India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News August 1, 2024
సుప్రీం కోర్టు తీర్పును స్వాగ‌తిస్తున్నాం: ఎంపీ డీకే అరుణ
ఎస్సీ వర్గీక‌ర‌ణ‌పై సుప్రీం కోర్టు తీర్పును స్వాగ‌తిస్తున్నామని ఎంపీ డీకే అరుణ అన్నారు. దేశ అత్యున్న‌త న్యాయ స్థానం ఇచ్చిన ఈ తీర్పును స్వాగ‌తిస్తున్నామని, ఈ గొప్ప తీర్పు ఇచ్చిన న్యాయమూర్తులకు మనస్ఫూర్తిగా ధన్యవాదాలు తెలిపారు. ఎన్నిక‌ల‌కు ముందు ప్ర‌ధాని మోదీ ఇచ్చిన మాట ప్రకారం ఎస్సీ వ‌ర్గీక‌ర‌ణ కోసం ఎంత‌గానో కృషి చేశారని పేర్కొన్నారు.
News August 1, 2024
జిల్లా దేవాదాయశాఖ అసిస్టెంట్ కమీషనర్ బదిలీ
ఉమ్మడి జిల్లా దేవాదాయ ధర్మాదాయ శాఖ అసిస్టెంట్ కమిషనర్‌గా దిరాజు శ్రీనివాసరాజు బదిలీ అయ్యారు. ఈ మేరకు బుధవారం రాత్రి ఉత్తర్వులు వెలువడ్డాయి. వీరి స్థానంలో జిల్లా దేవాదాయ శాఖ జ్యువెలరీ వెరిఫికేషన్ ఆఫీసర్ అంజలీదేవిని మహబూబ్నగర్ జిల్లా అసిస్టెంట్ కమిషనర్‌గా బదిలీ చేస్తూ దేవాదాయ శాఖ ఉత్తర్వులు జారీ చేసింది. కాగా గురువారం మధ్యాహ్నం అంజలిదేవి బాధ్యతలు తీసుకోనున్నారు.
News August 1, 2024
కృష్ణా నదిలో కొనసాగుతున్న వరద ఉద్ధృతి
ఎగువన కురుస్తున్న వర్షాలతో కృష్ణా నదిలో ప్రవాహం కొనసాగుతోంది. జూరాల 45గేట్లు ఎత్తి 3.19 లక్షల క్యూసెక్కుల నీటిని విడుదల చేస్తున్నారు. ఇన్ ఫ్లో 3.17లక్షల క్యూసెక్కులు ఉంది. జూరాల, సుంకేసుల డ్యాం నుంచి భారీ ప్రవాహం ఉండటంతో శ్రీశైలం జలాశయానికి గంటగంటకు వరద పెరుగుతుంది. శ్రీశైలం 10గేట్లు ఎత్తి 3,76,670 క్యూసెక్కుల నీటిని వదులుతున్నారు. ప్రస్తుతం ఇన్‌ఫ్లో 3,95,162, ఔట్ ఫ్లో 4,36,902 క్యూసెక్కులు ఉంది.
News August 1, 2024
MBNR: ఉమ్మడి జిల్లాలో ఒక్కరే మండల విద్యాధికారి
వాస్తవానికి ప్రతి మండలానికి ఒక మండల విద్యాధికారి ఉండాలి. కానీ ఉమ్మడి మహబూబ్నగర్ జిల్లాలో 80కి పైగా మండల కేంద్రాలు ఉన్నాయి. ఐదు మంది MEOలకు 4గురు బదిలీ అయ్యారు. ఒక్కరే రెగ్యులర్ మండల విద్యాధికారి ఉన్నారు. గ్రామీణ పాఠశాలల పర్యవేక్షణ, విద్యార్థులకు విద్య ప్రశ్నార్థకంగా మారింది. అధికారులు దృష్టి కేంద్రీకరించాలని విద్యార్థుల తల్లిద్రండులు కోరుతున్నారు.
News August 1, 2024
పాలమూరు విశ్వవిద్యాలయం ఎంబీఏ సెమిస్టరీ షెడ్యూల్ విడుదల
MBNR: పాలమూరు విశ్వవిద్యాలయం పరిధిలోని ఎంబీఏ 4వ సెమిస్టర్ పరీక్షలు ఈనెల 9 నుంచి 21 వరకు నిర్వహిస్తున్నట్లు యూనివర్సిటీ పరీక్షల నియంత్రణ అధికారి రాజ్ కుమార్ వెల్లడించారు. ఎంబీఏ రెండో సెమిస్టర్ పరీక్షలు ఈనెల 12 నుంచి 28 వరకు కొనసాగుతాయని తెలిపారు. అదేవిధంగా ఎంసీఏ 4వ సెమిస్టర్ పరీక్షలు 9 నుంచి 16 వరకు, ఎంసీఏ 2,3,వ సెమిస్టర్ పరీక్షలు ఈనెల 12 నుంచి 24 వరకు కొనసాగుతాయని తెలిపారు.
News August 1, 2024
ఎమ్మెల్యే బండ్ల నివాసంలో అల్పాహారం తీసుకున్న మంత్రి
గద్వాల జిల్లా కేంద్రంలో ఎమ్మెల్యే క్యాంపు కార్యాలయంలో గురువారం ఎమ్మెల్యే బండ్ల కృష్ణమోహన్ రెడ్డి నివాసానికి మంత్రి జూపల్లి కృష్ణ రావు చేరుకున్నారు.. అనంతరం ఎమ్మెల్యే నివాసంలో మంత్రి జూపల్లి కృష్ణారావు అల్పాహారం తీసుకున్నారు. గద్వాల అభివృద్ధి కోసం సహకరించాలని ఎమ్మెల్యే మంత్రిని కోరారు. జిల్లా అభివృద్ధి తనవంతు కృషి చేస్తానని మంత్రి ఎమ్మెల్యేకి భరోసా ఇచ్చారు.
News August 1, 2024
14 రోజుల్లో 221 TMCల నీరు: జూరాల ఈఈ
జూరాలకు ప్రాజెక్టుకు జులై 17 నుంచి వరద మొదలైందని పీజేపీ డ్యాం ఈఈ జుబేర్ అన్నారు. ఇప్పటి వరకు 221 టీఎంసీల వరదనీరు వచ్చి చేరిందని, అందులో 14 టీఎంసీలు సాగునీటి ప్రాజెక్టులకు వినియోగించుకుంటున్నామని, మిగిలిన 207 టీఎంసీల వరదను నదిలోకి వదిలేశమని అన్నారు. ఎక్కువ, దిగువ జల విద్యుత్ ప్రాజెక్టుల ద్వారా 66.54 మెగావాట్ల విద్యుత్ ఉత్పత్తి అయిందన్నారు.
News August 1, 2024
నాగర్‌కర్నూలు జిల్లాలో అమానవీయ ఘటన
నాగర్ కర్నూలు జిల్లా తెలకపల్లి మండలంలో అమానవీయ ఘటన జరిగింది. ఆడపిల్ల పుట్టిందనో .. అనారోగ్యంతో మరణించిందో తెలియదు కానీ బుధవారం నవజాత శిశువును చెత్తకుప్పలో పడేశారు. ఎస్ఐ నరేశ్ వివరాల ప్రకారం.. అనంతసాగర్ చెరువు సమీపంలోని చెత్తలో రెండు రోజుల క్రితం జన్మించిన శిశువు మృతదేహం లభించిందని తెలిపారు. శిశువును నాగర్ కర్నూల్ జిల్లా జనరల్ ఆసుపత్రికి తరలించి దర్యాప్తు చేస్తున్నట్లు ఎస్సై పేర్కొన్నారు.
News August 1, 2024
UPDATE: శ్రీశైలం ప్రాజెక్టు 8 గేట్లు ఎత్తివేత
శ్రీశైలం జలాశయానికి వరద కొనసాగుతోంది. జలాశయం అధికారులు బుధవారం 8 గేట్లను 10 అడుగుల మేర ఎత్తి నాగార్జున సాగర్‌లోకి నీటిని వదులుతున్నారు. గేట్ల ద్వారా 2.23 లక్షల క్యూసెక్కులు, AP విద్యుత్ ఉత్పత్తి కేంద్రం ద్వారా 24,917 క్యూసెక్కులు, తెలంగాణ విద్యుత్తు ఉత్పత్తి కేంద్రం నుంచి 35,315 క్యూసెక్కుల నీటిని దిగువకు విడుదల చేసిన్నట్లు అధికారులు తెలిపారు. నీటిమట్టం 885 అడుగులకు గాను 884.50 అడుగులకు చేరింది.
News August 1, 2024
జడ్చర్ల : ‘అప్పుచేసి ఇల్లు కట్టాను.. ఏడవకండి’
జడ్చర్ల మున్సిపాలిటీ పరిధిలోని 44వ జాతీయ రహదారికి సమీపంలోని లక్ష్మీనరసింహ కాలనీలో ఇటీవల ఓ ఇంటి యజమాని ఇల్లు కట్టాడు. ఇంటికి నరదృష్టి పడకూడదని ఉద్దేశంతో.. ‘ఇల్లు అప్పు చేసి కట్టాను.. ఏడవకండి’ అని ఫ్లెక్సీ కట్టాడు. దీంతో ఆ ఫ్లెక్సీని చూసిన వారంతా అవాక్కవుతున్నారు. ఫ్లెక్సీ చూసిన వారంతా.. ఇలా కూడా ఫ్లెక్సీ కడతారా అంటూ.. నవ్వుకుంటున్నారు.
Featured News
Sorry, no posts matched your criteria.