఖమ్మం: భర్తను హత్య చేయించిన భార్య
వివాహేతర సంబంధానికి అడ్డొస్తున్న భర్తను ప్రియుడితో హత్య చేయించిందో భార్య. DSP షేక్ అబ్దుల్ రెహ్మాన్ ప్రకారం.. కొత్తగూడెం పట్టణం గౌతంపూర్‌కాలనీకి చెందిన రమేశ్‌కు ఈశ్వర్‌కుమార్(38)భార్యతో వివాహేతర సంబంధం ఉంది. విషయం తెలుసుకున్న ఈశ్వర్ భార్యతో గొడవపడే వాడు. దీంతో ప్రియుడితో కలిసి భర్త హత్యకు కుట్రపన్నింది. ఈనెల 6న ఈశ్వర్‌ను హత్య చేయించింది. కేసు నమోదు చేసుకున్న పోలీసులు విచారించగా వెలుగుచూసింది.
News July 11, 2024
బదీలీల ప్రక్రియను పారదర్శకంగా జరగాలి: కలెక్టర్
ప్రభుత్వం చేపట్టిన ఉద్యోగుల బదిలీ ప్రక్రియ ఖమ్మం జిల్లాలో పారదర్శకంగా జరగాలని కలెక్టర్ ముజమ్మిల్ ఖాన్ అన్నారు. కలెక్టరేట్‌లో ఉద్యోగుల బదిలీ ప్రక్రియపై అధికారులతో ఆయన సమీక్షించారు. ఉద్యోగ బదిలీలపై ఉన్న నిషేధాన్ని ఎత్తివేస్తూ బదిలీలకు అవకాశం ఇస్తూ ప్రభుత్వం ఉత్తర్వులు జారీ చేసిందన్నారు. నాలుగు సంవత్సరాలు ఓకే చోట పనిచేసిన వారిని బదీలీ చేస్తామని, జూలై 9 నుండి 12 వరకు దరఖాస్తు చేసుకోవాలని సూచించారు.
News July 11, 2024
జాతీయ రహదారులకు భూసేకరణ పూర్తి చేయాలి:సీఎం
జాతీయ రహదారుల నిర్మాణానికి గడువులోగా భూ సేకరణ పూర్తి చేయాలని సీఎం రేవంత్ రెడ్డి అన్నారు. హైదరాబాద్‌లోని సచివాలయం నుంచి రోడ్లు, భవనాల శాఖ మంత్రి కోమటిరెడ్డి వెంకటరెడ్డి, రాష్ట్ర ప్రభుత్వ ప్రధాన కార్యదర్శి శాంతి కుమారి, ఉన్నత స్థాయి అధికారులతో కలిసి సీఎం వీడియో కాన్ఫిరెన్స్ నిర్వహించారు. ఈ కాన్ఫిరెన్స్‌‌‌లోని ఖమ్మంలో ఉన్న డిప్యూటీ సీఎం భట్టి, మంత్రి తుమ్మల పాల్గొని భూ సేకరణ అంశంపై చర్చించారు.
Featured News
Sorry, no posts matched your criteria.