India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News July 12, 2024
షాద్‌నగర్: ఘోర ప్రమాదం.. లారీ కిందపడి వ్యక్తి మృతి
షాద్‌నగర్ నియోజకవర్గం కొత్తూరులోని Y జంక్షన్‌లో 3 లారీలు ఢీకొన్నాయి. ఈ ఘోర రోడ్డు ప్రమాదంలో ఒకరు అక్కడికక్కడే మృతిచెందగా, మరొకరు తీవ్రంగా గాయపడ్డారు. దీంతో లారీ బోల్తాపడటంతో లారీ కింద స్కూటీ ఇరుక్కుపోయింది. స్కూటీపై ఉన్న వ్యక్తి అక్కడికక్కడే మృతి చెందినట్లు స్థానికులు తెలిపారు. మృతుడిని పెంజర్ల గ్రామానికి చెందిన వ్యక్తిగా గుర్తించారు. పోలీసుకు ఘటనా స్థలానికి చేరుకుని దర్యాప్తు చేస్తున్నారు.
News July 12, 2024
కొడంగల్: టీచర్లు రాక పాఠశాలకు తాళం
ఉపాధ్యాయుల నిర్లక్ష్యం కారణంగా చిన్నారులు చదువుకు దూరమవుతున్నారు. పాఠశాలకు హాజరుకాని విద్యార్థులను దారిలో పెట్టాల్సిన టీచర్లే విధులకు ఎగనామం పెట్టడంతో విద్యార్థుల తల్లిదండ్రుల్లో ఆందోళన వ్యక్తమవుతోంది. శుక్రవారం కొడంగల్ మున్సిపాలిటీ పరిధిలోని పాత కొడంగల్ ప్రాథమిక పాఠశాలకు తాళం ఉండడంతో టీచర్ కోసం విద్యార్థులే ఎదురుచూడాల్సిన పరిస్థితి నెలకొంది. టీచర్ల రాకపోవడంతో పిల్లలు తిరిగి ఇళ్లకు వెళ్లారు.
News July 12, 2024
వనపర్తిలో మొక్కలు నాటిన మంత్రులు
వనపర్తి జిల్లా కలెక్టర్ కార్యాలయంలో శుక్రవారం రాష్ట్ర ప్రభుత్వం రైతు భరోసా పథకంపై ఉమ్మడి పాలమూరు జిల్లా సాంస్కృతిక సమావేశం నిర్వహించారు. ఈ సమావేశానికి మంత్రులు జూపల్లి కృష్ణారావు, పొంగులేటి శ్రీనివాస్ రెడ్డి, తుమ్మల నాగేశ్వర్ రెడ్డి, ప్రణాళిక సంఘం ఉపాధ్యక్షుడు చిన్నారెడ్డి, ఎంపీ మల్లు రవి, ఉమ్మడి జిల్లా ఎమ్మెల్యేలు, కలెక్టర్ తదితరులు పాల్గొన్నారు. ముందుగా కార్యాలయంలో మంత్రుల మొక్కలు నాటారు.
News July 12, 2024
WNP: మంత్రి మండలి సబ్ కమిటీ సమావేశం
రాష్ట్ర ప్రభుత్వం రైతు భరోసా పథకంపై నియమించిన మంత్రి మండలి సబ్ కమిటీ సమావేశం శుక్రవారం డిప్యూటి సీఎం భట్టి విక్రమార్క ఆధ్వర్యంలో వనపర్తి జిల్లా కలెక్టర్ కార్యాలయంలో ప్రారంభమైంది. ఈ కార్యక్రమంలో మంత్రులు, ఉమ్మడి జిల్లా ఎమ్మెల్యేలు, ప్రణాళిక సంఘం ఉపాధ్యక్షుడు జిల్లెల చిన్నారెడ్డి, జిల్లా కలెక్టర్, రాష్ట్ర ఉన్నతాధికారులు, రైతులు తదితరులు పాల్గొన్నారు.
News July 12, 2024
ఎన్టీఆర్ ప్రభుత్వ మహిళా కళాశాలకు అటానమస్..
ఎన్టీఆర్ ప్రభుత్వ మహిళా డిగ్రీ కళాశాలకు అటానమస్ హోదా దక్కిందని కళాశాల ప్రిన్సిపాల్ విజయ్ కుమార్ తెలిపారు. ఉమ్మడి మహబూబ్ నగర్ జిల్లాలోనే మొట్టమొదట ఈ హోదా పొందిన ఘనతను సొంతం చేసుకుంది. దీంతో ప్రతి ఏటా రూ.12 లక్షల నిధులు(UGC), రీసెర్చ్ కేంద్రం ఏర్పాటు, ప్రతి విభాగం బలోపేతం, నూతన కోర్సులు, క్షేత్ర పర్యటనలపై దృష్టి కేంద్రీకరించి ఉద్యోగావకాశాలు పెంచి మహిళా సాధికారతకు పెద్ద పీట వేయనున్నారు.
News July 12, 2024
ఉమ్మడి జిల్లాలో పదెకరాలలోపు ఉన్న రైతుల వివరాలు
పదెకరాల్లోపు భూమి ఉన్న రైతులకు రైతు భరోసా పథకంలో ఏటా ఎకరాకు రూ.15 వేల చొప్పున అందించాలనే అభిప్రాయాలు ఎక్కువగా వస్తుండడంతో నివేదికలు సిద్ధం చేస్తున్నారు. MBNR-2,19,500, NGKL-3,18,610, GDWL-1,72,457, NRPT-1,82,992, WNPT-1,82,073 మంది పదెకరాల్లోపు భూమి ఉన్న రైతులు ఉన్నారు. ఉమ్మడి జిల్లావ్యాప్తంగా పది ఎకరాల కంటే ఎక్కువ భూమి ఉన్న రైతుల పదిశాతం అంతకంటే తక్కువే ఉన్నట్లు వ్యవసాయ అధికారులు తెలిపారు.
News July 12, 2024
MBNR: గృహజ్యోతి పథకంలో లోపాలు సరి చేసేందుకు చర్యలు
రాష్ట్ర ప్రభుత్వం ఎంతో ప్రతిష్టాత్మకంగా చేపట్టిన గృహజ్యోతి పథకంలో నెలకొన్న లోపాలను సరి చేసేందుకు విద్యుత్ శాఖ అధికారులు ప్రత్యేకంగా దృష్టి సారించారు. 200 యూనిట్ల లోపు వినియోగించిన కొంతమంది వినియోగదారులకు జీరో బిల్లు రాలేదు దీంతో వారికి అధికారులు మరో అవకాశం ఇచ్చారు. USC నెంబర్ మార్చుకోవడానికి అధికారులు అవకాశం కల్పించారు. దీంతో ఉమ్మడి జిల్లా వ్యాప్తంగా విద్యుత్ వినియోగదారులకు మేలు జరగనుంది.
News July 12, 2024
WNP: మానసిక వికలాంగురాలిపై అత్యాచారం
వరనపర్తి మండలంలోని ఓ గ్రామానికి చెందిన మానసిక వికలాంగురాలు(14)పై గురువారం ఆత్యాచారం జరిగిందని సీఐ నాగభూషణం తెలిపారు. అదే గ్రామానికి చెందిన యువకుడు ఈ అఘాయిత్యానికి పాల్పాడ్డారని పేర్కొన్నారు. అతనిపై ఫోక్సో కేసు నమోదు చేశామన్నారు. నిందితుడు మద్యం మత్తులో ఉన్నట్లు గ్రామస్థులు గుర్తించి దేహశుద్ధి చేశారు. బాధితురాలి మేనమామ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు.
News July 12, 2024
MBNR: గ్రూప్-1 మెయిన్స్‌కు మైనార్టీ అభ్యర్థులకు శిక్షణ
రాష్ట్ర మైనార్టీ స్టడీ సర్కిల్, మైనార్టీ సంక్షేమ శాఖల సంయుక్త ఆధ్వర్యంలో టీజీపీఎస్సీ గ్రూప్-1 మెయిన్స్ కు ఉచిత శిక్షణ అందించనున్నట్లు జిల్లా ఇన్చార్జి మైనార్టీ సంక్షేమ శాఖ అధికారి ఆర్.ఇందిర తెలిపారు. హైదరాబాదులో నిర్వహించే ఉచిత శిక్షణకు ఆసక్తి, అర్హత గల మైనార్టీ అభ్యర్థులు ఈ నెల 19వ తేదీ లోపు రిజిస్ట్రేషన్ చేసుకోవాలన్నారు. మరిన్ని వివరాలకు ల్యాండ్ ఫోన్ నం. 040-23236112ను సంప్రదించాలని పేర్కొన్నారు
News July 12, 2024
MBNR: RTC కార్గో ఏజెంట్ల కోసం సంప్రదించండి!
ఉమ్మడి జిల్లాలోని ఆర్టీసీ లాజిస్టిక్ ఏజెంట్ల కోసం దరఖాస్తులు ఆహ్వానిస్తున్నట్లు ఏటీఎం రవీందర్ తెలిపారు. ఆసక్తిగల వారు నగర పరిధిలో రూ.5 వేలు,మండల,గ్రామపరిధిలో రూ.వెయ్యి చెల్లించి తీసుకోవాలని,మిగతా వివరాల కోసం పృథ్వీరాజ్ (GDWL,వనపర్తి)-9154298609, శ్రీనివాస్ (SDNR,కల్వకుర్తి)-91542 98615,రాజ్ కుమార్ (MBNR,నారాయణపేట) -91542 98613, శరత్ యాదవ్ (కొల్లాపూర్,NGKL,అచ్చంపేట)-91542 98611 సంప్రదించాలన్నారు.
Featured News
Sorry, no posts matched your criteria.