India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News October 24, 2024
ఉమ్మడి జిల్లాలో తొమ్మిది మందికి పదోన్నతులు
ఉమ్మడి పాలమూరు జిల్లాలో వివిధ ప్రభుత్వ జూనియర్ కళాశాలల్లో పనిచేస్తున్న తొమ్మిది మంది సిబ్బందికి సీనియర్ అసిస్టెంట్లుగా పదోన్నతి లభించింది. వీరు ఆయా కళాశాలల్లో బాధ్యతలు స్వీకరించేందుకు 15 రోజులు గడువు ఇస్తూ ఇంటర్ ప్రాంతీయ సంచాలకులు ఉత్తర్వులు జారీచేశారని జిల్లా ఇంటర్ కార్యాలయం అధికారులు తెలిపారు. పదోన్నతులు లభించడంతో సిబ్బంది సంతోషం వ్యక్తం చేస్తున్నారు.
News October 24, 2024
MBNR: బయోమెట్రిక్ పరికరాలు పనిచేయక ఇబ్బందులు
ఉమ్మడి పాలమూరు జిల్లాలో పలు ప్రభుత్వ జూనియర్ కళాశాలల్లో బయోమెట్రిక్ హాజరు పరికరాలు పనిచేయకపోవడంతో సిబ్బంది ఇబ్బందులు పడుతున్నారు. సాంకేతిక పరమైన సమస్యలతో బయోమెట్రిక్ హాజరును నమోదు చేయలేకపోతున్నామని బోధన, బోధనేతర సిబ్బంది పేర్కొంటున్నారు. బయోమెట్రిక్ యంత్రాల్లో ఉన్న సాంకేతిక సమస్యలను పరిష్కరించాలని వారు కోరుతున్నారు.
News October 24, 2024
ఉమ్మడి జిల్లాలో పెరిగిన ఉష్ణోగ్రతలు..
ఉమ్మడి పాలమూరు జిల్లా వ్యాప్తంగా గడిచిన 24 గంటల్లో నమోదైన ఉష్ణోగ్రత వివరాలు.. అత్యధికంగా నారాయణపేట జిల్లా ధన్వాడలో 36.9 డిగ్రీల ఉష్ణోగ్రత నమోదయింది. గద్వాల జిల్లా వడ్డేపల్లిలో 36.6 డిగ్రీలు, మహబూబ్నగర్ జిల్లా కొత్తమోల్గారాలో 35.9 డిగ్రీలు, వనపర్తి జిల్లా గోపాల్ పేటలో 35.3 డిగ్రీలు, నాగర్ కర్నూల్ జిల్లా వటవర్లపల్లి లో 31.1 డిగ్రీలుగా ఉష్ణోగ్రతలు నమోదయ్యాయి.
News October 24, 2024
ఐద్వా రాష్ట్ర కమిటీ సభ్యులుగా వనపర్తి వాసులు
భద్రాది కొత్తగూడెం జిల్లాలో జరిగిన ఐద్వా రాష్ట్ర మహాసభలలో వనపర్తి జిల్లా ఐద్వా జిల్లా అధ్యక్ష కార్యదర్శులు రాష్ట్ర కమిటీ సభ్యులుగా ఎన్నికయ్యారు. అధ్యక్ష కార్యదర్శులు సాయిలీల, లక్ష్మి మాట్లాడుతూ రాష్ట్ర మహాసభలలో తీసుకున్న కర్తవ్యాలపై, మహిళలు ఎదుర్కొంటున్న సమస్యలపై పోరాడుతూ సంఘం బలోపేతం కోసం కృషి చేస్తామన్నారు. రాష్ట్ర కమిటీకి ఎన్నికైన సాయిలీల, లక్ష్మి లను పలు ప్రజాసంఘాల నాయకులు అభినందించారు.
News October 24, 2024
ప్రభుత్వాన్ని విమర్శించే నైతిక హక్కు BRSకు లేదు: మంత్రి జూపల్లి
కాంగ్రెస్ ప్రభుత్వాన్ని విమర్శించే నైతిక హక్కు BRS నేతలకు లేదని మంత్రి జూపల్లి కృష్ణారావు అన్నారు. బుధవారం ఆయన మీడియాతో మాట్లాడారు. కాంగ్రెస్ పార్టీ అంటే బడుగు బలహీన వర్గాలకు సంబంధించిన పార్టీ అన్నారు. అవినీతి, కుటుంబ పాలనకు తాము వ్యతిరేకమని చెప్పారు. ప్రభుత్వం ఏర్పడి పది నెలలు కూడా కాకముందే ప్రజలకు ఎన్నో సంక్షేమ ఫలాలు అందించామని తెలిపారు. ఆరు గ్యారంటీలను ఒక్కొక్కటిగా అమలు చేస్తున్నామని తెలిపారు.
News October 24, 2024
శ్రీశైలం జలాశయం తాజా సమాచారం
ఎగువ నుంచి వచ్చే వరద తగ్గడంతో శ్రీశైలం జలాశయం రెండు గేట్లను బుధవారం మూసివేశారు. శ్రీశైలానికి మొత్తం 142518 క్యూసెక్కుల ఇన్‌ఫ్లో ఉండగా.. 65,568 క్యూసెక్కుల ఔట్‌ఫ్లో ఉంది. జలాశయంలో ప్రస్తుతం 884.5 అడుగుల వద్ద 212.91 టీఎంసీల నీటి నిల్వ ఉందని అధికారులు తెలిపారు. ప్రియదర్శిని జూరాల ప్రాజెక్టుకు 36వేల క్యూసెక్కుల ఇన్‌ఫ్లో ఉడగా.. ప్రస్తుతం 8.73 టీఎంసీల నీటి నిల్వ ఉంది.
News October 24, 2024
PUకి న్యాక్ ‘ఏ’ గ్రేడ్ సాధించడమే లక్ష్యంగా పని చేస్తా: VC
పాలమూరు యూనివర్సిటీకి న్యాక్ ‘ఏ’ గ్రేడ్ సాధించడమే లక్ష్యంగా పని చేస్తానని నూతన VC ప్రొఫెసర్ జీఎన్ శ్రీనివాస్ అన్నారు. ఉపాధి అందించే కోర్సులను పెంచి, విద్యార్థులకు సంస్కారం నేర్పి సమాజానికి అందిస్తామన్నారు. పరిశ్రమల అవసరాలకు అనుగుణంగా విద్యార్థులను తయారు చేస్తామన్నారు. వర్సిటీ అనుబంధంగా ఉన్న వనపర్తి, జోగులాంబ గద్వాల, కొల్లాపూర్ పీజీ సెంటర్లలో విద్యా ప్రమాణాలను పెంచి.. మౌలిక వసతులు కల్పిస్తామన్నారు.
News October 24, 2024
జడ్చర్ల: మద్యం లోడ్ కంటైనర్ బోల్తా.. ఎగబడ్డ జనం
మద్యం లోడ్‌తో వెళ్తున్న కంటైనర్ బోల్తా పడటంతో జనం ఎగబడ్డారు. పెబ్బేరు నుంచి హైదరాబాద్‌కు మద్యం లోడుతో వెళ్తున్న కంటైనర్ జడ్చర్లలో హైవే- 44పై జంజం హోటల్ వద్ద ఆగి ఉండగా మరో లారీ ఢీకొట్టింది. దీంతో కంటైనర్ బోల్తా పడటంతో అందులో ఉన్న మద్యం బాటిళ్లు చెల్లాచెదురయ్యాయి. హైవేపై ట్రాఫిక్ జామ్ కావడంతో పోలీసులు ఘటనా స్థలానికి వెళ్లి ట్రాఫిక్ క్లియర్ చేశారు. మందు బాటిళ్ల కోసం ఎగబడ్డ స్థానికులను చెదరగొట్టారు.
News October 24, 2024
MBNR: ‘సమగ్ర కులాల ప్రజాభిప్రాయ సేకరణ పకడ్బందీగా నిర్వహించాలి’
సమగ్ర కులాల స్థితిగతులు తెలుసుకునేందుకు ఉమ్మడి మహబూబ్ నగర్ జిల్లా వ్యాప్తంగా చేపట్టిన ప్రజాభిప్రాయ సేకరణ కార్యక్రమాల నిర్వహణకు పకడ్బందీ చర్యలు తీసుకోవాలని రాష్ట్ర బీసీ కమిషన్ ఛైర్మన్ నిరంజన్ అన్నారు. బుధవారం హైదరాబాదు నుంచి జూమ్ కాన్ఫరెన్స్ ద్వారా మహబూబ్ నగర్ జిల్లా కలెక్టర్ విజయేంద్ర బోయి, స్థానిక సంస్థల అదనపు కలెక్టర్ శివేంద్ర ప్రతాప్, రెవెన్యూ అదనపు కలెక్టర్ మోహన్ రావుతో మాట్లాడారు.
News October 24, 2024
ఉమ్మడి జిల్లాలో నేటి..TOP NEWS!
✔ఉపకార వేతనాలకు దరఖాస్తుల ఆహ్వానం ✔ఈనెల 26న మద్దూర్‌కు సీఎం రేవంత్ రెడ్డి ✔శ్రీశైలం జలాశయంలో తగ్గిన వరద ✔భారీగా పెరిగిన చికెన్ ధరలు ✔NGKL:30న జాతీయ స్థాయి బండలాగుడు పోటీల ప్రదర్శన ✔NGKL: గొంతులో దోశ ఇరుక్కుని చనిపోయాడు ✔ప్రగతిపథంలో ప్రజాపాలన పుస్తకాన్ని ఆవిష్కరించిన మంత్రి జూపల్లి ✔10 నెలల కాంగ్రెస్ పాలనలో విద్యా వ్యవస్థ అస్తవ్యస్తం:BRSV
Featured News
Sorry, no posts matched your criteria.