India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News February 1, 2025
గద్వాల: బైక్‌పై వెళ్తుండగా ఢీకొట్టి వెళ్లిపోయారు..!
జోగులాంబ గద్వాల జిల్లాలోని రాయచూర్ రోడ్డు మార్గంలో పార్చర్ల స్టేజీ సమీపాన ఘోర రోడ్డు ప్రమాదం చోటు చేసుకుంది. స్థానికులు తెలిపిన వివరాల మేరకు.. కేటీదొడ్డికి చెందిన బుడ్డ వీరన్న తన ద్విచక్రవాహనంపై వెళ్తున్నారు. ఈయనను ఓ గుర్తు తెలియని వాహనం ఢీకొట్టడంతో అక్కడికక్కడే మృతిచెందారు. మృతదేహాన్ని జిల్లా ఆసుపత్రికి తరలించినట్లు సమాచారం. పూర్తి వివరాలు తెలియాల్సి ఉంది.
News February 1, 2025
FLASH.. గద్వాల: జాతీయ రహదారిపై లారీని ఢీకొన్న బస్సు
ఉండవెల్లి మండలం పుల్లూరు టోల్ ప్లాజా సమీపంలో 44 జాతీయ రహదారిపై రెండు బస్సులు ఒక లారీని ఢీకొన్నాయని స్థానికులు తెలిపారు. స్థానికుల సమాచారం మేరకు.. హైదరాబాద్ నుంచి కర్నూలు వైపు వెళ్తున్న బస్సు యూటర్న్ తీసుకుంటున్న లారీని ఢీకొంది. వెనకనే వస్తున్న మరో బస్సు ముందున్న బస్సును ఢీకొట్టింది. బస్సు డ్రైవర్ చంద్రశేఖర్ తో పాటు ఆరుగురికి గాయాలు అయినట్లు సమాచారం. పూర్తి వివరాలు తెలియాల్సి ఉంది.
News February 1, 2025
గద్వాల: పాఠశాల ఘటనలో ఉపాధ్యాయురాలు సస్పెండ్
గద్వాల జిల్లా అయిజ మండల కేంద్రంలో ఓ ప్రైవేట్ పాఠశాలలో జరిగిన ఘటనపై జిల్లా విద్యాశాఖ అధికారులు చర్యలు తీసుకున్నారు. విద్యార్థినిని వాతలు పడేలా కొట్టిన ఉపాధ్యాయురాలిని పాఠశాల విధుల నుంచి తొలగించామని జిల్లా విద్యాశాఖ అధికారి తెలిపారు. అదే విధంగా విద్యార్థికి అయ్యే వైద్య ఖర్చుల మొత్తాన్ని పాఠశాల యాజమాన్యం భరిస్తుందని అన్నారు.
News February 1, 2025
MBNR: మార్చి 31లోగా దరఖాస్తులకు డెడ్ లైన్.!
గతంలో ఎల్‌ఆర్‌ఎస్ స్కీం కింద దరఖాస్తు చేసుకున్న వారంతా మార్చి 31 నాటికి పరిష్కరించుకోవాలని లేదంటే అధిక ఫీజులు వసూలు చేస్తామని మున్సిపల్ కమిషనర్ మహేశ్వర్ రెడ్డి హెచ్చరించారు. 2020లో వెయ్యి రూపాయలు కట్టిన వారంతా మున్సిపల్ కార్యాలయంలో ఏర్పాటు చేసిన ప్రత్యేక హెల్ప్ లైన్‌ని ఉపయోగించు కోవాలన్నారు. వీటిపై దరఖాస్తుదారులకు అవగాహన కల్పించాలని శుక్రవారం సిబ్బందితో నిర్వహించిన సమావేశంలో సూచించారు.
News February 1, 2025
MBNR: ‘నాణ్యమైన విద్య అందించాలి’
జిల్లాలోని అన్ని సంక్షేమ వసతిగృహాలు, గురుకుల పాఠశాలలో చదువుతున్న విద్యార్థులకు నాణ్యమైన విద్య అందించాలని అదనపు కలెక్టర్ శివేంద్ర ప్రతాప్ ఆదేశించారు. ఆయన మాట్లాడుతూ.. కలెక్టరేట్‌లో శుక్రవారం సమీక్ష నిర్వహించారు. పెంచిన డైట్ చార్జీలకు అనుగుణంగా మెనూ అమలు చేస్తూ భోజనంలో నాణ్యత పాటించాలన్నారు. హాస్టల్స్ గురుకులాలలో సీసీ కెమెరాలు ఏర్పాటు చేయాలని, వసతి గృహాలు గురుకుల పాఠశాలలో పరిశుభ్రత పాటించాలన్నారు.
News January 31, 2025
జడ్చర్ల: చెట్టుపై నుంచి కిందపడి యువకుడి మృతి
జడ్చర్ల మండలం మూల స్తంభం తండాకు చెందిన రాథోడ్ తరుణ్ నాయక్ (29) పొట్టకూటి కోసం కుటుంబంతో కలిసి తాండూర్‌కు వలస వెళ్లాడు. అడ్డా కూలిగా పనిచేస్తూ కుటుంబాన్ని పోషిస్తున్నాడు. గురువారం పోస్ట్ ఆఫీస్‌లోని చెట్లను తొలగిస్తుండగా ప్రమాదవశాత్తు చెట్టుపై నుంచి పడి మృతి చెందాడు. మృతుడికి భార్య, ఒక కుమార్తె ఉన్నారు. బాధిత కుటుంబానికి ప్రభుత్వపరంగా ఆర్థిక సహాయం అందించాలని గ్రామస్థులు విజ్ఞప్తి చేశారు.
News January 31, 2025
MBNR జిల్లాలో శిశు మరణాలు తగ్గించాలి: జిల్లా కలెక్టర్
మహబూబ్ నగర్ జిల్లాలో శిశు మరణాలు తగ్గించేందుకు అధికారులు కృషి చేయాలని మహబూబ్‌నగర్ జిల్లా కలెక్టర్ విజయేంద్ర బోయి అన్నారు. జిల్లా కలెక్టర్ కార్యాలయంలోని మినీ సమావేశ మందిరంలో నిర్వహించిన సమావేశంలో ఆమె మాట్లాడుతూ.. శిశు మరణాలు తగ్గించేందుకు స్త్రీ గర్భవతిగా ఉన్నప్పటి నుంచి జాగ్రత్తలు తీసుకోవాలని అన్నారు. ప్రతి గర్భిణీ స్త్రీ యొక్క గత కాన్పుల వివరాలు తెలుసుకుని పరీక్షలు నిర్వహించాలని అన్నారు.
News January 31, 2025
ఉమ్మడి జిల్లాలో నేటి..TOP NEWS!!
✔MBNR:పీయూ డిగ్రీ ఫలితాలు విడుదల
✔420 హామీలతో అధికారంలోకి వచ్చిన పార్టీ కాంగ్రెస్:BRS
✔NRPT:ఆకతాయిలు వేధిస్తే చట్టపరమైన చర్యలు:పోలీసులు
✔ఘనంగా మహాత్మా గాంధీ వర్ధంతి వేడుకలు
✔7 నుంచి మన్యంకొండ బ్రహ్మోత్సవాలు
✔బిజినపల్లి: కుష్ఠి వ్యాధి నిర్మూలనపై ప్రతిజ్ఞ
✔సీఎంఆర్ఎఫ్ పేదల ఆరోగ్యానికి ఆర్థిక భరోసా:ఎమ్మెల్యేలు
✔గద్వాల: విద్యార్థిని చితకబాదిన టీచర్ పై పోలీస్ స్టేషన్లో ఫిర్యాదు
News January 30, 2025
MBNR: లేగ దూడపై చిరుత దాడి
కొత్తపల్లి మండలం నిడ్జింత గ్రామ శివారులో లేగ దూడపై చిరుత దాడి చేసి చంపింది. ఇదే గ్రామానికి చెందిన కాశప్ప లేగ దూడతో పాటు పశువులను బుధవారం సాయంత్రం పొలం వద్ద కట్టేసి వెళ్ళిపోయాడు. గురువారం ఉదయం వచ్చి చూడగా లేగ దూడ మృతి చెంది ఉంది. చిరుత పులి దాడి చేసి ఉంటుందని రైతులు అనుమానిస్తున్నారు. అటవీ శాఖ అధికారులు చిరుత పులి జాడ కనిపెట్టి బంధించాలని చుట్టూ పక్కల గ్రామాల ప్రజలు, రైతులు కోరుతున్నారు.
News January 30, 2025
MBNR: పీయూ డిగ్రీ ఫలితాలు విడుదల
పాలమూరు యూనివర్సిటీ(పీయూ) డిగ్రీ- I, III & V ఫలితాలను ఉపకులపతి ఆచార్య జి.ఎన్ శ్రీనివాస్ విడుదల చేశారు. పరీక్ష ఫలితాలను www.palamuruuniversity.com వెబ్ సైట్‌లో పొందుపరచామన్నారు. సెమిస్టర్-Iలో 32.61%, సెమిస్టర్-IIIలో 37.75%, సెమిస్టర్-Vలో 48.81% మంది ఉత్తీర్ణత సాధించారని అన్నారు. ఈ కార్యక్రమంలో రిజిస్ట్రార్ ఆచార్య చెన్నప్ప, పరీక్షల నియంత్రణ అధికారి డా.రాజ్ కుమార్, అధ్యాపకులు తదితరులు పాల్గొన్నారు.
Featured News
Sorry, no posts matched your criteria.