India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News June 1, 2024
చాణక్య X SURVEY: మహబూబ్నగర్, నాగర్‌కర్నూల్ కాంగ్రెస్‌దే..!
మహబూబ్నగర్, నాగర్‌కర్నూల్ పార్లమెంట్ స్థానాలు కాంగ్రెస్‌దే అని చాణక్య X సర్వే అంచనా వేసింది. మహబూబ్‌నగర్‌లో BRS నుంచి మన్నె శ్రీనివాస్ రెడ్డి, కాంగ్రెస్ వంశీచంద్ రెడ్డి, BJP నుంచి డీకే అరుణ పోటీ చేశారు. ఇక నాగర్‌కర్నూల్‌లో BRS నుంచి RS ప్రవీణ్ కుమార్, కాంగ్రెస్ నుంచి మల్లు రవి, BJP నుంచిభరత్ ప్రసాద్ పోటీలో ఉన్నారు. ఈ రెండు స్థానాల్లో కాంగ్రెస్ అభ్యర్థులే గెలుస్తారని సర్వే అంచనా వేసింది.
News June 1, 2024
ఆరా మస్తాన్ SURVEY: మహబూబ్‌నగర్‌లో టఫ్ ఫైట్..!
మహబూబ్నగర్ పార్లమెంట్ స్థానంలో టఫ్ ఫైట్ ఉంటుందని ఆరా మస్తాన్ సర్వే అంచనా వేసింది. ఇక్కడ బీజేపీ నుంచి డీకే అరుణ, కాంగ్రెస్ నుంచి వంశీచంద్ రెడ్డి, BRS నుంచి మన్నె శ్రీనివాస్ రెడ్డి పోటీలో ఉన్నారు. తాజాగా విడుదలైన సర్వేలో బీజేపీ, కాంగ్రెస్ మధ్య పోటాపోటీ ఉంటుందని అంచనా వేసింది. చివరకు డీకే అరుణకు అవకాశం ఉందన్నారు. దీనిపై మీ కామెంట్?
News June 1, 2024
ఆరా మస్తాన్ SURVEY: నాగర్‌కర్నూల్ కాంగ్రెస్‌దే..!
నాగర్‌కర్నూల్ పార్లమెంట్ స్థానం కాంగ్రెస్‌దే అని ఆరా మస్తాన్ సర్వే అంచనా వేసింది. ఇక్కడ కాంగ్రెస్ నుంచి మల్లు రవి పోటీ చేశారు. BJP నుంచి భరత్ ప్రసాద్, BRS నుంచి RS ప్రవీణ్ కుమార్ పోటీలో ఉన్నారు. కాగా తొలుత కాంగ్రెస్, బీఆర్ఎస్‌కి పోటాపోటీ ఉంటుందని చర్చ నడవగా.. తాజాగా విడుదలైన సర్వేలో కాంగ్రెస్‌దే విజయమని అంచనా వేసింది. దీనిపై మీ కామెంట్?
News June 1, 2024
MBNR: పంచాయతీ ఎన్నికలకు ఆశావహుల ఎదురుచూపు
గ్రామస్థాయి నేతలు పంచాయతీ ఎన్నికల సమరం కోసం ఎదురుచూస్తున్నారు. ఈ జూన్‌లో ఎన్నికలు ఉంటాయనే ఉద్దేశంతో పోటీకి ఆయా పార్టీల నేతలు అన్నీ సిద్ధం చేసుకున్నారు. అయితే ఎన్నికలు మరికొంత ఆలస్యం అయ్యే అవకాశం ఉండటంతో ఎప్పుడు జరుగుతాయోనని ఆరా తీస్తున్నారు. గతంలో ఉన్న అభ్యర్థులతో పాటు కొత్త వారు కూడా పోటీకి ఉవ్విళ్లూరుతున్నారు. ఉమ్మడి మహబూబ్నగర్ జిల్లాలోని 1,692 జీపీలలో ఎక్కడ చూసినా పంచాయతీ ఎన్నికల చర్చ ఉంది.
News June 1, 2024
MBNR: సైబర్ మోసం రూ.2.58 లక్షలు మాయం
ఓ వ్యక్తి వాట్సాప్‌లో వచ్చిన లింక్‌ను క్లిక్ చేయగా రూ.లక్షలు పొగొట్టుకున్నాడు. రాజోళి మండల కేంద్రానికి చెందిన ఎల్లప్ప వాట్సాప్‌లో వచ్చిన లింక్‌ను ఓపెన్ చేశాడు. అందులో సూచించిన విధంగా నమోదు చేస్తూ వెళ్లగా, తనకు చెందిన మూడు క్రెడిట్ కార్డుల నుంచి రూ.2.58లక్షలు మాయమైనట్లు గ్రహించాడు. ఆందోళనకు గురైన ఆ వ్యక్తి సైబర్ క్రైం‌కు ఫోన్‌లో సమాచారం ఇచ్చాడు. శుక్రవారం రాజోలి పోలీస్‌ ఠాణాలో ఫిర్యాదు చేశారు.
News June 1, 2024
MBNR: కౌన్ బనేగా ఎమ్మెల్సీ.. రేపే కౌంటింగ్..!
ఉమ్మడి మహబూబ్ నగర్ జిల్లా స్థానిక సంస్థల ఉప ఎన్నికల కౌంటింగ్ రేపు జరగనుంది. కౌన్ బనేగా ఎమ్మెల్సీ అనే ఆసక్తి ప్రతి ఒక్కరిలో నెలకొంది. సీఎం రేవంత్ రెడ్డి సొంత జిల్లా కావడంతో ఆయన ఎన్నికను ఎంతోప్రతిష్ఠాత్మకంగా తీసుకొని ముందుకు సాగారు. ఈ నేపథ్యంలోనే ఎన్నికల ఫలితాలపై రాష్ట్ర ప్రజలు ఆసక్తి కనబరుస్తున్నారు. ఎన్నికలలో గెలుపొందాలని బీఆర్ఎస్ నేతల సైతం తీవ్రంగా ప్రయత్నించారు. ఫలితం ఎవరిని వరిస్తుందో చూడాలి.
News June 1, 2024
ఉండవెల్లి: రూ. 9లక్షల విలువైన నకిలీ విత్తనాలు పట్టివేత
గద్వాల జిల్లా ఉండవెల్లి మండలం జాతీయ రహదారిపై పుల్లూరు చెక్ పోస్ట్ వద్ద శుక్రవారం రాత్రి 18 క్వింటాళ్ల నకిలీ పత్తి విత్తనాలు పట్టుకున్నట్లు ఏఎస్సై సుబ్బారెడ్డి తెలిపారు. ఏపీలోని నంద్యాల నుంచి తెలంగాణలోని నిజామాబాద్ జిల్లా ఆర్మూర్‌కు బొలెరో వాహనంలో 18 క్వింటాళ్ల లూజు విత్తనాలు తరలిస్తుండగా పట్టుకున్నారు. వీటి విలువ రూ.9 లక్షలు ఉంటుందన్నారు. డ్రైవర్ కోటేష్ పై కేసు నమోదు చేశారు.
News June 1, 2024
నేడు రేపు ఉమ్మడి జిల్లాకు వర్ష సూచన
ఉమ్మడి పాలమూరు జిల్లాలోని పలు జిల్లాల్లో నేడు, రేపు వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. శనివారం ఉమ్మడి జిల్లాలోని వనపర్తి, నారాయణపేట, జోగులాంబ గద్వాల, నాగర్ కర్నూల్ జిల్లాలకు ఎల్లో అలర్ట్ జరీ చేయగా, ఆదివారం గద్వాల్, నాగర్ కర్నూల్, వనపర్తి, నారాయణపేట జిల్లాలో వర్షాలు కురుస్తాయని అంచనా వేసింది. వాతావరణ శాఖ అంచనాల మేరకు ప్రజల ప్రమాదంగా ఉండాలని అధికారులు కోరారు.
News June 1, 2024
“ఉమ్మడి పాలమూరు జిల్లా నేటి కార్యక్రమాలు”
✓ ఉమ్మడి జిల్లాలో నేటి నుండి ఇంటర్మీడియట్ కళాశాలలు ప్రారంభం.
✓ కొడంగల్, నందిగామ, ఫరూక్నగర్ మండలాల్లో నేడు విద్యుత్ నిలిపివేత.
✓ పాలమూరులో నేడు హనుమాన్ జయంతి వేడుకలు.
✓ రేపు ఎమ్మెల్సీ ఉప ఎన్నిక ఫలితం.
✓ రేపు రాష్ట్ర ఆవిర్భావ దినోత్సవ వేడుకలు నేడు ఏర్పాట్లు.
✓ అలంపూర్: నేడు పెద్ద కిస్తీ దర్గా ఉత్సవాలు.
✓ అచ్చంపేట: నేడు ప్లాస్టిక్ నిషేధంపై అవగాహన.
✓ నేడు TGPSC గ్రూప్-1 హాల్ టికెట్లు విడుదల.
News June 1, 2024
MBNR:రేపే ఎమ్మెల్సీ ఉప ఎన్నిక ఫలితం
మహబూబ్ నగర్ స్థానిక సంస్థల నియోజకవర్గం ఎమ్మెల్సీ ఉప ఎన్నిక ఫలితంపై రేపు ఉత్కంఠకు తెరపడనుంది. జిల్లా కేంద్రంలోని బాలుర జూనియర్ కళాశాలలో ఆదివారం కౌంటింగ్ కు ఏర్పాట్లు పూర్తి చేశారు. ఉ.8 గంటలకు లెక్కింపు ప్రక్రియ ప్రారంభం కానుంది. మొత్తం ఐదు టేబుళ్లలో ఓట్లు లెక్కిస్తారు. మన్నె జీవన్ రెడ్డి(INC), నవీన్ కుమార్ రెడ్డి(BRS), స్వతంత్ర అభ్యర్థిగా సుదర్శన్ గౌడ్ పోటీలో నిలిచారు.
Featured News
Sorry, no posts matched your criteria.